Morgunblaðið - 25.02.2006, Qupperneq 31

MORGUNBLAÐIÐ LAUGARDAGUR 25. FEBRÚAR 2006 31
DAGLEGT LÍF Í FEBRÚAR
ÍSLENSKÆTTAÐA lágfargjalda-
flugfélagið FlyMe fær frekar laka
einkunn hjá ferðavef Aftenposten í
prófi á nokkrum lágfargjaldaflug-
félögum, eða 3 af 6 mögulegum.
Sterling fékk aðeins hærri ein-
kunn eða 4 af 6.
Air Lingus fékk hæstu ein-
kunnina, 6, en um er að ræða írskt
flugfélag sem flýgur til Evrópu og
Bandaríkjanna frá Dublin og Cork
á Írlandi. Vueling-flugfélagið fékk
næsthæstu einkunn eða 5 af 6 en
félagið flýgur um Mið- og S-
Evrópu.
Það sem dró FlyMe niður var
gömul flugvél í prufuferðinni þar
sem vélin sem átti að nota var í
venjubundnu viðhaldseftirliti.
„Samferðamenn okkar sögðu að
óréttlátt væri að dæma FlyMe út
frá þessu, en við þurftum samt
sem áður að dæma út frá því sem
við fengum í þessu prófi,“ segja
dómarar Aftenposten.
Kostirnir við FlyMe eru að mati
dómaranna að máltíð er ódýr um
borð, sérstaklega ef tekið er tillit
til þess að kaffi er ókeypis, fram-
boð á ódýrum flugmiðum er mikið
og flugfélagið er sveigjanlegt hvað
varðar breytingar á flugmiðum.
Gallarnir eru að flugvélarnar eru
gamlar eða 18 ára að meðaltali, að
því er fram kemur á vef Aften-
posten.
Sterling fær jákvæða dóma fyrir
gott verð og að auðvelt sé að finna
ódýra miða. Gallarnir eru þeir að
farþegar mega ekki taka með sér
nesti um borð en máltíð kostar að
meðaltali sem samsvarar 800 ís-
lenskum krónum.
FlyNordic-flugfélagið er í eigu
Finnair sem að hluta til er í ís-
lenskri eigu. FlyNordic fær 4 af 6
í einkunn og hefur mikla markaðs-
hlutdeild í viðskiptaferðum til
Stokkhólms þar sem verðið er yf-
irleitt helmingi lægra en hjá SAS.
Það telja dómararnir helsta kost
FlyNordic og að oft er hægt að fá
gott verð á miða, jafnvel daginn
fyrir brottför. Einnig að ókeypis
er að breyta flugmiðanum á net-
inu.
Gallarnir eru gamlar flugvélar
þar sem þægindi eru minni en í
nýrri vélum.
EasyJet fékk 4 af 6 og helsti
kostur þótti að félagið býður upp
á margar flugleiðir um alla Evr-
ópu og að létt er að finna ódýra
miða.
Gallarnir voru þeir að máltíð um
borð er dýr en hún kostar sem
samsvarar um 1.000 íslenskum
krónum og að ýmis gjöld bætast
við þegar miði er pantaður.
Ryanair fær 3 af 6 mögulegum
fyrir stærsta net áfangastaða af
öllum lágfargjaldaflugfélögunum:
288 flugleiðir til 21 lands.
Miklir möguleikar á að finna
ódýra miða.
Gallarnir eru dýrar máltíðir um
borð og að flugvellirnir sem lent
er á eru langt utan við borgirnar
sem fljúga á til samkvæmt flug-
miðanum.
Ryanair mun einnig fljótlega
byrja að rukka fyrir farangur sem
þarf að skrá inn.
Dómurunum þótti félagið einnig
fullósveigjanlegt þegar kom að því
að reyna að breyta miðanum.
 FLUGFÉLÖG
Lággjalda-
flugfélög
metin
Reuters
www.aerlingus.com
www.vueling.com
www.hlx.com
www.germanwings.com
www.sterlingticket.com
www.norwegian.no
www.flynordic.com
www.easyjet.com
www.flyme.com
www.sasbraathens.no
www.ryanair.com
Heimagisting á besta stað í bænum. Býður alla Íslendinga velkomna.
Geymið auglýsinguna.
Sími 0045 3297 5530 • Gsm 0045 2848 8905 • www.lavilla.dk
Kaupmannahöfn - La Villa
www.gisting.dk
sími: 0045 3694 6700
Ódýr og góð gisting
í hjarta Kaupmannahafnar