Morgunblaðið - 05.10.2006, Blaðsíða 15

MORGUNBLAÐIÐ FIMMTUDAGUR 5. OKTÓBER 2006 15
FRÉTTIR
Hummer H3
+ 5 milljónir í skottinu
ef þú átt tvöfaldan miða!
Kauptu miða í Happdrætti DAS.
Einfaldur miði kostar aðeins 1.000 kr.
á mánuði eða 230 kr. fyrir hvern útdrátt.
Búum öldruðum áhyggjulaust ævikvöld.
65 skattfrjálsar
milljónir í október
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
D
A
S
34
39
5
1
0/
20
06
Kíktu á neti›
www.das.is
Hringdu núna
561 7757
ÞJÁLFUN, kennsla og þjónusta við
börn með Downsheilkenni og fjöl-
skyldur þeirra er meðal þess sem
rætt verður á ráðstefnu sem fram
fer á Grand hóteli í dag og á morg-
un. Greiningar- og ráðgjafarstöð
ríkisins, Félag áhugafólks um
Downsheilkenni og Barnaspítali
Hringsins standa að ráðstefnunni,
en aðalfyrirlesari á henni verður
George T. Capone, læknir við
Kennedy Krieger stofnunina í
Baltimore. Capone starfar að rann-
sóknum og er aðstoðarprófessor í
barnalækningum við Johns Hopk-
ins háskólann.
Að sögn Bryndísar Halldórs-
dóttur, fræðslu- og kynningarfull-
trúa hjá Greiningar- og ráðgjaf-
arstöð ríkisins, mun Capone halda
þrjú erindi á ráðstefnunni. „Hann
mun gera grein fyrir stöðu þekk-
ingar á Downsheilkenni í dag og
helstu rannsóknum sem hafa verið í
gangi að undanförnu,“ segir Bryn-
dís. Þá mun Capone meðal annars
fjalla um rannsóknir á tengslum
Downsheilkennis og einhverfu og
tengslum heilkennisins og hegð-
unarraskana.
Mál- og hreyfiþroski
verði örvaður
Dr. Tryggvi Sigurðsson barnasál-
fræðingur er einn þeirra sem flytja
munu erindi á ráðstefnunni, en
hann mun beina sjónum að snemm-
tækri íhlutun fyrir börn með
Downsheilkenni og fjölskyldur
þeirra. Hún snúist um að „reyna að
draga úr þeim erfiðleikum sem vit-
að er að koma fram hjá þessum
börnum og fólki seinna í lífinu með
markvissum aðgerðum sem hefjast
snemma á lífsleiðinni“, segir
Tryggvi. Hér sé átt við aðgerðir á
borð við örvun mál- og hreyfi-
þroska, félagslegra samskipta og
annars slíks sem eigi að hafa fyr-
irbyggjandi áhrif til framtíðar.
Tryggvi segir að hægt sé að
grípa til ýmissa aðgerða snemma á
lífsleið þessara barna sem orðið geti
til þess að bæta lífsgæði þeirra.
„Það hefur til dæmis verið sýnt
fram á það að eitt af því sem er
mjög erfitt fyrir börn með Downs-
heilkenni er hljóðamyndun. Þau
hafa tilhneigingu til að vera með
ódæmigerða hljóðamyndun sem
leiða til þekktra erfiðleika í mál-
tjáningu. Það eru alvarlegustu erf-
iðleikar barna með Downs-
heilkenni fyrir utan heilsufars-
vandamál sem eru oft alvarleg. Með
því að byrja að reyna að hafa áhrif
á hljóðamyndun hjá þeim frá 2–3
mánaða aldri þá erum við að stuðla
að því að málþroskinn verði betri í
bernsku og síðar á lífsleiðinni,“ seg-
ir Tryggvi. Hinn þátturinn í
snemmtækri íhlutun sé að styðja og
styrkja fjölskyldur barnanna
„þannig að þeim gangi betur að fást
við það flókna hlutverk sem það er
að ala upp barn með þroskafrávik
eða fötlun“.
Ýmis önnur erindi verða á ráð-
stefnunni og þar verður meðal ann-
ars kynnt rannsókn sem Ingólfur
Einarsson barnalæknir hefur unnið
um afdrif íslenskra barna og ung-
linga með Downsheilkenni. Þá mun
fólk með Downsheilkenni taka þátt
í ráðstefnunni en á föstudag munu
tveir einstaklingar með Downs
stýra fundi með dyggum stuðningi,
að sögn Bryndísar Halldórsdóttur.
„Við verðum líka með myndasýn-
ingu nemenda úr Öskjuhlíðarskóla
og Bjöllukórinn mun leika,“ segir
hún.
Staða þekkingar á Downsheilkenni og þjónusta við börn og fjölskyldur þeirra rædd á ráðstefnu
Morgunblaðið/Árni Sæberg
Downs-heilkenni Dr. Tryggvi Sigurðsson er meðal fyrirlesara í dag.
Dregið úr erf-
iðleikum með
því að grípa
snemma inn í
elva@mbl.is
Í HNOTSKURN
»Síðustu 20 árin hafa að með-altali fæðst 4,3 börn með
Downsheilkenni hér á landi á ári,
eða eitt af hverjum þúsund fædd-
um börnum.
»Tíðnin sveiflast nokkuð milliára en í fyrra fæddust þrjú
börn með Downsheilkenni á Ís-
landi.
» Fæðingartíðni barnanna hérá landi er svipuð og gerist í
nágrannnaríkjunum.
»Síðast var haldin ráðstefnahér um þessi mál 1998.
STURLA Böðv-
arsson, sam-
gönguráðherra,
segir að það valdi
sér vonbrigðum
að fjölgun snerti-
lendinga frá árinu
2005 hafi að
stærstum hluta
átt sér stað á
Reykjavíkurflug-
velli og honum
þykir æskilegt að stórar flugvélar
lendi frekar á Keflavíkurflugvelli en
í Reykjavík. Hann vill bíða eftir nið-
urstöðu nefndar um starfsemi
Reykjavíkurflugvallar áður en hann
tekur afstöðu til þess hvort hugsan-
lega sé tilefni til aðgerða.
Í samtali við Morgunblaðið sagði
Sturla að beina þyrfti því til flug-
skóla og flugkennara að þeir noti
Keflavíkurflugvöll sem allra mest,
fremur en Reykjavíkurflugvöll. Á
hinn bóginn væri greinilegt af hinni
miklu notkun að flugkennarar telji
Reykjavíkurflugvöll vera ákjósan-
legan flugvöll fyrir snertilendingar.
„Við getum ekki neitað um notkun
flugbrautanna, það liggur auðvitað
fyrir. En það ætti að vera sameig-
inlegt áhugamál flugrekenda og
flugkennara að gæta hófs í þessu og
taka tillit til aðstæðna,“ sagði Sturla.
Það yrði þó einnig að hafa í huga að
ef fluginu yrði í auknum mæli beint
til Keflavíkur myndi það valda ónæði
þar.
Alltaf gert ráð fyrir notkun
Sturla sagði að snertilendingarnar
og millilandaflug um flugvöllinn yrðu
skoðaðar frekar þegar niðurstaða
nefndar um Reykjavíkurflugvöll
lægi fyrir en hann býst við niður-
stöðu hennar í haust. Stefnt væri að
sem mestri sátt um notkun vallarins.
Millilandaflug um Reykjavíkur-
flugvöll hefur aukist um 13% frá
árinu 2000. Lendingum á stórum
flugvélum, þ.e. áþekkar þeim sem
Icelandair og Iceland Express nota
til millilandaflugs, hefur stórfjölgað,
úr tæplega 200 í rúmlega 400.
Sturla sagði að aukið millilanda-
flug um Reykjavíkurflugvöll sýndi
hversu mikil eftirspurn væri eftir því
að nota flugvöllinn og endurspeglaði
einnig mikla aukningu í einkaflugi á
vegum viðskiptamanna sem vildu
komast fljótt til starfa, hvort sem
væri í London eða í Reykjavík. „Ég
tel að það sé ekkert að því að nýta
flugvöllinn, það hefur alltaf verið
gert ráð fyrir því,“ sagði hann. Að
hans mati væri þó æskilegra að stór-
ar vélar nýttu sér frekar Keflavík-
urflugvöll en hann benti jafnframt á
að fjöldi stórra flugvéla væri ekki
ýkja mikill.
Mikilvæg atvinnustarfsemi
Þá mætti heldur ekki einblína á
neikvæða þætti í rekstri flugvallar-
ins, þ.e. ónæði af notkun hans. At-
vinnustarfsemi á Reykjavíkurflug-
velli hefði mikla þýðingu og aukin
flugumferð um völlinn sýndi vel
hversu mikill uppgangur hefði verið í
flugi en það væri sérstakt fagnaðar-
efni.
Þá teldi hann og vonaði að flug-
menn reyndu að nota flugvöllinn
þannig að sem minnst ónæði hlytist
af og að flugumferðarstjórn tæki
sömuleiðis mið af því.
Gæti hófs við
snertilendingar
Telur æskilegt að stórar flugvélar
lendi frekar á Keflavíkurflugvelli
Sturla
Böðvarsson