Fréttablaðið - 20.03.2009, Blaðsíða 11

FÖSTUDAGUR 20. mars 2009
■ Sendið
umboðsmanni
neytenda
ábendingar eða
sparnaðarráð
á neytendur@
frettabladid.is
DR. GUNNI
neytendur@
frettabladid.is
Helgarblaðið:
Bjarni Benediktsson í helgarviðtali
Snyrtir fætur útigangsmanna - Bergdís Þóra Jóns-
dóttir hlaut samfélagsverðlaunin
Frægustu Hollywood-slysin
Ferðalög:
48 tímar í Berlín – svölustu borg Evrópu
Heimili og hönnun:
Heimshornaflakkarinn Kolbrún Hjartardóttir safnar
sérkennilegum munum.
STJÓRNMÁL Almenningur getur kosið um einstök
mál á Alþingi, gefið þeim álit og einkunn á heima-
síðu Almannaþings sem hópur hugbúnaðarsérfræð-
inga hefur þróað. Að sögn Daða Ingólfssonar, eins
forsvarsmanna verkefnisins, kviknaði hugmyndin í
kjölfar efnahagshrunsins síðastliðið haust. Stjórn-
málaflokkarnir sýndu þá að þeir voru úr tengslum
við fólkið í landinu. Hugmyndin
um kerfi sem virkjaði íbúa lands-
ins í beinu lýðræði var því þróuð
af Daða og fleiri hugbúnaðar-
sérfræðingum.
Í stuttu máli má á vef Almanna-
þings fylgjast með Alþingi og
málum sem það hefur til umfjöll-
unar og greiða með þeim atkvæði
eða á móti, sömuleiðis má gefa ein-
stökum málum einkunn. Notendur
skrá sig inn á vefinn og verður í
framtíðinni hægt að gera það með rafrænum skil-
ríkjum. Hugmynd hópsins var upphaflega sú að
reyna að koma manni að á þing sem myndi vera
fulltrúi fólksins, og greiða atkvæði í samræmi við
niðurstöðu Almannaþings. Vegna þess hve knappur
tími er til kosninga verður sennilega ekki úr því en
Daði bendir á að alþingismenn muni geta fylgst með
niðurstöðum meðlima þingsins og notað þær til að
verða einhvers vísari um vilja þjóðarinnar.
Hugmyndafræðin á bak við síðuna verður kynnt í
dag á hádegisfundi Skýrslutæknifélagsins þar sem
fjallað er um ýmsar hliðar rafrænna kosninga. Slóð
síðu Almannaþings er beint.lydraedi.is, nánari upp-
lýsingar um fundinn er að finna á sky.is. - sbt
Hægt að greiða atkvæði um alþingisfrumvörp á netinu:
Allir geta tekið þátt í Almannaþingi
DAÐI INGÓLFSSON
Hilmari Sigurðarsyni,
smiði til fimmtíu ára,
blöskrar það þegar fólk
hendir penslum bara
vegna þess að þeir eru
skítugir. Hann er með
góða lausn. „Ég fann eitt-
hvað sem heitir Pensla-
sápa í Byko,“ segir hann.
„Umbúðirnar lofa öllu
fögru. Ég hélt að þetta
væri einhver auglýs-
ingabrella, en gaf því þó
tækifæri. Ég lét nokkra
skítuga og grjótharða pensla liggja í sáp-
unni í tvo sólarhringa og mér til mikillar
ánægju komu þeir upp úr þessu eins og
nýhreinsaðir hundar.
Það þurfti ekki nema
að skola af þeim með
volgu vatni og þá mátti
fara að nota þá aftur.
Þessi sápa er íslensk og
náttúruvæn, framleidd
af Undra í Reykjanesbæ.
Fólk er eflaust að dytta
að og mála úti um allt
land um þessar mund-
ir og það liggja penslar
undir skemmdum víða.
Ég mæli eindregið með
því að fólk verði sér út um þessa sápu því
það skilar sér margfalt. Penslar sem voru
haugamatur komast aftur í not.“
Neytendur: Mælt með Penslasápu
Haugamatur verður sem nýtt
ALÞINGI Á heimasíðu Almannaþings, lydraedi.is, getur fólk
kosið um einstök mál á Alþingi.