Morgunblaðið - 31.12.2006, Blaðsíða 34

stjórnmál
34 SUNNUDAGUR 31. DESEMBER 2006 MORGUNBLAÐIÐ
Bridsfélag Selfoss og nágrennis
Jólaeinmenningnum lauk fimmtu-
dagskvöldið 21. desember sl. Loka-
staða efstu spilara varð þessi:
Þröstur Árnason/Guðjón Einarsson 43
Anton Hartmannsson 31
Guðmundur Þór Gunnarsson 21
Gunnar Björn Helgason 20
Grímur Magnússon 16
Daníel M. Sigurðss./Sigfinnur Snorrason 16
Efstu spilarar seinna kvöldið:
Sigfinnur Snorrason
26
Guðjón Einarsson 25
Gunnar Björn Helgason 25
Vilhjálmur Þór Pálsson 25
Brynjólfur Gestsson 21
Nánar má finna um gang mála á
heimasíðunni: www.bridge.is/bsel.
Fyrsta mót eftir áramót verður
eins kvölds tvímenningur 4. janúar.
Mótið er HSK mótið í tvímenningi
fyrir árið 2006.
BRIDS
UMSJÓN ARNÓR G.
RAGNARSSON| norir@mbl.is
Selfoss Þrír efstu í einmenningnum. Frá vinstri: Anton Hartmannsson,
Guðjón Einarsson og Guðmundur Þór Gunnarsson.
Á
gætu landsmenn. Við
áramót viljum við
gjarnan nýta tækifæri
til að líta um öxl á liðið
ár og einnig horfa
fram á veginn. Á árinu sem er að
ljúka urðu talsverðar breytingar á
ríkisstjórn Íslands og nýir menn
gengu þar til starfa. Á síðari hluta
ársins hafa líka orðið ýmsar breyt-
ingar á vettvangi íslenskra þjóð-
mála. Og hinn 16. desember sl. var
níutíu ára afmæli Framsókn-
arflokksins haldið hátíðlegt en
hann er elsti stjórnmálaflokkur
þjóðarinnar. Á afmælinu kom
Framsóknarfólk saman víða um
landið og efldi samstöðu og bar-
áttuhug til þeirra miklu átaka sem
framundan eru.
Framsóknarmenn eiga brýnt er-
indi við þjóðina nú sem jafnan áð-
ur. Framsóknarflokkurinn eflist
með hverri nýrri kynslóð baráttu-
manna og samherja. Á næstu mán-
uðum munum við standa fyrir
kröftugum málflutningi og stað-
festa þau þjóðlegu, félagslegu og
mannúðlegu gildi sem við stöndum
fyrir.
Allt frá upphafi hefur Framsókn-
arflokkurinn verið framfarasinn-
aður umbótaflokkur svo sem upp-
runi hans og stefnuyfirlýsingar
sýna. Flokkurinn er fordómalaus
um úrlausnir aðsteðjandi vanda-
mála á hverjum tíma og leitar sam-
starfs við aðra um raunhæfar
lausnir. Hann vill beita aðferðum
þekkingar og vísinda til að ryðja
framþróuninni braut á grundvelli
þeirra þjóðfélagslegu gilda sem
stefna hans byggist á. Framsókn-
armenn leggja höfuðáherslu á að
hver kynslóð skili þeirri næstu
betra þjóðfélagi en hún tók við,
betra lífi, fleiri tækifærum og rík-
ari menningu, þjóðfélagi þar sem
manngildið er metið meira en auð-
gildi og vinnan, þekkingin og fram-
takið vegur þyngra en auðdýrkun
og auðsöfnun.
Fjölbreytileg gróska í menning-
arlífi blasir við á Íslandi um þessar
mundir. Þetta sést í menningarlíf-
inu, í listsköpun, hönnun, rann-
sóknum og menntun. Í þessu má
finna áræði og frumkvæði þjóð-
arinnar og um leið heilbrigðan og
sterkan þjóðarmetnað.
Framþróun þekkingarsamfélags-
ins er mikilvægasta umbótasviðið
til lengri tíma séð. Efling mennta-
stofnana, rannsókna, tækniþróunar
og vísinda mun leika grundvall-
arhlutverk í þessari þróun. Þarna
vex hið gróandi þjóðlíf inn í fram-
tíðina með fjölgandi og batnandi
lífstækifærum fyrir uppvaxandi
kynslóðir. En um leið verðum við
að sjá til þess að engir samfélags-
hópar verði út undan og að allar
byggðir í landinu njóti ávaxta af
þessari framþróun.
Á árinu sem er að hverfa voru
gerðir mikilvægir samningar að til-
hlutan ríkisstjórnarinnar, annars
vegar við samtök aldraðra og hins
vegar við heildarsamtök á vinnu-
markaði. Þessir samningar munu
hafa mikil áhrif á samfélagsþró-
unina á næstu árum. Þeir leiða af
sér margháttaðar umbætur á bóta-
og velferðarkerfum landsmanna.
Árangurinn kemur í ljós strax eftir
áramótin.
Í mars á komandi ári verða í
beinu framhaldi af þessu öllu veru-
legar verðlækkanir á matvöru sem
munu nýtast öllum almenningi.
Þessar almennu kjarabætur allar
nýtast vissulega öllum lands-
mönnum en umfram allt koma þær
þeim til góða sem minnst hafa og
mest eru þurfandi. Þetta eru þann-
ig breytingar í jafnaðarátt.
Mjög mikil gróska blasir við í
landinu þegar litast er um á vett-
vangi viðskiptalífs og atvinnu-
starfsemi. Hér er almenn velmegun
og atvinna fyrir alla. Við höfum
reyndar tekið eftir vaxandi mis-
skiptingu auðs og tekna en rétt er
að minna á að þeir tekjulægstu
hafa líka fengið kjarabætur með
árunum. En þjóðin þarf að mæta
þessu með því að ná meira jafn-
vægi og varanlegum stöðugleika í
hagþróuninni. Þetta hefur gerst
áundanförnum mánuðum, eftir að
hjöðnunaraðgerðir ríkisstjórn-
arinnar fóru að ná áhrifum á efna-
hagsframvinduna. Verðbólgan er
minnkandi og þannig næst góð við-
spyrna til umbóta.
Á þessu ári urðu heitar umræður
og deilur um raforkuvirkjanir á há-
lendinu og iðnaðaruppbyggingu á
landsbyggðinni. Nýlega lagði auð-
lindalaganefnd alþingis og rík-
isstjórnarinnar fram skýrslu eftir
mikið starf og boðar þar leið til
þjóðarsáttar um þessi mikilvægu
mál. Nefndin gerir grein fyrir leið-
um til þess að undirbúa og móta á
næstu þremur árum heildar-
auðlindaáætlun, í senn með yfirliti
um nýtanlega staði og svæði í land-
inu og einnig um þá staði og svæði
sem ekki kemur til mála að raska
af umhverfisástæðum.
Vonandi nær Alþingi á næstu
mánuðum að afgreiða lög um þessi
mikilvægu efni. Íslendingar vilja
sýna landinu okkar ást og virðingu
og með heildarlöggjöf og áætlun
um auðlindamálin verða kaflaskil á
þessu sviði. Næsta vor verða líka
þau tímamót í stórframkvæmd-
unum á Austurlandi að framleiðsla
hefst og fer að skila landsmönnum
arði. Þeim áfanga munu allir lands-
menn auðvitað fagna.
Ágætu landar. Kærar þakkir fyr-
ir kynni og samstarf og hugheilar
óskir um farsælt nýtt ár.
Jón Sigurðsson iðnaðar- og viðskiptaráðherra og
formaður Framsóknarflokksins
Gróandi þjóðlíf
Morgunblaðið/Brynjar Gauti
Ást og virðing fyrir landinu Íslendingar vilja sýna landin okkur ást og
virðingu og með heildarlöggjöf og áætlun um auðlindamálin verða kafla-
skil á þessu sviði, segir Jón Sigurðsson.
Lífeyrissjóðstekjur séu skattlagðar
sem fjármagnstekjur.
Afsláttur af fasteignagjöldum auk-
ist með lækkandi tekjum.
Lífskjör fatlaðra verði bætt, dregið
verði úr skerðingu bóta vegna at-
vinnuþátttöku og lífeyrisgreiðslur
skerði ekki örorkubætur.
Afnema skal tekjutengingu við
laun maka.
Lækka þarf húsnæðiskostnað ör-
yrkja og fatlaðra.
Það eru rauntekjur eftir skatt-
greiðslur til ríkis og sveitarfélaga
sem skipta þá sem minnst hafa sér til
framfærslu mestu máli. Það er ekki
nóg að hækka lægstu laun og bætur
T.R. ef skattastefna ríkisstjórnar
verður síðan til þess að láglaunafólk
og bótaþegar eru að greiða skatta af
brúttótekjum sem ekki nægja fólki til
lágmarksframfærslu og nauðþurfta.
Skattastefna Sjálfstæðisflokks
og Framsóknar
Það er sorglegt að líta yfir vegferð
ríkisstjórnarinnar í skattamálum ein-
staklinga sl. 12 ár. Misskipting í laun-
um hefur aukist sem aldrei fyrr og
margir hafa tugi milljóna eða hundr-
uð í árslaun. Ríkisstjórnin eykur á
misvægið með forgang á að afnema
hátekjuskattinn og lækka sér-
staklega skatta þeirra sem hæstar
tekjur hafa. Frekar átti að hækka
tekjuviðmið og hafa áfram skatt á há-
ar og mjög háar ofurtekjur. Persónu-
afsláttur var látinn sitja eftir og hafa
minna vægi til hækkunar skattleys-
ismarka sem leiddi til þess að skatt-
greiðendur með lágar tekjur beinir
tekjuskattsgreiðendur. Þetta kallaði
fjármálaráðherra að breikka skatt-
stofninn. Ríkisstjórnin valdi flata
prósentulækkun um 4% sem kom
þeim betur sem hærri höfðu tekj-
urnar. Þannig fjölgar lágtekjuskatt-
greiðendum en hagur þeirra með
hærri tekjur batnar. ASÍ knúði rík-
isstjórnina til þess að hætta við 1% af
fyrirhugaðri 4% lækkun og færa þá
fjármuni yfir í hækkun persónu-
afsláttar. Það leiðir til þess að skatt-
leysismörk hækka úr 79.000 í 90.000
kr.
Frjálslyndi flokkurinn lagði til fyr-
ir alþingiskosningar 2003 að í stað
stefnu ríkisstjórnarinnar yrði þeim
16 milljörðum króna sem átti að verja
í 4% flata lækkun tekjuskatts á ein-
staklinga varið öllum í hækkun per-
sónuafsláttar. Það hefði hækkað
skattleysismörk i um 110.000 kr.
Hagur lágtekju- og millitekjufólks
hefði batnað en þeir sem hæstar
hefðu tekjur greiddu meira. Stjórn-
arandstaðan lagði til í haust að per-
sónuafsláttur yrði hækkaður sem
næmi báðum þeim 2% sem taka áttu
gildi 1. janúar nk. Allar tillögur frá
stjórnarandstöðu um velferðarmál
aldraðra og öryrkja sem og hækkun
persónuafsláttar voru felldar á haust-
þinginu.
Lækkun virðisaukaskatts á mat-
vöru og aðrar aðgerðir til lækkunar
matarverðs eiga síðan að koma til
framkvæmda í mars 2007. Að sjálf-
sögðu kosningamál sem ríkistjórnin
leggur með sér. Það verður annarra
að fylgja þeirri stefnu eftir. Tíma-
bært er að skipta um ríkisstjórn að
vori.
Varnar- og öryggismál
Einn merkasti atburður innan-
lands á árinu var að bandaríska setu-
liðið fór af landi brott. Þarna urðu
vatnaskil í utanríkismálum okkar.
Aðdragandinn var sérstakur og kom
ríkisstjórninni á óvart. Það er
ánægjuefni að hér skuli ekki vera
vopnum búinn her á friðartímum. Að
Bandaríkin færu með sín tæki, tól og
mannskap átti öllum að vera ljóst og
vinátta Davíðs og Bush breytti því
ekki. Hörmungarástand er í Írak þar
sem nú er borgarastríð og ömurlegt
að tveir fyrrum forystumenn okkar
þjóðar skildu játast undir þau víga-
ferli sem skila heimsbyggðinni vax-
andi hatri milli þjóða og trúarbragða.
Við bentum árið 2004 á að nauðsyn
væri að leita samstarfs við norrænar
þjóðir um eftirlit og varnir norð-
urhafa. Nú eiga sér stað slíkar við-
ræður sem vonandi leiða til aukinnar
samvinnu. Sýnum frumkvæði að því
að ræða við rússneska ráðamenn um
samskipti og eftirlit norðurhafa. Ver-
öldin er mikið breytt frá dögum kalda
stríðsins, aukin samvinna þjóða á fjöl-
mörgum sviðum og friðarvilji verður
að vera leiðarljós nýrrar og friðvæn-
legrar framtíðar.
Landið, miðin og víðernin
Við deilum um nýtingu okkar á
náttúruauðlindum til lands og sjávar,
þar er engin sátt á orðin. Vont kvóta-
kerfi fiskveiða hefur ekki náð þeim
markmiðum sem að var stefnt. Lögin
áttu að tryggja trausta atvinnu og
byggð í landinu og byggja upp fiski-
stofnana. Einkum okkar að-
alnytjastofn, þorskstofninn. Kvóta-
brasksleigukerfið arðrænir bæði
sjómenn og sjávarbyggðir, kvótalitl-
ar útgerðir og fiskvinnslur. Það sóar
verðmætum, það vita allir þeir sem
fiskveiðar stunda.
Þeir stóru verða stærri í kerfinu og
atvinnuréttur byggðanna safnast á
færri hendur. Fólki fækkar í sjáv-
arbyggðunum og allir leita með log-
andi ljósi að atvinnutækifærum sem
gætu orðið tryggari en braskið með
atvinnurétt sjávarbyggðanna. Faðir
kvótans, Halldór Ásgrímsson, réði
Valgerði Sverrisdóttur, sem falið var
verkefnið iðnvæðing byggðanna, þ.e.
stóriðja, einkum álver. Það þarf eng-
an að undra þó öllu sé vel tekið sem
viðbót í atvinnu, þar með stóriðju (ál-
bræðslu) í byggðum sem standa
veikt. Forsvarsmenn byggða vilja
nýta þá orku sem svæðið býður upp
á. Álver af hæfilegri stærð, að því
gefnu að orku megi nýta án verulegs
skaða á náttúru, er vissulega nothæf-
ur kostur til atvinnusköpunar. Rekst-
ur Norðuráls í Hvalfirði sýndi góðan
rekstur þó framleiðsla sé undir 150–
200 þúsund tonnum á ári. Stjórnvöld
verða að hafa stefnu og óþarft að
stofna til risaálvera í hverri vík.
Reynsla okkar m.a. af Kára-
hnjúkavirkjun ætti að kenna okkur
vandaðri umgengni við náttúruna í
framtíðinni.
Ég þakka landsmönnum stuðning
við Frjálslynda flokkinn og óska öll-
um gæfuríks komandi árs.