Fréttablaðið - 20.03.2009, Page 54

34 20. mars 2009 FÖSTUDAGUR
folk@frettabladid.is
„Við verðum örugglega með rauðan
dregil,“ segir Þór Elís Pálsson, leikstjóri
heimildarmyndarinnar Gott silfur gulli
betra sem verður forsýnd í Kringlubíói
í kvöld.
Þar verður mikið um dýrðir því
íslenska handboltalandsliðið sem vann
B-heimsmeistarakeppnina fyrir tuttugu
árum mætir á staðinn ásamt landslið-
inu sem keppir við Eista á sunnudaginn
í undankeppni EM. Væntanlega verður
því glatt á hjalla þegar handboltakapp-
arnir fræknu bera saman bækur sínar
og rifja upp skemmtilegar stundir.
Myndin fjallar um frækilega
frammistöðu silfurdrengjanna á Ólymp-
íuleikunum í sumar og er þetta fyrsta
heimildarmynd Þórs um íþróttir. „Ég hef
alltaf fylgst með handboltanum. Hann
hefur alltaf verið mín uppáhaldsbolta-
íþrótt,“ segir hann.
„Myndin spannar
allt árið 2008, frá
því að þeir byrja á EM í Noregi og þau
leiðindi sem urðu þar og svo framhald-
ið. Þessi saga hefur bæði toppa og dali en
hún endar mjög vel.“
Hann ákvað að gera myndina eftir
að hinn glæsilegi árangur í Kína var í
höfn. Vann hann myndina í samvinnu við
RÚV, ÍSÍ og HSÍ. „Tilgangurinn með
myndinni er fyrst og fremst að kynn-
ast strákunum og hvernig þeir upp-
lifðu þetta. Við tökum viðtöl við alla
strákana og starfsfólkið í kringum
þá sem heldur þeim gangandi. Þetta
er skemmtileg mynd og jákvæð, sem
er ekki vanþörf á í dag.“
Valgeir Guðjónsson, höfund-
ur handboltaslagarans
Við gerum okkar besta,
samdi alla tónlistina í
myndinni. - fb
B-meistarar hitta silfurdrengi
SILFURDRENGIRNIR Kristján Arason
verður væntanlega viðstaddur forsýn-
ingu á Gott silfur gulli betra.
„Mér fannst þessar greinar í bæði Portfolio og Van-
ity Fair algjörlega út í hött og ákvað að svara þeim,“
segir Jonas Moody, bandarískur blaðamaður sem
búsettur er á Íslandi.
Jonas sendir hinum virta Michael Lewis tóninn
í grein sem birtist í New York Magazine fyrir
skömmu og telur upp átta vitleysur sem Lewis skrif-
ar sem staðreyndir í grein sinni fyrir Vanity Fair.
Grein Lewis vakti mikla athygli þegar hún kom
út fyrr í þessum mánuði og mörgum þótti blaða-
maðurinn skauta nokkuð létt yfir svellið. „Þessum
Lewis virðist eitthvað uppsigað við íslenska karl-
menn, hann lendir í einhverjum leiðindum í flug-
vélinni á leiðinni hingað og endar á því að vera
kvikindislegur í garð þeirra og kennir þeim alfarið
um kreppuna,“ segir Moody sem sjálfur er giftur
íslenskum manni. Lewis gangi jafnvel svo langt að
segja íslenska karlmenn óaðlaðandi í augum kven-
kynsins og það sé meðal annars ein af ástæðum
kreppunnar.
Moody telur upp átta atriði í grein Lewis sem
hann segir að ekki eigi við rök að styðjast. Þannig
séu bílasprengjur og skíðlogandi Range Roverar
ekki daglegt brauð í Reykjavík, Íslendingar séu ekki
úrkynjaðasta þjóð heims heldur hafi einfaldlega
haldið vel utan um ætterni sitt og að ekki sé til álfa-
ráð á vegum ríkisstjórnarinnar. „Ekki nema Lewis
haldi að við förum með Hogwart-hraðlestinni í vinn-
una á morgnana,“ skrifar Moody.
Og töluvert af athugasemdum hafa birst við
grein Moodys á vef New York Magazine. Einum
Íslendingnum sárnaði töluvert þegar hann las grein
Lewis í Vanity Fair. „Ég hef aldrei orðið eins móðg-
aður og þegar ég sá blaðið,” segir viðkomandi.
Annar bætir því við að hann hafi ekki trúað sínum
eigin augum þegar hann sá Lewis lýsa Íslendingum
sem einsleitum. „Ég hef komið til Reykjavíkur og
þar eru ljóshærðar, fallegar konur á hverju strái,
mér leið eins og ég væri í Stokkhólmi.“ Bandaríkja-
maður blandar sér í umræðuna og segir að ef banda-
ríska þjóðin væri alltaf að leiðrétta alla vit leysuna
sem skrifuð er um hana hefði hún fátt annað að gera
en að skrifa greinar eins og Moody. - fgg
Íslandsgrein Vanity Fair út í hött
ÓSÁTTUR Jonas Moody er ósáttur við grein Michaels Lewis í
Vanity Fair og sendir honum tóninn í grein sem birtist í New
York Magazine.
Auður Tinna Aðalbjarnar-
dóttir hefur vakið eftirtekt
í liði MH í Gettu betur. Hún
er eina stúlkan sem eftir er
í keppninni og gæti orðið
sú fyrsta frá upphafi til að
vera í sigurliði.
„Þetta er alveg ótrúlega skemmti-
legt. Ég held að fólk geri sér bara
ekki grein fyrir því hvað þetta er
skemmtilegt,“ segir Auður Tinna
Aðalbjarnardóttir, liðsmaður
Gettu betur-liðs MH sem keppir
í undanúrslitum spurningakeppni
framhaldsskólanna á laugardag-
inn. MH dróst á móti grönnum
sínum í Verslunarskóla Íslands
og má fastlega búast við hörðum
slag í sjónvarpssal. Stífar æfing-
ar standa nú yfir og Auður viður-
kennir að þátttaka í Gettu betur sé
svolítið tímafrek. „Ef maður ætlar
að æfa sig vel fyrir keppnina, já,
þá er hún það. Annars fer mestur
tíminn í að lesa sér til fróðleiks en
ekki æfingarnar sjálfar.“
Mikla athygli vakti í átta liða
úrslitunum að MH-ingar mættu í
sjónvarpssal klæddir í efnafræði-
sloppa. Auður segir að næsti bún-
ingur verði kannski ekki alveg
jafn einsleitur en þau hafi þó sam-
ráð um flíkurnar.
Auður er eina stelpan sem eftir
er í keppninni og ef lið MH fer alla
leið getur hún orðið fyrsta konan í
sögu spurningakeppninnar sem fer
með sigur af hólmi. „Ég hef alltaf
litið upp til MH hvað þetta varð-
ar því undanfarin tólf ár hefur
alltaf verið stelpa í liðinu þeirra
nema í fyrra,“ segir Auður. Auk
þess er hún eini fyrsta árs nem-
inn í liðunum fjórum en hún seg-
ist ekki vera neitt sérstaklega
stressuð þrátt fyrir ungan aldur.
„Þetta venst. Ég var smá stressuð
fyrst en svo rjátlast þetta bara af
manni.“ Þrátt fyrir reynsluleysi á
framhaldsskólastigi ætti Auður að
koma með dýrmæta sigurhefð frá
spurningakeppni grunnskólanna
enda var hún í sigurliði Hagaskóla
í þeirri keppni á síðasta ári.
Auður segist hafa horft á Gettu
betur frá barnsaldri og hún
hafi alltaf haft gaman af því að
leggja fánýtan fróðleik á minnið.
„Mamma sagði stundum við mig
að ég ætti örugglega eftir að enda
í Gettu betur en ég trúði því aldrei.
Það var ekki fyrr en í 10. bekk að
ég sá að þetta gæti verið raunhæf-
ur möguleiki.“ Auður fór í gegnum
árleg inntökupróf sem haldin eru á
haustin í MH en sex efstu eru síðan
metnir inn í liðið. Auður vill hins
vegar ekki gefa upp hvert sé henn-
ar sérsvið, fólk ætti hins vegar að
koma auga á það þegar það horfir
á þáttinn. freyrgigja@frettabladid.is
Undrabarnið í Gettu betur
HORFÐI ALLTAF Á GETTU BETUR Auður Tinna segist hafa horft á Gettu betur frá unga
aldri og mamma hennar hafi spáð því að hún myndi örugglega sóma sér vel í þeirri
keppni. FRÉTTABLAÐIÐ/ANTON
> MÁ EKKI GIFTA SIG
Foreldrar Kelly Osbourne hafa
bannað henni að giftast unnusta
sínum, Luke Worrall, næstu
fimm árin. Kelly er nýkomin úr
þriðju meðferð sinni við áfengis-
og eiturlyfjafíkn og þarf að taka
sig saman í andlitinu að mati for-
eldranna. „Hvorugt þeirra er til-
búið í hjónaband,“ segir Sharon
Osbourne og bóndi hennar,
rokkarinn Ozzy, er innilega sam-
mála.
A
u
g
lý
si
n
g
a
sí
m
i
– Mest lesið