Morgunblaðið - 05.10.2006, Blaðsíða 27

MORGUNBLAÐIÐ FIMMTUDAGUR 5. OKTÓBER 2006 27
Eftir Orra Pál Ormarsson
orri@mbl.is
Höfuðborg Íraks, Bagdad,er ekki á lista yfirhelstu áfangastaði út-sækinna Íslendinga
enda hefur verið þar róstugt hin
síðari misseri. Þeir eru þó til sem
dvalist hafa í borginni, m.a. Börkur
Gunnarsson sem var á þessum
framandi slóðum á vegum Íslensku
friðargæslunnar sem talsmaður
Atlantshafsbandalagsins í fimmtán
mánuði. Honum er dvölin, eins og
gefur að skilja, eftirminnileg og
ekki síður ýmsir staðir í borginni.
Einn þó öðrum fremur.
„Það er kaffihús á „Græna svæð-
inu“ í Bagdad sem í daglegu tali
var kallað „Sjálfsmorðskaffihúsið“
af þeirri einföldu ástæðu að
skömmu áður en ég kom til borg-
arinnar í febrúar 2004 hafði það
verið jafnað við jörðu í sjálfsmorðs-
árás. Raunar þeirri síðustu sem
hefur verið gerð á „Græna svæð-
inu“. Eigandinn, sem lifði árásina
af, lét það ekkert á sig fá, heldur
tjaldaði bara yfir rústirnar og hélt
rekstrinum áfram eins og ekkert
hefði í skorist. Það er þessi bar-
áttuandi í Írökunum sem er svo
sjarmerandi. Menn gefast aldrei
upp,“ segir Börkur.
Hann segir að fastagestir kaffi-
hússins hafi haldið áfram að sækja
það eftir áfallið enda þótt þeir hafi
margir hverjir misst þar vini sína
og jafnvel ættingja. Sjálfur missti
vertinn tvö af tuttugu börnum sín-
um í árásinni. „Hann sýndi ótrúlegt
æðruleysi, sá maður.“
Glaðvært og vinalegt fólk
„Sjálfsmorðskaffíhúsið“ var á leið
Barkar í vinnuna og hann veitti því
fljótlega athygli að þar voru aðeins
arabar samankomnir. „Það var ein-
mitt þess vegna sem ég fór að
venja komur mínar þangað. Ég bjó
og starfaði með Vesturlandabúum
allan sólarhringinn og þetta var því
kærkomin tilbreyting. Það kom fyr-
ir að einn og einn Vesturlandabúi
slæddist inn meðan ég var þarna en
það voru ekki hermenn. Oftast var
ég þó bara einn með heimamönn-
unum.“
Börkur segir andann á kaffihús-
inu hafa verið mjög góðan enda séu
Írakar upp til hópa glaðvært, skraf-
hreifið og vinalegt fólk.
En það var ekki bara andinn á
„Sjálfsmorðskaffíhúsinu“ sem var
til eftirbreytni, menn fengu þar líka
góðan beina. „Sérstaklega var ke-
babið gott þarna. Það langbesta á
„Græna svæðinu“,“ segir Börkur.
Ekki man Börkur hvað kaffihúsið
hét enda stóð það ekki utan á tjald-
inu. „Þeir höfðu fengið tjaldið hjá
Tuborg. Ég geri samt ekki ráð fyr-
ir að kaffihúsið hafi heitið það enda
hafa líklega fæstir arabarnir skilið
þá áletrun,“ rifjar hann upp hlæj-
andi. „Það var aldrei kallað annað
en „Sjálfsmorðskaffíhúsið“.“
Reuters
Róstur Við þekkjum Bagdad aðallega af stríðsátökum. Börkur Gunn-
arsson kynntist fleiri hliðum á borginni m.a. á „Sjálfsmorðskaffihúsinu“.
Tjaldað
yfir rústirnar
Ferðalangur Börkur Gunnarsson
segir Íraka upp til hópa glaðvært
og skrafhreifið fólk.
Fótboltaleikur
Express Ferðir hafa ákveðið að
bjóða upp á ferð á leik Arsenal
og Breiðabliks en þetta er seinni
leikur liðanna í 8 liða úrslitum í
Evrópukeppni félagsliða kvenna.
Í fréttatilkynningu frá Iceland
Express segir að ferðalangar geti
stutt við bakið á Blika-stelpunum
í baráttu sinni við ensku meist-
arana í liði Arsenal en á síðasta
tímabili fór víst Arsenal taplaust
í gegnum tímabilið í deild og bik-
ar.
Verðið á þessari ferð er 49.900
krónur á mann og miðað er þá
við tvo saman í herbergi en inni-
falið er flug, gisting á The
Strand hótelinu í tvær nætur og
miði á leikinn.
Morgunblaðið/Brynjar Gauti
vítt og breitt
Allar nánari upplýsingar um ferð-
ina fást á vefsíðu Express Ferða –
www.expressferdir.is
24.200
Vika í Danmörku
kr. - ótakmarkaður akstur,
kaskó, þjófavörn, flugvallargjald
og skattar.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
H
ER
3
15
83

03
/2
00
6
Bíll úr flokki A
50 50 600 • www.hertz.is
*
Bókaðu bílinn heima
- og fáðu 500 Vildarpunkta
*Verð miðað við gengi 1. maí 2006.frá
www.gisting.dk
sími: 0045 3694 6700
Ódýr og góð gisting
í hjarta Kaupmannahafnar
ÁSKRIFTARSÍMI 569 1100
Fréttir
á SMS