Morgunblaðið - 16.05.2006, Blaðsíða 30

30 ÞRIÐJUDAGUR 16. MAÍ 2006 MORGUNBLAÐIÐ
UMRÆÐAN
LISTASKÓLI Mosfellsbæjar er nýstofnaður skóli sem ætlað er að efla
listnám og auka fjölbreytnina í listalífi bæjarfélagsins. Væntingar standa
til þess að innan fárra ára verði það ótvírætt að stofnun skólans hafi örv-
að sköpunargleði bæjarbúa.
Fjölbreyttara listnám
Með stofnun Listaskóla Mosfellsbæjar hefur verið lagður
grundvöllur til eflingar listnáms í bæjarfélaginu. Í Lista-
skólanum er annars vegar starfrækt tónslistarskóladeild
(tónlistarskóli) með hefðbundnu tónlistarnámi og hins veg-
ar fjöllistadeild sem nær nú til starfsemi Skólahljómsveit-
arinnar auk samstarfssamninga við Myndlistarskóla Mos-
fellsbæjar og Leikfélags Mosfellssveitar. Hér hefur því verið komið á
samstarfi ólíkra listgreina með því að mynda eins konar regnhlíf yfir list-
kennslu og listnám í bæjarfélaginu. Sérstaklega ánægjulegt er að hér
hefur tekist að koma á samstarfi frjálsra félagasamtaka, einkaaðila og
bæjarfélagsins um starfsemina. Aðkoma bæjarfélagsins verður markviss-
ari og samstarfið skapar meiri festu í starfi frjálsu félagasamtakana og
einkaaðila sem taka þátt í skólanum. Það er verkefni komandi ára að efla
Listaskólann enn frekar og ná til fleiri listgreina og auka tengsl við aðila
utan stofnana bæjarins. Markmiðið er að ná fleiru undir regnhlífina og
auka þar með fjölbreytnina í þeirri þjónustu sem bæjarbúum stendur til
boða.
Víðtækara samstarf
Það samstarf sem fjallað hefur verið um hér fyrir framan er vissulega
mikilvægt listalífinu í Mosfellsbæ. Fleiri sóknarfæri felast þó í stofnun
skólans. Breyta þarf hugsun varðandi skipulag á tómstundastarfi yngri
barna. Mögulegt er að koma á samstarfi Listaskólans, grunnskólanna og
íþrótta- og tómstundafélaganna í bænum til að auðvelda börnum að sinna
áhugamálum sínum áður en of langt er liðið á daginn og auka þannig
gæðatíma fjölskyldunnar. Þá þarf að auka möguleika barna til að sinna
listnámi innan leik- og grunnskólanna í samvinnu við Listaskóla Mosfells-
bæjar. Listir, skólar og íþróttir eru hluti lífsgæða í Mosfellsbæ.
Gróskumikið listalíf
Í Listaskóla Mosfellsbæjar er unnið metnaðarfullt og árangursríkt starf
sem þegar hefur borið hróður bæjarfélagsins víða. Mosfellingar eru stolt-
ir af Listaskólanum sínum og því frábæra starfi sem þar er unnið. Enda
er starfsemin sprottin úr gróskumiklu listalífi bæjarins. Á næstu árum á
bæjarfélagið að styðja enn frekar við bakið á Listaskóla Mosfellsbæjar
ásamt þeim sem þar starfa og að honum koma.
Listaskóli Mosfellsbæjar –
einstakur á landsvísu
Eftir Hafstein Pálsson
Höfundur er bæjarfulltrúi og formaður fræðslunefndar Mosfellsbæjar.
ÓTAL hlutir greina okkur hvert
frá öðru. Kyn, háralitur, húðlitur, gáf-
ur á mismunandi sviðum, miklar eða
litlar. Með auknum launamun og ríki-
dæmi eykst einnig
veraldleg aðgreining
okkar. Við erum
þrátt fyrir allt ein
þjóð og eitt samfélag,
við höfum enn sam-
kennd hvert með
öðru þegar eitthvað
bjátar á og við berum virðingu hvert
fyrir öðru. Þetta er ekki sjálfgefið.
Nýja Ísland
Þjóðfélagið sem við búum í hefur
tekið miklum stakkaskiptum. Þær
breytingar eru margar til góðs og
hafa aukið almenna hagsæld í land-
inu. En þær eru líka varhugaverðar. Í
samfélaginu eykst mismunun. Við lif-
um á tímum breytinga og í því felast
tækifæri og hættur. Við verðum að
grípa tækifærin, eflast sem samfélag
og einstaklingar, halda í okkar gildi
um mannkosti, virðingu fyrir fólki,
vinnu þess og fjölbreytni. Á sama
tíma verðum við að varast hroka og
firringu og varast einangrun hópa og
einstaklinga.
Hvert stefnum við?
Við þekkjum lönd þar sem börn
efnafólks ganga í aðra skóla en börn
almennings. Þar veltur það á efnahag
hverjir fá heilbrigðisþjónustu, mennt-
un og aðhlynningu.
Ég þekki engan Íslending sem vill
slíkt samfélag á Íslandi. En ég þekki
þó nokkra sem viðra hugmyndir um
að fólk geti keypt sér forgang í heil-
brigðiskerfinu.
Þær raddir verða einnig háværar
að æskilegt sé að auka veg einkaskóla
og að nauðsynlegt sé að flokka börn í
almenna skólakerfinu, jafnvel með
því að skikka hópa nemenda til að
vera í sérskólum, úr augsýn, úr öllu
samneyti. Svona hugmyndir vega að
samheldni í samfélaginu og mann-
virðingu.
Skóli án aðgreiningar
Góður grunnskóli er grunnurinn að
þroska einstaklinga og samfélagsvit-
und. Með góðum almennum grunn-
skólum tryggjum við að allir skilji
vanda og takmarkanir hver annars.
Skóli án aðgreiningar gerir okkur
þannig að hæfari samfélagsþegnum,
hæfari til að lifa í samfélagi sem er
ekki einsleitt, heldur fjölbreytt.
Grunnskóli á að undirbúa fólk fyrir
lífið, lífið er ekki bara orð á bók, það
væri auðvelt ef svo væri. Það væri
bæði auðvelt að undirbúa fólk undir
það og það væri líka auðvelt að lifa
því. Skóli án aðgreiningar er grund-
völlur þess að einstaklingar þroski
samskiptahæfileika og grundvöllur
þess að við þekkjum hvert annað og
berum virðingu hvert fyrir öðru.
Gott samfélag
Ég er í pólitík af því ég vil hafa
áhrif á borgina sem ég bý í, ég vil
vera stolt af samfélagi mínu. Þjón-
ustan sem skólarnir og velferðar-
kerfið veita á að vera nógu góð til að
allir geti verið stoltir af. Þannig stuðl-
um við að grósku í samfélaginu, sam-
heldni og uppbyggingu sem verður
okkur öllum til góðs.
Hinn 27. maí göngum við til kosn-
inga, þar sem við veljum það fólk sem
við treystum til að móta borgina. Það
er mikilvægt að fólk geri það upp við
sig í hvernig samfélagi það vill lifa og
hverjum það treystir best til að þróa
það í rétta átt. Ég býð fram krafta
mína fyrir Samfylkinguna og ég veit í
hvernig samfélagi ég vil lifa.
Allir
með
Eftir Sigrúnu Elsu Smáradóttur
Höfundur er markaðsstjóri,
varaborgarfulltrúi og frambjóðandi
í 6. sæti Samfylkingarinnar
í Reykjavík.
HVER kannast ekki við að þurfa sífellt að vera að hafa áhyggjur af
barni/börnum sínum þegar dagurinn er brotinn upp með áhugamálum
barnanna. Orð eins og „ætlar þú að skjótast og skutla honum/henni á æf-
ingu núna“ eða þá að hringja í aðra foreldra og semja um
að skipta niður keyrslu eftir vikum.
Æfingar hjá yngri börnum geta verið að byrja um kl. 4,
þá eru flestir annaðhvort enn í vinnu eða við það að
stimpla sig út. Hitt er svo æfingatíminn um eða rétt eftir
kvöldmatartíma, frá 7–9, sem brýtur upp og riðlar sam-
verutíma fjölskyldunnar. Svo er nú í dag að á flestum
heimilum eru tvær fyrirvinnur og starfsdegi er ekki að
ljúka fyrr en á bilinu 5–6 hjá flestum okkar (ef ekki
seinna). Það skapar vandræði við að geta leyft börnunum að stunda sín
áhugamál án þess að hafa uppi mikið tilstand. Þessu vilja framsóknar-
menn breyta með því að færa þetta inn í skólastarfið. Framsóknarflokk-
urinn hefur sett fram skýra stefnu í þessum málum þar sem ástundun
íþrótta og annarra áhugamála sé innan ramma vinnudagsins, slíti ekki í
sundur daginn eða þeyti fólki í allar áttir. Þess eru dæmi að foreldrar
hafi þurft að neita börnum sínum um þeirra áhugamál vegna þess eins að
foreldrar gátu ekki verið á mörgum stöðum í einu.
Með því að koma þessu í framkvæmd ávinnast margir þættir.
– Þjálfarar og kennarar hinna ýmsu greina geta þá haft vinnu sína á
„eðlilegum“ tíma
– Börnin geta stundað sín áhugamál á eðlilegum tímum
– Íþróttafélögum og hinum ýmsu félögum er tryggt ákveðið fjármagn
til launagreiðslna
– Starf frístundaheimila ÍTR breytist og færist meira yfir í skipulagn-
ingu hinna ýmsu verka varðandi samþættingu hvers hverfis fyrir sig og
jafnvel aðstoð barna við ákvörðun á frístundarnámi sem þeim hentar
– Fjölskyldan fær meiri tíma saman að loknum vinnudegi
– Skipulagðar ferðir til og frá skóla/frístundaheimili og frístundaiðkun
barna
– Betri yfirsýn á hópamyndun og einelti, því hægt að bregðast við á
fleiri sviðum en eingöngu innan veggja skólans
Því ætti nokkur að vilja annað en koma þessu skipulagi í framkvæmd?
Hvað gæti nokkur haft á móti skipulagi sem þessu?
Framsóknarflokkurinn er og hefur verið flokkur fjölskyldunnar.
Flokkurinn sem er fyrir miðju og tekur ávallt hagsmuni fjölskyldunnar
ofar öllu öðru þegar teknar eru ákvarðanir og stefnur myndaðar, ekki
einstaka hagsmunahópa. Það er kjarni þess að vera framsóknarmaður og
að kjósa Framsókn í kosningum. Það eru hagsmunir fjölskyldunnar að
sjá til þess að Framsóknarflokkurinn hljóti gott brautargengi í komandi
kosningum.
Samþætting skóla
og frístunda barna
Eftir Heimi Jóhannesson
Höfundur er í 12. sæti XB í Reykjavík.
Í REYKJAVÍK er öflugt íþróttastarf sem byggist á sameinuðu átaki
iðkenda, áhugafólks og borgarinnar. Fjöldi iðkenda er mikill í mörgum
greinum og árangur oft prýðilegur. Íþróttahreyfingin hefur sett sér
markmið fyrir ýmsa aldurshópa sem miða bæði að því að auka fjölda og
bæta færni. Við í Samfylkingunni viljum skapa aðstöðu til að þessum
markmiðum verði náð. Uppbygging íþróttamannvirkja á undanförnum
árum hefur verið mikil og stuðningur við íþróttastarf ríkulegur, en samt
eru verkefnin framundan óþrjótandi.
Samfylkingin vill gefa sem flestum tækifæri til að stunda íþróttir, því
þær efla hreysti, bæta geð og stuðla að heilbrigðum lífsháttum. Þess
vegna hefur Reykjavíkurlistinn varið miklum fjármunum
á hverju ári í fjárfestingar til íþróttamannvirkja, í rekst-
ur þeirra og stuðning við íþróttastarfið í hverfum borg-
arinnar og í sérgreinum af ýmsu tagi. Eftir sem áður
geta ýmsar hindranir verið í vegi. Þótt æfingagjöldum fé-
laga sé stillt í hóf geta þau verið þröskuldur að stíga yfir.
Þess vegna höfum við verið að skoða þá leið sem Sam-
fylkingin í Hafnarfirði hefur farið, þ.e. að greiða alveg
niður iðkendagjöld fyrir börn upp að vissum aldri. Við
viljum að íþróttafélögin og fjölskyldur fái stuðning í þessa veru. Jafn-
framt þurfum við að vinna betur að því að tengja íþróttastarfið og al-
mennt tómstundastarf við skólastarfið þannig að dregið verði úr óþörfu
skutli með börn hingað og þangað síðdegis og á kvöldin vegna tóm-
stundastarfs. Þetta hefur reynst vel þar sem unnið hefur verið að þessu í
borginni og þessu starfi þarf að halda áfram.
Þegar rætt er um íþróttastarf verðum við að hafa í huga að stór hluti
starfs íþróttafélaga er unninn í sjálfboðavinnu áhugafólks sem lætur sér
annt um íþróttina, félagið og hverfið sitt. Ef foreldrar og áhugafólk
væru ekki í þessu stússi, hvort sem er í undirbúningi ferða, móta, dóm-
gæslu og þess háttar, væri íþróttastarf barna og unglinga mun fátæk-
legra en það er. Þetta samfélagsframtak verður seint fullþakkað. Það
má heldur ekki gleyma því að fjölmörg fyrirtæki styrkja almenn-
ingsíþróttir og afreksíþróttafólk sem getur þá helgað sig betur íþrótt-
inni.
Við í Samfylkingunni viljum samt og ætlum að gera betur. Við viljum
skapa góðan grunn fyrir börn og unglinga til að standa á og jöfn tæki-
færi fyrir alla. Borgarbúar þekkja verk okkar í Reykjavíkurlistanum síð-
ustu 12 árin. Íþróttahreyfingin þekkir hina miklu uppbyggingu sem hef-
ur átt sér stað eða er í gangi í hinum ýmsu íþróttagreinum og öllum
hverfum. Þess vegna getur fólk treyst því að vel verði unnið í þessum
málum undir forystu Samfylkingarinnar.
Öflugt íþróttastarf
í Reykjavík
Eftir Stefán Jóhann Stefánsson
Höfundur er hagfræðingur og skipar 8. sætið á framboðslista
Samfylkingarinnar í Reykjavík.
Fáðu fréttirnar
sendar í símann þinn
Fáðu úrslitin
send í símann þinn
Framsækinn ríkisrekstur
Árangursstjórnun í tíu ár
Fimmtudaginn 18. maí 2006 verður haldin ráðstefna á veg-
um fjármálaráðuneytisins í tilefni þess að tíu ár eru síðan
hafin var innleiðing árangursstjórnunar í ríkisrekstri.
Ráðstefnan verður í Súlnasal Hótel Sögu. Hún hefst
kl. 13:00 og lýkur kl. 16:00.
Kl. 13:00 Góður árangur
Árni M. Mathiesen fjármálaráðherra
Kl. 13:10 Ávinningur af árangursstjórnun
Stefanía Katrín Karlsdóttir, fyrrverandi rektor Tæknihá-
skóla Íslands.
Kl. 13:30 Að ná árangri
Katrín Pétursdóttir, formaður nefndar fjármálaráðherra um
val á ríkisstofnun til fyrirmyndar 2006
Kl. 13:40 Stofnanir sem ná árangri
Ólafur Sigurðsson, skólameistari Borgarholtsskóla, Einar
Solheim, framkvæmdastjóri rekstrarsviðs Umferðarstofu
og Indriði H. Þorláksson ríkisskattstjóri. Fyrirspurnir
Kl. 14:40 Kaffi
Kl. 15:00 Reynsla ráðuneyta af árangursstjórnun
Samgönguráðuneytið: Unnur Gunnarsdóttir skrifstofustjó-
ri,
dóms- og kirkjumálaráðuneytið: Jónas Ingi Pétursson
rekstrarhagfræðingur og Hólmsteinn Gauti Sigurðsson lög-
fræðingur. Fyrirspurnir
Kl. 15:45 Vænlegt til árangurs
Sigurður Þórðarson ríkisendurskoðandi
Kl. 16:00 Ráðstefnuslit
Ráðstefnustjóri er Baldur Guðlaugsson, ráðuneytisstjóri
fjármálaráðuneytisins