Morgunblaðið - 18.03.2006, Blaðsíða 31

MORGUNBLAÐIÐ LAUGARDAGUR 18. MARS 2006 31
MENNING
ÁRLEG ráðstefna um barnabókmenntir verð-
ur haldin í Gerðubergi í dag. Yfirskriftin að
þessu sinni er „Heillandi heimur: goð, börn og
valkyrjur“ og eins og nafnið gefur til kynna er
norræn goðafræði og goðsagnir í brennidepli í
ár. Það hefur borið á því á undanförnu í útgáfu
barnabókmennta hér á landi að gömlu sög-
urnar úr norrænni goðafræði eru endurnýttar
og jafnvel settar í nýstarlegan búning. „Höf-
undar eru í auknum mæli að gera sér mat úr
þessum sögum og á nýjan hátt sem höfðar
kannski betur til nýrra kynslóða,“ segir Ragn-
heiður Gestsdóttir rithöfundur og einn af að-
standendum hátíðarinnar.
Tilgangur þessara ráðstefna er að hefja veg
barnabókmennta og stuðla að aukinni fræði-
legri umræðu um þessa deild bókmennta.
„Sem betur fer vita margir að barnabók-
menntir eru bókmenntir en ekki eitthvað alveg
sérstakt fyrirbæri sem er bara fyrir börn. Svo
virðist sem að stöðugt fleiri séu að gera sér
grein fyrir mikilvægi barnabókmennta. Án öfl-
ugra barnabókmennta eignumst við ekki les-
endur framtíðarinnar.“
Fjölbreytt dagskrá
Sölvi Sveinsson sagnfræðingur er fyrstur
mælenda á ráðstefnunni og mun hann tala um
endurnýtingu goðsagnanna í fyrirlestrinum
„Goðafræði í endurvinnslu“. Ragna Kristín
Gunnarsdóttir mun síðan halda erindi í
tengslum við bók þeirra Þórarins Eldjárns,
Völuspá, sem Kristín sá um að myndskreyta.
Svo verður sagt frá nýrri bók sem er vænt-
anleg á næstu misserum sem ber titilinn „Heil
brú og aðrar sögur; sögur úr norrænni goða-
fræði“. IBBY á Íslandi vinnur að útgáfu þess-
arar bókar í samstarfi við Eddu og er þetta
önnur bókin sem þessir aðilar standa að en
fyrri bókin heitir Auga Óðins. Þarna verður
einnig fulltrúi frá versluninni Nexus, Helgi
Már Friðgeirsson, en hann mun kynna hlut-
verkaleiki sem tengjast goðafræði og hafa vak-
ið áhuga margra ungmenna á norrænni goða-
fræði.
Meiri virðing fyrir börnum
Hvernig er staða barnabóka á Íslandi í dag?
„Barnabækurnar sem eru gefnar út núna
eru margar mjög vandaðar. Kannski eru höf-
undar núna óhræddari við að gera meiri kröfur
til sinna ungu lesenda. Þeir treysta þeim til að
gera sér mat úr efni sem er ekki bara yfir-
borðskennt og tóm afþreying. Það er kannski
ein ástæðan fyrir því að goðsagnir og goða-
fræðin hafa komið svolítið inn núna því þær
eru leið til að segja hluti um lífið og tilveruna
og leyfa börnum að spyrja spurninga og velta
hlutum fyrir sér. Að sumu leyti held ég að það
sé meiri virðing borin fyrir börnum.“ Hún tek-
ur það þó sérstaklega fram að hún sé einungis
að vísa í hluta af flórunni og auðvitað séu þarna
síður góð verk á ferðinni líka. „Nýjar íslenskar
bækur eru ef til vill færri en þær hafa verið en
á móti höfum við fengið mikið inn af þýddum
bókum sem er líka alveg nauðsynlegt.“
Bókmenntir | Barnabókaráðstefna í Gerðubergi í dag
Barnabókmenntir og goðafræði
Eftir Þormóð Dagsson
thorri@mbl.is
Mynd af veggspjaldi ráðstefnunnar.
FATAHÖNNUÐURINN Steinunn
Sigurðardóttir mun sitja fyrir svör-
um á Sjónþingi Gerðubergs sem fer
fram á í dag. Þetta er í fyrsta sinn
sem fatahönnuður er á Sjónþingi en
sama dag verður opnuð yfirlitssýn-
ing á verkum Steinunnar í Gerðu-
bergi.
Stjórnandi Sjónþings í þetta skipt-
ið er Sigríður Sigurjónsdóttir Pró-
fessor og yfirmaður Þrívíðrar hönn-
unar í Listaháskóla Íslands og
spyrlar eru Páll Hjaltason arkitekt
og eigandi +Arkitekta og Gunnar
Hilmarsson yfirhönnuður hjá Day
Merger Mikkalsen Copenhagen.
„Við ætlum að fara í gegnum feril
Steinunnar, frá því að hún er lítil
stelpa í handavinnu hérna á Íslandi
og þangað til hún kemur aftur heim,
eftir að hafa unnið fyrir stóru hönn-
uðina, og fer að vinna í því að setja á
laggirnar sitt eigið fyrirtæki og fata-
línu,“ segir Sigríður og bætir við að
þau ætli að varpa ljósi á sögu og feril
Steinunnar og hvernig hlutirnir fara
fram innan tískuheimsins. „Við erum
með mikið efni og sýnum myndskeið
í tengslum við það sem við erum að
fjalla um á hverjum tíma. Þegar við
erum búin að fara yfir ferilinn og
spjalla saman þá er gefinn tími fyrir
spurningar frá áheyrendum út í sal.“
Að sögn Sigríðar verður þetta létt
og skemmtilegt en jafnframt mjög
fróðlegt Sjónþing. „Það var tíma-
bært að fjalla um fatahönnuð á Sjón-
þingi og þá sérstaklega svona mann-
eskju sem hefur gert svo margt og
náð svona langt. Sem fatahönnuður
er Steinunn mjög íslensk og sér-
staklega vandvirk. Allt sem hún tek-
ur sér fyrir hendur vinnur hún í botn,
hún er kannski að vinna með sama
efnið í mörg ár en það er samt aldrei
neitt eins hjá henni, hún kynnist efn-
inu vel og nær góðum tökum á því og
það er hennar styrkleiki. Það fylgir
ákveðið frelsi því að ná fullkomnum
tökum á þeim efnivið sem unnið er
með.“
Sjónþingið hefst kl. 13.30 og stend-
ur til kl. 16.00, aðgangur er ókeypis á
bæði Sjónþingið og sýninguna.
Hönnun | Sjónþing um Steinunni Sigurðardóttur fatahönnuð
Frá handavinnutímum til hátískunnar
Eftir Ingveldi Geirsdóttur
ingveldur@mbl.is
Vefsíðan hjá Símanum er: www.siminn.is/steinunn
Morgunblaðið/Ásdís
Steinunn Sigurðardóttir fatahönnuður verður spurð út í feril sinn.