Morgunblaðið - 22.02.2006, Qupperneq 28

28 MIÐVIKUDAGUR 22. FEBRÚAR 2006 MORGUNBLAÐIÐ
UMRÆÐAN
Sverrir Kristinsson, löggiltur fasteignasali
Fellsás - Frábært útsýni
Einbýlishús á miklum útsýnisstað í Mos-
fellsbæ. Húsið stendur ofarlega í Ása-
hverfinu. Húsið skiptist á þrjá palla og er
skipting sem hér segir, fimm svefnher-
bergi, þrjár stofur, eldhús, baðherbergi,
gestasnyrting, þvottahús og bílskúr.
V. 55,0 m. 5412
Leiðhamrar - Frábær staðsetning
Stórglæsilegt og vel skipulagt 281 fm
einbýlishús, staðsett innst í botnlanga á
frábærum útsýnisstað við óbyggt svæði.
Húsið er á tveimur hæðum með inn-
byggðum tvöföldum 61 fm bílskúr. Stór
afgirt verönd með heitum potti og svöl-
um meðfram húsinu. 4-5 svefnherbergi,
vandaðar innréttingar, háalofthæð og
stórar og bjartar stofur. V. 80,0 m. 5616
Kristnibraut
Glæsileg 3ja herb. íbúð á jarðhæð í litlu
fjölbýlishúsi í Grafarholti. 6 íbúðir eru í
stigagangi. Íbúðin skiptist þannig: Stofa,
eldhús, baðherbergi, tvö herbergi,
þvottahús og forstofa. Vönduð, björt og
vel umgengin íbúð í litlu fjölbýlishúsi á
besta stað í Grafarholtinu. V. 23,5 m.
4793
Skólabraut - Með glæsilegu útsýni
Falleg efri sérhæð og ris ásamt bílskúr.
Hæðin skiptist í forstofu, hol, stofu, 3
stór herbergi, eldhús, þvottahús og bað-
herbergi. Risið er eitt mjög stórt rými
með geymsluplássi undir súðinni.
V. 37 m. 5561
Freyjugata - Frábær staðsetning
Í einu af glæsilegu húsunum í Þingholt-
unum er til sölu 4ra herbergja miðhæð í
þríbýlishúsi. Eignin skiptist í gang, stofu,
borðstofu, eldhús, baðherbergi og tvö
herbergi. Geymsla undir stiga. Stór og
gróinn lóð með fallegum trjám. Falleg
eign. Sérbílastæði á lóð. V. 29,0 m. 5632
Öldugata
Falleg, björt 82 fm 4ra-5 herbergja ris-
íbúð með svölum og fallegu útsýni.
Eignin skiptist í gang, baðherbergi,
svefnherbergi, eldhús með borðkrók,
borðstofu og dagstofu, stórt herbergi
(voru áður tvö herbergi). Góð íbúð í
vesturbænum. V. 22,7 m. 5625
Frostafold - M. bílageymslu
3ja herb. 96 fm björt og falleg íbúð á 2.
hæð með sérinngang af svölum og stæði
í bílageymslu. Fallegt útsýni. V. 18,5 m.
5628
Bröndukvísl - Hús á einni hæð
Mjög fallegt 233,5 fm einlyft einbýlishús í
Kvíslunum í Árbænum með stórri og
grónni lóð. Eignin skiptist í forstofu,
snyrtingu, hol, stofu, betri stofu, eldhús,
geymslu, baðherbergi og fjögur herbergi.
Milliloft hjá holinu. Garðurinn er með
hellulagðri verönd, heitum potti og
sturtuaðstöðu. Garðurinn er afgirtur með
hárri girðingu. V. 48,0 m. 5538
Straumsalir - Glæsileg
Mjög 120 fm falleg íbúð á 1. hæð (jarð-
hæð). Íbúðin skiptist í: Forstofu,
barnaherb., stofur, sjónvarpshol,eldhús
með borðkrók, gangur, geymsla, þvotta-
herbergi innaf geymslu, barnaherb.,
hjónaherbergi og baðherbergi. Í sameign
er sameiginleg hjólageymsla. Stutt er í
alla helstu þjónustu. 5623
Bragagata
Glæsileg 2ja herbergja íbúð með sérinn-
gangi í Þingholtunum. Eignin skiptist í
hol, stofu/borðstofu, eldhús, baðherbergi
og herbergi. Húsið er nýlega viðgert að
utan, þak yfirfarið og skipt um glugga og
gler. Rafmagn hefur verið endurnýjað.
Sérgeymsla í garði. Húsið lítur mjög vel
út að utan. 5554
ÁFORM menntamálaráðherra um
það sem ég hef tamið mér að kalla
„skerðingu náms til
stúdentsprófs“ en ráð-
herrann kallar „stytt-
ingu náms“ hafa vakið
mikla ólgu í samfélag-
inu. Meiri en slík kerf-
isbreyting hefði þurft
að gera, hefði mark-
miðið fyrst og fremst
verið að lækka útskrift-
araldur stúdenta. Um
það sýnist sitt hverjum
en ólguna vegna máls-
ins má um margt rekja
til þeirrar staðreyndar
að ekki lánaðist að fá
fólk til að trúa því að markmið stjórn-
valda væri að efla menntakerfið enda
skein alls staðar í skæðasta óvin
skólasamfélagsins – niðurskurð-
arhnífinn.
VG ályktaði
gegn styttingu náms
Landsfundur Vinstrihreyfing-
arinnar – græns framboðs ályktaði
um málið seinasta haust:
„Áform menntamálaráðherra um
að skerða framhaldsskólanám úr
fjórum árum í þrjú til að lækka stúd-
entsprófsaldur eru vanhugsuð. Hug-
myndin er ekki komin frá neinum
þeim hópi sem málið varðar helst:
nemendum, kennurum, há-
skólamönnum eða foreldrum. Sam-
tök bæði nemenda og kennara hafa
andmælt henni. Rökin fyrir skerð-
ingu hafa reynst léttvæg auk þess
sem algjörlega hefur verið einblínt á
eina leið, þá sem langerfiðast er að
framkvæma án þess að gengisfella
námið. Bent hefur verið á aðrar leiðir
til að auðvelda þeim nemendum sem
það kjósa að ljúka stúdentsprófi á
skemmri tíma. Eftir sem áður ætlar
ráðuneytið að skera niður einn fjórða
af framhaldsskólanámi. Í skýrslum
um efnið hefur því mistekist að sýna
fram á að ekki verði um að ræða
skerðingu á því námi sem stúdents-
efnum býðst, sem mun bæði koma
niður á fjölbreytni námsins og mik-
ilvægum kjarnagreinum, s.s. ís-
lensku, raungreinum og tungu-
málum.“ Þessi ályktun stendur og
þar með afstaða okkar vinstri-
grænna í málinu.
Að koma málinu í annan farveg
Núna hefur ráðherra gert sam-
komulag við samtök kennara um að
gera átak í ákveðnum þáttum skóla-
starfs. Það samkomulag
bindur hins vegar hvor-
ugan aðilann varðandi
styttingu náms til stúd-
entsprófs. Ég tel það
góðra gjalda vert að
ráðherrann skuli hafa
ákveðið að staldra ögn
við og hægja ferðina.
Ég hef litið þannig á að í
samkomulaginu felist
tækifæri til að koma
málinu í annan og betri
farveg. Það merkir þó
ekki að við í Vinstri-
hreyfingunni – grænu
framboði höfum breytt um afstöðu
varðandi styttingaráformin. Það er
sjálfsagt og eðlilegt að gefa ráðherra
færi á að ráðgast við kennara og
aðra. En ekki mun tjóa fyrir Þorgerði
K. Gunnarsdóttur að leggja síðan
fram frumvarp sem er alveg sam-
hljóða fyrri tillögum eða sömu nám-
skrártillögur lítið breyttar. Slíkar til-
lögur fela einmitt í sér skerðingu á
þeim greinum sem nefndar eru í
landsfundarályktun VG og getur ráð-
herrann vænst harðra viðbragða frá
þingmönnum VG leggi hún slíkt
frumvarp fram.
Fyrsta skrefið í langri vegferð
Ég hef sagt að samkomulag ráð-
herrans og kennaraforystunnar geti
verið fyrsta skrefið til að vinda ofan
af þeirri flækju sem styttingaráform
ráðherrans hafa skapað. Fyrsta
skrefið í langri vegferð ef nokkur
raunveruleg sátt á að nást um þetta
mál sem komið var í sjálfheldu vegna
stífni og einsýni ráðherrans. Ráð-
herra á eftir að ræða við hagsmuna-
samtök framhaldsskólanema og
hlusta á þeirra sjónarmið. Og það
sem meira er: Forystumenn kennara
eiga ennþá eftir að sannfæra al-
menna kennara um að rétt hafi verið
að gera samkomulag við ráðherrann.
Í fyrstu atrennu hefur það alveg mis-
tekist og uns kennarar eru orðnir
samstiga í málinu er því miður ekki
hægt að líta svo á að samkomulag
hafi náðst við þá. Það er ástæða til að
hvetja forystumenn kennara til að
hlusta á gagnrýni sinna félagsmanna
og taka síðan höndum saman við þá
um þá vinnu sem framundan er. Ef
kennarar ætla að hrinda áformum
ráðherrans, sem þrátt fyrir sam-
komulagið virðast óbreytt, þá er
nauðsynlegt að þeir nái innbyrðis
samstöðu. Það hlýtur að vera sameig-
inlegt verkefni kennaraforystunnar
og grasrótarinnar í Kennarasam-
bandinu að lyktir málsins verði far-
sælar.
Betur má ef duga skal
En mikilvægasta skrefið sem er
eftir er þó þetta: Það þarf að taka til-
lit til þeirrar málefnalegu gagnrýni
sem borist hefur úr öllum áttum á
styttingaráformin. Það hefur ráð-
herra ekki gert ennþá og við hljótum
að bíða eftir að hún standi við stóru
orðin um samráð og leggi ekki fram
frumvarp þar sem í engu er brugðist
við þessari miklu gagnrýni.
Kjarni málsins er þessi: Því ber að
fagna að menntamálaráðherra hafi
staldrað við og áttað sig á því að hún
er ekki ein í heiminum. Betur má þó
ef duga skal. Vinstrihreyfingin –
grænt framboð mun ekki styðja það
að framhaldsskólinn verði skorinn
niður um fjórðung. Við viljum að ráð-
herra standi við það sem hún hefur
sagt um sveigjanleika í skólakerfinu.
Núverandi niðurskurðaráform falla
ekki undir það. Komi fram tillögur
um breytt skólakerfi sem við í VG
getum samþykkt er ljóst að þær
þurfa að vera mjög breyttar frá þeim
áformum sem nú liggja fyrir. Slíkar
tillögur þurfa að taka mið af þeirri
gagnrýni sem fram hefur komið og
þær þarf að vinna í góðu samráði við
hagsmunaaðila, ekki aðeins forystu-
sveit Kennarasambandsins.
Færi til samráðs –
en ekki um
niðurskurð
Kolbrún Halldórsdóttir
fjallar um menntamál
’Það er ástæða til aðhvetja forystumenn
kennara til að hlusta á
gagnrýni sinna fé-
lagsmanna og taka
síðan höndum saman við
þá um þá vinnu sem
framundan er.‘
Kolbrún Halldórsdóttir
Höfundur er þingmaður vinstri-
grænna í Reykjavík og situr í
menntamálanefnd Alþingis.
BRÉF TIL BLAÐSINS
Morgunblaðið, Kringlunni 1, 103 Reykjavík  Bréf til blaðsins | mbl.is
Í LESBÓK 18. febrúar segir Þröst-
ur Helgason frá ráðstefnu á vegum
Reykjavíkurakademíunnar þar sem
kapprætt var um afstöðu hug- og fé-
lagsvísinda til útrásar- markaðs og
gróðasamfélags nútímans. Þar mun
hafa komið fram hjá Ólöfu Gerði Sig-
fúsdóttur mannfræðingi að tal um ís-
lenskan menningararf væri merk-
ingarlaust og innnatómt „mal“. Ætti
að gera orðið „menningararfur“ út-
lægt úr umræðunni. Mun hafa verið
gerður góður rómur að þessum mál-
flutningi á ráðstefnunni.
Ekki kemur á óvart að slíkar
raddir heyrist úr röðum mannfræð-
inga. Á undanförnum árum hefur
Hallfríður Þórarinsdóttir haldið
uppi árásum á íslenska málrækt-
arstefnu í ræðu og riti og reyndar
varð Gísli Pálsson fyrstur til þess
fyrir nokkrum áratugum.
Þar sem ég var ekki á téðri ráð-
stefnu langar mig að biðja Ólöfu
Gerði að skýra mál sitt. Ástæðan til
þess er sú að ég hef sem útvarps-
maður og á öðrum vettvangi töluvert
gert að því að fjalla um það sem kall-
að er íslenskur menningararfur og
varðar sögu þjóðarinnar, tungu og
menningu. Nú má vera að umræða
um þetta sé ekki nógu markviss og
sumt í henni megi kallast mal. En þá
er að bæta umræðuna. Ef hins vegar
í orðum fyrirlesarans felst að við eig-
um að hætta að hugsa og tala um
menningararfinn og gerast „nútíma-
menn“ með þeim hætti, er það öllu
róttækari boðskapur en svo að hon-
um verði kyngt fyrirstöðulaust.
Skyldi þessi málflutningur tengjast
nýlegri tillögu viðskiptajöfra um að
gera þjóðina „tvítyngda“ með því að
kenna mönnum á ensku frá blautu
barnsbeini, sem er raunar ekki ann-
að en dulbúin krafa um „eintyng-
ingu“ síðar meir, eins og Stefán
Snævarr bendir á í sömu Lesbók?
Ég vona að Ólöf Gerður Sigfús-
dóttir sjái sér fært að verða við
beiðni minni og áreiðanlega margra
fleiri lesenda Morgunblaðsins.
GUNNAR STEFÁNSSON,
útvarpsmaður,
Kvisthaga 16, Reykjavík.
Mal um menningararf?
Frá Gunnari Stefánssyni
ÞAÐ ER ljóst að símakosning er ekki
lausnin til að velja framlag okkar til
Evróvisjónkeppninnar. Mjög virkur
hópur í símanotkun eru unglingar og
það sem er vinsælt og þekkt meðal
þeirra á sigurinn vísan. Þá skiptir
engu máli hvort lag og flytjandi er
sigurstranglegt eða ekki.
Höfundur sigurlagsins í ár hefur
áttað sig á þessu þegar hann valdi sér
flytjanda, sem sjálfur gerði svo text-
ann, sjálfselskan og væminn. Mér er
reyndar sagt að þessi flytjandi sé alls
ekki til, þarna sé á ferðinni leikin per-
sóna. Því kom þessi stúlka ekki fram
undir eigin nafni eins og aðrir flytj-
endur? Kynnarnir hefðu þá eins get-
að verið Nonni litli og Edit Piaf.
Fyrir alllöngu gerðu Spaug-
stofumenn sitt eigið Evróvisjónlag,
sem var mun frambærilegra en sig-
urlagið í ár. Það var í gríni gert og hið
besta mál og ætti framlag okkar nú
best heima í þeim flokki.
Í öðru sæti varð lag sem hafði mik-
ið forskot á öll hin lögin, sem mörg
voru þó mjög frambærileg. Það er
ljóst að um það lag hefur flykkst hóp-
ur sem var að kjósa í alvöru og veðj-
aði á sigurstranglegt framlag. Lagið
„Þér við hlið“ í flutningi Regínu Ósk-
ar er því sigurlagið í ár, meðal þeirra
sem tóku ábyrga afstöðu.
Eigum við að bjóða Evrópu upp á
þá hörmung sem við kusum yfir okk-
ur? Svar mitt er: Nei.
ÁMUNDI KRISTJÁNSSON,
Minni-Núpi, 801 Selfossi.
Söngvakeppni
á villigötum
Frá Ámunda Kristjánssyni, bifreiða-
stjóra og áhugamanni um vönduð
vinnubrögð