Morgunblaðið - 25.07.2006, Page 4

4 ÞRIÐJUDAGUR 25. JÚLÍ 2006 MORGUNBLAÐIÐ
FRÉTTIR
SKEMMDARVERK voru unnin við
Seljaskóla í Breiðholti um helgina
þegar kveikt var í ruslaíláti sem
fast var við vegg við norðurhlið
skólans. Ruslaílátið var fest upp við
skólann sl. laugardag og hefur því
varla fengið að standa óhreyft í
einn dag áður en kveikt var í því.
Það var fyrirtækið Gámaþjónustan
sem gaf skólanum ílátið ásamt fjór-
um öðrum í tilefni af fegrunarátaki
Breiðholtshverfis. „Þetta er alger-
lega óþolandi,“ segir Kjartan Val-
garðsson hjá Gámaþjónustunni um
athæfið.
„Við ætlum að fylgja þessu eftir,
haft verður samband við skólastjór-
ann og farið verður yfir upptökur
öryggismyndavélanna og svo munu
þeir sem bera ábyrgð á þessu þurfa
að greiða fyrir þetta,“ segir Kjart-
an og bætir við að ílát sem þetta
kosti tæplega 20 þúsund krónur.
Auk þess er mikil vinna fyrir hönd-
um að þrífa upp eftir brunann enda
hefur ílátið, sem er úr plasti, bráðn-
að utan á vegginn og skilið eftir
mikinn sóðaskap.
Mikil slysahætta
Kjartan tekur einnig fram að
töluverð slysahætta hafi fylgt þessu
uppátæki enda blossar eldur upp
þegar kveikt er í plasti sem þessu.
„Það virðist einnig sem pappi hafi
verið dreginn upp að ílátinu til að
auka við eldsmatinn og skapa
stærri bruna,“ segir Kjartan en
papparusl var áberandi í kringum
staðinn.
„Við erum ekki að vekja athygli á
þessu til að kynna okkur, heldur
sem borgarar í Reykjavík, því þetta
er algerlega óþolandi,“ segir Kjart-
an og bætir við að nauðsynlegt sé
að laga svona hluti strax til að sýna
að sóðaskapurinn verði ekki liðinn.
Dapurlegar fréttir
Formaður umhverfisráðs
Reykjavíkurborgar og stjórnandi
fegrunarátaks Breiðholtshverfis,
Gísli Marteinn Baldursson borg-
arfulltrúi, telur fréttirnar af
skemmdarverkinu dapurlegar.
„Eitt af markmiðum þess að fara
í fegrunarátak í Breiðholtinu var
að vekja íbúana til umhugsunar um
hvað það er miklu skemmtilegra að
hafa hreint og fallegt í kringum sig,
og að menn myndu sameinast um
að minnka veggjakrot og henda
rusli minna frá sér og standa vörð
um eigur borgarinnar,“ segir Gísli.
Hann tekur einnig undir nauðsyn
þess að setja strax nýtt ruslaílát í
stað þess sem kveikt var í. „Ef að
borgin okkar er subbuleg og skít-
ug, eins og mörgum Breiðhylt-
ingum finnst hverfið hafa verið að
undanförnu, þá leiðir það til svona
andfélagslegrar hegðunar. Það
segir sig sjálft að menn ganga bet-
ur um þar sem er snyrtilegt,“ segir
hann og bætir við að það séu sér-
stök vonbrigði að sumir hafi fundið
þörf til þess að eyðileggja þetta rus-
laílát sem var nýbúið að setja upp í
miðju fegrunarátaki. „Svona
skemmdarstarfsemi verður ekki
liðin og nauðsynlegt er að taka á
henni strax og það á borgin auðvit-
að líka að gera,“ segir Gísli.
Af umhverfismálum hefur Gísli
það annars að segja að stefnt er að
áframhaldandi átaki í Breiðholti út
sumarið en að líklega verði önnur
hverfi tekin fyrir snemma næsta
vor. „Þetta er mikið átak og við er-
um ekki bara að þrífa burt veggja-
krot og þess háttar eins og í öðrum
hverfum, heldur einnig að skipta
um leiktæki og tyrfa heilu fótbolta-
vellina upp á nýtt,“ segir Gísli.
„Nýlega ályktaði svo borgarráð
um átak í veggjakrotsmálum og að
ekki ætti að sjást veggjakrot á nein-
um eigum borgarinnar,“ segir Gísli
og tekur fram að bærilega hafi
gengið að fylgja því eftir.
Kveikt í ruslaíláti við Selja-
skóla í miðju fegrunarátaki
Morgunblaðið/Jim Smart
Kjartan Valgarðsson hjá Gámaþjónustunni með nýtt ruslaílát sem sett verður upp í stað þess kveikt var í.
Eftir Berg Ebba Bendiktsson
bergur@mbl.is
MAGN klórs hefur verið minnkað
verulega í sundlaugum hér á landi
síðastliðin ár eftir að farið var að
jafna sýrustig vatns sem notað er í
laugarnar. Gert er ráð fyrir að þetta
verði mögulegt í öllum sundlaugum
hér á landi árið 2010 en lengi var of
mikill klór notaður í íslenskum sund-
laugum.
Þekkt er að klór í sundlaugum get-
ur valdið ýmiss konar ofnæmi og ert-
ingu og þá sér í lagi ef það er notað í
of miklu magni. Eins og Morgun-
blaðið greindi frá nýlega bendir ný
rannsókn belgískra vísindamanna til
að mælanlegt samband sé milli sund-
ferða og asmatilfella. Ljóst þykir þó
að sund og aðrar íþrótti auka styrk
lungnanna og að tíðni asmatilfella er
lægri hér en á Norðurlöndunum
þrátt fyrir að fáar þjóðir stundi
sundlaugarnar jafn mikið og Íslend-
ingar.
Ólafur Gunnarsson, tæknistjóri
sundstaða Reykjavíkurborgar, segir
að eftir að farið var að stilla sýrustig
sundlaugavatnsins í laugunum í
Reykjavík hafi verið mögulegt að
minnka verulega magn klórs sem
notað er. Nú sé þetta gert í lang-
flestum sundlaugunum í Reykjavík
og nágrannasveitarfélögum borgar-
innar og að einhverju leyti á lands-
byggðinni einnig. Þetta verður skylt
að gera árið 2010 samkvæmt reglu-
gerð um hollustuhætti á sund- og
baðstöðum, en þar eru gerðar kröfur
um að stilla megi sýrustig sund-
laugavatns.
Fyrirtækið ÍSAGA hefur komið að
því að setja upp stýribúnað í þessu
skyni í sundlaugum og segir Eggert
Eggertsson, lyfjafræðingur hjá fyr-
irtækinu, að með því að bæta kolsýru
í vatnið sé hægt að jafna sýrustig
vatnsins. Íslenskt vatn sé yfirleitt
basískt og klór virki afar takmarkað
við slíkar aðstæður. „Kolsýran er al-
gjörlega skaðlaus og virkar sem sýr-
ustillir á vatnið,“ segir Eggert. „Ef
vatnið er mjög basískt skiptir ekki
svo miklu máli hversu mikill klórinn
er, klórinn nær ekki að drepa bakt-
eríurnar. Áður bættu menn þá sífellt
meiri klór í vatnið sem er náttúrlega
ekki heppilegt. Nú má gera þetta
með því að sýrustilla vatnið.“
Minna sett af klór í
sundlaugar en áður
Morgunblaðið/Sverrir
Fyrst var hafið að sýrujafna vatnið í Vesturbæjarlauginni í Reykjavík
SÆNSKA utanríkisráðuneytið hef-
ur stofnað sænska ræðisskrifstofu á
Húsavík og hefur Þórunn Harð-
ardóttir verið skipuð heiðursræð-
ismaður fyrir sveitarfélögin Norð-
urþing og Akureyri. Á Íslandi er
Svíþjóð jafnframt með ræðismenn á
Seyðisfirði, Siglufirði og í Vest-
mannaeyjum.
Þórunn er fædd árið 1978. Hún
hefur B.Sc. í viðskiptafræði, ferða-
þjónustusviði frá Háskólanum á Ak-
ureyri og hefur einnig stundað nám
við háskóla í Stokkhólmi og Kalmar
í Svíþjóð. Hún starfar nú við fyr-
irtækið Norðursiglingu á Húsavík.
Útnefning Þórunnar Harð-
ardóttur var kunngerð af sænska
sendiherranum Madeleine Ströje
Wilkens á Húsavík í gær, 24. júlí,
við sama tækifæri og Sænskir dag-
ar ásamt Mærudögum voru opn-
aðir.
Svíþjóð hefur rúmlega 400 ræð-
isskrifstofur í fleiri en 130 löndum.
Sænsk ræðisskrif-
stofa á Húsavík
SLÖKKVILIÐ var kallað að bíla-
geymslu við Grettisgötu á sunnu-
dag. Þar var eldur í rusli sem að
mestu hafði tekist að slökkva þegar
slökkviliðsmenn bar að garði. Lík-
legt þykir að um íkveikju hafi verið
að ræða og rannsakar lögreglan
málið sem slíkt.
Minniháttar skemmdir hlutust af
sóti og reyk sem barst um húsið.
Eldur í geymslu
við Grettisgötu
RÚÐA var brotin í jarðýtu í Fljóts-
dal um helgina. Verktakar sem eru
að leggja raflínu að stöðvarhúsi
Kárahnjúkavirkjunar í Fljótsdal
nota jarðýtuna við sína vinnu. Ekk-
ert liggur fyrir um hver var þarna
að verki en málið er í rannsókn.
Það er Landsnet hf. sem byggir
raflínurnar, en framkvæmdum á að
mestu að ljúka á þessu ári. Fljóts-
dalslína 3 verður 49,5 km löng með
159 möstrum og Fljótsdalslína 4
verður 53 km löng með 166 möstr-
um. Heildarkostnaður við línulögn-
ina, tengivirki og tengingu við raf-
orkuflutningskerfi Austurlands er
um 9 milljarðar króna.
Brutu rúðu í
jarðýtu í Fljótsdal