Morgunblaðið - 18.03.2006, Page 18

18 LAUGARDAGUR 18. MARS 2006 MORGUNBLAÐIÐ
VIÐSKIPTI/ATHAFNALÍF
STEFNT er að því hlutafé Exista
verði skráð í kauphöll á þessu ári og
að slitið verði á krosseignatengslin á
milli Kaupþings banka og Exista á
þann hátt að bankinn losi um 19,2%
hlut sinn í Exista og yrðu þá hlut-
höfum Kaupþings banka greiddar
aukaarðgreiðslur í formi hluta í Ex-
ista. Kaupþing banki hefur haft frum-
kvæði að viðræðum við aðra hluthafa í
Exista vegna þessa.
Jafnframt hefur Kaupþing banki
verið að skoða framtíðarskipulag um
starfsemi bankans og þann möguleika
að Kaupþing myndi net sjálfstæðra
banka í stað móðurfélags á Íslandi
með erlend dótturfélög. Ef Kaupþing
banki væri ekki íslenskur banki þá
hefði hann komist hjá hamaganginum
sem varð í síðustu viku.
Þetta var meðal þess sem fram
kom í ræðu Sigurðar Einarssonar,
stjórnarformanns Kaupþings banka,
á aðalfundi bankans í gær en þar vék
hann einnig að skýrslum erlendra
greinenda og sagði að hann hefði ekki
getað komist hjá að hugleiða það að
annarleg sjónarmið gætu hafa legið
að baki sumum skrifunum.
Bókfærður á 6,9 milljarða
Exista er aðaleigandi Exista B.V.,
félags sem er stærsti einstaki eigandi
KB banka með 21,1% hlut en auk þess
á Exista B.V. 43,6% hlut í Símanum.
Miðað við síðasta skráða gengi bréfa
Kaupþings er hlutur Exista í bank-
anum nær 124 milljarða króna virði.
Aftur á móti liggur ekki mat á virði
hlutar Kaupþings í Exista ehf. enda
félagið ekki skráð á markaði en ætla
má að hluturinn sé nálægt 20 millj-
arða króna virði, Hann er hins vegar
aðeins færður á 6,9 milljarða í bókum
Kaupþings banka þannig að munur-
inn á markaðsverðmæti og bókfærðu
verðmæti gæti verið einhvers staðar
nálægt 13 milljörðum og benti Sig-
urður á að í öllum skilmerkilega unn-
um úttektum á bankanum yrði auðvit-
að að taka tillit til þessa í
verðmætaútreikningum. „En eins
undarlegt og það kann að virðast hafa
flestir greinendur og þó sér í lagi
blaðamenn ekki gert það í nýlegum
úttektum eða umfjöllun.“
Alþjóðlegur banki
Sigurður sagði Kaupþing banka
ekki vera landsbundinn banka heldur
hóp fjármálafyrirtækja í tíu löndum.
„Við erum alþjóðlegur banki með
sterkt útibúanet í Norður-Evrópu og
höfuðstöðvar í Reykjavík. Stærsti
hluti tekna bankans verður til utan Ís-
lands og stjórnendur eru ráðnir í
þeim löndum þar sem bankinn starf-
ar. Við höfum um tíma verið að horfa
á framtíðarskipulag um starfsemi
bankans og möguleika þess að Kaup-
þing myndi net sjálfstæðra banka í
stað móðurfélags með dótturfélög. Á
meðal margra möguleika væri að
stofna evrópskt fyrirtæki til þess að
nýta sér betur getu Kaupþings
banka. Það myndi líka svara betur
raunverulegum umsvifum bankans. Í
mínum huga er augljóst að íslensk
stjórnvöld verða að vera viðbúin slíkri
þróun og skapa umhverfi sem gerir
það aðlaðandi fyrir alþjóðleg fyrir-
tæki að halda áfram að vera með höf-
uðstöðvar sínar í Reykjavík.“
Sigurður sagðist vera nokkuð viss
um að ef Kaupþingi banki væri ekki
íslenskur banki þá hefði hann komist
hjá hamaganginum og ósanngjarnri
umfjöllun í síðustu viku. Hann sagði
jafnframt að ef Kaupþing banki ætti
áfram að vera skráður í Kauphöll Ís-
lands þyrfti að gera ýmsar breytingar
og það fljótlega. Samtök banka og
verðbréfafyrirtækja hefðu t.d. farið
fram á margar tæknilegar úrbætur,
m.a. vegna einangrunar kauphallar-
innar hér.
„Það er raunar erfitt að skilja,“
sagði Sigurður, „hvers vegna ekki
hefur þegar verið gengið frá samruna
Kauphallarinnar við norrænar kaup-
hallir.“
Sigurður sagði Kaupþing banka
aldrei hafa verið sterkari en nú og
eina hættan sem að honum steðjaði og
bankinn hefði ekki verið reiðubúinn
til þess að takast á við af fullum krafti
væru rangfærslur um eða misskiln-
ingur á bankanum sem skytu upp
kollinum aftur og aftur. Menn yrðu að
mæta þessu af fullum þunga svo tak-
ast mætti að eyða illmælgi um bank-
ann sem annars gæti orðið að sann-
leika ef henni yrði haldið endalaust
áfram á lofti.
Sigurður sagði ótrúlegt að lesa
suma þá umfjöllun sem birst hefði um
Kaupþing banka og komast að því að
sumir greinendur, svo ekki væri
minnst á blaðamenn, hefðu alls ekki
haft fyrir því að vinna lágmarks-
heimavinnu, eins og t.d. að lesa árs-
skýrslu bankans, áður þeir semdu illa
ígrundaðar eða alls óígrundaðar
skýrslur eða mat á Kaupþingi banka.
„Þetta fær mig næstum til að halda
að annarleg sjónarmið gætu hafa leg-
ið að baki sumra skrifanna.“
Sigurður sagði nauðsynlegt að
koma því vel til skila að undirstöður
vaxtarins á Íslandi væri traustar.
Þetta ætlaði Kaupþing banki sér að
gera þannig að erlendir aðilar gætu
byggt umfjöllun sína á tölum og stað-
reyndum en ekki á vangaveltum og
slúðri. Nú hefðu raunar flestir þess-
ara aðila viðurkennt að markaðurinn
hefði brugðist of harkalega vegna
áhættuþátta samfara mögulegri of-
hitnun í íslenska hagkerfinu. „Við vit-
um að sumir keppinauta okkar stóðu
á bak við þessi harkalegu viðbrögð við
fréttum sem eru gamlar. Auk þess
vitum við af því að nokkrir fjárfestar
skortseldu til þess að koma af stað
áhyggjum á meðal greinenda eða til
þess að vekja athygli þeirra. Þetta er
til marks um harða samkeppni og við-
leitni til þess að draga úr trúverðug-
leika okkar. En það má líka líta á
þetta sem merki um vaxandi árangur
okkar,“ sagði Sigurður.
Framtíðarskipulag í skoðun
Ætti að vera búið að sameina Kauphöll
Íslands norrænu kauphöllunum
Eftir Arnór Gísla Ólafsson
arnorg@mbl.is
Morgunblaðið/Sverrir
Alþjóðlegur Sigurður Einarsson segir Kaupþing banka ekki vera landsbund-
inn banka heldur alþjóðlegan banka með sterkt net útibúa í Norður-Evrópu.






 





 












  !"#
$%%&$




 

' () *(#&









   
 
 



  !"




   
+,
-$ ./(01 "2
3"&+
"2
,(/%
./(01 "2
4
%%
-!/ ./(01 "2

56/7# "2
8 ./(01 "2
3
5
./(01 "2
.3$,#$/ "2

019$#5 4
#% "2
!50# "2
8
#6
#%$ :3
# "2

/&3 "2
(
$+ 
 $(# "2
,/
0;0/<40/=
/> ?>/"26
#%$ "2
@0/ "2


!
"#  
-$(# ./(01 "2
$%;
/%
=0/ :3
# "2
A4 ./
#$ "2
A
;1$=?
# "2
'+&3
#$+ ./(01 "2
B &/?$ "2
C ,3
#,$+ &,/(3&0;
/D55$#5
;$=,!=$# "2
E$##30,!=$# "2
$ %# &#
'(
$%&3$ D?
"?
/=
/ "2
3>,0/"F3
5 0=0/3
# -"2
')*  +,#
'G
H=
,

-$=%2-&/=


    




 


<
  <

 <
 4/&D,$#5 "/>
"D//
-$=%2-&/=
< < <
<
 < 

<


<
<
<
<
<
<
<
<
<
<
I J
I <
J
I J
I J
I < J
I 
J
<
<
I J
I < 
J
I J
I J
<
I J
<
I J
<
<
<
I 
J
<
<
<
<
<
<
I J
A&$3
/-$=%$1,$

5$#
$36(= H 3(% 
5K

01
3

2 2
2 2

2
2  2 2
2 2
2 2
2
2

2 2 2


2

2

<



2 
<
2

<
 2


        
  

 



   
  
  


 





  E$=%$1,$ H 972 %/2
A2 L , 050#
/3$,$ ?!3$
-$=%$1,

 



 






<




<


<


ÞETTA HELST ...
VIÐSKIPTI
● ÚRVALSVÍSITALAN hækkaði um
1,8% í gær og fór í 6.294,84 stig.
Viðskipti í Kauphöll Íslands námu
tæpum 13 milljörðum, þar af 7,1
milljarði með hlutabréf.
Gengi bréfa Bakkavarar hækkaði
um 5,1%, Straums Burðaráss um
2,2% og Landsbankans um 1,8%.
Bréf Alfesca lækkuðu um 2,4%.
Krónan veiktist um 0,86% í dag,
samkvæmt upplýsingum. Gengi doll-
arans er 69,32 krónur, pundsins
121,68 og evrunnar 84,50.
Bakkavör
hækkar mest
● GREININGARDEILD KB banka spáir
0,75% hækkun vísitölu neysluverðs í
apríl en vísitalan hækkaði um 0,2% í
apríl á síðasta ári. Ef spáin gengur eft-
ir mun 12 mánaða verðbólga fara úr
4,5% í mars og upp í 5% í apríl.
Spá 5% verðbólgu
í apríl
● SAMRÆMD vísitala neysluverðs í
EES-ríkjum hækkaði um 0,3% á milli
janúar og febrúar. Vísitalan fyrir Ís-
land lækkaði hins vegar um 0,2%.
Þetta kemur fram í tilkynningu frá
Hagstofu Íslands. Á tímabilinu frá
febrúar 2005 til febrúar 2006 var
verðbólgan, mæld með samræmdri
vísitölu neysluverðs, 2,2% að með-
altali í ríkjum EES, 2,3% á evrusvæð-
inu og 1,2% á Íslandi. Mesta verð-
bólga á Evrópska efnahagssvæðinu
á þessu tólf mánaða tímabili var
7,0% í Lettlandi, 4,5% í Eistlandi og
4,3% í Slóvakíu. Minnst var verðbólg-
an 0,6% í Finnlandi, 0,9% í Póllandi
og 1,1% í Svíþjóð.
Rétt er að vekja athygli á því að
fjárskuldbindingar á Íslandi, sem
tengdar eru vísitölu neysluverðs,
breytast ekki í samræmi við breyt-
ingar á samræmdri vísitölu neyslu-
verðs. Húsnæðisliður er ekki í þeirri
vísitölu en er hins vegar í vísitölu
neysluverðs hér á landi.
Samræmd vísitala
fyrir Ísland lækkar
EFTIRSTANDANDI langtímalán
Landsbankans til endurgreiðslu á
þessu ári nema 1,1 milljarði evra og 2
milljörðum evra árið 2007. Lausa-
fjáreignir Landsbankans nema nú
3,2 milljörðum evra í lausu fé og auð-
seljanlegum verðbréfum. Þetta kem-
ur fram í tilkynningu frá Lands-
bankanum til Kauphallar Íslands
vegna umfjöllunar greiningaraðila
og fjölmiðla að undanförnu.
Í tilkynningunni segir að lausa-
fjáreignir bankans nái yfir afborg-
anir á langtímaskuldabréfum sem
eigi að endurgreiðast innan næstu
tveggja ára. Þá segir að nú þegar
hafi bankinn aflað fjármögnunar á
alþjóðamörkuðum sem samsvari
næstum því alþjóðlegum langtíma-
skuldbindingum á þessu ári.
Jafnframt kemur fram að í árslok
2005 voru 62% af útlánasafni Lands-
bankans lán til erlendrar starfsemi.
Meirihluti þeirrar hlutabréfaeignar
sem skráð er á Landsbankann séu
kaup fyrir hönd viðskiptavina og
vörnum vegna afleiðusamninga. Öll
hlutabréf í nafni Landsbanka Lux-
embourg samanstanda af kaupum
fyrir hönd viðskiptavina.
Lán til erlendrar starf-
semi 62% af útlánum
ACTAVIS hefur gert óformlegt
tilboð í allt hlutafé samheitalyfja-
fyrirtækisins PLIVA í Króatíu.
Tilboðið er gert með fyrirvara
um niðurstöður áreiðanleika-
könnunar. PLIVA er skráð í
kauphöllinni í Króatíu og í Lond-
on.
Að því er fram kemur í tilkynn-
ingu frá Actavis er kveðið á um
það í tilboðinu, að greitt verði um
35% yfirverð fyrir hlutabréfin í
PLIVA, miðað við meðalgengi
þeirra síðastliðna þrjá mánuði.
Þá segir í tilkynningunni að
markaðsvirði félagsins, að teknu
tilliti til yfirverðs, sé um 1,6 millj-
arðar dollara, sem svara til um
110 milljarðra íslenskra króna.
Góð markaðsstaða
PLIVA er alþjóðlegt samheita-
lyfjafyrirtæki, stofnað árið 1921,
og sérhæfir sig í þróun, fram-
leiðslu og sölu samheitalyfja, eftir
að frumlyfjastarfsemi félagsins
var seld á síðasta ári. Hjá félag-
inu starfa rúmlega sex þúsund
manns.
Velta PLIVA á árinu 2005 nam
um 1,2 milljörðum dollara, en
tekjur af sölu samheitalyfja námu
um 770 milljónum dollara. Hagn-
aður fyrir afskriftir, fjármagns-
liði og skatta (EBITDA) nam 319
milljónum dollara en þar af komu
159 milljónir frá samheitalyfja-
starfseminni.
Í tilkynningu Actavis segir að
PLIVA hafi góða markaðsstöðu í
Króatíu, Póllandi og Rússlandi,
auk þess að selja lyf til Þýska-
lands, Ítalíu, Spánar og Banda-
ríkjanna.
Þriðja stærst í heimi
Haft er eftir Robert Wessman,
forstjóra Actavis, í tilkynning-
unni að Actavis telji PLIVA vera
mjög áhugavert félag og samruni
félaganna tveggja muni styrkja
stöðu samstæðunnar á lykilmörk-
uðum í Evrópu og í Bandaríkj-
unum. Sameiginlegt félag væri
það þriðja stærsta í heimi, með
öflugt sölunet, vöruframboð og
þróunarstarf.
„PLIVA mun þjóna mikilvægu
hlutverki í framtíðarvexti sam-
stæðunnar og vonumst við til að
hefja formlegar viðræður við
stjórn PLIVA um næstu skref.
Viðræður eru hins vegar ekki
formlega hafnar og alls óvíst
hvort af kaupunum verði eða
hvort formlegt yfirtökutilboð
verði gert til hluthafa félagsins,“
segir Róbert Wessman.
Actavis býður
í lyfjafyrirtæki
í Króatíu
● SJÖ hafa gefið kost á sér til setu í
stjórn FL Group fyrir aðalfund félags-
ins, sem haldinn verður þriðjudaginn
21. mars næstkomandi, en fram-
boðsfrestur rann út síðastliðinn
fimmtudag. Fyrir fundinum liggur til-
laga um að fjölga stjórnarmönnum úr
fimm í sjö. Þeir fimm sem sitja í stjórn
félagsins í dag gefa allir kost á sér til
endurkjörs.
Þeir sem gefa kost á sér til setu í
stjórn FL Group eru: Skarphéðinn
Berg Steinarsson, Þorsteinn M. Jóns-
son, Jón Ásgeir Jóhannesson, Magn-
ús Ármann, Smári S. Sigurðsson, Pet-
er Mollerup og Paul Davidson.
Sjö gefa kost á sér til
setu í stjórn FL Group
● GLITNIR hefur ákveðið að hækka
vexti á nýjum verðtryggðum íbúða-
lánum sínum um 0,13 prósentustig,
úr 4,35% í 4,48%. Í tilkynningu frá
bankanum segir að þessi breyting
hafi engin áhrif á kjör þeirra sem hafi
tekið íbúðalán Glitnis til þessa.
Eftir þessa hækkun er Glitnir með
hæstu vextina á nýjum íbúðalánum
af þeim lánastofnunum sem bjóða
sérstök íbúðalán. KB banki býður
lægstu vextina, 4,30%, en bankinn
tilkynnti um hækkun þeirra úr 4,15%
í 4,30% í fyrradag. Sparisjóðirnir eru
með 4,35% vexti, Íbúðalánasjóður
4,40% og Landsbankinn 4,45%.
Glitnir hækkar vexti
af íbúðalánum