Morgunblaðið - 18.05.2006, Page 34

34 FIMMTUDAGUR 18. MAÍ 2006 MORGUNBLAÐIÐ
UMRÆÐAN
M
iklar framfarir
hafa orðið í ís-
lensku stjórn-
málalífi síðustu
áratugina og
einkum er það áferðin sem hefur
lagast. Kosningabarátta er orðin
svo miklu sætari og krúttlegri en
áður. Við kjósendur urðum að
sætta okkur við hina ótrúlegustu
hluti í eina tíð. Konur voru ekki til
á þessum árum og boðnir voru
fram furðulegustu karlar sem voru
svo gersamlega lausir við út-
litskjörþokka að ótrúlegt má heita
að tekist hafi að manna Alþingi og
sveitarstjórnir með þessum að-
ferðum.
En alltaf tókst það þótt oft hafi
niðurstaðan valdið örvæntingu og í
stöku tilfellum komið þeim mest á
óvart sem hlutu kosningu. Vitað er
um menn sem þurftu heilt þing til
að átta sig á því hvar þeir voru og
duttu síðan út. Það hljóta að vera
grimm örlög.
Frambjóðendur voru reyndar
alltaf í jakkafötum og með bindi,
það er rétt. En stíllinn! Hann var
út og suður, væri hann yfirleitt til.
Sumir voru óttalega hallærislegir,
fötin ýmist hólkvíð og pokaleg eða
þau stóðu á beini hjá þeim sem
voru að basla við að nýta áfram
gömlu fermingarfötin. Og enginn
var búinn að fara í litgreiningu
enda ekki búið að finna hana upp.
Menn voru annaðhvort allt of vel
kembdir eða hárið stöðugt eins og
hænurass í roki. Sjá mátti tað-
köggla í því hjá þeim sem stund-
uðu búskap.
Sumir voru með skegg sem eng-
inn hafði greinilega hirt um árum
saman, bara var þarna og aldrei
nytjað til neins. Þannig myndi eng-
inn nútímaleiðtogi láta sjá sig á al-
mannafæri.
Vissulega er það rétt að sumir af
körlunum voru skeleggir stjórn-
málamenn og áttu sumir til að
segja skoðun sína umbúðalaust
þótt hún væri ekki vinsæl hjá al-
menningi. En er það ekki ofmetinn
hæfileiki, þessi hreinskilni? Líður
okkur ekki betur núna í kosninga-
baráttu þar sem allir eða næstum
því allir gera sér far um að vera
stilltir og fallegir og segja það sem
okkur líkar vel að heyra? Þannig
líður mér allavega núna. Þetta er
ríkt, þróttmikið og beinlínis hríf-
andi samfélag ofurþjóðar. Við er-
um ekki lengur skítug og bláfátæk
heldur fríð og heilbrigð enda kom-
in af siðfáguðum víkingabörnum
og þrælum þeirra. Og drekkum ís-
lenska mjólk sem bragðast víst
öðruvísi en önnur mjólk, aðeins
betur, segja mjólkurfræðimenn
fyrir austan fjall.
Spunameistarar stjórn-
málaleiðtoganna hafa breytt póli-
tíkinni, þeir stýra vinnuveitendum
sínum vandlega fram hjá fjölmörg-
um skerjum og sjá til þess að
frumkvæðið sé alltaf tekið þegar
það er hægt. Þeir hindra ringlaða
leiðtoga í að gera það sem þeim
dettur fyrst í hug. Allir sérfræð-
ingar á þessu sviði vita að brýnt er
að taka úr sambandi hættulega
hneigð til að segja satt og jafnvel
allan sannleikann þegar talað er
við fjölmiðla og kjósendur. Annars
er voðinn vís. Við hin viljum ekki
þannig fólk og hlæjum að fram-
bjóðendum sem ekki eru búnir að
átta sig á þessu.
Þannig er kaldur veruleikinn.
Þáttur spunameistaranna er mik-
ilvægur, þeir gera stjórnmálalífið
slétt og fellt, sníða af marga van-
kanta. En hinn hópurinn, þeir sem
hanna útlit og almenna framkomu,
er enn mikilvægari. Kenna þarf
venjulegu fólki hvorn vangann er
best að sýna á mynd, hvernig mað-
ur sýnist hærri en aðrir, hvaða
stellingar eru atkvæðavænar og
hverjar fæla frá. Efstu karlar og
konur á nærri öllum listum hafa að
þessu sinni nýtt sér vel slíka þjón-
ustu. Sumir frambjóðendur eru að
verða óþekkjanlegir. Varla er ég
einn um að hvarfla stöðugt milli
ólíkra en sífellt álitlegri kosta eftir
að nútíminn loksins sigraði. Einn
daginn finnst mér að Dagur sé
langbest gerður, virkilega trúverð-
ug hönnun, hann tengi saman
æskuþokkann og virðuleikann eftir
að bindið var fest á hann – en skipti
síðan um skoðun eftir að hafa séð
nýja mynd af Vilhjálmi með
reynsluna geislandi af hverjum
andlitsdrætti.
Allir vita að hann er traustur
eins og aðrir karlar með bindi, við
vitum að hann á fullt af þeim. Best-
ir eru reyndar þeir sem sofa alltaf
með það um hálsinn. Allir sjá að
bindið vísar niður. Dagur er hins
vegar svo ungur að við trúum því
varla að hann kunni sjálfur að
hnýta á sig þetta undarlega fallos-
tákn okkar karla en bindið er samt
mjög til bóta. Stundum eru góð ráð
ekki dýr.
Framsóknarmenn hafa endur-
hannað sitt fólk ekki síður en aðrir
og tekist allvel upp. Illkvittnir háð-
fuglar hafa reynt að skemma fyrir
þeim með því að birta nokkurra
ára gamlar myndir af Birni Inga
en það er högg fyrir neðan belt-
isstað. Hin tvö framboðin í Reykja-
vík eru aftarlega á merinni í þeim
skilningi að þau leggja meira upp
úr innihaldi en útliti enda vitað að
margir sérvitringar dá mjög fram-
bjóðendur þeirra. Svo getur líka
verið að flokkarnir tveir séu svo
ánægðir með sína karla og konur
að þeir telji ástæðulaust að end-
urhanna þau.
Auðvitað er svolítið skringilegt
fyrir þá sem þekkja frambjóð-
endur að sjá nýja og endurskoðaða
útgáfu á markaðnum en þetta er
samt algeng aðferð í bísniss og
ætti því ekki að koma á óvart.
Volkswagen reynir ekki lengur að
pranga inn á okkur gömlu bjöll-
unni, okkur er boðið upp á nútíma-
legri hönnun, sem sumum finnst
hippari en sú gamla. Kirkjan hefur
líka endurskoðað biblíuþýðingar til
að reyna að tryggja að þær renni
ljúfar niður, ekki einu sinni Guðs
orð sleppur við umbætur.
Þótt stjórnmálin séu óútreikn-
anleg er eitt sem við getum fullyrt:
Við getum ekki treyst því að fram-
tíðarpólitíkin verði alltaf björt en
hún verður dæmalaust fögur.
Góð ráð
eru ódýr
Kenna þarf venjulegu fólki hvorn
vangann er best að sýna á mynd,
hvernig maður sýnist hærri en aðrir,
hvaða stellingar eru atkvæðavænar
og hverjar fæla frá.
kjon@mbl.is
VIÐHORF
Kristján Jónsson
EINN af helstu útgjaldaliðum heimilanna er börn á
leikskólaaldri. Flestir sem eiga börn á leikskólaaldri
eru auk þess ungt fólk að reyna að koma sér þaki yfir
höfuðið. Þrátt fyrir að enginn sjái eftir þeim peningum
sem fara í menntun barnanna okkar er
kátlegt til þess að hugsa að útgjöld
heimilanna geti lækkað um meira en
30.000 kr á mánuði við það eitt að barn-
ið útskrifist úr leikskóla og innritist í
grunnskóla! Bæði skólastigin eru rekin
af sveitarfélögunum, nærri öll börn fara
einhvern tíma í leikskóla og því má
segja að fyrir flest börn sé um samfellda skólagöngu að
ræða frá 18 mánaða aldri. Af hverju ætti að þurfa að
borga háar upphæðir fyrir fyrstu ár skólagöngunnar,
en svo verði hún ókeypis?
T-listi tímamóta í Bláskógabyggð stefnir að því að
gjaldfrjálsum leikskóla verði komið á í Bláskógabyggð
í áföngum. Við teljum rétt að byrjað verði á eldri börn-
unum, ekki síst til þess að reyna að tryggja að öll börn
sveitarfélagsins komist í einhvern tíma inn á leik-
skólana. Þannig fái þau notið þeirrar mikilvægu
menntunar sem þar fer fram og geti aflað sér þess fé-
lagslega þroska sem skólagangan þar færir þeim. Þeg-
ar fullur gjaldfrjáls leikskóli verður orðinn að veru-
leika fyrir öll börn má hugsa sér að hann taki til
svipaðs tíma og skólatími grunnskólans eða frá klukk-
an 8 til 14 dag hvern.
Við á T-listanum viljum einnig ganga lengra til að
koma til móts við barnstórar fjölskyldur. Við viljum
strax auka þann afslátt sem fæst vegna skólagöngu
annars barns á leikskóla og stórauka afsláttinn vegna
þriðja barns, jafnvel setja það hámark að engin fjöl-
skylda greiði skólagjöld fyrir meira en tvö börn.
Í dag er leikskólanám, þ. á m. í Bláskógabyggð, dýr-
ara en flest annað nám á Íslandi nema meistaranám í
einkareknum háskólum í Reykjavík. T-listi tímamóta í
Bláskógabyggð mun beita sér fyrir því að breyta þessu
komist hann í meirihluta í sveitarstjórn. Við viljum gott
ókeypis nám fyrir börnin í okkar sveitarfélagi.
Stefnum að gjaldfrjálsum
leikskóla í Bláskógabyggð!
Eftir Sigurbjörn Árna Arngrímsson
Höfundur er í 5. sæti á T-lista tímamóta í Bláskógabyggð.
Mosfellingar njóta árangursins og fá greiddan arð
Í tilefni af mjög góðri rekstrarniðurstöðu bæjarsjóðs
Mosfellsbæjar fyrir árið 2005 lagði meirihluti sjálf-
stæðismanna í bæjarstjórn Mosfellsbæjar fram tillögu á
bæjarstjórnarfundi 12. apríl um að end-
urgreiða bæjarbúum 15% af fast-
eignagjöldum ársins 2006. Einnig lagði
meirihlutinn til á sama fundi að veita
20% afslátt af dagvistargjöldum frá 1.
maí nk. sem og að hækka um sömu pró-
sentu niðurgreiðslur til foreldra sem eru
með börn hjá dagforeldrum. Mosfell-
ingar njóta nú þess góða árangurs sem
náðst hefur í fjármálum bæjarins.
Hvað þýðir þetta í raun og veru?
30 þús. kr. lækkun á almennum leikskólagjöldum fyrir
eitt barn í 8 tíma vistun
20 þús. kr. hækkun á greiðslu til foreldra sem eru með
barn í vistun dagforeldra í 8 tíma vistun
greiði þessi fjölskylda t.d.100 þús.kr. í fasteignagjöld
lækka þau um 15 þús. kr.
Góð rekstrarniðurstaða bæjarsjóðs Mosfellsbæjar árið
2005 færir þessari fjölskyldu 65 þús. kr. sem verður að
teljast góð búbót
En hvers vegna er þetta gert nú? Það er vegna þess að
bæjarfulltrúar Sjálfstæðisflokksins gefa ekki út inni-
stæðulausa tékka, við biðum þess að sjá niðurstöður árs-
reiknings og þar sem ávinningur var meiri en áætlunin
gerði ráð fyrir var lagt til að þeir nytu sem ættu það skil-
ið.
Oddvitar B- og G-lista keppast nú við að eigna sér
þessar tillögur með einum eða öðrum hætti en stað-
reyndin er einfaldlega sú að þeir voru á þessum sama
bæjarstjórnarfundi ekki með eina einustu tillögu um að
bæjarbúar nytu þess árangurs sem sýnilegur er í árs-
reikningi 2005. Af hverju ekki? Svari nú hver fyrir sig.
Hvort sem núverandi bæjarfulltrúum minnihlutans
eða frambjóðendum þeirra flokka í kosningunum í vor
líkar það betur eða verr er traust fjármálastjórn og góð-
ur árangur hennar forsenda þess að Mosfellsbær geti
lækkað skatta og gjöld, greitt niður skuldir og staðið að
ýmsum framkvæmdum. Þeirra fjármálapólitík er hins
vegar sú að það skipti ekki máli hvað hlutirnir kosti það
megi alltaf taka lán og kynslóðir seinni tíma borgi. Með
öðrum orðum þeir gefa út innistæðulausa tékka sem aðr-
ir þurfa síðan að bera ábyrgð á.
Þeir sem lögðu grunninn
Ársreikningur Mosfellsbæjar árið 2005 er glæsilegur og
þar hafa margir lagt gjörva hönd á plóginn. Þáttur
starfsmanna Mosfellsbæjar er ómetanlegur í þeim ár-
angri sem náðst hefur en með samvinnu hefur tekist að
skapa liðsheild sem hefur verið tilbúin að leggja sitt af
mörkum til þess að bæta hag allra bæjarbúa. En ekki má
gleyma þátttöku bæjarbúa sjálfra sem með sköttum og
þjónustugjöldum hafa lagt grunn að þeirri velferð sem
við búum nú við. Þeirra er ávinningurinn og því var lagt
til að þeir nytu þess árangurs sem náðst hefur á þessu
kjörtímabili og er sýnilegur í ársreikningi 2005.
Ágætu Mosfellingar, við sjálfstæðismenn stöndum fyr-
ir árangur, ábyrgð og lífsgæði.
Í Mosfellsbæ þar sem allir skipta máli segjum við XD.
Í Mosfellsbæ þar sem allir skipta máli
Eftir Ragnheiði Ríkharðsdóttur
Höfundur er sveitarstjóri Mosfellsbæjar og
skipar 1. sæti D-listans.
Grænt en ekki grátt
Undanfarin ár hefur Kópavogur vaxið svo gríðarlega
hratt að nálægð íbúanna við ósnortna náttúru og
annað vistvænt umhverfi verður sífellt minni. Það er
auðvitað gott og gilt að Kópavogur skuli vera stórt
og öflugt bæjarfélag, en til þess að
íbúum geti liðið vel þarf að hlúa að
náttúrulegu umhverfi og skipuleggja
meira af grænum svæðum þar sem
hægt er að njóta útiveru, því víða er
að finna fallega óspillta náttúru innan
marka Kópavogs. Grá steinsteypa má
ekki yfirskyggja ásýnd Kópavogs og
þess vegna viljum við í VG beita okk-
ur fyrir bættri umhverfisvitund og
aukinni virðingu fyrir þeim dýrmæta
fjársjóði sem felst í þeim óspilltu
svæðum sem enn er að finna í landi
Kópavogs.
Leikskólinn og grunnskólinn
eiga að vera ókeypis
VG vill að bæði leikskólinn og grunnskólinn verði
ókeypis. Kópavogur er vel stætt bæjarfélag og hefur
vel efni á að reka leikskóla án þess að taka gjald af
foreldrum sem hafa mismikið milli handanna. Þessu
vill VG í Kópavogi breyta. Markmiðið með gjald-
frjálsum leik- og grunnskóla er einnig að gera fjöl-
skyldum kleift að eyða meiri tíma saman. Slíkur
gæðatími er ekki metinn í peningum en um leið
skapast svigrúm hjá foreldrum til að minnka við sig
vinnu. Níu klukkustunda dvöl á leikskóla hjá ungu
barni er hreinlega ofraun og allir þekkja þau ein-
földu sannindi að ekkert kemur í stað samveru barna
og foreldra.
VG í Kópavogi vill setja börn í leik- og grunn-
skólum í forgang. Það þarf að tryggja börnum jafnan
aðgang að lista-, íþrótta- og tómstundastarfi óháð
efnahag.
Það er margsannað mál að þátttaka í öllu slíku
hefur gríðarlegt forvarnargildi. Það má aldrei verða
þannig að frístundastarf sé bara fyrir þá sem hafa
meiri fjárráð. Gefum börnum okkar jöfn tækifæri!
Alvöru almenningssamgöngur
VG í Kópavogi vill að almenningssamgöngur innan
bæjar verði raunverulegur valkostur. Börn og ung-
lingar sem leggja stund á íþróttir eða annað tóm-
stundastarf verða að eiga þess kost að ferðast á milli
staða í strætisvögnum. Börn sem búa í Salahverfi og
æfa með HK í Digranesi! Börn sem búa í Fossvogsdal
og æfa með Breiðabliki. Börn sem stunda nám í
Skólahljómsveit Kópavogs og búa á Kársnesinu eða
sækja skátafundi og búa ekki í Smáranum o.s.frv. VG
vill að komið verði til móts við þarfir íbúanna og
boðið upp á alvöru almenningssamgöngur í bænum.
Kópavogsbúar verða að taka höndum saman og
tryggja að rödd VG heyrist í vor.
Tryggjum VG-áherslur í Kópavogi í vor!
Samfélag er fólk
Sitjandi meirihluti í Kópavogi þarf að komast í gott
frí, hann hefur setið við stjórnvölinn í heil 16 ár. Það
sjá allir að nú þarf að skipta um meirihluta. Áhersla
hefur fyrst og fremst verið á steinsteypu og meiri
steinsteypu. VG í Kópavogi leggur áherslu á fólk.
Fólkið sem býr í bænum, því samfélag er jú byggt
upp af fólki og ætti að vera fyrir fólk.
Kópavogur þarf á málstað
VG að halda – kjósum VG í vor
Eftir Mireyu Samper og Guðrúnu Gunnarsdóttur
Mireya er myndlistar- og kvikmyndagerðarkona og
skipar 5. sæti á V-lista VG í Kópavogi og Guðrún er
söngkona og dagskrárgerðarkona og skipar 7. sæti
V-lista VG í Kópavogi.