Morgunblaðið - 25.07.2006, Síða 15

MORGUNBLAÐIÐ ÞRIÐJUDAGUR 25. JÚLÍ 2006 15
ERLENT
E
N
N
E
M
M
/
S
IA
/
N
M
2
2
7
5
5
Nú n SKJÁEINUM í gegnum Digital Íslandærðu
Fyrir þá sem ekki geta vakað verða tónleikarnir sýndir kl. 21.30
á miðvikudagskvöldið og úrslitin kl. 21.30 á fimmtudagskvöldið.
Fylgjumst með ótrúlegum árangri Magna í kvöld í beinni
útsendingu kl. 1 eftir miðnætti. Úrslitin verða svo sýnd í beinni
útsendingu á miðnætti annað kvöld.
„Magni-ficent“
–Tommy Lee
Vín. AFP. | Leiðtogar Serbíu og Kos-
ovo-Albana komu saman í gær í
fyrsta skipti frá því að Atlantshafs-
bandalagið hrakti serbneskar örygg-
issveitir frá héraðinu með loftárásum
árið 1999. Fundurinn snerist um
sjálfstæðiskröfu Kosovo-Albana.
Erhard Busek, yfirmaður stofn-
unar Evrópusambandsins sem vinnur
að því að koma á stöðugleika á Balk-
anskaga, segir það óhjákvæmilegt að
Kosovo-Albanar nái fram kröfu sinni
um sjálfstæði héraðsins. „Þetta verð-
ur eflaust langt ferli en það mun á
endanum leiða til sjálfstæðis,“ sagði
Busek í viðtali við þýska dagblaðið
Der Tagesspiegel.
Finninn Martti Ahtisaari, sérlegur
sendimaður Sameinuðu þjóðanna,
setti fundinn sem var haldinn fyrir
luktum dyrum í Vínarborg. Fyrir
sendinefndunum fóru forsetar og for-
sætisráðherrar Serbíu og Kosovo. At-
hygli vakti að fundarmennirnir tók-
ust ekki í hendur áður en
viðræðurnar hófust.
Boris Tadic, forseti Serbíu, kvaðst
vona að einhvers konar málamiðl-
unarsamkomulag næðist um framtíð
Kosovo en virtist ekki bjartsýnn á að
það tækist. Vojislav Kostunica, for-
sætisráðherra Serbíu, sagði að fund-
urinn í gær hefði verið mjög mik-
ilvægur en áréttaði þá afstöðu
serbnesku stjórnarinnar að hún léði
ekki máls á sjálfstæði Kosovo. Stjórn-
in vill að Kosovo fái sjálfstjórnarrétt-
indi en verði áfram hluti af Serbíu.
AP
Vojislav Kostunica, forsætisráðherra Serbíu (t.v.), Boris Tadic forseti og
Vuk Draskovic utanríkisráðherra á blaðamannafundi eftir viðræður við
sendinefnd Kosovo-Albana í Vín í gær.
Fyrstu viðræðurnar
um framtíð Kosovo
JOSEPH Estrada, fyrrverandi forseti Filippseyja,
skoraði í gær á landsmenn að steypa Gloriu Arroyo
af stóli forseta. Hann sakaði Arroyo meðal annars
um harkalegar aðgerðir til að þagga niður í stjórn-
arandstæðingum sem hafa sakað stjórn hennar um
spillingu.
Stjórnarandstæðingar kveikja hér í stórri brúðu,
sem á að tákna forsetann, á mótmælafundi í Que-
zon-borg þegar Arroyo flutti árlega stefnuræðu.
Hún hét því meðal annars að stórauka ríkisút-
gjöldin til að blása lífi í efnahaginn, leggja eða end-
urnýja að minnsta kosti 20 flugvelli og hefja miklar
vega-, járnbrautar-, hafna- og vatnsveitufram-
kvæmdir. AP
Hvattir til að
steypa forseta
Filippseyja
Brussel. AP. | Ráðherrar Evrópusam-
bandsins náðu í gær samkomulagi um
að halda áfram fjárveitingum til
stofnfrumurannsókna þrátt fyrir and-
stöðu átta landa undir forystu Þjóð-
verja.
Slíkar rannsóknir eru ekki leyfðar í
öllum aðildarlöndunum og því fara
styrkirnir aðeins til þeirra ríkja sem
stunda þær á árunum 2007–2013.
Ströng skilyrði verða sett fyrir fjár-
veitingunum, meðal annars strangt
bann við einræktun manna.
Áður hafði George W. Bush, forseti
Bandaríkjanna, beitt neitunarvaldi
sínu í fyrsta sinn í forsetatíð sinni og
neitað að staðfesta lagafrumvarp um
aukin fjárframlög til stofnfrumurann-
sókna. Afstaða Bush til stofnfrumu-
rannsókna byggist á því að mannslífið
sé heilagt og því megi ekki eyða, jafn-
vel í sinni frumstæðustu mynd.
Við stofnfrumurannsóknir eru fóst-
urvísar, sem orðið hafa til við glasa-
frjóvgun en eru ekki látnir þroskast,
notaðir til rannsókna. Stuðningsmenn
stofnfrumurannsókna telja að rann-
sóknirnar geti leitt til mikilla fram-
fara í læknavísindum og opnað dyrn-
ar að lækningum á erfiðum
sjúkdómum, eins og t.d. Parkinsons-
veikinni.
Hyggst styrkja stofn-
frumurannsóknir