Morgunblaðið - 25.07.2006, Qupperneq 14

14 ÞRIÐJUDAGUR 25. JÚLÍ 2006 MORGUNBLAÐIÐ
ERLENT
Genf. AFP, AP. | Viðræðum milli sex helstu við-
skiptaríkja heims um skref í átt að auknu við-
skiptafrelsi á sviði landbúnaðarafurða og iðn-
framleiðslu lauk í gær í Genf í Sviss án árangurs
hjá Heimsviðskiptastofnuninni, WTO. Fulltrúar
Ástralíu, Brasilíu, ESB, Indlands, Japan og
Bandaríkjanna sátu viðræðurnar í fyrradag og í
gær en þær eru liður í Doha-viðræðulotunni um
frjálsræði í viðskiptum.
„Það virðist ljóst miðað við ástandið nú að það
muni ekki ganga að kalla ráðherra hingað aftur.
Hvort það þýði að viðræðum verði slegið á frest
er eitthvað sem aðildarríkin verða að ákveða,“
sagði ónefndur heimildarmaður á staðnum í gær.
Heimildarmaðurinn segir að litlar líkur séu á því
að WTO nái sátt um aukið frjálsræði í við-
skiptum fyrst G6-ríkin hafi ekki náð saman en
þau ráði mestu um niðurstöður viðræðnanna fyr-
irhuguðu í Doha við Persaflóa.
Viðskiptaráðherra Indlands, Kamal Nath, full-
yrti í gær að viðræðunum hefði aðeins verið
frestað. Þær yrðu teknar upp á ný en það gæti
tekið mánuði eða ár að koma þeim aftur af stað.
Framkvæmdastjóri WTO, Frakkinn Pascal
Lamy, var fyrir viðræðurnar reiðubúinn að boða
til fundar allra aðildarríkjanna 149 síðar í vik-
unni. En það virðist ekki ætla að ganga eftir
fyrst G6-ríkin fyrrnefndu náðu ekki samkomu-
lagi.
Bandarísku fulltrúarnir saka nú Brasilíu og
Indland um að neita að opna markaði sína fyrir
innflutningi á iðnvarning og Evrópusambandið
um að vilja ekki semja um lægri innflutningstolla
á landbúnaðarvörur. „Því miður kom það skýrt í
ljós í dag [mánudag] að „útvötnuð útgáfa“ af
Doha-niðurstöðum virðist vera það sem sumir
þátttakendur vilji helst,“ sagði Susan Schwab,
viðskiptafulltrúi Bandaríkjanna.
Doha-viðræðunum, sem hófust fyrir fimm ár-
um, hefur verið frestað margsinnis, einkum
vegna ágreinings um viðskipti með landbúnaðar-
vörur og niðurgreiðslur á þeim.
Viðræðum um viðskipta-
frelsi lauk án árangurs
Óttast að tekið geti
mánuði eða ár að koma
þeim af stað á ný
Bagdad. AP, AFP. | Réttarhöldin yfir
Saddam Hussein, fyrrverandi Íraks-
forseta, og samstarfsmönnum hans
héldu áfram í gær þótt Saddam hefði
verið lagður inn á sjúkrahús á sunnu-
dag í kjölfar 17 daga hungurverkfalls
hans og fleiri sakborninga. Leiðtog-
inn fyrrverandi var þvingaður til að fá
næringu í æð.
Talsmaður réttarins segir Saddam
hafa hlotið viðeigandi læknisaðstoð og
að ekkert standi í vegi fyrir því að
hann verði viðstaddur réttarhöldin
síðar í vikunni, kæri hann sig um það.
Þá segir hann að Saddam verði skip-
aðir nýir lögfræðingar ef verjendur
hans haldi áfram að hunsa réttarhöld-
in. Þeir hafa meðal annars krafist
aukinnar verndar en þrír verjendur
Saddams og fleiri sakborninga hafa
þegar verið myrtir. Einn var Khamis
al-Obeidi, honum var rænt og hann
myrtur 21. júní.
Saddam er sakaður um að hafa fyr-
irskipað fjöldamorð á nær 150 íbúum í
litlum bæ, Dujail, árið 1982 eftir að
þar var gerð morðtilraun við hann.
Talið var að sjö gamlir liðsmenn
Íraksforsetans fyrrverandi myndu
flytja lokaorð sín í gær. Hálfbróðir
Saddams, Barzan Ibrahim, sem var
eitt sinn yfirmaður leyniþjónustunn-
ar, var eini sakborningurinn sem
mætti í réttinn í gær. Ibrahim sagðist
hafna verjendum sem skipaðir væru
af réttinum vegna fjarveru þeirra
sem hann hafði sjálfur valið.
Bað hann um meiri tíma til að telja
lögfræðinga sína á að snúa aftur í
réttarsalinn, einnig kæmi til greina að
hann reyndi að fá nýja lögfræðinga.
Réttar-
höld án
Saddams
Á HVERJUM degi deyja um 1.200 manns, þar
af rúmur helmingurinn börn, af völdum átaka
eða hungursneyðar og farsótta sem raktar eru
til stríðsins í Lýðveldinu Kongó, samkvæmt
skýrslu sem Barnahjálp Sameinuðu þjóðanna,
UNICEF, birti í gær.
Átökin valda fleiri dauðsföllum á hálfu ári en
flóðbylgjan í Indlandshafi í desember 2004.
Talið er að tugir þúsunda manna hafi fallið í
átökunum en farsóttir og hungursneyð af völd-
um stríðsins hafa valdið miklu fleiri dauðs-
föllum.
Barnahjálp Sameinuðu þjóðanna vonar að
þingkosningar, sem haldnar verða á sunnu-
daginn kemur, stuðli að friði í landinu þegar
fram líða stundir. Eru þetta fyrstu lýðræð-
islegu kosningarnar í Kongó í 46 ár.
„Kosningar eru engin töfralausn á öllum
vandamálum þjóðarinnar en þær geta verið
mikilvægur þáttur í því að koma á friði og stöð-
ugleika,“ sagði Martin Bell, höfundur skýrslu
UNICEF og fyrrverandi stríðsfréttaritari
breska ríkisútvarpsins, BBC.
Í skýrslunni kemur fram að á ári hverju
deyja fleiri börn undir fimm ára aldri í Kongó
en í Kína sem er 23 sinnum fjölmennara land.
Talið er að allt að 30.000 börn berjist eða búi
hjá vígasveitum í Kongó, fleiri en í nokkru
öðru landi í heiminum.
Hörmungarnar hunsaðar
Tony Bloomberg, fulltrúi UNICEF í Kongó,
sakaði heimsbyggðina um að hunsa stríðs-
hörmungarnar í landinu. „Á hverjum sex mán-
uðum er manntjónið í Kongó meira en af völd-
um flóðbylgjunnar miklu, en samt hefur landið
ekki fengið þá athygli sem það á skilið, hvorki
af hálfu fjölmiðla né almennings,“ sagði Blo-
omberg.
Stríðið í Kongó geisaði í fimm ár og að-
stæður íbúanna hafa lítið batnað þrátt fyrir
friðarsamkomulag sem náðist fyrir þremur ár-
um. Bráðabirgðastjórn Kongó hefur enga
stjórn á stórum svæðum og mikil spenna er
enn í austurhluta landsins.
Kongó er álíka stórt og Vestur-Evrópa, um
2,3 milljónir ferkílómetra og íbúarnir nær 60
milljónir. Um 17.600 hermenn annast nú frið-
argæslu í Kongó á vegum Sameinuðu þjóðanna
og Evrópusambandið sendi þangað 1.000 her-
menn til að aðstoða við öryggisgæslu á kjör-
stöðunum.
Um 1.200 dauðsföll á dag rakin til stríðsins
Reuters
Piltur í Kinshasa, höfuðborg Kongó, með límmiða frá einu af forsetaefnunum.
SÓMALSKAR konur halda á borða með tilvitn-
unum í Kóraninn á mótmælafundi á íþrótta-
leikvangi í Mogadishu, höfuðborg Sómalíu.
Þúsundir manna komu þar saman í gær til að
mótmæla eþíópískum hersveitum sem sendar
voru til landsins í vikunni sem leið.
Íslamskir leiðtogar í Sómalíu hafa blásið til
heilags stríðs í landinu til að hrekja hersveitir
Eþíópíumanna þaðan.
Hersveitirnar fóru til bæjarins Badoia og
settu þar upp búðir, nálægt heimili bráða-
birgðaforseta Sómalíu. Talsmaður stjórnvalda í
Eþíópíu sagði að tilgangurinn væri að verja
bráðabirgðastjórn Sómalíu gegn íslamistum
sem höfðu tekið völdin í nálægum smábæ, en
þeir náðu höfuðborginni Mogadishu á sitt vald
í júní.
Yfirvöld í Eþíópíu eru mjög andvíg íslamist-
unum og hafa ítrekað varað við því að þau
muni senda her inn í Sómalíu reyni þeir að
koma stjórninni frá.
AP
Eþíópískum hersveitum mótmælt í Sómalíu
Washington. AP. | Fólk þarf ekki
lengur að vera geimfarar að at-
vinnu til að eiga möguleika á því
að fara í geimgöngu. Það eina
sem fólk þarf eru 35 milljónir
dollara, eða 2,6 milljarðar króna,
og löngun til að hætta lífinu.
Einkafyrirtæki í Bandaríkj-
unum hefur þegar sent þrjá auð-
kýfinga í Alþjóðlegu geimstöð-
ina fyrir 20 milljónir dollara, 1,5
milljarða króna. Fyrirtækið
býður nú 90 mínútna geimgöngu
í rússneskum geimfarabúningi
fyrir 15 milljónir dollara til við-
bótar.
„Þetta er nokkuð sem mjög
fáir geimfarar hafa gert,“ sagði
Eric Anderson, framkvæmda-
stjóri fyrirtækisins Space Ad-
ventures.
Boðið upp á
geimgöngu