Morgunblaðið - 14.09.2006, Qupperneq 11

MORGUNBLAÐIÐ FIMMTUDAGUR 14. SEPTEMBER 2006 11
FRÉTTIR
 SIGURÐUR Óli Sigurðsson varði
21. apríl sl., doktorsritgerð sína; In-
vestigating the effects of real-time vi-
sual feedback on
computer
workstation post-
ure.
Sigurður Óli
leitaðist við með
rannsókn sinni að
sýna notagildi
sjónrænnar end-
urgjafar í raun-
tíma til að leið-
rétta líkamsstöðu við notkun tölvu.
Sterkar vísbendingar eru um að röng
líkamsstaða við tölvuvinnu geti aukið
líkur á meiðslum á stoðkerfi lík-
amans, til dæmis sinaskeiðabólgu og
álagsmeiðslum í hálsi og baki.
Í rannsókninni var notast við tölvu-
viðmót sem Sigurður Óli þróaði
ásamt Eyjólfi Sigþóri Garðarssyni
forritara. Þátttakendur, sem voru
BA-nemar í sálfræði, mættu á rann-
sóknarstofu í sálfræði og slógu inn
texta í ritvinnsluforriti. Í fyrstu fengu
þeir engar upplýsingar um tilgang
rannsóknar. Að loknu grunnlínu-
tímabili voru þátttakendur þjálfaðir í
að aðgreina hvort eigin líkamsstaða
væri rétt eða röng. Hver þátttakandi
mat stöðu eins ákveðins líkamshluta í
einu (bak, olnbogi, eða háls). Því næst
hófust þátttakendur aftur handa við
innslátt texta á tölvu, en fengu auk
þess að sjá sína eigin líkamsstöðu í
rauntíma í glugga á tölvuskjá með
reglulegu millibili. Þátttakendur
dæmdu einnig hvort eigin líkams-
staða væri rétt eða röng.
Alls tóku átta þátttakendur þátt í
tilrauninni, og unnu við tölvu í átján
skipti hver að meðaltali, 20 mínútur í
senn.
Hlutfall réttrar líkamsstöðu batn-
aði að meðaltali um rúmlega 58 pró-
sentustig eftir að þátttakendur höfðu
tækifæri á að meta eigin líkamsstöðu.
Einnig má segja að þeir sem gátu
áreiðanlega aðgreint ranga líkams-
stöðu frá réttri voru líklegri til að
bæta eigin stöðu en þeir sem áttu í
vandræðum með aðgreininguna.
Niðurstöður rannsóknarinnar gefa
til kynna að líkamsstaða við tölvu-
vinnu geti batnað við notkun tölvu-
notendaviðmóts sem sýnir líkams-
stöðu í rauntíma, og krefst þess að
notandi meti eigin líkamsstöðu.
Sigurður Óli Sigurðsson fæddist í
Reykjavík árið 1974. Hann útskrif-
aðist frá Menntaskólanum í Reykja-
vík vorið 1994. Sigurður lauk BA-
prófi í ensku frá Háskóla Íslands árið
2000, og BA-prófi í sálfræði frá sama
skóla árið 2001. Hann hóf nám við
Western Michigan University að
hausti 2001. Hann hlaut þaðan meist-
aragráðu í vinnusálfræði árið 2004 og
hóf doktorsnám að því loknu.
Vörnin fór fram við sálfræðideild
Western Michigan University, í Kala-
mazoo í Bandaríkjunum. Rannsóknin
var unnin við sálfræðideild skólans og
sá John Austin, prófessor við sama
skóla, um handleiðslu.
Foreldrar Sigurðar Óla eru Magna
M. Baldursdóttir, og Sigurður Guð-
laugsson. Sigurður Óli hefur störf
sem lektor við sálfræðideild Univers-
ity of Maryland-Baltimore County í
ágústlok á þessu ári.
Doktor
í sálfræði
Fáðu fréttirnar
sendar í símann þinn
FUNDUR trúnaðarmanna Stétt-
arfélags í almannaþágu (SFR) skor-
ar á stjórnvöld að sjá til þess að
Íbúðalánasjóður verði áfram sú
kjölfesta í fjármögnun íbúðar-
húsnæðis hér á landi sem nauðsyn-
leg er. Hækkandi vextir og skert
framboð lána hafi gert fólki erf-
iðara að eignast húsnæði. „Þróun
síðustu missera hefur sýnt að ekki
er hægt að treysta á þröngan
bankamarkað til að halda vöxtum á
íbúðalánum í skefjum né tryggja
nægilegt lánsfjármagn til íbúða-
kaupa. Þess vegna er varað við öll-
um hugmyndum sem lúta að því að
skerða svigrúm Íbúðalánasjóðs.“
SFR vill styrkja
Íbúðalánasjóð
♦♦♦
Bjóðum nýtt kortatímabil
10% kynningarafsláttur
og fallegur kaupauki
Kavíar línan gefur húðinni létta
andlitslyftingu og fallegan ljóma!
Sjón er sögu ríkari ...
Velkomin á kynningu í Hygeu Smáralind
í dag og á morgun föstudag
kl. 13-17 báða dagana
Smáralind • Sími 554 3960www.laprairie.com
FANTASTIC MATCH
Mörkinni 6, sími 588 5518.
Opið virka daga frá kl. 10-18
og laugardaga frá kl. 10-16
50% afsláttur
Útsöluhorn - Góðar vörur
Dúnúlpur
rúskinnsúlpur
leðurjakkar
vattkápur
hattar
húfur
leðurhanskar
ullarsjöl
Góðar gjafir
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
K
EL
3
40
69
0
9/
20
06
Kvenleg
Glæsilegur fatnaður
við öll tækifæri.
Kringlunni · sími 568 4900
www.kello.is