Morgunblaðið - 29.04.2006, Blaðsíða 11

MORGUNBLAÐIÐ LAUGARDAGUR 29. APRÍL 2006 11
FRÉTTIR
JÓN Aðalsteinn Baldvinsson, vígslu-
biskup Hólastiftis, setti í gær ráð-
stefnuna Skólasaga – skólastefna,
sem haldin er nú um helgina á Hólum
á Hjaltadal í tilefni af 900 ára afmæli
Hólaskóla. Nafni hans, Jón biskup
Ögmundsson, kom skólanum á legg
árið 1106, en skólastarf hefur verið
nær óslitið á Hólum síðan.
Á ráðstefnunni er fjallað um upp-
haf og skólahalds á Íslandi og stöðu
og stefnu íslenska framhaldsskóla- og
háskólastigsins. Stytting náms til
stúdentsprófs, boðaðar breytingar og
erfiður rekstur framhaldsskóla var
frummælendum efst í huga á málstof-
unni: Saga og staða framhaldsskóla-
stigsins á Íslandi.
Framhaldsskólarnir í sókninni
Þróun framhaldsskólans á ára-
bilinu 1955-2005 hefur verið samfelld
og regluleg að sögn Jóns Torfa Jón-
assonar, prófessors við Háskóla Ís-
lands, og fjölgun nemenda ekki meiri
en búast hefði mátt við. Umræðuna
sagði hann í gegnum þetta tímabil oft-
ast hafa snúist um hlutverk fram-
haldsskólans, inntak námsins, flokk-
un nemenda, stöðu starfsmenntunar,
stöðu kynjanna og lengd námstíma.
,,Árið 2050 myndi ég telja, með hlið-
sjón af gangi sögunnar, að skólastigin
verði tvö, almennt, samfellt grunn-
menntastig, sem mun taka frá upp-
hafi leikskóla og til loka framhalds-
skóla og síðan háskóla- og
rannsóknastig. Í þessu felst ekkert
gildismat, aðeins ályktun af þróun
sögunnar.“
Skólameistararnir norðlensku, Jón
Már Héðinsson, skólameistari MA, og
Jón F. Hjartarson, skólameistari
FNV, voru ekki sáttir við ráðuneyti
menntamála en sögðu að kennarar og
stjórnendur á framhaldsskólastigi
þyrftu einnig að líta í eigin barm og
standa saman. ,,Það má segja að
stytting framhaldsskólans sé dæmi
um breytingaferli sem sýni sofanda-
hátt og samstöðuleysi okkar sem í
framhaldsskólunum störfum. Þetta er
mál sem við misstum inn í ráðuneytið
og þar með frumkvæðið, því við í
framhaldsskólunum eigum að vera
sókninni og ráðuneytið á að vera á
hliðarlínunni ef við þurfum á að
halda,“ sagði Jón Már. Hann sagði
jafnframt að samstarf við grunn-
skólana hefði verið að aukast á síð-
ustu árum og að þegar væri farið að
draga úr skilum á milli skólastiga.
Hvað varðaði undirbúning nemenda
fyrir háskóla og þarfir háskólanna
hvatti hann til frekari umræðu. ,,Það
er mikilvægt að rjúka ekki til og leita
að patentlausnum eða búa til reglur
til að forðast umræður heldur að leyfa
hverjum framhaldsskóla að takast á
við að tengja sig við háskólana út frá
sínum gildum og framtíðarsýn.“
Þurfa stuðning fyrirtækja
Jón F. Hjartarson, skólameistari
Fjölbrautaskóla Norðvesturlands,
var harðorður í garð stjórnmála-
manna sem hann sagði að virtust oft
ekki átta sig á því að þegar ein breyt-
ing er gerð á kerfi, þá verði iðulega
fleiri kerfisbreytingar.
,,Fámennir skólar úti á landi þola
ekki eins vel fækkun nemenda sem
fylgir breytingu eins og styttingu
náms til stúdentsprófs sökum reikni-
líkans menntamálaráðuneytisins. Það
er ekki aðeins sú breyting sem við
þurfum að takast á við heldur fjöldi
annarra sem fylgja í kjölfarið, þetta
er eins og tsunami-bylgja. Það þýðir
að fjölga þarf viðfangsefnum eins og
að bjóða upp á aðfaranám í háskóla
sem vissulega er metnaðarfullt en
kostnaðarsamt og fjármagnið skortir
frá hinu opinbera sem fyrr. Við næð-
um ekki að halda uppi metnaðarfullu
skólastarfi hér nema fyrir tilstilli fyr-
irtækja sem hleypt hafa nýjum krafti
í skólahaldið og það gefur okkur vonir
um nýja og betri tíma.“
Framhaldsskólar þurfa stuðn-
ing fyrirtækja til skólastarfs
Ráðstefnan er haldin í tilefni af því að í ár eru 900 ár liðin frá því að skólahald hófst að Hólum.
Eftir Unni H. Jóhannsdóttur
Ráðstefna um skólasögu og skólastefnu haldin um helgina í tilefni af 900 ára afmæli Hólaskóla
VINSTRI græn (VG) í Reykjavík
kynntu í gær stefnumál sín fyrir
komandi borgarstjórnarkosningar.
Kynningin fór fram í strætisvagni
sem ekið var um borgina.
Svandís Svavarsdóttir, oddviti
listans, sagði rauða þráðinn í stefnu
VG vera að byggja upp samfélag, Þar
gegndu hugtökin þátttaka, aðgengi
og lýðræði lykilhlutverkum. Reykja-
víkurborg væri fyrst og fremst sam-
félag en ekki fyrirtæki. Í stefnu
Vinstri grænna, Samfélag í Reykja-
vík, kemur m.a. fram að velferðar-
þjónusta á að standa öllum til boða í
samræmi við aðstæður þeirra, óskir
og þarfir. Samþætta á heimahjúkrun
og heimaþjónustu og hafa á einni
hendi. Eins á að sameina ferðaþjón-
ustu fatlaðra og aldraðra. Þá vilja
Vinstri græn auka verksvið hverfis-
ráða og þjónustumiðstöðva og draga
úr miðstýringu.
Gott samfélag þarf á þátttöku allra
að halda og því ættu allir að hafa jafn-
an rétt til þátttöku, hvort heldur fólk
á besta aldri, börn, gamalmenni, fatl-
aðir eða innflytjendur.
Allir þurfa að eiga jafnt aðgengi að
þátttöku í samfélaginu. Vinstri græn
vilja m.a. að allt opinbert rými verði
tafarlaust gert öllum aðgengilegt.
Svandís sagði einnig að öll mál
þyrfti að skoða annars vegar frá sjón-
arhóli kynjafrelsis og jafnréttis og
hins vegar með tilliti til umhverfis-
mála og sjálfbærrar þróunar.
Árni Þór Sigurðsson, 2. sæti,
kynnti „Orkuborgina Reykjavík“.
Hann sagði að orkan sem býr í fólk-
inu væri ekki síður auðlegð en vatns-
afl og jarðvarmi. Árni sagði að orkan
væri dýrmæt og draga þyrfti úr
orkusóun. Nefndi Árni t.d. að ívilna
mætti þeim á einhvern hátt sem
ferðast á umhverfisvænum farar-
tækjum. Orkuveita Reykjavíkur
(OR) á að vera leiðandi afl í nýtingu
umhverfisvænnar orku til almennra
nota, en ekki taka frekari þátt í upp-
byggingu stóriðju. Gagnaveita gæti
orðið fjórða meginveitan og OR og
Landsvirkjun eiga að vera áfram í
samfélagslegri eigu, að mati VG.
Þorleifur Gunnlaugsson, 3. sæti,
kynnti „Náttúruborgina Reykjavík“.
Hann sagði m.a. að Reykjavík ætti að
vera til fyrirmyndar í umhverfismál-
um. Aukið vægi umhverfismála
myndi skila sér í bættri heilsu borg-
arbúa. Ekki væri ásættanlegt að t.d.
lungnasjúkir yrðu að halda sig innan-
dyra þegar loftmengun væri sem
mest í borginni á kyrrum vetrardög-
um. Draga þyrfti úr svifryki, m.a.
með minni notkun nagladekkja. Þor-
leifur sagði að standa þyrfti vörð um
Reykjanesfólkvang og Brennisteins-
fjöll, en nú væri farið að líta til þess-
ara svæða með virkjanir í huga. VG í
Reykjavík vilja fá Strætó aftur heim,
fjölga strætisvagnaleiðum og auka
ferðatíðni. Innan stjórnar Strætó bs.
hafi verið ágreiningur um eflingu
leiðakerfisins. Verði ekki hugarfars-
breyting þar vilja VG endurvekja
Strætisvagna Reykjavíkur.
Sóley Tómasdóttir fjallaði um
„Kynjaborgina Reykjavík“. Hún
sagði að konur og karlar stæðu ekki
jafnfætis í lífsbaráttunni. Aukin
fræðsla væri forsenda jafnréttis og
því þyrfti að fræða jafn stjórnendur
borgarinnar og uppeldisstarfsfólk
um jafnréttismál. VG vilja útrýma
kynjabundnu launamisrétti og aflétta
launaleynd hjá Reykjavíkurborg. Þá
verði unnið markvisst gegn kyn-
bundnu ofbeldi, klámi útrýmt úr op-
inberu rými og súlustaðir bannaðir í
Reykjavík.
Hermann Valsson, í 5. sæti, fjallaði
um „Barnaborgina Reykjavík“. Hann
sagði að Vinstri græn vildu gjald-
frjálsan leikskóla frá lokum fæðing-
arorlofs, gjaldfrjálsan skóladag í
grunnskóla og þar með bæði fríar
skólamáltíðir og frístundaheimili.
Hreinar línur í
skipulagsmálum
Árni Þór Sigurðsson gerði grein
fyrir stefnu Vinstri grænna í skipu-
lagsmálum. Þau vilja m.a. að Sunda-
braut verði lögð í jarðgöngum frá
Laugarnesi að Gufunesi með teng-
ingum við Sæbraut og hafnarsvæðið
og áfram á lágri brú frá Geldinganesi
í Álfsnes og yfir Kollafjörð. Þétta á
þjónustunet strætisvagna og veita
þeim aukinn forgang um nokkrar
meginæðar. Fjölga á hjólreiðabraut-
um og gera þær að raunhæfum sam-
gönguleiðum um höfuðborgarsvæðið.
Þróa á Vatnsmýrina sem vistvæna
byggð og tengja hana Álftanesi með
Skerjabraut yfir Skerjafjörð. Strand-
lengjan verði vernduð á völdum stöð-
um. Endurmeta þarf staðsetningu og
umfang nýs Landspítala. Listahá-
skólinn verði byggður upp við Sölv-
hólsgötu/Skúlagötu og Miklabraut
lögð í stokk milli Snorrabrautar og
Kringlumýrarbrautar. Reykjavíkur-
flugvelli verði fundinn staður í aust-
urjaðri borgarinnar.
Vinstri græn í Reykjavík kynna stefnu sína í borgarmálum
Mest áhersla á aðgengi,
þátttöku og lýðræði
Morgunblaðið/Ómar
Svandís Svavarsdóttir, oddviti Vinstri grænna í Reykjavík, ávarpaði fulltrúa
fjölmiðla á kynningarfundi í strætó, en hann fór í stutta ferð um borgina.
ÚTFÖR Elísabetar Maríu Kvaran
var gerð frá Dómkirkjunni í
Reykjavík í gær að viðstöddu fjöl-
menni, en Elísabet lést 19. apríl sl.
Séra Jakob Ágúst Hjálmarsson
dómkirkjuprestur jarðsöng.
Kistuna báru úr kirkju: Axel Krist-
jánsson, Einar Kr. Guðfinnsson,
Hallgrímur Gunnarsson, Halldór
Blöndal, Elísabet Kvaran, Finnur
Geirsson, Hallgrímur Geirsson og
Gunnar Kvaran.
Útför Elísabetar
Maríu Kvaran
Morgunblaðið/Eyþór
MORGUNBLAÐINU hefur bor-
ist eftirfarandi yfirlýsing frá Jó-
hannesi Jónssyni, stofnanda Bón-
uss.
„Það var ógeðfellt að lesa for-
ystugrein Morgunblaðsins í gær
þar sem ritstjórinn fjallar um
Baugsmálið svokallaða. Þar segir
ritstjórinn orðrétt um endurútgáfu
á ákæru í málinu: ,,Þetta þýðir í
raun að efnahagsbrotadeild ríkis-
lögreglustjóra hefur verið endur-
reist ef svo má að orði komast.“
Þvílíkt og annað eins. Ég var
sakaður af þessum aðilum um aðild
að hundruð milljóna fjárdrætti í
ákæru sem mér var birt 1. júlí
2005. Málið fékk í kjölfarið útreið
hjá dómstólum þar sem 32 af 40
ákæruliðum var vísað frá í Hæsta-
rétti Íslands og hinum 8 eftirstand-
andi liðum lauk með sýknudómi í
Héraðsdómi Reykjavíkur 15. mars
sl.
Þegar ákæran var endurútgefin
voru allar sakargiftir hvað mig
varðar horfnar. Það er því ekki
annað hægt en að líta svo á að ég
hafi verið hafður fyrir rangri sök.
Hinn horfni saksóknari, Jón H.B.
Snorrason, hefur því framið stór-
kostleg afglöp í starfi. Hann hlýtur
að þurfa að svara fyrir það í dóms-
sölum.
Túlkun Morgunblaðsins á að
nýjar ákærur séu uppreisn æru
fyrir ríkislögreglustjóra er ógeðs-
leg. Ég veit sjálfur hvernig það er
að vera hafður fyrir rangri sök svo
árum skiptir. Það er bæði sárt og
vont. Það ber að refsa mönnum
sem gera saklausu fólki slíkt.“
Ógeðfellt