Fréttablaðið - 20.03.2009, Side 13

FÖSTUDAGUR 20. mars 2009 13
SÝNIKENNSLA FRÁ KL. 12-15
Stöðvar um alla búð þar sem margt spennandi
verður að sjá.
· Saumavél Diamond - útsaumur með garni - fatnaður
skreyttur
· Saumavél Sapphire - hvernig á að stytta buxur á
einfaldan hátt
· Overlockvél 905 - hvernig á að sauma einfaldan kjól.
Margar gerðir sýndar
· Grand quilter - fríhendis quiltering
· Þæfingarvél - hvað er hægt að búa til. Fatnaður
skreyttur og saumað í ull
· Saumavél 118 - leðursaumur - töskusaumur
· Saumavél Exp . 3 - hvað er hægt að gera í bútasaum.
· Saumavél CV - útsaumur - blúndusaumur
· Útsaumsforrit 4D - hvernig á að búa til útsaumsmynstur
frá grunni í tölvunni
Ragnheiður Valdimarsdóttir og Sigrún Haraldsdóttir sýna
bútasaumsteppi.
Nemendur úr fataiðnaðardeild Hönnunar- og handverksskólans
verða með sýnikennslu
SAUMAVÉLAHÁTÍÐ
FRÁBÆR FERMINGARTILBOÐ
LAUGARDAGINN 21. MARS, OPIÐ 11-16
HUSKYLOCK
905 20 stk.
Áður 89.900.-
Nú 74.900.-
EXPRESSION
3.0 30 stk.
Áður 169.900
.- Nú 129.900.-
EMERALD 11
8 60 stk.
Áður 54.900.-
Nú 44.900.-
25% afsláttur
af fylgihlutum
HÖNNUN „Við munum gæða Laugaveginn lífi,“
sagði Þórey Vilhjálmsdóttir, framkvæmda-
stjóri Hönnunarmiðstöðvarinnar, við kynningu
á HönnunarMars, hönnunardögum sem haldnir
verða 26. til 29, mars næstkomandi.
Innsetningar í tóm verslunarrými á Lauga-
veginum eru meðal þess sem bera mun fyrir
augun á dögunum. En auk þess verður hús-
gagnaverslunin Kúlan, sem starfaði í Reykja-
vík á sjöunda áratugnum og seldi nýstárlega
hönnun, endursköpuð í Listasafni Íslands, boðið
verður upp á forvitnilega fyrirlestra og Fata-
hönnuðafélag Íslands opnar stórsýningu svo
fátt eitt sé nefnt.
Mörg hundruð hönnuðir taka þátt í hátíðinni
og hefur ekki áður verið efnt til jafn umfangs-
mikilla hönnunardaga á Íslandi en það er sam-
eiginlegur samstarfsvettvangur íslenskra
hönnuða, Hönnunarmiðstöðin, sem stendur
fyrir HönnunarMars. Flestir viðburðir verða
í miðbænum en fjölmarg-
ir þó annars staðar á höfuð-
borgarsvæðinu auk þess sem
hátíðin teygir sig alla leið til
Hveragerðis.
Aðstandendur hátíðarinn-
ar vonast til þess að almenn-
ingur taki virkan þátt í
dagskránni og að hönnun-
ardagarnir verði innspýting
fyrir ferðamannaiðnaðinn
hér á landi, enda er mark-
miðið að þeir verði haldnir
árlega.
Ítarlega dagskrá hátíðarinnar er að finna á
síðunni www.honnunarmidstod.is.

Mörg hundruð hönnuðir taka þátt í umfangsmiklum hönnunardögum:
Hönnuðir ætla að gæða Laugaveginn lífi
KÚLAN Húsgagnaverslunin Kúlan var opnuð í Reykjavík
árið 1962 en hún hafði að markmiði að selja ódýr og
nýstárleg húsgögn og listmuni. Á myndinni má sjá tán-
ingahúsgögn eftir þá Magnús Pálsson og Dieter Roth
sem betur eru þekktir sem myndlistarmenn.
LJÓSMYNDASAFN REYKJAVÍKUR/ANDRÉS KOLBEINSSON
ÞÓREY
VILHJÁLMSDÓTTIR
DÓMSMÁL Tæplega þrítug kona
hefur verið dæmd í sex mánaða
fangelsi meðal annars fyrir
skjalafals og þjófnað.
Konan notaði í viðskiptum
sínum falsaða tékka úr stolnu
tékkhefti. Þá fór hún í félagi við
aðra konu í leyfisleysi inn í íbúð í
Engihjalla. Þar stal hún allhárri
peningaupphæð auk ýmissa verð-
mætra muna og tækjabúnaðar.
Enn fremur var hún dæmd
fyrir að hafa í vörslu sinni tals-
vert magn af góssi sem hún vissi
að hafði verið stolið, þar á meðal
safn bóka eftir Halldór Laxness
og safn Íslendingasagna.
Konan á sakaferil að baki. - jss
Tæplega þrítug kona dæmd:
Sex mánuðir
fyrir skjalafals
BOGOTA, AP Uppreisnarmenn í
Kólumbíu hafa sleppt sextíu og
níu ára gömlum Svía úr haldi
eftir hátt í tveggja ára gíslingu.
Erik Roland Larsson var síðasti
erlendi gíslinn sem vitað var til
að uppreisnarmennirnir hefðu í
haldi. Enn er þó talið að 22 inn-
lendir hermenn og lögreglumenn
séu í gíslingu.
Farið var með Larsson á spít-
ala en hann virðist hafa fengið
hjartaáfall í vist sinni hjá upp-
reisnarmönnunum. Reiknað er
með að hann geti farið aftur til
Svíþjóðar í næstu viku. Upphaf-
lega óskuðu uppreisnarmennirnir
eftir 600 milljóna króna lausn-
argjaldi en ekki er vitað til þess
að það hafi nokkurn tíma verið
borgað. - ams
Kólumbískir uppreisnarmenn:
Síðasta erlenda
gíslinum sleppt
SAMFÉLAGSMÁL Heimsgangan sem
nær yfir níutíu lönd var kynnt á
sérstökum fundi í Þjóðmenning-
arhúsinu í gær.
Lagt verður upp í þessa friðar-
göngu á Nýja-Sjálandi 2. október
næstkomandi og lýkur henni
þremur mánuðum síðar við
fjallsrætur Aconcagua sem ligg-
ur á landamærum Argentínu og
Chile. Tilgangurinn er að koma
á vitundarvakningu um frið um
heim allan.
Fjöldi manns mætti til að vekja
athygli á göngunni og var Ómar
Ragnarsson, fjölmiðlamaður
ásamt fleiru, þar á meðal. Hann
hafði samið lag að þessu tilefni
og tóku aðrir vel undir þegar
hann kenndi það. Á fundinum
var tilkynnt að Reykjanesbær
og Hafnarfjörður munu leggja
þessu átaki lið. - jse
Heimsgangan kynnt:
Samdi lag fyrir
heimsgönguna
ÓMAR Í FRIÐARSÖNG Ómar gerir sig
kláran fyrir sönginn. Við hlið hans er
Stefán Rafn Sigurbjörnsson.
FRÉTTABLAÐIÐ/VILHELM
Khatami hættir við framboð
Mohammed Khatami, fyrrverandi
forseti Írans og þekktasti fulltrúi
„umbótasinna“ þar í landi, hefur
ákveðið að hætta við að bjóða sig fram
gegn harðlínu-forsetanum Mahmoud
Ahmadinejad, í kosningum í júní.
Ráðgjafi Khatamis kvað ákvörðunina að
rekja til þess að Khatami vilji ekki dreifa
atkvæðum umbótasinna. Tveir aðrir
bjóða sig fram sem umbótasinnar.
ÍRAN