Morgunblaðið - 05.10.2006, Side 26

ferðalög
26 FIMMTUDAGUR 5. OKTÓBER 2006 MORGUNBLAÐIÐ
FERÐAFÉLAGIÐ Útivist hefur
ákveðið gjaldskrá í skálum félags-
ins fyrir árið 2007 og tekur gildi 1.
janúar.
Almennt gistiverð í skálunum í
Básum, Strút og á Fimmvörðuhálsi
verður 2.000 kr. en 1.700 kr. í
skálum við Sveinstind, Álftavötn
og í Skælingum. Verð til fé-
lagsmanna í Útivist verður hins
vegar 1.200 kr. fyrir nóttina í öll-
um skálum. Verð á tjaldgistingu
við alla skála er 750 kr. á mann. Í
fréttatilkynningu segir að verð-
hækkanir milli ára miðist við að
halda í við almennar verðhækk-
anir til að rekstrargrundvöllur
skálanna haldist.
Vetrargisting vinsæl
Það nýtur töluverðra vinsælda
að gista í Útivistarskálunum yfir
vetrartímann og hentar skálinn
við Strút sérlega vel hvort heldur
ferðast er á jeppum, vélsleðum eða
á gönguskíðum. Skálarnir hafa nú
verið undirbúnir fyrir veturinn og
eru læstir. Panta þarf gistingu á
skrifstofu félagsins og fæst þá lyk-
ill að viðkomandi skála. Þó er enn
skálavarsla í Básum til 15. október
en ferðamönnum er bent á að
panta gistingu vegna mikillar að-
sóknar.
Skrifstofa Útivistar er opin kl.
10–17 og síminn er 562 1000.
Ný gjaldskrá hjá Útivist
Útivist Vinsælt er að æja í skálanum við Strút yfir vetrartímann á fjöllum.
Þ
að er ó hætt að segja að
sumir hafi undirbúið sig
betur en aðrir fyrir
Spánargönguna, því á
meðan sumir menn klifu
bæði Kilimanjaro og Hvannadals-
hnjúk létu aðrir Esjuna duga,“ segja
hjónin Anna Gísladóttir og Eiríkur
Einarsson, sem fóru í sumar með
gönguhópnum sínum úr röðum
áhangenda Víkinga í vikulanga
gönguferð um Pýreneafjallgarðinn
sem skipulögð hafði verið af Göngu-
Hrólfi, deildar innan Úrvals-
Útsýnar.
Flogið var til Barcelona og gengið
um tvo þjóðgarða Spánverja, annars
vegar Aigüestortes í Katalóníu og
Ordesa í Aragóníu. Ekið var 300 km
frá flugvellinum til bæjarins Esport
þar sem áð var fyrstu nóttina. Rign-
ing og haglél herjuðu á hópinn fyrsta
göngudaginn, en síðan tók við sól og
20 stiga hiti. Næstu þrjár nætur var
gengið frá bænum Boí í Katalóníu og
síðustu þrjár næturnar frá bænum
Torla í Aragóníu. Gengið var í sex
daga og hæst farið í 2.400 metra hæð.
Notast var endrum og sinnum við
fjallataxa og hópferðabíla til að kom-
ast til og frá göngustöðum. Gengnir
voru tíu til tuttugu km á dag eða í
fimm til átta tíma. Þótt göngumenn
þyrftu hvorki að klifra né erfiða mjög
á leiðinni var nauðsynlegt að vera í
þokkalegu formi. „Það þýðir ekkert
að standa upp úr sófanum eftir vet-
urinn og ætla sér í svona göngu,“
segir Eiríkur.
Enginn sprakk á limminu
Tíu ár eru liðin síðan Víkingarnir
fóru að ganga saman, en upphafið má
rekja til þess að Eiríkur fór með hóp-
inn yfir Fimmvörðuháls. „Síðan höf-
um við farið í eina sameiginlega
gönguferð á hverju sumri og svo
göngum við saman einn sunnudag í
hverjum mánuði yfir vetrartímann, í
hvaða veðri sem er. Um síðustu ára-
mót var ákveðið að gefa svolítið í og
fjölga gönguferðunum um helming.
Menn tóku sig svolítið alvarlega enda
sprakk enginn á limminu á Spáni,“
segir Anna, sem fengið hefur verið að
vera óáreitt sjálfskipaður formaður
hópsins. Eiríkur náði því svo hinn 29.
janúar sl. að komast upp á topp Ki-
limanjaro í Tansaníu, sem er 5.895
metra hár, ásamt bræðrunum Krist-
jáni og Ólafi Karveli Pálssonum á
sextugsafmæli þess síðastnefnda, en
Eiríkur og Ólafur Karvel eru vinnu-
félagar á Hafrannsóknastofnun.
Ferðafélagarnir í hópi Víkinga
voru alls sextán talsins undir far-
arstjórn Margrétar Jónsdóttur og
Dagnýjar Bjarnadóttur. Ferðin hafði
verið ákveðin með tveggja ára fyr-
irvara og þá var jafnframt hafin fjár-
söfnun. Ferðin kostaði 110 þúsund
krónur með öllu inniföldu, þar með
töldum mat. „Ferðin stóðst svo sann-
arlega allar okkar væntingar og rúm-
lega það enda nutum við frábærs
spænskumælandi fararstjóra, sem
hefur verið búsett á Spáni og er þar
öllum hnútum kunnug.“
„Þarna er landslag, gróðurfar og
dýralíf mjög fjölbreytt. Há fjöll,
djúpir dalir, fögur vötn, lítil sveita-
þorp, eyðiþorp með hrörlegum hús-
um og breiður af lyngrós og öðrum
gróðri einkenna svæðið,“ segir Anna.
Þetta eru lífsins lystisemdir
Gönguhópurinn hefur verið nafn-
laus hingað til, en í ferðinni fékk
hann heitið „Lífsins lystisemdir“.
„Við uppgötvuðum það nefnilega í
ferðinni að við kæmumst ekkert nær
því að njóta lífsins lystisemda en með
því að ganga saman, njóta samveru
hvert við annað, borða góðan mat og
síðast en ekki síst spila golf því golf-
áhugamönnum í hópnum fer sífellt
fjölgandi. Eftir viku göngutúr hélt
hópurinn til sólarbæjarins Sitges,
sem er rétt sunnan við Barcelona, og
þar biðu golfsettin eftir eigendum
sínum. „En nú eru að hefjast við-
haldsgöngur hér heima og er stefnt
að fyrstu gönguferðinni á sunnudag-
inn enda er mikill áhugi fyrir annarri
utanlandsreisu úr því það tókst svo
vel til með þessa fyrstu ferð okkar til
útlanda,“ segir Anna að lokum.
join@mbl.is
Víkingar í Pýreneafjöllum
Víkingar Gönguhópurinn ákvað að fara í utanlandsferð í tilefni af því að tíu ár eru liðin frá því að farið var í fyrstu gönguferðina innanlands yfir Fimmvörðuháls.
Boídalur Gist var í bænum Boí í samnefndum dal í þrjár nætur.
Göngugarpar Hjónin Anna Gísladóttir og Eiríkur Einarsson í fjallgöngu.
Sextán manna gönguhópur, sem til varð í Víkinni
fyrir tíu árum, fór í sína fyrstu utanlandsreisu í
sumar. Gengið var í viku um Katalóníu og Aragóníu.
Jóhanna Ingvarsdóttir heyrði ferðasöguna.