Morgunblaðið - 25.02.2006, Side 41

MORGUNBLAÐIÐ LAUGARDAGUR 25. FEBRÚAR 2006 41
UMRÆÐAN
Milljónaútdráttur
Þar sem einvörðungu er dregið úr seldum miðum þarf miðaeigandi bæði að
hafa rétt númer og bókstaf til að hljóta vinning í þessum útdrætti.
Birt með fyrirvara um prentvillur.
2. flokkur, 24. febrúar 2006
Kr. 1.000.000,-
9288 E
10119 E
11742 H
21948 E
22678 G
39337 F
42313 F
51779 B
56442 E
58443 B
ÞAÐ er ánægjulegt
að sjá að nemendur
Háskólans á Akureyri
eru að vakna til vit-
undar og mótmæla nú
af krafti því fjársvelti
sem skólinn hefur
þurft að búa við af
hendi stjórnvalda. Það
er alvarlegt ástand
sem blasir við og ef
ekkert verður að gert er ljóst að
skera þarf enn frekar niður í starf-
semi skólans, takmarka skráningu
nýnema og jafnvel að segja upp
kennurum og öðru starfsfólki. Það er
því dálítið einkennilegt að sjá bæj-
arstjórann á Akureyri og flokks-
bróður menntamálaráðherra standa
og taka nú loksins undir kröfur nem-
enda. En er þessi skyndilegi stuðn-
ingur Kristjáns Þórs trúverðugur?
Bæjarstjórnarmeirihlutinn á Ak-
ureyri, sem svo illa vill til að er ein-
mitt skipaður sömu flokkum og eru í
ríkisstjórn og hafa sett Háskólann á
Akureyri í fjársvelti, hefur ekki lyft
litla fingri til að þrýsta á ríkisstjórn-
ina að bæta ráð sitt og stórhækka
framlög til Háskólans í samræmi við
aðsókn nýrra nemenda. Það er Sjálf-
stæðisflokki og Framsóknarflokki
að kenna að ekki hefur fengist nægj-
anlegt fjármagn til rekstrar Háskól-
ans á Akureyri. Ef svo hefði verið
hefði skólinn fengið að stækka og
dafna með eðlilegum hætti. Það er
meðal annars dugleysi núverandi
meirihluta þessara sömu flokka í
bæjarstjórn að kenna að lítið hefur
gengið að greiða götu skólans og
þess vegna er sú staða upp komin
sem nú blasir við. Framsókn og íhald
á Akureyri hafa setið hjá í stað þess
að beita sér af krafti. Á tyllidögum
lofa allir og prísa Háskólann á Ak-
ureyri og er það eðlilegt því skólinn
er frábært dæmi um jákvæða
byggðastefnu og hvernig er hægt að
byggja upp þekkingarsamfélag úti á
landi með góðum árangri. Samfélag
sem er eftirsóknarvert til búsetu og
atvinnusköpunar. En orðum verða
að fylgja athafnir og þær hefur skort
á ögurstundu.
Vinstri græn með
framtíðaruppbyggingu
Háskólinn á Akureyri gæti nefni-
lega stækkað enn frekar og náms-
framboð á að aukast enn ekki skerð-
ast. Við eigum að fjárfesta í menntun
í meira mæli en ekki álverum eins og
núverandi ríkisstjórn hefur einblínt
á. Og því miður virðist bæjarstjórn-
armeirihlutinn á Akureyri fylgja þar
á eftir eins og flokksaginn segir þeim
að gera. Og hinir ungu þingmenn
framsóknar sem fóru um víðan völl
fyrir kosningar og boðuðu mikinn
stuðning við Háskólann á Akureyri
hafa greitt atkvæði gegn tillögum
Vinstri hreyfingarinnar – græns
framboðs um aukið fjármagn til Há-
skólans, aftur og aftur. Enda spila
þau í meirihlutaliðinu núna og gera
eins og fyrirliðinn segir þeim að
gera. Við þingmenn Vinstrihreyfing-
arinnar – græns framboðs stóðum
fyrir utandagskrárumræðum strax
við upphafi þings í haust um framtíð-
aruppbyggingu og bága fjárhags-
stöðu Háskólans á Akureyri og kom-
um með tillögur til úrbóta og allir
tóku undir en menntamálaráðherra
sjálfstæðisflokksins dró heldur úr.
Þó var vinna við reiknilíkan í gangi
en hvað þeirri vinnu miðar hefur
ekki komið fram í dagsljósið ennþá. Í
öllu einkavæðingarfárinu datt ráð-
herrum Sjálfstæðisflokksins í hug að
það væri tilvalið að einkaaðilar
reistu og myndu reka hið nýja rann-
sóknarhús Háskólans. Niðurstaðan
er sú að kostnaður skólans er þrisv-
ar sinnum hærri en hann var áður í
sambærilegu húsnæði. Þetta er
dæmi um skipbrot einkavæðing-
arstefnu ríkisstjórnarinnar sem
meirihlutinn í bæjarstjórn fer einnig
eftir. Framtíð Háskólans á Akureyri
er björt fái hann þann stuðning sem
honum ber. Auka þarf námsframboð
og fjölga deildum þann-
ig að skólinn geti þróast
eðlilega með fjöl-
breyttum námsmögu-
leikum. Háskólinn á
Akureyri er hag-
kvæmur háskóli fyrir
ríkið og þegar litið er á
jákvæð áhrif á sam-
félagið eru kostirnir
augljósir. Viljinn er fyr-
ir hendi en það skortir
fjármagn. Ef til vill þarf
áræði og kjark til að
taka af skarið en málin
eru fyrst og fremst í
höndum menntamálaráðherra sem
þarf að standa sig betur við að út-
vega það fjármagn sem til þarf svo
vöxtur skólans verði ekki heftur.
Dugmikill bæjarstjórnarmeirihluti á
Akureyri sem gæti beitt þrýstingi en
færi ekki alltaf eftir flokksaga gæti
einnig lagt málinu lið. Og því getum
við breytt í kosningunum í vor.
Hlynur Hallsson
skrifar um Háskól-
ann á Akureyri ’Framtíð Háskólans áAkureyri er björt fái
hann þann stuðning sem
honum ber.‘
Hlynur
Hallsson
Höfundur er varaþingmaður
Vinstrihreyfingarinnar – græns
framboðs í NA kjördæmi.
Fjárfestum í menntun