Morgunblaðið - 12.05.2006, Qupperneq 24

24 FÖSTUDAGUR 12. MAÍ 2006 MORGUNBLAÐIÐ
MINNSTAÐUR
Hesthús verða fjarlægð | Bera má hesthús í
Egilsstaðabæ, í svokölluðu Votahvammslandi,
út, skv. úrskurði Hæstaréttar, sem staðfest hef-
ur dóm Héraðsdóm Austurlands þar að lútandi.
Fyrir nokkrum misserum var byggð upp ný að-
staða fyrir hestamenn í Fossgerði skammt utan
Egilsstaða en staðið hefur mikill styr um gömul
hesthús í útjaðri bæjarins, þar sem nú er fyr-
irhuguð íbúðabyggð.
Eigandi hesthúss þar kærði á sínum tíma úr-
skurð Héraðsdóms til Hæstaréttar og krafðist
ómerkingar á grundvelli þess að héraðsdómari
hefði tekið afstöðu til hugsanlegs bótaréttar,
sem hesthúseigandinn taldi sig hafa eignast á
hendur sveitarfélaginu við að verða knúinn til
að fjarlægja húsið. Í dómi Hæstaréttar er fallist
á að ekki hafi verið efni til þess að taka afstöðu
til bótaréttar þar sem málið snýst aðeins um
kröfu sveitarfélagsins um útburð hesthúsanna.
Þetta er þó ekki talið geta valdið ómerkingu á
úrskurði Héraðsdóms. Hæstiréttur klofnaði í
afstöðu sinni og einn dómari af þremur skilaði
séráliti þar sem hann telur að fella beri úrskurð
Héraðsdóms úr gildi.
AUSTURLAND
Kanna atvinnu- og dvalarleyfi | Fljóts-
dalshérað og Fljótsdalshreppur hafa farið þess
á leit við sýslumannsembættið á Seyðisfirði að
skoðað verði ítarlega hvort þeir erlendu starfs-
menn sem starfa við byggingu Kára-
hnjúkavirkjunar hafi gild atvinnu- og dval-
arleyfi og hvort þeir hafi lögheimili í
Fljótsdalshreppi eða á Fljótsdalshéraði, þeim
sveitarfélögum sem eiga land að virkj-
unarsvæðinu. Miklu skiptir að fullnægjandi
upplýsingar þar að lútandi liggi fyrir þar sem
um verulega hagsmuni er að ræða fjárhags-
lega fyrir sveitarfélögin og að auki sé það lög-
boðið hlutverk sveitarfélaganna að fylgjast
með lögheimilisskráningum og fleiri þáttum er
varða íslensk lög og reglur.
Reyðarfjörður | Ferðafélag Fjarðamanna fór
um liðna helgi í sína árlegu fuglaskoðun á
Reyðarfirði. Gengið var að venju frá tjaldstæð-
inu og niður á leirurnar í sól og blíðskap-
arveðri. Fuglar virðast ekki láta stór-
iðjuframkvæmdir neitt á sig fá og fjölgar
tegundum. Nokkuð hefur þó verið þrengt að
leirusvæðinu með landfyllingum.
Í þessari ferð sáust 27 tegundir sem er
nokkuð mikið miðað við að nú sáust t.d. hvorki
hrafn né svartbakur.
Á svæðinu voru 6 andategundir, flestar hafa
verið þar áður en skeiðönd sást í fyrsta skipti.
Hún er mjög sjaldgæfur fugl á Íslandi en upp
úr 1930 var fyrst vitað um varp hennar á Norð-
urlandi. Litir hennar eru áberandi, höfuð
steggsins er grænt, bringan hvít og hliðar
rauðbrúnar en kollan er brún.
Nokkrar mávategundir sáust og ein þeirra
var líklega bjartmávur, hvítur með grátt bak
og gulan gogg, hann verpir m.a. á Grænlandi
en er vetrarfugl á Íslandi. Leiðbeinandi var
Halldór Walter Stefánsson.
Fuglategundum fjölgar í Reyðarfirði
Ótruflaðir af
stóriðjufram-
kvæmdum
Morgunblaðið/Hallfríður Bjarnadóttir
Fuglaskoðun Nágrennið skoðað úr fjarlægð á Reyðarfirði.
Flugslysaæfing | Nk. laugardag verður á
Höfn í Hornafirði mikil flugslysaæfing í sam-
starfi við Flugmálastjórn og almannavarna-
deild ríkislögreglustjóra. Sett verður á svið
slys þar sem flugvél með 30 manns innanborðs
hefur brotlent við flugbrautina á Hornafjarð-
arflugvelli. Fjölmargir aðilar koma að æfing-
unni og er tilgangur hennar m.a. að æfa við-
brögð við stórslysi á Hornafirði, hvort sem um
flugslys væri að ræða, sjóslys eða annars kon-
ar vá.
  
  
Seyðisfjörður | Þeir voru dugn-
aðarlegir þessir náungar á höfn-
inni á Seyðisfirði einn blíðviðris-
daginn fyrir skemmstu og voru í
járnabindingum í innsta þilinu.
Grindin er annars að verða klár og
sögðu þeir þessa viðbót við höfn-
ina verða tilbúna um miðjan júní
ef svo færi sem horfði.
Hafnar-
bætur á
Seyðisfirði
Tæpur milljarður í fráveitu |
Verja á 903 milljónum króna í úr-
bætur á fráveitumálum í Fjarða-
byggð. Á fundi bæjarráðs var
kynnt skýrsla um ástand fráveit-
umála í sveitarfélaginu. Lét Magni
Kristjánsson bæjarfulltrúi bóka af
því tilefni að 90 útræsi séu í sveitar-
félaginu og þar af yfir 20 þar sem
húsaskólpi sé veitt í læki. Allt renni
þetta í fjörur eða fjöruborð en ekki
talsvert í sjó fram eins og lög geri
ráð fyrir. Nú verði ekki lengur und-
an því vikist að á næstu tveimur ár-
um verði varið eins og einum millj-
arði í fráveitumál. Rétt sé að hafa
þetta í huga þegar lagt er mat á
fjárhagslega stöðu bæjarins.
HÖFUÐBORGARSVÆÐIÐ
Seltjarnarnes | Trimmklúbbur Sel-
tjarnarness (TKS) stendur nú á laug-
ardag fyrir Neshlaupinu sem nú er
haldið í 18. sinn, en það nýtur mikilla
vinsælda meðal götuhlaupara og
skemmtiskokkara.
Rúmlega 30 félagar í trimm-
klúbbnum sjá um framkvæmd
hlaupsins en að auki er sjúkraþjón-
usta á bakvakt og lögregla fylgir
hlaupurunum í upphafi. Tímataka er í
höndum starfsmanns Frjálsíþrótta-
sambands Íslands.
Að þessu sinni verður skráning í
Áhaldahúsi Seltjarnarness frá klukk-
an 9 á laugardagsmorguninn en
hlaupið hefst þaðan klukkan 11 að
lokinni upphitun sem þjálfarar TKS
sjá um. Þetta er í fyrsta sinn sem ekki
er hlaupið frá Sundlaug Seltjarn-
arness, en nú standa yfir gagngerar
breytingar á henni og hún því lokuð.
Hægt er að velja um þrjár vega-
lengdir í hlaupinu, 3,4 km, 7,5 km og
15 km. Keppt er í fjórum aldurs-
hópum, 16 ára og yngri, 17–34 ára,
35–49 ára og 50 ára og eldri. 3,4 kíló-
metrarnir eru í raun skemmtiskokk,
enda ekki tímataka á þeirri vega-
lengd, og því tilvalið fyrir fjölskyldur
að draga fram íþróttaskóna og vera
með í skemmtilegri tilbreytingu.
Skráningargjald í neshlaupið er
600 krónur fyrir fullorðna en 300
krónur fyrir 16 ára og yngri (fædd
1990 og síðar). Hámarksgjald fyrir
fjölskyldu er 1.200 krónur.
Veittir eru verðlaunapeningar fyrir
fyrstu þrjú sæti í öllum aldurs-
flokkum í vegalengdum þar sem
tímataka fer fram en einnig fyrir
fyrstu þrjú sæti karla og kvenna í 3,4
km. Allir sem ljúka hlaupinu fá mark-
pening og að hlaupinu loknu verða
dregnir út fjölmargir útdráttarvinn-
ingar.
Neshlaupið á laugardag
skyldustefnu Seltjarnarnesbæjar
eru þannig sett fram markmið um
hvernig stuðla skuli að fjöl-
skylduvænu samfélagi sem þjóni og
taki mið af þörfum íbúanna auk
þess að gefa þeim kost á að njóta sín
sem einstaklingar og heild.
Fjölskyldustefnunni er ætlað að
hafa áhrif á umgjörð og velferð fjöl-
skyldna og er ætlað að hafa for-
varnaráhrif ásamt því að efla lífs-
gæði íbúanna. Í stefnunni felst
stuðningur foreldra við uppeldi
barna en góð aðstaða barna og ung-
linga til náms, tómstunda og
íþrótta, þar sem þeim er tryggt ör-
yggi, er afar mikilvæg bæði fyrir
foreldrana og einnig gagnvart
börnum sem búa að því á fullorðins-
árum. Margir kjósa að búa einir og
er fjölskyldustefnunni einnig ætlað
að höfða til þeirra.
Seltjarnarnes | Fjölskyldustefnu,
sem nýlega var samþykkt í bæj-
arstjórn Seltjarnarness, verður
dreift á hvert heimili í bæjarfélag-
inu í þessari viku. Í stefnunni eru
sett fram markmið um þjónustu
bæjarins við fjölskyldur. Sex manna
starfshópur var skipaður til verks-
ins um mitt ár 2003 en auk þess
komu félagsmálastjóri bæjarins og
formaður félagsmálaráðs að vinnu
hópsins. Hópurinn átti auk þess
samstarf við fjölmarga aðila í bæj-
arfélaginu um mótun stefnunnar en
óskað var eftir hugmyndum og til-
lögum frá íbúum, félögum og stofn-
unum við gerð hennar.
Að sögn Jónmundar Guðmars-
sonar, bæjarstjóra Seltjarnarnes-
bæjar, er það stefna sveitarfé-
lagsins að hlúa eins vel að
fjölskyldunni og hægt er. Í fjöl-
Fjölskyldustefna Seltjarnarness kemur út
Mosfellsbær | Skrifað hefur verið
undir samninga um aukið samstarf
Mosfellsbæjar og íþrótta- og tóm-
stundafélaga í bænum vegna barna-
og unglingastarfs félaganna. Með
samningnum, sem kostar bæjar-
félagið 15 milljónir króna á ári,
setja félögin sér það markmið að
verða fyrirmyndarfélög Íþrótta- og
ólympíusamband Íslands (ÍSÍ) á
næstu tveimur árum.
Sigurður Guðmundsson, íþrótta-
fulltrúi Mosfellsbæjar, segir að
samningurinn eigi eftir að efla starf
félaganna mikið, og breyta gríðar-
lega miklu fyrir félögin, og þar af
leiðandi fyrir börn og unglinga í
Mosfellsbæ.
Einnig var samið um styrktar- og
afrekssjóð Mosfellsbæjar og
íþrótta- og tómstundafélagana, sem
er ætlað að styrkja ungt afreksfólk.
Samningarnir eru til tveggja ára, og
því kostnaður sveitarfélagsins yfir
30 milljónir króna á samningstím-
anum.
Við sama tækifæri var einnig vígt
nýtt vallarhús við Tungubakkavöll,
en þar verður aðstaða fyrir félögin
ásamt búninga- og baðaðstöðu.
Skrifað var undir samning við Aft-
ureldingu um umsjón og rekstur
svæðisins næstu tvö árin.
Á Tungubakkavelli eru margir
fótboltavellir, og „Þetta gjörbreytir
aðstöðu til æfinga- og keppnishalds
á því sem er sennilega eitt stærsta
knattspyrnusvæðið á höfuðborgar-
svæðinu,“ segir Sigurður.
Samið um starf íþrótta- og tómstundafélaga í Mosfellsbæ
Ætla sér öll að verða
fyrirmyndarfélög ÍSÍ
Morgunblaðið/Kristinn
Samið Fulltrúar Mosfellsbæjar og íþrótta- og tómstundafélaga bæjarins skrifuðu undir samstarfssamning.