Morgunblaðið - 05.10.2006, Blaðsíða 4

4 FIMMTUDAGUR 5. OKTÓBER 2006 MORGUNBLAÐIÐ
FRÉTTIR
PÁLL Gunnar Pálsson, forstjóri
samkeppniseftirlitsins, segir frá-
leitt að samkeppnisyfirvöld hafi
brotið gegn jafnræðisreglu stjórn-
arskrárinnar með því að vísa hluta
af máli sem varðaði samráð olíufé-
laganna til lögreglu, en í Morg-
unblaðinu í gær hélt Ragnar H.
Hall hrl. því fram að mikið hefði
skort á jafnræði varðandi meðferð
þess máls í samanburði við tiltekin
önnur mál sem samkeppnisyfirvöld
hefðu rannsakað.
Í samtali við Morgunblaðið sagði
Páll að brot olíufélaganna á sam-
keppnislögum skæru sig frá öðrum
málum vegna umfangs og alvar-
leika brotanna. Málinu hefði lokið
með ákvörðun samkeppnisyfir-
valda um stjórnvaldssektir síðla
árs 2004 og þar hefðu mjög alvar-
leg brot á samkeppnislögum verið
leidd í ljós. Að mati samkeppnisyf-
irvalda hefði málið gefið fullt tilefni
til lögreglurannsóknar.
Þá sagði Páll að ýmissar óná-
kvæmni gætti í grein Ragnars í
Morgunblaðinu í gær. Þannig
mætti nefna að svonefnt grænmet-
ismál hefði komið til kasta lög-
reglu. Öðru máli sem Ragnar
nefndi í sinni grein og varðaði
tryggingafélög hefði verið lokið
með sátt, án þess að gripið væri til
stjórnvaldssekta. Þá væri máli sem
varðar Eimskipafélag Íslands ekki
lokið og Páll benti þar að auki á að
það mál varðaði ekki ólöglegt sam-
ráð heldur meinta misnotkun á
markaðsráðandi stöðu. Þessi mál
væru augljóslega mjög ólík hvert
öðru að gerð og umfangi og fráleitt
að halda því fram að jafnræðis-
regla hefði verið brotin með því að
þeim hefði ekki öllum verið vísað
til lögreglu.
Rannsaka mál sem berast
Bogi Nilsson ríkissaksóknari
sagði að af hálfu ákæruvaldsins
væri litið svo á að upphaf rann-
sóknar á brotum á samkeppnislög-
um væri í höndum samkeppniseft-
irlitsins, áður Samkeppnisstofnun-
ar. Eftirlitsstofnunin gæti síðan
eftir atvikum beitt viðurlögum sem
hún réði yfir eða beint máli til
ákæruvalds og lögreglu. Ef mál
bærist frá Samkeppniseftirlitinu
tæki lögregla það til rannsóknar.
Þá benti Bogi á að athugun hefði
farið fram í tengslum við grænmet-
ismálið svokallaða en brotin verið
talin fyrnd af hálfu þeirra sem fóru
með rannsóknina hjá ríkislögreglu-
stjóra. Hann sagðist ekki minnast
þess að máli sem varðar samráð
tryggingafélaga hefði verið beint
til lögreglu og því hefði það ekki
sætt rannsókn hennar.
Fráleitt að brotið hafi
verið gegn jafnræðisreglu
Brot olíufélaganna
skera sig frá öðrum
málum vegna um-
fangs og alvarleika
Í HNOTSKURN
» Jafnræðisreglan er lög-fest í 65. grein stjórnar-
skrárinnar og efni hennar er
áréttað í 37. gr, stjórnsýslu-
laga nr. 37/1993.
» Í henni segir, að allir skulijafnir fyrir lögum og
óheimilt sé að mismuna þegn-
unum í lagalegu tilliti.
» Tæpt ár er síðan ríkissak-sóknari fékk gögn um
meint brot olíufélaganna.
Eftir Rúnar Pálmason
runarp@mbl.is
LÖGREGLAN í Kópavogi leitar enn
tveggja manna sem brutu sér leið
inn í hús í vesturbæ Kópavogs í
gærmorgun og réðust á húsráðanda
með kúbeinið að vopni.
Telur lögregla að tilefni árásar-
innar hafi verið bílaviðskipti milli
mannanna. Sá sem fyrir árásinni
varð náði að verjast árásarmönn-
unum sem komu sér akandi á brott
með sjónvarpstæki húsráðanda með
sér. Vitað er hverjir voru þarna að
verki, og eru þeir hvattir til að gefa
sig fram við Lögregluna í Kópavogi.
Réðust á mann
vopnaðir kúbeini
STJÓRN Samvinnutrygginga hefur ákveðið að heiðra
minningu Ólafs Jóhannessonar, fyrrverandi forsætisráð-
herra og prófessors í lögum, með því að veita Háskól-
anum á Akureyri styrk að upphæð 10 milljónir króna til
að efla nám í lögfræði við skólann.
Ólafur starfaði um árabil sem lögfræðingur Samvinnu-
trygginga. Hann skrifaði fjölda greina og rita um ólík
lögfræðileg efni en skrif hans um stjórnskipun og mann-
réttindi og bók hans um Sameinuðu þjóðirnar nægja ein
og sér til að halda nafni hans á lofti um ókomna tíð, segir í
frétt frá Háskólanum. „Rit hans Stjórnskipun Íslands er
lykillinn að skilningi á réttarlegum grundvelli íslenska
ríkisins.“
Styrkurinn verður nýttur til að efla rannsóknir og
kennslu við félagsvísinda- og lagadeild Háskólans á Ak-
ureyri á þeim sviðum lögfræði sem voru Ólafi sérstaklega
hugleikin og ber sérstaklega að nefna stjórnskipunar-
rétt, þjóðarétt og mannréttindi, sem hafa frá stofnun
deildarinnar verið áherslusvið í laganámi við háskólann.
Í frétt Háskólans á Akureyri segir að fenginn verði
prófessor í lögum til liðs við deildina og muni hann sinna
kennslu og rannsóknum auk þess að halda sérstakan fyr-
irlestur á árlegri ráðstefnu tileinkaðri minningu Ólafs.
Ráðstefnuerindin verði gefin út með viðeigandi hætti í
sérstakri ritröð kenndri við Ólaf.
„Á þennan hátt mun Háskólinn á Akureyri nýta styrk-
inn til að heiðra minningu Ólafs Jóhannessonar sem var
án efa einn merkasti lögfræðingur þjóðarinnar bæði fyrr
og síðar,“ segir í frétt skólans.
Fær 10 milljónir í minn-
ingu Ólafs Jóhannessonar
Stjórnarskipti 1979 Ólafur Jóhannesson kemur að
Bessastöðum og segir af sér og fyrir ráðuneyti sitt.
Grímsey. | Almennt er ekki mikið
um blómskrúð við nyrsta haf og
þess vegna þykir sérstaklega gam-
an að sjá blómstrandi írislauk í fal-
legri októbersólinni í garðinum
hennar Jórunnar Magnúsdóttur,
húsmóður að Miðgörðum í Grímsey.
En það eru ekki alls staðar
blómstrandi blómin. Eins og fram
hefur komið var tilkynnt fyrir
skömmu að rekstri einu matvöru-
verslunarinnar í Grímsey yrði hætt
innan skamms. Verslunin hefur
verið stór þáttur í samfélaginu, í
raun verið félagsmiðstöð eyjar-
skeggja, og því leggja heimamenn
mikla áherslu á að halda verslun í
eyjunni. Núverandi eigendur hafa
rekið hana í sex ár.
Írisblómið góða stendur hins veg-
ar beint og blátt undir húsveggnum
við gamla prestssetrið að Mið-
görðum. Prestssetrið var byggt af
séra Matthíasi Eggertssyni 1906 og
er því 100 ára í ár og elsta hús
eyjarinnar.
Blómstrandi írislaukur í október
Morgunblaðið/Helga Mattína Björnsdóttir
Blóm Jórunn Magnúsdóttir, húsfreyja að Miðgörðum, og blómið góða í sólinni undir húsveggnum í Grímsey.
SIGRÍÐUR Anna Þórðardóttir, al-
þingismaður og fyrrverandi um-
hverfisráðherra, hefur ákveðið að
gefa ekki kost á sér í prófkjöri Sjálf-
stæðisflokksins í Suðvesturkjör-
dæmi fyrir komandi þingkosningar.
Sigríður Anna greindi frá þessu á
aðalfundi kjördæmisráðs Sjálfstæð-
isflokksins í Suðvesturkjördæmi
sem fram fór í Valhöll í gærkvöldi.
Í samtali við Morgunblaðið sagði
Sigríður að þetta væri persónuleg
ákvörðun og helgaðist fyrst og
fremst af því að hún hefði verið lengi
í stjórnmálum. „Mér fannst einfald-
lega að núna þegar allt leikur í lyndi,
staða flokksins er gríðarlega sterk,
mitt kjördæmi langsterkasta vígi
flokksins og við höfum skilað mjög
drjúgu dagsverki þar, að þá fannst
mér þetta vera góður tími til að
hætta,“ segir Sigríður og tók fram að
hún væri afar stolt af verkum sínum
og flokksins undanfarin fjögur kjör-
tímabil sem hafi verið mikið fram-
faratímabil fyrir þjóðina.
Aðspurð hvort brotthvarf hennar
úr stóli umhverfisráðherra sé
ástæða þess að hún hætti núna segir
Sigríður að ekk-
ert eitt hafi valdið
því að hún tók
þessa ákvörðun,
heldur spili þar
margt inn í og
ekki síst fjöl-
skylda hennar.
Sigríður hefur
verið þingmaður
Sjálfstæðis-
flokksins frá
árinu 1991 en hún sat áður í hrepps-
nefnd Eyrarsveitar 1978–1990 og
var oddviti í sex ár á því tímabili. Sig-
ríður tók við embætti umhverfisráð-
herra 15. september 2004 og gegndi
því til 15. júní sl. eða í 21 mánuð. Hún
hefur gegnt margvíslegum trúnaðar-
störfum fyrir Sjálfstæðisflokkinn og
á þingi; var formaður þingflokks
sjálfstæðismanna frá 1998–2003 og
veitti þremur þingnefndum for-
mennsku, menntamálanefnd frá
1991–2002, utanríkismálanefnd frá
2002–3 og umhverfisnefnd frá
2003–4 auk þess sem hún var for-
maður Landssambands sjálfstæðis-
kvenna 1989–1991.
Hyggst hætta á
þingi næsta vor
Segist vera stolt af verkum sínum og
flokksins undanfarin fjögur kjörtímabil
Sigríður Anna
Þórðardóttir
LÖGREGLAN í Reykjavík stöðvaði
14 ökumenn fyrir of hraðan akstur
á einni klukkustund í Safamýrinni í
gær. Hámarkshraði þar er 30 km
og voru flestir ökumennirnir á 50–
60 km hraða. Lögreglan segir að
íbúar í nágrenninu hafi rætt við þá
lögreglumenn sem voru við mæl-
ingarnar og þakkað þeim fyrir.
14 óku of hratt