Morgunblaðið - 22.02.2006, Side 8

Þá er nú bara að velja. Ella mella kúa della, Ólavía stopp úr.
8 MIÐVIKUDAGUR 22. FEBRÚAR 2006 MORGUNBLAÐIÐ
FRÉTTIR
Ásókn í iðnnám hefuraukist talsvert síð-ustu árin og við-
horf til þess er orðið mun
jákvæðara en það var á
tímabili á árum áður. Sér-
staklega hefur áhugi á
byggingagreinum aukist
allra síðustu árin og er það
einkum rakið til þess upp-
gangs sem verið hefur í
þeim greinum atvinnulífs-
ins að undanförnu.
Sveinn Hannesson,
framkvæmdastjóri Sam-
taka iðnaðarins, segir að
burtfararprófum í starfsnámi hafi
fjölgað talsvert undanfarin ár og
heldur meira en stúdentsprófum,
sem þeir telji afskaplega jákvæða
þróun. Hins vegar hafi sveinspróf-
um fækkað, enda sé fólk að læra
ýmislegt annað en löggiltar iðn-
greinar, eins og hönnun, margmiðl-
un og slíka hluti. Þá sjái þeir þess
merki að vaxandi fjöldi stúdenta
leggi fyrir sig iðnnám. Fólk komi
eldra og þroskaðra inn í námið og
sé tilbúið til að leggja sig fram við
það.
Sveinn sagði að það hefði einnig
orðið greinileg breyting á viðhorfi
til iðnnáms meðal almennings og
yngra fólks. Bóknám hefði lengi
verið hærra metið en iðnnámið, eins
sérkennilegt og það nú væri í ljós
mikilvægis iðnmenntunar og iðn-
lærðs fólks í samfélaginu, en þetta
viðhorf væri að breytast.
Sveinn bætti því við að Samtök
iðnaðarins teldu að leggja þyrfti
einkum áherslu á tvennt nú til að
mæta þörfum iðnnámsins og þess-
um áhuga. Annars vegar þyrfti að
leggja aukna áherslu á nám á
vinnustöðum og hver bæri ábyrgð
á því, bæði faglega og fjárhags-
lega.
Í mörgum greinum háttaði
þannig til að það væru til þess að
gera fá fyrirtæki sem gætu tekið
nema, meðal annars vegna véla-
kosts og slíkra hluta, auk þess sem
starfskraftur nema nýttist ekki
nema að takmörkuðu leyti í mjög
mörgum tilvikum nú á tímum.
Þetta gamla samband lærlings og
meistara sem við þekktum heyrði
þannig meira og minna sögunni til
og við því þyrfti að bregðast.
Þörfin fyrir alvöru vinnustaða-
nám væri vaxandi og koma þyrfti
upp svipuðu fyrirkomulagi hér á
landi og væri við lýði í Danmörku
til dæmis, þar sem fyrirtæki
fengju hreinlega greitt fyrir það að
taka nema upp á sína arma. Það
væri þá sameiginlegt mál atvinnu-
lífsins að fjármagna námið og um
leið að gera kröfur til þeirra fyr-
irtækja sem tækju að sér nemana.
Hins vegar væri það skortur á
góðu námsefni í iðn- og verknámi,
sem Samtök iðnaðarins teldu að
bæta þyrfti úr. Það væri ekki nógu
skýrt hver bæri ábyrgð á því að
nægilega gott námsefni væri til
staðar í þeim efnum. Stjórn Sam-
taka iðnaðarins hefði ákveðið að
gera átak hvað þetta snerti á
næstu árum og leggja talsverða
fjármuni í námsefnisgerð fyrir iðn-
og verknám og vildi fá aðra í lið
með sér, bæði félög, fyrirtæki og
stjórnvöld. Samtök iðnaðarins
væru tilbúin til þess að fjármagna
svona verkefni, allt að hálfu, gegn
því skilyrði að aðrir aðilar kæmu
með fjármuni á móti.
Baldur Gíslason, skólameistari
Iðnskólans í Reykjavík, segir að
sókn í skólann sé mjög góð, en dálít-
ið mismunandi eftir iðngreinum.
Það sé til dæmis greinilegt að ásókn
í iðn- og verknám sé svolítið tengt
sveiflum í þjóðfélaginu. Þannig hafi
síðustu eitt til tvö árin verið gríð-
arlega mikil aðsókn í byggingar-
greinar, sem sé væntanlega tengt
þeim miklu umsvifum sem verið
hafi í þeim greinum. Sama gildi um
rafmagnsgreinar, en í þær sé stöð-
ugt mikil ásókn. Þá væri nú fín að-
sókn að múrverki, sem menn hefðu
óttast á tímabili að væri að deyja út.
Þar væru stórir hópar í námi nú.
„Þessar gömlu iðngreinar halda
fyllilega velli og heldur bæta við sig.
Síðan eru aðrar greinar sem hafa
átt undir högg að sækja lengi, eins
og málmiðnaðurinn og þar er vandi
fyrir hendi. Þar eru alltof fáir sem
sækja um.“
Baldur sagði að þessi þróun væri
synd þar sem þessar málmiðnaðar-
greinar margar hverjar væru í raun
og veru að verða hátæknigreinar.
Það gilti um margt í vélvirkjun og
rennsmíði, sem væru undirstöð-
ugreinar í fyrirtækjum eins og Öss-
uri og Marel, þar sem um hátækni-
málmiðnað væri að ræða.
Baldur sagði aðspurður að nám í
iðngreinum hefði á liðnum árum
færst meira inn í skólana almennt
talað og meistaranámið fremur lát-
ið undan síga þó það væri mismun-
andi eftir greinum. Þetta væri
greinilega þróunin og hann teldi
það jákvæða þróun. Nú væru um
1.520 nemendur í dagskóla Iðnskól-
ans, 350 til viðbótar væru í kvöld-
skóla og um 150 nemendur í fjar-
námi, þannig að samanlagt væru í
skólanum nú á vorönn hátt í 2.100
nemendur.
„Ég myndi vilja sjá veg iðnnáms-
ins meiri og jafnari stöðu þess og
stúdentsprófsins frá upphafi.
Menntakerfið á í raun að leggja
þetta hvort tveggja nokkuð að
jöfnu, þannig að iðn- og starfsnám
sé metið meira til jafns við annað
nám,“ sagði Baldur.
Þótt aðsókn að iðnnámi hafi auk-
ist síðustu árin telja Samtök iðn-
aðarins að það dugi ekki til þess að
mæta nema um 70% af mannafla-
þörfinni í iðnaði á næstum árum.
Fréttaskýring | Iðn- og verknám
Aukin aðsókn
er í iðnnám
Aðsókn í nám í byggingargreinum hefur
aukist mikið síðustu árin
Iðn- og starfsnám hefur sótt í sig veðrið.
Ráðstefna haldin í dag á
menntadegi iðnaðarins

Menntadagur iðnaðarins er í
dag og af því tilefni standa Sam-
tök iðnaðarins fyrir málþingi um
iðn- og starfsmenntun í Versöl-
um við Hallveigarstíg þar sem
fjallað verður um iðnnám, náms-
efnisgerð og kynningu á iðn- og
starfsnámi. Ráðstefnan hefst
klukkan 9.30 og eru fyrirlesarar
frá atvinnulífinu, skólum og
menntamálaráðuneyti, en
menntamálaráðherra mun
ávarpa ráðstefnuna.
Eftir Hjálmar Jónsson
hjalmar@mbl.is
RAGNHILDUR STEINUNN JÓNSDÓTTIR
Dagskrárgerðarkona
Stuðningsaðilar:
Rækileg kynning á námsframboði háskólanna sjö en í boði
eru 98 námsleiðir allt frá viðskiptalögfræði, listnámi,
hrossarækt, fjölmiðlafræði og landslagsarkitektúr að sálfræði,
kennaranámi, hagfræði, iðjuþjálfun og svo mætti lengi telja.
Einnig verður veitt ráðgjöf um ýmislegt s.s. nám erlendis,
stúdentaíbúðir, námslán o.fl.
Ekki taka stærstu ákvörðun ævi þinnar án þess að kynna
þér málin vel.
Háskólinn á Akureyri
Háskólinn í Reykjavík
Hólaskóli - Háskólinn á Hólum
Kennaraháskóli Íslands
Landbúnaðarháskóli Íslands
Listaháskóli Íslands
Viðskiptaháskólinn á Bifröst
Kynntu þér starfsemi háskólanna
á Stóra háskóladeginum
í Borgarleikhúsinu laugardaginn
25. febrúar, kl. 11-17
STÓRI
HÁSKÓLADAGURINN