Morgunblaðið - 16.05.2006, Blaðsíða 17
MORGUNBLAÐIÐ ÞRIÐJUDAGUR 16. MAÍ 2006 17
ERLENT
Greiðsluáskorun
Innheimtumenn ríkissjóðs skora hér með á gjaldendur
eftirtalinna gjalda að gera skil nú þegar eða í síðasta lagi
innan 15 daga frá dagsetningu áskorunar þessarar:
Gjöldin eru: Staðgreiðsla tekjuskatts, útsvars og tryggingagjalds sem fallið hefur í eindaga til og
með 15. maí 2006, virðisaukaskattur sem fallið hefur í eindaga til og með 5. maí 2006 og önnur
gjaldfallin álögð gjöld og ógreiddar hækkanir er fallið hafa í eindaga til og með 15. maí 2006, á
staðgreiðslu tekjuskatts, útsvars og tryggingagjalds, virðisaukaskatti, virðisaukaskatti í tolli, van-
skilum launagreiðenda á gjöldum í og utan staðgreiðslu, fjármagnstekjuskatti á skilaskylda aðila,
áfengisgjaldi, launaskatti, bifreiðagjaldi, úrvinnslugjaldi, olíugjaldi, kílómetragjaldi, viðbótar- og
aukaálagningu söluskatts vegna fyrri tímabila, skráningargjaldi vegna lögskráningar sjómanna, ið-
gjaldi í Lífeyrissjóð bænda, vinnueftirlitsgjaldi, vörugjaldi af innlendri framleiðslu, vörugjaldi af
ökutækjum, eftirlitsgjöldum, aðflutningsgjöldum, skilagjaldi á umbúðir, fasteignagjöldum, skipu-
lagsgjaldi, skipagjöldum, fisksjúkdómagjaldi, jarðarafgjaldi og álögðum þing- og sveitarsjóðsgjöld-
um, sem eru:
Tekjuskattur og útsvar ásamt verðbótum á ógreiddan tekjuskatt og útsvar, sérstakur tekju-
skattur manna, eignarskattur, sérstakur eignarskattur, fjármagnstekjuskattur, slysatrygginga-
gjald vegna heimilisstarfa, tryggingagjald, búnaðargjald, iðnlánasjóðs- og iðnaðarmálagjald,
markaðsgjald, gjald í framkvæmdasjóð aldraðra og skattur af verslunar- og skrifstofuhús-
næði, ofgreiddar barnabætur og ofgreiddar vaxtabætur.
Fjárnáms verður krafist án frekari fyrirvara að þeim tíma liðnum fyrir vangoldnum eftirstöðvum
gjaldanna ásamt dráttarvöxtum og öllum kostnaði, sem af innheimtu skuldarinnar kann að leiða, á
kostnað gjaldenda.
Athygli skal vakin á því að auk óþæginda hefur fjárnám í för með sér verulegan kostnað fyrir gjald-
anda. Fjárnámsgjald í ríkissjóð er allt að 12.700 kr. fyrir hvert fjárnám. Þinglýsingargjald er 1.350
kr. og stimpilgjald 1,5% af heildarskuldinni, auk útlagðs kostnaðar eftir atvikum. Eru gjaldendur
hvattir til að gera full skil sem fyrst til að forðast óþægindi og kostnað.
Þá mega þeir gjaldendur, sem skulda staðgreiðslu, staðgreiðslu tryggingagjalds, vörugjald, afdreg-
inn fjármagnstekjuskatt, áfengisgjald og virðisaukaskatt, búast við því að starfsemi þeirra verði
stöðvuð án frekari fyrirvara, þeir gjaldendur er skulda bifreiðagjöld og þungaskatt mega eiga von á
að skráningarnúmer verði tekin af ökutækjum þeirra án frekari fyrirvara og þeir gjaldendur sem
skulda gjöld þar sem lögveð fylgir mega búast við að send verði út sérstök greiðsluáskorun fyrir
gjaldföllnum kröfum. Greiðsluáskorunin hefur ekki áhrif á þessi innheimtuúrræði þannig að fyrr-
greindur 15 daga frestur frá dagsetningu áskorunar þessarar gildir ekki í þessum tilvikum.
Reykjavík, 16. maí 2006
Tollstjórinn í Reykjavík
Sýslumaðurinn í Kópavogi
Sýslumaðurinn í Hafnarfirði
Sýslumaðurinn í Keflavík
Sýslumaðurinn á Keflavíkurflug-
velli
Sýslumaðurinn á Akranesi
Sýslumaðurinn í Borgarnesi
Sýslumaðurinn í Stykkishólmi
Sýslumaðurinn í Búðardal
Sýslumaðurinn á Ísafirði
Sýslumaðurinn í Bolungarvík
Sýslumaðurinn á Patreksfirði
Sýslumaðurinn á Hólmavík
Sýslumaðurinn á Siglufirði
Sýslumaðurinn á Sauðárkróki
Sýslumaðurinn á Blönduósi
Sýslumaðurinn á Akureyri
Sýslumaðurinn á Húsavík
Sýslumaðurinn á Ólafsfirði
Sýslumaðurinn á Seyðisfirði
Sýslumaðurinn á Eskifirði
Sýslumaðurinn á Höfn
Sýslumaðurinn í Vestmannaeyjum
Sýslumaðurinn á Selfossi
Sýslumaðurinn í Vík
Sýslumaðurinn á Hvolsvelli
Gjaldheimta Vestfjarða
Gjaldheimta Austurlands
Gjaldheimtan í Vestmannaeyjum
Laugarnesskóli 70 ára
Afmælishátíð Laugarnesskóla og hverfishátíðin
„Laugarnes á ljúfum nótum“ verður haldin
laugardaginn 20. maí n.k. kl. 11:00-16:00
Hátíðin verður sett með því að syngja morgunsöng.
Margt verður í boði s.s. myndir frá fyrri árum.
Hátíðin fellur að hluta til að dagskránni
„Laugarnes á ljúfum nótum“.
Ánægjulegt væri að sjá sem flesta koma
og njóta dagsins með okkur.
Fylgist með á www.laugarnesskoli.is.
Hjartanlega velkomin.
Starfsfólk og nemendur
Laugarnesskóla.
AÐ MINNSTA kosti 81 hafa fallið
í átökum lögreglu og meðlima um-
fangsmikilla glæpasamtaka í Bras-
ilíu frá því á föstudag. Strætis-
vagnar, bankar og lögreglustöðvar
eru meðal skotmarka samtakanna,
sem halda að auki á þriðja hundr-
að manns í gíslingu í tugum fang-
elsa í landinu.
Luiz Inacio Lula da Silva, for-
seti Brasilíu, hefur boðið Claudio
Lembo, ríkisstjóra Sao Paulo-ríkis,
aðstoð við að kveða niður aðgerð-
irnar. Ríkisstjórinn hefur hins
vegar hafnað slíkri aðstoð og sagt
að sínir menn muni ráða við
ástandið.
Brasilíuforseti boðaði engu að
síður ríkisstjórn sína á neyðarfund
í gær vegna ástandsins, sem talið
er geta haft neikvæð áhrif á ferða-
þjónustu landsins.
Aðgerðirnar komu í kjölfar þess
að lögreglan flutti 765 félaga
glæpasamtakanna Fyrsta Herdeild
Höfuðborgarinnar (PCC), þar af
átta þekkta glæpaforingja, í fang-
elsi með hámarks öryggisgæslu.
Markmið flutninganna var að
koma í veg fyrir að fangarnir gætu
stjórnað aðgerðum PCC utan
fangelsanna. Það þykir því til
marks um útbreiðslu PCC að að-
gerðunum nú sé stjórnað úr fjöl-
mörgum fangelsum í Sao Paulo og
nágrenni.
Þá hefur verið tilkynnt um of-
beldisaðgerðir í borgunum Guar-
uja, Santos og Cubatao, sem liggja
við strönd landsins. Herma fjöl-
miðlar á svæðinu að glæpagengin
hafi notað vélbyssur, handsprengj-
ur og heimatilbúnar sprengjur í
árásum í Sao Paulo og borgunum
þremur, en hefndaraðgerðirnar
vegna flutninganna hafa reynst
mun umfangsmeiri en ráð var fyrir
gert.
Alls hafa 36 lögreglumenn fallið
í árásum PCC, en áætlað er að
árásir á stöðvar þeirra séu ekki
undir 100. Glæpagengi í Brasilíu
hafa áður staðið fyrir blóðugum
aðgerðum, en aldrei með jafn um-
fangsmiklum hætti og nú. Að sögn
Enio Lucciola, talsmanns örygg-
isráðuneytis Sao Paulo-ríkis, hafa
uppreisnarmenn PCC í fangelsum
landsins hins vegar hvorki lagt
fram formlegar kröfur né valdið
gíslum sínum skaða.
Stofnuð eftir fangauppreisn
Samtökin PCC voru stofnuð í
Sao Paulo árið 1993 af félögum
ýmissa glæpagengja í Taubate-
fangelsinu, í Sao Paulo, eftir að
111 fangar voru myrtir þegar lög-
reglan reyndi að kveða niður
fangauppreisn.
Lítið þótti fara fyrir samtökun-
um þar til í febrúar 2001, þegar
þau skipulögðu umfangsmestu
fangauppreisn í sögu landsins.
Umsvif samtakanna þykja síðan
hafa aukist mjög á síðustu árum,
en frá því í ársbyrjun hafa þau
staðið fyrir tugum uppreisna í
fangelsum landsins.
AP
Ungur Brasilíumaður horfir á leifar strætisvagns í einu úthverfa borgarinnar Sao Paulo í gær.
Stjórn
Brasilíu á
neyðarfundi
Eftir Baldur Arnarson
baldura@mbl.is
Fréttir í tölvupósti
Sydney. AP. | Nýja-Sjáland er ekki
til sölu, að sögn uppboðsvefjarins
eBay, þótt Ástrali nokkur hafi
reynt að selja landið hæstbjóð-
anda á netinu.
Fyrsta tilboðið var aðeins eitt
ástralskt sent en hæsta boðið var
3.000 ástralskir dollarar, sem
samsvarar um 165.000 krónum,
þegar eBay ákvað að stöðva upp-
boðið. Ástralinn hafði þá fengið
alls 22 tilboð í landið.
„Nýja-Sjáland er auðvitað ekki
til sölu,“ sagði Daniel Feiler, tals-
maður eBay í Ástralíu.
„Hér eru aðallega seldar
heimilisvörur en endrum og eins
eru ýmsir skringilegir hlutir
boðnir upp. Við skoðum þá og ef
allt er eins og vera ber þá látum
við þá vera en ef við sjáum
eitthvað sem ekki er hægt að
selja þá tökum við það af vefn-
um.“
Nýja-Sjáland ekki til sölu