Morgunblaðið - 18.05.2006, Page 21

MORGUNBLAÐIÐ FIMMTUDAGUR 18. MAÍ 2006 21
MINNSTAÐUR
AUSTURLAND
Egilsstaðir | Launakönnun leiðir í
ljós að karlar hafa að meðaltali 28%
hærri meðalgrunnlaun á mánuði en
konur í Verslunarmannafélagi Aust-
urlands og Vökli, stéttarfélagi og
helmingur karla hefur 31% hærri
grunnlaun á mánuði en helmingur
kvenna.
Rannsóknastofnun Háskólans á
Akureyri framkvæmdi könnunina í
nóvember sl. og var tilgangur henn-
ar að draga upp heildstæða mynd af
launum og launakjörum félaga.
Fólkið hafði að meðaltali 240 þúsund
krónur í heildarlaun á mánuði og 203
þúsund í grunnlaun. Helmingur fé-
lagsmanna hafði 222 þúsund eða
minna í heildarlaun á mánuði og 180
þúsund eða minna í grunnlaun.
Kom einnig í ljós að karlar hafa að
meðaltali 34% hærri meðalheildar-
laun á mánuði en konur og helming-
ur karla 37% hærri heildarlaun en
helmingur kvenna. Skýra má hluta
af þessum launamun karla og
kvenna með mismun á uppbyggingu
launa þeirra. Mun fleiri karlar en
konur hafa fasta yfirvinnu innifalda í
grunnlaunum sínum, yfirvinnan veg-
ur mun hærra hlutfall af launum og
mun fleiri karlar fá ýmis hlunnindi.
Karlar að
jafnaði með
28% hærri
grunnlaun
Egilsstaðir | Bæjarstjórn Fljóts-
dalshéraðs hefur samþykkt að meg-
instef sveitarfélagsins skuli vera
þrjú; velferð, þar sem lífsgæði ein-
staklinganna eru í forgrunni, þjón-
usta, þar sem innviðir samfélagsins
og atvinnulíf mynda öflugan þjón-
ustukjarna og sóknarkraft og þekk-
ing, þar sem mannauður sveitarfé-
lagsins er skilgreindur sem mesta
auðlind samfélagsins.
Unnið hefur verið að stefnu sveit-
arfélagsins í rúmt ár, eða allt frá
því að haldið var íbúaþing í sveitar-
félaginu þar sem þarfir íbúa voru
krufðar til mergjar. Er hinni nýju
stefnu ætlað að vera drifkraftur
framþróunar í sveitarfélaginu.
Bæjarstjórn hefur í bókun hvatt
þau framboð sem nú undirbúa sig
fyrir sveitarstjórnarkosningar í
maí 2006, til að nýta sér stefnuna
sem mikilvægt innlegg inn í þá
vinnu. Lagt er til að næsta haust
verði stefnan tekin til endurskoð-
unar og staðfest af nýrri bæj-
arstjórn sem þá hefur tekið til
starfa.
Meginstefin eru velferð,
þjónusta og atvinnulíf
Morgunblaðið/Steinunn Ásmundsdóttir
Stefnan reifuð Áherslur Fljótsdalshéraðs voru kynntar á svokölluðu
Vísindakaffi, en þar eru mánaðarlega kynnt mál er varða samfélagið.
Fjarðabyggð | Kjarnaboranir til
undirbúnings framkvæmda við ný
jarðgöng milli Eskifjarðar og Norð-
fjarðar gætu kostað 50 til 100 millj-
ónir. Almennt er ekki ráðist í slíkar
boranir fyrr en ákvarðanir hafa verið
teknar um gerð jarðganga.
Oddsskarðsgöngin milli Eski-
fjarðar og Norðfjarðar valda erfið-
leikum í samgöngum innan Fjarða-
byggðar. Þau liggja hátt og eru svo
þröng að stórir flutningabílar geta
lent í vandræðum. Gangamálin komu
til umræðu í heimsókn Sturlu Böðv-
arssonar samgönguráðherra til
Austurlands og á fundi um sam-
göngumál sem hann hélt á Eskifirði
á mánudagskvöld. Samgönguráð-
herra kynnti sér einnig aðstæður í
Oddsskarðsgöngum af eigin raun
með því að aka þangað flutningabíl.
Á fundinum rifjaði Sturla upp
jarðgangaframkvæmdir, meðal ann-
ars göngin til Fáskrúðsfjarðar og um
Almannaskarð. Hann lýsti þeirri
skoðun sinni að fylgja þyrfti eftir
uppbyggingunni á Austurlandi með
áframhaldandi samgöngubótum og
nefndi frekari rannsóknir á jarð-
göngum milli Eskifjarðar og Norð-
fjarðar í því sambandi. Áður hefur
Sturla sagt í viðtali í Morgunblaðinu
að hann telji eðlilegt að næstu áform
um jarðgöng á Austurlandi yrðu ný
göng í stað Oddskarðsganga.
Búið er að gera grunnjarðfræði-
kort af fjallinu og áætlun um það
hvar hentugast væri að grafa ný
göng. Syðri munninn yrði stutt innan
við þéttbýlið á Eskifirði, nálægt veg-
inum yfir fjörðinn, og göngin kæmu
út í Fannardal inn af Norðfirði, í lið-
lega 100 metra hæð. Oddskarðs-
göngin eru í um 600 metra hæð.
Hreinn Haraldsson, fram-
kvæmdastjóri þróunarsviðs Vega-
gerðarinnar, segir að næst þurfi að
ráðast í kjarnaboranir til undirbún-
ings sjálfra framkvæmdanna. Hann
segir að það sé almennt ekki gert
fyrr en framkvæmdir hafi verið
ákveðnar en þó helst með þriggja
ára fyrirvara. Hann segir hugsan-
legt að slíkar rannsóknir kosti 50 til
100 milljónir kr.
Kjarnabor-
anir gætu
kostað 50–
100 milljónir
♦♦♦