Fréttablaðið - 20.03.2009, Síða 22
22 20. mars 2009 FÖSTUDAGUR
greinar@frettabladid.is
FRÁ DEGI TIL DAGS
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Höskuldur Daði Magnússon (dægurmál) hdm@frettabladid.is
MENNING: Páll Baldvin Baldvinsson fulltrúi ritstjóra pbb@frettabladid.is VIÐSKIPTARITSTJÓRI: Óli Kr. Ármannsson olikr@markadurinn.is HELGAREFNI: Anna Margrét Björnsson amb@frettabladid.is og Sigríður Björg Tómasdóttir sigridur@frettabladid.is ALLT OG SÉRBLÖÐ: Emilía Örlygsdóttir emilia@frettabladid.is
og Roald Eyvindsson roald@frettabladid.is ÍÞRÓTTIR: Henry Birgir Gunnarsson henry@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
ÚTGÁFUFÉLAG: 365 miðlar ehf.
RITSTJÓRAR: Jón Kaldal jk@frettabladid.is og Þorsteinn Pálsson thorsteinn@frettabladid.is AÐSTOÐARRITSTJÓRI:
Steinunn Stefánsdóttir steinunn@frettabladid.is. Fréttablaðið kemur út í 103.000 eintökum og er dreift ókeypis á heimili
á höfuðborgarsvæðinu og Akureyri. Einnig er hægt að fá blaðið í völdum verslunum á landsbyggðinni. Fréttablaðið áskilur
sér rétt til að birta allt efni blaðsins í stafrænu formi og í gagnabönkum án endurgjalds. Issn 1670-3871
SPOTTIÐ
V
ið verðum að taka lífeyrissjóðakerfið til endurskoðunar.
Afkoma lífeyrissjóðanna eftir hrunið sýnir að í fjárfest-
ingum þeirra var leitað helst til langt í fjárfestingum,
ekki aðeins í fjármálastofnunum þar sem þeir eru að
tapa verulegum fjármunum eigenda sinna, heldur líka
með þátttöku þeirra í fjármögnun fyrirtækja. Skömmu eftir hrun-
ið höfðu forráðamenn lífeyrissjóða stór orð um að flytja fjárfest-
ingar sínar úti í löndum til Íslands. Með fallandi mörkuðum um
allan heim má gera því skóna að þar hafi stefna þeirra líka laskast.
Innanlands hafa þeir ekki sætt mikilli gagnrýni enda eru lífeyris-
sjóðir landsmanna illu heilli lokaðar stofnanir, hafa um langt skeið
verið í höndum þröngs hóps miðaldra karlmanna, og sjóðfélagar
hafa ekki haft nema takmarkaðan aðgang að gerðum þeirra. Þeir
eru nánast eins og ríki í ríkinu.
Lífeyrissjóðirnir eru of margir, rekstrarkostnaður þeirra of hár.
Laun þar hafa verið fjarri öllum sæmandi mörkum og þótt stjórn-
endur þeirra hafi sætt launalækkunum er það ekki nóg. Útlána-
stefna þeirra til lífeyrissjóðsfélaga hefur sætt málefnalegri gagn-
rýni en lítið hefur farið fyrir vörnum eða svörum. Það ber því allt
að sama brunni: kerfið verður að skoða og stokka það upp á nýtt.
Stjórnir lífeyrissjóða eru í flestum tilvikum skipaðar fulltrúum
launþega, sjóðsfélaganna, og atvinnurekenda sem hafa heimtað
þar sæti sitt í ljósi þess að launagreiðendur eiga samningsbundna
skyldu um greiðslur fyrir launþega í sjóðina. Það er óskynsamlegt
vald og lyktar af forræðishyggju atvinnurekenda fyrir hinum raun-
verulegu eigendum sjóðanna: Vinnandi menn – almúginn – hefur
ekki vit á peningum: „Við“ – atvinnurekendur – höfum fyrirhyggju
og þekkingu á fjármálum. Sem hefur illilega sannast að er ekki
raunin. Atvinnurekendur í landinu eru með skítinn upp á bak, hafa
keyrt fyrirtækin í offjárfestingar, sogið þau eigin fé og veikt þau
úr hófi. Breyta verður stjórnum lífeyrissjóðanna og færa allt vald
yfir þeim í hendur eigenda. Atvinnurekendur geta slegist um sæti
í skemmtiklúbbnum Verslunarráði.
Hugsa verður fjárfestingarstefnu sjóðanna upp á nýtt nú þegar
fjármagnskerfinu er þrotinn kraftur og endurfjármögnun þess á
að verða með skattheimtu á almenningi, fyrst kerfið má ekki fara í
gjaldþrot. Hér verður sú stefna að lúta að því að byggja upp að nýju
atvinnurekstur, styrkja samgöngur sem vit er í, byggja upp innviði
samfélagsins. Sjóðina verður að setja undir fáa hatta, auka gegnsæi
í starfsemi þeirra og lýðræði í stjórnun, endurskoða regluverkið svo
þeir megi nýtast eigendum sínum best. Fjárfestingarstefna verður
að vera skýr og sjóðsfélagar að eiga greiðan aðgang að rökstuðningi
og ákvörðunum á hverjum tíma sem nýjar stjórnir verða að útskýra
fyrir opnum tjöldum. Skiptir þá engu þó þeir séu í samkeppni sem
til þessa hefur verið lítil gagnvart sjóðsfélögum og raunar er allt
gert til að hindra flutninga réttinda milli sjóða.
Í eina tíð heimtuðu menn lífeyrissjóð fyrir alla landsmenn.
Hrunið gerir okkur skylt að taka alvarlega til endurskoðunar alla
lífeyrissjóði landsmanna og koma þeim betur fyrir svo þeir geti
sinnt sínu mikilvæga hlutverki í okkar fjárnauma og skuldsetta
samfélagi.
Hver skal gæta sjóðsins?
Lífeyrissjóði til
eigenda sinna
PÁLL BALDVIN BALDVINSSON SKRIFAR
Omeprazol Actavis
- öflugt lyf við brjóstsviða og súru bakflæði
Notkunarsvið: Omeprazol Actavis inniheldur ómeprazól sem hemur seytingu á magasýru. Omeprazol Actavis er notað við
tilfallandi brjóstsviða og súru bakflæði. Frábendingar: Ofnæmi fyrir innihaldsefnum, samtímis notkun lyfja sem innihalda
claritrómýcín hjá sjúklingum með skerta lifrarstarfsemi, samtímis notkun lyfja sem innihalda atazanavír. Varúð: Gæta skal
sérstakrar varúðar: Ef verulegt og óvænt þyngdartap verður, við endurtekin uppköst, ef erfiðleikar eru við að kyngja, við
blóðuppköst eða blóð í hægðum, ef lifrar- eða nýrnastarfsemi er skert. Börn og unglingar undir 18 ára aldri eiga ekki að nota
lyfið nema að ráði læknis. Omeprazol Actavis inniheldur súkrósa. Meðganga/brjóstagjöf: Leitið ráða hjá lækni áður en lyfið
er notað. Akstur og notkun véla: Aukaverkanir, svo sem þreyta, svimi og sjón- og heyrnartruflanir, geta komið fram og geta
haft áhrif á hæfni til aksturs eða notkunar véla. Aukaverkanir: Algengar aukaverkanir eru niðurgangur, hægðatregða,
vindgangur, ógleði, uppköst, svefntruflanir, sundl, höfuðverkur eða þreyta. Þessar aukaverkanir verða yfirleitt vægari við
áframhaldandi meðferð. Skammtastærðir: Fullorðnir: 1 sýruþolið hylki eftir þörfum. Ekki má nota meira en 20 mg á
sólarhring. Ef einkennin hverfa ekki eftir að Omeprazol Actavis hefur verið notað í 14 daga skal hafa samband við lækninn
vegna þess að einkennin gætu verið af öðrum orsökum. Gleypa á sýruþolnu hylkin með glasi
af vökva. Sýruþolnu hylkin ætti að taka fyrir máltíð (t.d. morgunmat eða kvöldmat) eða á
fastandi maga. Hvorki má tyggja né mylja sýruþolnu hylkin. Lesið vandlega leiðbeiningar sem
fylgja lyfinu. Geymið lyfið þar sem börn hvorki ná til né sjá. Janúar 2009.
A
Af litlum neista…
20 mg, 28 stk. – fáanlegt án lyfseðils í næsta apóteki
Nýttmagalyfán lyfseðils
UMRÆÐAN
Þorgerður Katrín Gunnarsdóttir skrifar
um ríkisstjórnina
Það er ekki sérlega mikið í tísku að líta björtum augum til framtíðarinnar, allt
að því að maður sé litinn hornauga ef talað
er um þau tækifæri sem gefast á erfiðum
tímum. Þau eru nefnilega mýmörg ef rétt
er á málum haldið. En að fortíð skal hyggja
er framtíð skal byggja. Við Sjálfstæðis-
menn endurmetum nú fortíðina á opinská-
an og heiðarlegan hátt. Það er nauðsynlegt svo hægt
verði að skapa traust bæði innan og utan flokksins.
Ég held að flestir átti sig á hvað betur mátti fara. Má
nefna þröngt eignarhald á bönkum við einkavæð-
ingu, lítið gegnsæi, áhættusækni, eftirliti var ábóta-
vant og fleira. Þetta er margrætt og verður áfram.
Færri hafa viljað ræða um þær pólitísku ákvarð-
anir fortíðarinnar sem þó hafa leitt til þess að við-
spyrna okkar Íslendinga er meiri en ella hefði verið.
Þegar hinn Svein Harald Oygard tók við embætti
seðlabankastjóra þá tiltók hann þrjá þætti er gæfu
tilefni til bjartsýni. Í fyrsta lagi sagði hann ríkissjóð
hafa verið rekinn með afgangi fyrir hrun bankanna.
Þetta er ekki sjálfgefið. Við skulum ekki gleyma
því að það voru pólitískar ákvarðanir sem leiddu til
þess að farið var að greiða niður skuldir og lán ríkis-
sjóðs. Voru þó ýmsir góðkunningjar sem vildu allt til
þess gera að setja fjármagnið í ýmis „góð“ mál í stað
niðurgreiðslu skulda.
Í annan stað nefndi hinn nýi seðlabankastjóri vel
menntað fólk. Ég tek undir það. Við settum okkur
t.a.m. það nauðsynlega takmark að fjölga
nemendum á háskólastigi og efla rannsókn-
ir. Það tókst. Samspil einkarekstrar og opin-
bers rekstrar í skólamálum var aukið án
þess að ógna jöfnum tækifærum til náms.
Það stuðlaði að aukinni skólasókn og fleiri
valmöguleikum á háskólastigi en áður höfðu
sést. Einnig voru settar fram auknar kröfur
um gæði náms og rannsókna en slíkar kröf-
ur efla samkeppnishæfni okkar á alþjóða-
vísu. Þetta voru pólitískar ákvarðanir
teknar undir forystu Sjálfstæðismanna.
Í þriðja lagi gat hinn norski seðlabanka-
stjóri Íslands þess að hér væri vinnusamt og dug-
legt fólk. Það er rétt. Hér er fólk sem hefur stuðlað
að uppbyggingu öflugra atvinnuvega hvort sem er
á sviði rannsókna, nýsköpunar, iðnaðar, menningar,
landbúnaðar, sjávarútvegs eða ferðaþjónustu. Hér
er fólk sem vill horfa fram á atvinnutækifæri og
að unnið sé að því að verja þau störf sem fyrir eru
í landinu. Þrátt fyrir allt sem á undan er gengið,
hverjum sem um er að kenna, þá þarf nú að taka
ákvarðanir, réttar ákvarðanir. Þess vegna höfum
við ekki efni á hræðslu við að taka á nauðsynlegri
hagræðingu í ríkisrekstri og ákvörðunum um skyn-
samlega nýtingu orkuauðlinda. Svo ekki sé minnst á
peningamálastefnuna.
Í ljósi þróunar síðustu vikna er raunveruleg hætta
á að hinar vinnufúsu hendur standi frammi fyrir
þeim bráðavanda að hér er biðstofuríkisstjórn. Að
hér er komin vinstri ríkisstjórn sem verður bara á
gamalkunnugu rauðu ljósi. Á mæltu máli þýðir það
stöðnun.
Höfundur er varaformaður Sjálfstæðisflokksins.
Ríkisstjórn biðstöðunnar
ÞORGERÐUR
KATRÍN
GUNNARSDÓTTIR
Hinum megin línunnar
Mismikil kæti ríkir hjá landsfundar-
fulltrúum Vinstri grænna með val á
fundarstað. Þykir nokkrum sem Hótel
Hilton hæfi ekki róttækum grasrótar-
flokki, í hverjum allt vald á að koma
að neðan. Þeim sem stóðu hinum
megin gula lögregluborðans þegar
Nató hélt fund sinn á hótelinu fyrir
skemmstu þykir enn minna koma til
staðsetningarinnar.
Rifja þeir upp að Vinstri græn
hótuðu að sniðganga Hótel
Sögu vegna fyrirhugaðrar klám-
ráðstefnu og einnig kom ekki til
greina að vera með kosninga-
miðstöð í húsi kenndu
við fjölþjóðafyrirtækið
GAP. Þykir sumum hið sama eiga að
gilda um Nató.
Kynjuð hagstjórn
Steingrímur J. Sigfússon fjármála-
ráðherra rær nú að því öllum árum
að hér muni kynjuð hagstjórn líta
dagsins ljós áður en langt um líður.
Verkefnisstjórn mun hafa þann starfa
að vinna að stefnumótun og
undirbúningi slíkrar hag-
stjórnar. Þessu hefur
Ásta R. Jóhannesdóttir,
félags- og trygginga-
málaráðherra, fagnað
eins og eflaust
margir fleiri.
En það
er líka
eins gott að þetta heppnist því
annars verður blaðinu eflaust snúið
við og úrkynjaðri hagstjórn komið á
koppinn.
Jóhanna í formanninn
Jóhanna Sigurðardóttir hefur nú
ákveðið að taka slaginn eftir meðbyr
mikinn sem feykt hefur henni í
formannsframboð. Eftir að það
varð ljóst sendi Dagur B. Egg-
ertsson frá sér yfirlýsingu þar
sem hann fagnar ákvörðun
Jóhönnu. Þar með rættust
spádómar margra um að
tími Jóhönnu kæmi einn
daginn.
kolbeinn@frettabladid.is,
jse@frettabladid.is