Morgunblaðið - 27.09.2006, Síða 4

4 MIÐVIKUDAGUR 27. SEPTEMBER 2006 MORGUNBLAÐIÐ
FRÉTTIR
ÍSLENSK erfðagreining (ÍE) hefur
höfðað mál í Bandaríkjunum gegn
fimm fyrrverandi starfsmönnum
fyrirtækisins og bandarískum
keppinaut, Barnaspítala Fíladelfíu-
borgar fyrir stuld og misnotkun á
eigum félagsins og margvísleg brot
á ráðningarsamningum. Þeim er
m.a. gefið að sök að hafa á ólögmæt-
an hátt afritað og sent frá fyrirtæk-
inu upplýsingar um viðskiptaleynd-
armál, viðskiptasamninga, hug-
búnað og gögn í eigu ÍE.
Engar persónugreinanlegar
upplýsingar
Í fréttattilkynningu ÍE vegna
málsins er tekið fram að í engu til-
viki sé um að ræða persónugrein-
anlegar upplýsingar um þátttakend-
ur í rannsóknum enda tryggi
dulkóðunarkerfi fyrirtækisins að
engar slíkar upplýsingar séu í fórum
þess. Starfsmennirnir fimm, sem all-
ir létu af störfum hjá ÍE í sumar,
eru Hákon Hákonarson, fyrrverandi
framkvæmdastjóri viðskiptaþróun-
ar, ÍE, Struan Grant, fyrrverandi
verkefnisstjóri í erfðarannsóknum,
Robert Skraban, fyrrverandi starfs-
maður í viðskiptaþróunardeild, Jon-
athan Bradfield, sem vann við erfða-
rannsóknir, og Jesus Sainz sem
starfaði við lífupplýsingadeild fyrir-
tækisins. Allir eru starfsmennirnir
búsettir í Bandaríkjunum nema Jes-
us Sainz.
Í stefnu ÍE kemur fram að Barna-
spítali Fíladelfíu hafi sótt um að ger-
ast aðili að málinu með fimmmenn-
ingunum og því hafi honum einnig
verið stefnt. ÍE fer fram á tafarlaust
lögbann á störf fimmmenninganna
við nýstofnaða miðstöð fyrir hagnýt-
ar erfðamengjarannsóknir við
Barnaspítala Fíladelfíu enda sé
henni ætlað að vera í beinni við-
skiptalegri samkeppni við ÍE.
Í tilkynningu ÍE kemur fram að
við rannsókn málsins hafi komið í
ljós að í lok síðasta árs hafi Hákon
Hákonarson gengið frá samningi við
barnaspítalann vestra um að veita
umræddri miðstöð forstöðu. Þá liggi
einnig fyrir að að minnsta kosti þrír
hinna hafi þegar hafið störf á sama
vettvangi og rökstuddur grunur sé
um að stjórnendur spítalans hafi
haft fulla vitneskju um hina meintu
ólögmætu gagnasöfnun.
Vann sem „njósnari“
Fram kemur í stefnu ÍE að það
hafi ekki verið fyrr en eftir að til-
kynnt hafði verið um stofnun mið-
stöðvarinnar við Barnaspítala Fíla-
delfíu í byrjun júní í sumar að
mönnum hafi orðið ljóst að starfs-
mennirnir undir forystu Hákonar og
spítalans höfðu lagt á ráðin a.m.k.
frá því í september 2005 fram til í
maí 2006 um að „stela dýrmætustu
eignum deCODE“ og flytja þær í
Barnaspítala Fíladelfíuborgar.
„Til að ná þeim markmiðum vann
dr. Hákon Hákonarson sem njósnari
fyrir Barnaspítala Fíladelfíuborgar
um leið og hann kom fram sem
tryggur starfsmaður deCODE.“ Þá
segir að Hákon hafi, með heimild
spítalans, boðið hinum starfsmönn-
unum fjórum vinnu hjá spítalanum.
Þá kemur og fram að fyrir liggi
óhrekjanlegar sannanir um að
starfsmennirnir fimm hafi lengi vit-
að að hegðan þeirra myndi valda de-
CODE skaða og þeir hafi af þeim
sökum með endurteknum hætti
reynt að eyðileggja – og eyðilagt í
raun – sannanir um misferli sitt
bæði á Íslandi og í Bandaríkjunum.
ÍE stefnir fyrrverandi starfsmönnum vegna stuldar á vísindaniðurstöðum og viðskiptaleyndarmálum
Starfa nú hjá keppinaut í
Fíladelfíu í Bandaríkjunum
Stundaði njósnir „Til að að ná þeim markmiðum vann dr. Hákon Há-
konarson sem njósnari fyrir Barnaspítala Fíladelfíuborgar.“
Eftir Arnór Gísla Ólafsson
arnorg@mbl.is
Morgunblaðið/Júlíus
JESUS Sainz
starfar ekki fyrir
Barnaspítala
Fíladelfíu og bú-
ið er að sanna að
hann hafi ekki
afritað gögn ÍE.
Þetta vita stjórn-
endur ÍE.
Engu að síður
er hann borinn
þeim sökum að
hafa stolið upplýsingum frá ÍE til
þess að miðla þeim áfram til spít-
alans.
Þetta segir Sveinn Andri Sveins-
son, lögmaður Jesus Sainz.
„Sainz er ekki búsettur í Banda-
ríkjunum og starfar þar ekki og er
spænskur ríkisborgari þannig að
það er vandséð að nokkur banda-
rískur dómstóll hafi lögsögu í hans
máli. Lögbannsmálið kemur honum
heldur ekki við enda starfar hann
ekki hjá umræddum spítala. Mér
sýnist vera borðleggjandi að
deCODE eigi yfir höfði sér meið-
yrðamál því þeir sendu frá sér
fréttatilkynningu án þess að láta
þess getið að þeir vita að minn um-
bjóðandi er saklaus af þessum sak-
argiftum.“
Sveinn Andri segir það einnig
vera sérstakt að það sé höfðað mál
á hendur Sainz í Bandaríkjunum á
sama tíma og hann sé í farbanni hér
á Íslandi að kröfu deCODE. „Hon-
um er þannig fyrirmunað að fara til
Bandaríkjanna og taka þar til
varna.“
Jesus Sainz
saklaus
Sveinn Andri
Sveinsson
LEIFUR Sveins-
son lögfræðingur
hefur selt hlut
sinn í Árvakri hf.,
útgáfufélagi
Morgunblaðsins,
til félags í jafnri
eigu Straums-
Burðaráss hf.,
Útgáfufélagsins
Valtýs hf. og For-
síðu ehf. Endanlega var gengið frá
þessum kaupum í fyrradag.
Fjölskylda Leifs Sveinssonar hef-
ur átt eignaraðild að Árvakri hf. frá
árinu 1940, er faðir hans, Sveinn M.
Sveinsson, tók sæti í stjórn útgáfu-
félagsins. Hann átti þar sæti til
dauðadags 1951. Leifur Sveinsson
tók sæti í stjórn Árvakurs hf. á árinu
1969, er bróðir hans, Haraldur, hafði
verið ráðinn framkvæmdastjóri Ár-
vakurs hf. Leifur hefur setið ýmist í
aðalstjórn eða varastjórn félagsins í
35 ár. Stjórnarsetu Leifs Sveinsson-
ar lýkur á aðalfundi Árvakurs hf. á
árinu 2007.
Félag í eigu Straums-Burðaráss
hf. hefur átt hlut í Árvakri hf. í nokk-
ur misseri. Útgáfufélagið Valtýr hf.
er eignarhaldsfélag afkomenda Val-
týs Stefánssonar, ritstjóra Morgun-
blaðsins í nær fjóra áratugi og For-
síða ehf. er eignarhaldsfélag, sem að
meirihluta til er í eigu Ólafs Jóhanns
Ólafssonar rithöfundar.
Á þessum tímamótum flytur
Morgunblaðið Leifi Sveinssyni
þakkir fyrir náið og árangursríkt
samstarf um margra áratuga skeið.
Leifur Sveinsson
selur hlut sinn
í Árvakri hf.
Leifur Sveinsson
Eftir Örlyg Stein Sigurjónsson
orsi@mbl.is
EVRÓPSKI tungumáladagurinn var
haldinn í gær með hátíðardagskrá í
Háskóla Íslands í samvinnu Stofnun-
ar Vigdísar Finnbogadóttur og
menntamálaráðuneytisins. Í ávarpi
sínu lofaði Vigdís Finnbogadóttir
Evrópusambandið fyrir að efna til
dagsins sem hefði einkum verið hugs-
aður til þess að örva fólk í atvinnuleit
og flytja sig á milli
Evrópulanda.
Hún vakti athygli
á því að Íslending-
ar hefðu sömu
skyldum að gegna
gagnvart erlendu
fólki og útlending-
ar gagnvart Ís-
lendingum er-
lendis. Efla þyrfti
tengsl milli nýrra
Íslendinga sem hingað væru komnir
en fyrsta kynslóð þeirra væri í mikilli
hættu á að einangrast.
„Það sem okkur ber að hafa í huga
er að öll tungumál eru jöfn og við Ís-
lendingar eigum að fagna því í hvert
skipti þegar við fáum nýtt tungumál í
þjóðarbúið því um leið fáum við nýja
menningarstrauma,“ sagði hún.
Fjölmálabók
með ljóðaþýðingum
Út er komin fjölmálabók, ljóðabók
á nokkrum tungumálum að íslensku
meðtalinni, og hefur Stofnun Vigdísar
Finnbogadóttur fagnað útkomunni. Í
gær var m.a. flutt erindi Gauta Krist-
mannssonar, lektors í þýðingarfræði
við HÍ, um umrædda bók, Zwischen
Winter und Winter, eftir þýska ljóð-
skáldið Manfred Peter Hein, einn
gesta hátíðarinnar.
Hætta á því að nýir
Íslendingar einangrist
Evrópski tungumáladagurinn haldinn hátíðlegur á Íslandi




  
 


     


 

   

         
    

 

   
 
  





   




 
 




  


 


  


 
 




   

 

 
 


  
 








 
 
    
 
  


 


  

 

   
  

  

  
  
      
   
 




 

 

  
    

  

  

 
  


  

 
  



   

 



 
  

     

 
 
  
 
    


 
 


       



 

  

  

   






  


 




      

 




 



Í HNOTSKURN
»Skólaárið 2005–2006 lögðu17.307 framhalds-
skólanemar stund á nám í er-
lendu tungumáli eða 74,1%
allra nemenda á þessu skóla-
stigi, skv. upplýsingum Hag-
stofunnar. Árið á undan lærði
16.651 nemandi erlend mál, en
það eru 73,7% nemenda á fram-
haldsskólastigi. Nemendum í
erlendum tungumálum hefur
fjölgað um 656 milli ára.
» Í mörgum grunnskólum erboðið upp á þriðja erlenda
tungumálið og völdu flestir
þýsku síðasta skólaár en næst-
flestir spænsku. Þar á eftir kom
franska en fjöldi nemenda í
spænsku hefur þrefaldast frá
fyrra skólaári og nemendum
fækkar enn.
Vigdís
Finnbogadóttir
EKKI hefur verið tekin ákvörðun
um hvernig hægt er að bæta úr
strætóferðum til og frá Árbæjar-
hverfi en Pétur Fenger, aðstoð-
arframkvæmdastjóri Strætós bs.,
segir að málið sé til meðferðar hjá
stjórn fyrirtækisins.
Í sumar var hraðleiðin S5 milli
Árbæjar og miðbæjar lögð niður.
Fyrr í mánuðinum stofnuðu íbúar í
Selási, Ártúnsholti og Norðlinga-
holti undirbúningshóp í þeim til-
gangi að efna til aðgerða gegn nið-
urskurði á þjónustu Strætós í
þessum hverfum. Á borgarráðs-
fundi sl. fimmtudag var samþykkt
tillaga Vilhjálms Þ. Vilhjálmssonar
borgarstjóra þess efnis að tekinn
verði upp akstur á leið S5 á álags-
tímum á virkum dögum, frá kl.
6.30 til 9.00 og 14.30 til 18.00, og
að ekið verði einnig að Hádeg-
ismóum.
Stjórn Strætós tók erindið fyrir
á fundi sínum sl. föstudag og segir
Pétur Fenger að stjórnin hafi ósk-
að eftir frekari upplýsingum um
tilhögun og kostnað hjá fram-
kvæmdastjóra fyrirtækisins. Þann-
ig standi málið og það verði vænt-
anlega tekið aftur fyrir á næsta
stjórnarfundi. Hann hafi ekki verið
dagsettur en fram hafi komið að
hann verði boðaður fljótlega.
Strætóferðir til og frá Árbæjarhverfi
Málið til meðferðar
hjá stjórn Strætós