Morgunblaðið - 16.05.2006, Blaðsíða 11
MORGUNBLAÐIÐ ÞRIÐJUDAGUR 16. MAÍ 2006 11
FRÉTTIR
BARNA- og fjölskylduvænn bær,
bættar almenningssamgöngur,
gjaldfrjáls leikskóli, ný upplýsinga-
miðstöð ferðamanna, kvenfrelsi, og
engin stækkun hjá álveri Alcan í
Straumsvík eru meðal stefnumála
Vinstrihreyfingarinnar – græns
framboðs (VG) í Hafnarfirði í kom-
andi sveitarstjórnarkosningum.
Þetta segir Guðrún Ágústa Guð-
mundsdóttir, sem leiðir lista flokks-
ins.
VG vilja gera Hafnarfjarðarbæ að
eftirsóknarverðum vinnustað, með
því að hækka lægstu launin, eyða
kynbundnu misrétti og leggja nýja
starfsmannastefnu sem stuðlar að
starfsöryggi og starfsánægju.
„Við viljum gera Hafnarfjörð að
barna- og fjölskylduvænni bæ, hann
er það í dag en við viljum ganga
lengra,“ segir Guðrún. Hún segir
mikilvægt að hagsmunir og sýn
barna verði höfð í huga við ákvarð-
anatöku, og hagsmunasamtök barna
komi beint að ákvörðunarferlinu.
Einnig þurfi að efla aðstöðu og jafna
aðstöðu barna til að stunda tóm-
stundastarf, íþróttir og listnám.
Einnig telja VG að efla þurfi al-
menningssamgöngur, og tryggja að
börn og ungmenni á leið til og frá
skólum, íþróttum og tómstunda-
starfi fái ókeypis í strætisvagna til
að foreldrar séu ekki að skutla börn-
unum fram og til baka. Þannig sé
hægt að byggja upp kynslóð sem
venjist því að nota almennings-
samgöngur.
„Við höfum einnig lagt áherslu á
að leikskólinn verði gjaldfrjáls, við
teljum óeðlilegt að leikskólinn, sem
talinn er fyrsta skólastigið, sé dýrari
en einkarekinn háskóli,“ segir Guð-
rún. Einnig telji VG það jafnréttis-
mál að máltíðir í grunnskólum verði
nemendum að kostnaðarlausu.
Á móti stækkun álversins
VG eru á móti því að álver Alcan í
Straumsvík verði stækkað, og segir
Guðrún afar mikilvægt fyrir bæinn
að flokkurinn nái inn manni í bæj-
arstjórn í komandi kosningum til að
vera málsvari þeirra sjónarmiða.
Hún útilokar þó ekki meirihluta-
samstarf við flokk sem hafi það á
stefnuskrá sinni að leyfa slíka
stækkun, en þá gegn því skilyrði að
bæjarbúar fái að kjósa um málið, og
fái upplýsingar um allar hliðar þess
áður en kosið er.
VG í Hafnarfirði kynnti stefnu sína
Morgunblaðið/Brynjar Gauti
VG í Hafnarfirði kynnti áherslur sínar í gær. F.v.: Gestur Svavarsson,
Svala Heiðberg, Jón Hallgrímsson, Guðrún Ágústa Guðmundsdóttir, Mar-
grét Pétursdóttir, Árni Stefán Jónsson og Sigurður Magnússon.
GRUNNFRAMFÆRSLA námslána
hækkar um 5,9% samkvæmt nýjum
úthlutunarreglum Lánasjóðs ís-
lenskra námsmanna en gengið var
frá samkomulagi stjórnar sjóðsins
og námsmannahreyfinga á mið-
vikudaginn.
Framfærsluhækkunin þýðir að
mánaðarlán námsmanns í eigin
húsnæði hækkar í 87.400 krónur úr
82.500 krónum. Samkvæmt nýju
reglunum, sem taka gildi 1. júní nk.
er einnig kveðið á um að skerðing
vegna tekna námsmanna lækki úr
14% í 12% og er það fjórða árið í
röð sem dregið er úr tekjutilliti, að
því er fram kemur í fréttatilkynn-
ingu frá Lánasjóðnum.
Í reglunum er ennfremur áréttað
að námsmaður sem flýtir náms-
lokum með sumarnámi getur átt
rétt á námslánum í allt að 12 mán-
uði á skólaárinu, húsnæðisliður
framfærslugrunns LÍN er hækk-
aður sérstaklega með hliðsjón af út-
tekt námsmannahreyfinganna á
húsnæðiskostnaði námsmanna,
reglur um innheimtu vegna of-
greiddra lána eru hertar, t.d. ef
námsmaður hefur vanáætlað tekjur
sínar en þá verður frekari náms-
aðstoð stöðvuð og ofgreidd lán send
í lögfræðiinnheimtu hafi þau ekki
verið greidd innan tilskilins frests.
Í framhaldi af nýju reglunum er
áætlað að um 11 þúsund námsmenn
taki námslán næsta vetur og að
heildargreiðslur nemi um 9,7 millj-
örðum króna.
Grunnframfærsla
námslána hækkar
um 5,9%
LÖGREGLAN í Reykjavík stöðvaði
73 ökumenn sem óku bifreiðum sín-
um á nagladekkjum á tímabilinu 10.
maí til 15. maí. Á sama tímabili voru
60 ökumenn stöðvaðir fyrir að aka
of hratt um götur borgarinnar. Svo
virðist sem ekkert sé að draga úr
hraðakstri, að því er segir í tilkynn-
ingu frá lögreglunni.
Lögreglubifreið, búin hraðakst-
ursmyndavél, var staðsett í vest-
urborginni þann 15. maí og á einni
klukkustund voru 25 ökumenn
myndaðir þar sem þeir óku bifreið-
um sínum of hratt fram hjá skóla þar
sem 30 km/klst hámarkshraði er.
Lögreglumenn gripu einnig 14
ökumenn við að tala í farsíma.
18 ökumenn voru kærðir fyrir
meinta ölvun við akstur og þeir eiga
von á sviptingu ökuréttinda og
greiðslu á háum sektum. Athygli
vekur að á tímabilinu voru settir
sektarmiðar á 27 ökutæki þar sem
hafði verið lagt ólöglega. Lög-
reglumenn hvetja stjórnendur öku-
tækja að huga að því hvar og hvern-
ig þeir leggja bílum sínum.
Sektaði 73 fyrir
að aka á nagla-
dekkjum