Morgunblaðið - 16.05.2006, Blaðsíða 8

8 ÞRIÐJUDAGUR 16. MAÍ 2006 MORGUNBLAÐIÐ
FRÉTTIR
Þjóðarblómið hefði kannski átt að vera gleymmérei, til að minna á það sem þarf að gera
núna en ekki það sem á að gera eftir 10 ár.
Fulltrúar framboð-anna í Reykjavíkvið borgarstjórnar-
kosningarnar í vor hafa
miklar efasemdir um flutn-
ing Árbæjarsafns út í Við-
ey, ef þeir eru ekki beinlín-
is andvígir því, en telja þó
eðlilegt að málið sé yfirfar-
ið.
„Mér finnst þessi um-
ræða komin langt framúr
sjálfri sér, því bæði Viðey
og Árbæjarsafn heyra
undir menningar- og ferða-
málaráð, sem ekki hefur
fjallað um þetta mál,“ sagði
Stefán Jón Hafstein, borgarfulltrúi
Samfylkingarinnar og formaður
menningar- og ferðamálaráðs.
Hann sagði að erindið um flutn-
inginn hefði komið til borgarstjóra
og borgarráðs og þar hefði verið
ákveðið að taka málið til skoðunar
á meðal embættismanna borgar-
innar, sem væri auðvitað sjálfsögð
kurteisi þegar erindi af þessu tagi
bærist. Hugmyndum um flutning
safnsins hefði oft verið varpað fram
áður og margir meinbugir væru á
slíkri hugmynd. Til að mynda væri
ljóst að rekstrarkostnaður safnsins
mundi aukast gríðarlega, auk þess
sem flutningur safnsins og upp-
bygging á lóð safnsins væru alger-
lega ótengd mál.
„Það verður að fara í þetta á
grundvelli hagsmuna safnsins í
fyrsta lagi og hagsmuna Viðeyjar í
öðru lagi og þessi skoðun hefur
ekkert farið fram.“
Stefán Jón segist sjálfur hafa
haft ýmsar efasemdir í þessum efn-
um. Hann sjái ekki alveg hvernig
það geti orðið safninu til góða að
fara út í Viðey, þó ýmsir aðrir telji
það. Hins vegar finnist honum
safnið ekkert sérstaklega vel stað-
sett í borginni þar sem það sé.
„Ef það er eindregin andstaða á
meðal þeirra sem gerst þekkja til,
þ.e. starfsfólksins og fagmann-
anna, er ég ekki hlynntur flutningi,
enda tel ég að ekki geti af þessu
orðið nema í góðri sátt við Árbæj-
arsafn, starfsfólk þess og íbúa í
nágrenninu,“ sagði Ólafur F.
Magnússon, oddviti Frjálslynda
flokksins.
Hann segir að það hafi komið
upp ýmsar góðar hugmyndir um
flutning annarra gamalla húsa
annað, en honum heyrist fólki ekki
hugnast að flytja það, sem núna er,
burt með ærinni fyrirhöfn og
kostnaði, því það sé greinilegt að
Árbæjarsafn sé mjög vel þokkað af
borgarbúum þar sem það sé.
„Svo er það meira okkar stefna
að vernda gömul hús í sínu upp-
runalega umhverfi þar sem saga
þeirra er skráð með tilvist þeirra
heldur en að rífa þau eða flytja
þau,“ sagði Ólafur ennfremur.
Svandís Svavarsdóttir, oddviti
VG, sagði að það að efla starfsem-
ina í Viðey tengdist í sjálfu sér ekki
flutningi Árbæjarsafns sem væri
mjög dýr framkvæmd. „Það varð
þverpólitísk samstaða um það í
borgarstjórn að setja málið í skoð-
un, en mér finnst full ástæða til
þess að hlusta eftir sjónarmiðum
starfsfólks safnsins, sem ætti að
vita best um stöðu þess og framtíð-
armöguleika. Við höfum til dæmis
viljað taka undir þeirra vangavelt-
ur um það að opna safnið dalsmeg-
in, þ.e.a.s. að komið sé að því neðan
úr dalnum og það sé endapunktur á
útvistarmöguleikum þar. Ég held
að það væri alveg við hæfi að efla
safnið í tilefni af 50 ára afmæli þess
á næsta ári og styðja myndarlega
við bakið á því metnaðarfulla starfi
sem þar er unnið,“ sagði Svandís.
Vilhjálmur Þ. Vilhjálmsson, odd-
viti sjálfstæðismanna, segir að full
ástæða sé til þess að skoða þessa
hugmynd um flutning Árbæjar-
safns út í Viðey og athuga hvort
þarna sé um raunhæfa hugmynd
að ræða. Þetta sé hins vegar ekki
eitt af stefnumálum flokksins, enda
nýbúið að kynna hugmyndina.
„Það er sjálfsagt að skoða þessa
hugmynd, en það er ekki gott að
segja hver niðurstaðan verður,“
sagði Vilhjálmur.
Hann bætti því að eðlilegt væri
að skoða kosti og galla flutnings og
meta síðan málið í ljósi þess sem
það myndi leiða í ljós. Það væri
ekki góð latína til dæmis að ákveða
flugvöll einhvers staðar áður en
búið væri að rannsaka þá kosti og
galla sem við það séu.
Óskar Bergsson, annar maður á
lista Framsóknarflokks, segir að
hann hafi átt fund með starfs-
mönnum safnsins í gær, þar sem
honum hafi verið kynnt starfsemin.
Þeim finnist að þau séu ekki höfð
með í ráðum. „Það sem mér finnst
kannski meginmálið er að safnið sé
metið eins og það er rekið. Það er
að styrkjast og heimsóknum þar að
fjölga. Elliðaárdalurinn er eitt
helsta útivistarsvæði borgarinnar.
Umferð þar er alltaf að aukast og
safnið vill bara styrkjast með daln-
um og við styðjum safnið á þeim
stað sem það er,“ sagði Óskar.
Hann sagði að brýnustu úr-
lausnarefni skipulagsyfirvalda í
borginni væru staðsetning flugvall-
ar, Sundabraut og hvernig nægt
lóðaframboð yrði tryggt.
„Það koma mjög margir í Ár-
bæjarsafn. Það koma um þúsund
manns á góðviðrisdegi á sumrin og
eins á aðventunni og ég er hrædd-
ur um að gestum fækki við það að
flytja safnið út í Viðey. Við erum á
því að það megi styrkja Viðey og
gera hana öflugri, en mér finnst
ekki að það eigi að gera á kostnað
Árbæjarsafns,“ sagði Óskar.
Fréttaskýring | Framtíð Árbæjarsafns
Efast um flutn-
inginn í Viðey
Borgarfulltrúar hafa efasemdir um flutn-
ing, en telja eðlilegt að málið sé skoðað
Mörg falleg hús eru á Árbæjarsafni.
Árbæjarsafn verður hálfrar
aldar gamalt á næsta ári
 Á næsta ári eru 50 ár frá því
Árbæjarsafn var sett á lagg-
irnar. Þá var samþykkt að
byggja upp Árbæ, sem þá var
orðinn illa farinn og koma þar
upp almenningsgarði og safni
gamalla húsa sem hefðu menn-
ingarsögulegt gildi. Smiðshús
var flutt þangað 1960, síðan
Dillonshús 1961 og Suðurgata 2
og þannig koll af kolli, en nú er á
safninu á annan tug gamalla
húsa.
Eftir Hjálmar Jónsson
hjalmar@mbl.is
UNNIÐ hefur verið að stofnun Pólý-
fónfélagsins að undanförnu, en að
stofnun þess stendur hópur fyrrver-
andi félaga Pólýfónkórsins sem
starfaði frá árinu 1957 allt til ársins
1989. Að sögn Ólafar Magnúsdóttur,
forsvarsmanns hins óstofnaða fé-
lags, verður meginstarfsemi félags-
ins að gefa út geisladiska með öllu
því sem kórinn hefur tekið upp. Ólöf
sagði að ógrynni af efni lægi í
geymslum Ríkisútvarpsins og -sjón-
varps og það yrði fyrsta verk óstofn-
aðs félags að koma þessum upptök-
um á stafrænt form. Ólöf sagði að
margir hefðu beðið eftir því að koma
þessu í verk en það væri ekki mögu-
legt nema með utanaðkomandi að-
stoð til að komast í hirslur RÚV.
Hún vildi skora á forráðamenn RÚV
og menntamálaráðherra að hlutast
til um í fyrsta lagi að bjarga upp-
tökum á efni Pólýfónkórsins frá glöt-
un, og láta kórnum í té afrit allra not-
aðra hljóðritana til útgáfu úrvals og í
öðru lagi að styrkja útgáfu á því
besta frá Pólýfón á þremur geisla-
diskum á næstu tveimur árum.
Ferðast um slóðir Bachs
Auk fyrrgreindrar plötuútgáfu
stefnir hið óstofnaða félag að því að
ferðast til fremstu listaborga Þýska-
lands dagana 10.–20. ágúst næst-
komandi. Verður ferðast um borg-
irnar Dresden, Leipzig og Berlín
með sérstakri áherslu á líf og starf
Jóhanns Sebastian Bach. Farastjóri
verður Ingólfur Guðbrandsson,
stofnandi Pólýfónkórsins, og sagðist
Ólöf búast við skemmtilegri ferð og
aldrei væri að vita nema að lagið yrði
tekið. Öllum er frjáls aðgangur að fé-
laginu og er hægt að gerast meðlim-
ur með því að hafa samband við
Ólöfu.
Skora á ráðherra að bjarga
upptökum Pólýfónkórsins
Pólýfónkórinn söng á sínum tíma fyrir Jóhannes Pál páfa II.