Morgunblaðið - 08.04.2006, Side 11

MORGUNBLAÐIÐ LAUGARDAGUR 8. APRÍL 2006 11
FRÉTTIR
„MÉR finnst hræðilegt hvað þetta
fólk er illa launað, og slæmt til þess
að hugsa að missa allt þetta ófag-
lærða fólk,“ segir Anna Guðný Jóns-
dóttir, íbúi í hjúkrunarheimilinu
Skógarbæ í Breiðholti. „Hér vinnur
gott fólk, sama hvort það er faglært
eða ekki. Hér er hugsað vel um
mann, en það er allt of illa mannað
hér.“
Afleiðingar af lágum launum eru
þær að sífellt er verið að skipta um
starfsfólk sem annast íbúana og seg-
ir Anna Guðný að það hafi verið
miklar mannabreytingar frá því hún
flutti í Skógarbæ. Hún segir að
nauðsynlegt sé að bæta launin.
„Þetta er fólk sem er á lágum laun-
um, og er kannski með börn á heim-
ili. Hvers á þetta fólk að gjalda?“
„Hvers á
þetta fólk
að gjalda?“
Morgunblaðið/Árni Sæberg
Anna Guðný Jónsdóttir segist ótt-
ast að missa starfsfólkið.
„VIÐ styðjum
ófaglærða
starfsfólkið ein-
dregið í þeirra
aðgerðum,“
segir Áslaug
Sigurðardóttir,
hjúkrunarfræð-
ingur og að-
stoðardeild-
arstjóri á
hjúkrunarheim-
ilinu Skógarbæ. Hún segir muna
gríðarlega um það starf sem ófag-
lærða fólkið vinnur, það beri
mikla ábyrgð en fái skammarlega
lág laun.
Áslaug segir að sæmilega hafi
gengið á meðan á setuverkfalli
ófaglærðra stóð síðustu tvo daga,
en aðstandendur hafi að sjálf-
sögðu lagt hönd á plóg til að allt
gengi vel. Margir vistmenn hafi
ekki farið fram úr rúmi, þó þeir
hafi fengið aðhlynningu og mat.
Þeir sem ekki eigi neinn að sem
hafi getað aðstoðað hafi fengið
hjálp frá hjúkrunarfræðingum og
sjúkraliðum, en reynt hafi verið
að gæta þess að ganga ekki í störf
ófaglærðra, nema brýn nauðsyn
krefðist.
Hún segir vistmenn í Skógarbæ
styðja aðgerðir starfsfólksins ein-
dregið, og þeir séu sáttir við að fá
ekki að fara í bað, matur sé ekki
eins og hann sé venjulega og
fleira í þeim dúr.
Spurð hvaða leið hún sjái til að
leysa vandann segir Áslaug að
það liggi beint við að hækka þurfi
daggjöldin, eða gera þjónustu-
samninga, sem ekki hafi verið
gerðir við þessar stofnanir.
Mikil
ábyrgð en
skammar-
lega lág laun
Áslaug
Sigurðardóttir
♦♦♦
FIMMTÁN votlendissvæði hafa ver-
ið endurheimt víðs vegar um landið á
undanförnum tíu árum á vegum svo-
nefndrar votlendisnefndar landbún-
aðarráðuneytisins og hefur það haft
jákvæð áhrif á fuglalífið í landinu.
Þetta upplýsti Guðni Ágústsson land-
búnaðarráðherra m.a. á blaðamanna-
fundi ráðuneytisins í gær. Á fundin-
um voru störf og skýrsla
nefndarinnar kynnt. Nefndin var
skipuð í febrúar 1996 og var tilgangur
hennar m.a. að gera tillögur um hvar
og hvernig mætti gera tilraunir með
að endurheimta hluta þess votlendis
sem þurrkað hefur verið upp með
framræslu. Votlendi hefur verið end-
urheimt með því að stífla eða fylla upp
í skurði þannig að vatnabúskapur
komist í því sem næst upprunalegt
horf.
Guðni sagði að viðhorf manna til
þessara mála hefði breyst mikið á
undanförnum árum. „Hér áður höfðu
menn það að markmiði að ræsa mýr-
arnar og breyta þeim í flatlendi og
tún, en nú vita menn að mýrin er nátt-
úrunni mikilvæg,“ sagði hann er hann
fylgdi skýrslu nefndarinnar úr hlaði.
Fram kom á fundinum að nefndin
hefði m.a. haldið úti ákveðnu kynn-
ingarstarfi, þá hefði hún kynnt sér
ákveðin svæði, og stjórnað aðgerðum
þar sem votlendi var endurheimt.
Nefndarmenn voru nær ólaunaðir, að
því er fram kemur í skýrslu nefnd-
arinnar.
Reglur mótaðar
Níels Árni Lund, skrifstofustjóri í
landbúnaðarráðuneytinu og formað-
ur nefndarinnar, sagði eins og ráð-
herra að mikil viðhorfsbreyting hefði
átt sér stað til þessara mála. „Fjöldi
aðila hefur leitað til okkar til að láta
endurheimta hjá sér tjarnir eða mýr-
ar,“ upplýsti hann. Í skýrslu nefnd-
arinnar segir að starfi hennar hafi í
fyrstu verið tekið með varhug af ýms-
um aðilum, en nú væri svo komið að
endurheimt votlendis þætti sjálfsagð-
ur hlutur. „Að mati nefndarmanna er
þessi hugarfarsbreyting landsmanna
einmitt mikilsverðasti árangur starfs-
ins.“
Á fundinum kom fram að mörkuð
hefði verið sú stefna að þar sem vot-
lendi yrði spillt vegna opinberra
framkvæmda yrði að endurheimta
annað í staðinn. Þá hefðu verið mót-
aðar reglur um hvernig meta skyldi
endurheimt votlendis. Jafnframt
hefðu verið mótaðar leiðbeiningar um
mat á votlendi sem raskaðist. Í máli
landbúnaðarráðherra kom fram að
Landbúnaðarháskóla Íslands hefði
verið falið að taka við verki nefndar-
innar.
Fuglaverndarfélag Íslands átti
frumkvæðið að skipun nefndarinnar.
Í skýrslunni segir að votlendi sé afar
mikilvægt búsvæði fyrir íslenska
fugla. Yfir 90% íslenskra varpfugla,
umferðarfugla og vetrargesta, byggi
afkomu sína að einhverju eða öllu
leyti á votlendi. Keldusvín var einn
þeirra fugla sem varð illa fyrir
barðinu á framræslunni, segir í
skýrslunni, en Einar Ó. Þorleifsson,
frá Fuglaverndarfélaginu, sagði að
endurheimt votlendis hefði haft já-
kvæð áhrif á fuglana. „Fuglarnir
koma strax til baka til þeirra vatna
sem eru endurheimt,“ sagði hann.
Fimmtán votlendissvæði
hafa verið endurheimt
Morgunblaðið/Ásdís
Guðni Ágústsson landbúnaðarráðherra tekur til máls við kynningu á til-
lögum nefndar um endurheimt votlendis í Þjóðmenningarhúsi í gær.
VALGERÐUR Sverrisdóttir við-
skiptaráðherra sagði aðspurð í fyr-
irspurnartíma á Alþingi í vikunni að
ekki hefðu verið færð fram rök fyrir
því að nauðsyn bæri til að breyta
ákvæðum hlutafélagalaga er varða
lánveitingar til stjórnenda fyrir-
tækja.
Jóhanna Sigurðardóttir, þingmað-
ur Samfylkingarinnar, spurði ráð-
herra hvort hún teldi ástæðu til að
endurskoða þau ákvæði hlutafélaga-
laga og laga um fjármálafyrirtæki
sem varða lánveitingar til stjórnenda
fyrirtækja.
Jóhanna sagði að tilefni fyrir-
spurnarinnar væri m.a. lánveitingar
til stjórnenda fyrirtækja fyrir hluta-
bréfum í eigin hlutafélögum. „Það
hefur einmitt verið gagnrýnt, þeir
fjármálagjörningar einstakra lykil-
stjórnenda, sem ég kalla siðlausa,
þegar þeir eru að kaupa hlutabréf í
eigin fjármálastofnunum, fá til þess
lán, hjá þeirri fjármálastofnun sem
þeir stjórna og enginn veit á hvaða
kjörum; eiga bréfin í stuttan tíma og
græða hundruð milljóna á örskömm-
um tíma,“ sagði Jóhanna.
Valgerður sagði að í fyrstu máls-
grein 104. gr. laga um hlutafélög
væri að finna almennt bann við því
að hlutafélag
veitti m.a. stjórn-
armönnum eða
framkvæmda-
stjórum félagsins
eða móðurfélags
þess lán. „Slíkar
lánveitingar eru
almennt ekki
taldar til fram-
dráttar starfsemi
hlutafélaga og
gera má ráð fyrir að þær sæti ófull-
nægjandi athugun og geti leitt til
óréttmæts hagnaðar lántakenda á
kostnað félaganna.“
Þó gætu starfsmenn fengið lán við
kaup á hlutum í félaginu, sem þeir
ynnu hjá, jafnframt mætti lána til
móðurfélags og veita venjuleg við-
skiptalán. Ráðherra sagði að ákvæð-
in væru byggð á dönskum lögum. Í
Danmörku hefðu fræðimenn fjallað
um lánsákvæðin, dómar hefðu fallið,
en ákvæðunum hefði þó ekki verið
breytt. „Ekki hafa verið færð fram
rök fyrir því að nauðsyn beri til að
gera það hér á landi og þá breyta
lögunum en fylgst verður með þróun
þessara mála.“ Hún bætti því við að í
nýlegum héraðsdómi hefði reynt á
ákvæði laga um ársreikninga varð-
andi lán. „Komu síðan m.a. fram
hugleiðingar um það hjá fræðimönn-
um hvort innleiðing ákvæða laga um
ársreikninga á grundvelli starfs fjár-
málaráðuneytisins væri fullnægj-
andi miðað við EES-rétt en í málinu
reyndi á skýrleika refsiheimildar.
Dóminum hefur reyndar verið áfrýj-
að.“
Ráðherra vakti sömuleiðis athygli
á því að í dönsku lögunum væri að-
eins kveðið á um sekt sem refsingu
fyrir brot á lánsákvæðum laganna.
„Hér á landi er miðað við sekt eða
fangelsi varðandi fjölmörg brot sem
upp eru talin í 153. gr. laga um hluta-
félög. Er það þá á valdi dómara að
kveða upp úr um það hvort til sektar
eða fangelsisdóms kann að koma
með tilliti til atvika í hverju máli. Er
ekki sjáanlegt að nauðsynlegt sé að
breyta þessari grein hlutafélagalag-
anna.“
Ráðherra sagði síðar í svari sínu
að vandséð væri að stjórnendur
hlutafélaga hér á landi, sem jafn-
framt væru starfsmenn félaganna,
gætu ekki eins og aðrir starfsmenn
þeirra fengið lán „innan hóflegra
marka til kaupa á hlutum þannig að
þörf sé á að girða fyrir slíkt í lögum“,
sagði hún.
Ekki þarft að breyta ákvæð-
um um lán til stjórnenda
Valgerður
Sverrisdóttir
HELGI S. Guð-
mundsson, fram-
kvæmdastjóri
rekstrarsviðs
Heilsugæslunnar
á höfuðborg-
arsvæðinu, var á
fimmtudag kos-
inn nýr formaður
bankaráðs Seðla-
banka Íslands.
Á fundi banka-
ráðs sagði Ólafur G. Einarsson af
sér formennsku í bankaráðinu, í
kjölfar tilnefningar var Helgi kos-
inn til formennsku en hann hefur
setið í bankaráði Seðlabankans
undanfarin tvö ár . Ólafur mun
áfram starfa í bankaráðinu en sem
varaformaður.
Hann hóf störf sem bankaráðs-
maður í Landsbankanum árið 1995
og tók við formennsku þar tveimur
árum síðar. Helgi var formaður
bankaráðsins þar til bankinn var
seldur árið 2003 en áður hafði hann
starfað hjá Samvinnutryggingum
og Vátryggingafélaginu.
Nýr formaður
bankaráðs
Seðlabankans
Helgi S.
Guðmundsson
SENDIHERRA Bandaríkjanna á Íslandi af-
henti á miðvikudag Landsbókasafni tæplega
200 bækur um alþjóða-, varnar- og öryggis-
mál, en gjöfinni er ætlað að efla kennslu á
þessu sviði í nýju meistaranámi í alþjóða-
samskiptum. Bækurnar verða hýstar á Þjóð-
arbókhlöðunni, og verða aðgengilegar öllum
áhugasömum.
Carol van Voorst sendiherra afhenti
Kristínu Ingólfsdóttur, rektor Háskóla Ís-
lands, bækurnar í gær. Er þetta aðeins upp-
hafið af bókagjöfum bandaríska sendiráðs-
ins, því bætt verður við nýútkomnum
fræðibókum á þessu sviði á hverju hausti, en
þær verða valdar af fræðimönnum við HÍ til
að þær nýtist sem best við kennslu og rann-
sóknir við skólann.
Í tilkynningu frá Alþjóðamálastofnun HÍ
kemur fram að mikil þörf sé á upplýstri um-
ræðu um alþjóða- og öryggismál á Íslandi,
enda kalli grundvallarbreytingar í alþjóða-
samskiptum frá lokum kalda stríðsins á
aukna fagþekkingu hér á landi.
Bandaríkin gefa bækur um varnarmál
Morgunblaðið/Kristinn
Baldur Þórhallsson, Carol van Voorst sendiherra, Kristín Ingólfs-
dóttir og Sigrún Klara Hannesdóttir glugga í bækurnar.
Mennta-
málaráðherra
hefur ráðið Ingi-
björgu S. Guð-
mundsdóttir
tímabundið í
starf skólameist-
ara Mennta-
skólans á Ísa-
firði, frá 1. ágúst
2006 til 31. júlí
2007.
Ingibjörg er skólameistari
Kvennaskólans í Reykjavík og í
fjarveru Ingibjargar hefur Odd-
nýju Hafberg, aðstoðarskólameist-
ara Kvennaskólans, verið falið að
gegna embætti skólameistara.
Ingibjörg hefur verið skólameist-
ari Kvennaskólans frá árinu 1998
og var um skeið formaður Skóla-
meistarafélags Íslands. Hún hóf
kennslustörf við Kvennaskólann ár-
ið 1970, starfaði sem fastur kennari
við skólann frá 1973, var yfirkenn-
ari frá janúar 1985–1987 og aðstoð-
arskólameistari 1987–1997.
Ingibjörg S. Guð-
mundsdóttir ráðin
skólameistari MÍ
Ingibjörg S.
Guðmundsdóttir