Morgunblaðið - 31.12.2006, Blaðsíða 33

MORGUNBLAÐIÐ SUNNUDAGUR 31. DESEMBER 2006 33
þekkingarfyrirtæki sjái sér hag í
að byggja sig upp hér á landi og að
íslensk fyrirtæki geti laðað að sér
erlenda fjárfesta sem nú óttast
hina óstöðugu íslensku krónu.
Síðast en ekki síst verður að
fjárfesta verulega í menntun til að
mæta þörfum nýrra tíma. Samfylk-
ingin hefur sett fram tillögur í
menntamálum sem m.a. felast í
átaki gegn brottfalli, nýju tækifæri
fyrir fólk með litla formlega
menntun, auknu frelsi í rekstri og
námsfyrirkomulagi framhaldsskól-
anna, öflugra háskólastigi og
markvissum stuðningi við rann-
sóknar- og þróunarstarf.
Þjóðin þarf ríkisstjórn sem setur
menntun í öndvegi og hefur þá
stefnu að allir geti lært. Það er vel-
ferðarstefna, fjárfestingarstefna
og síðast en ekki síst jafn-
aðarstefna í bestu mynd.
V.
Hagvöxtur undanfarinna ára
hefur byggst á nýtingu nátt-
úruauðlinda með þeim hætti að
gengið hefur verið á náttúrugæði
og aukið á útblástursmengun með
nýjum stóriðjukostum. Gríðarlegar
fjárfestingar í virkjunum og stór-
iðju hafa mótað umhverfi okkar,
atvinnulíf og efnahagslíf. Rík-
isstjórnin ætlar að halda áfram á
sömu braut en andspænis þeirri
stefnu setur Samfylkingin fram til-
lögur sínar um Fagra Ísland.
Mikilvægt er að ná jafnvægi í
efnahagslífinu og koma í veg fyrir
nýja fjárfestingahrinu í stóriðju
meðan enn er spenna í hagkerfinu.
Við þurfum að nýta þetta svigrúm
til að vinna Rammaáætlun um
náttúruvernd og rétta stöðu þeirra
sem vilja nýta náttúru landsins
með verndun hennar gagnvart hin-
um sem vilja nýta hana til orku-
vinnslu. Við höfum núna sögulegt
tækifæri til að ná utan um málefni
náttúruverndar á Íslandi.
Til þess þarf ríkisstjórn sem get-
ur náð breiðri sátt um nátt-
úruvernd og orkunýtingu. Sam-
fylkingin tókst á við þetta erfiða
verkefni innan sinna eigin vébanda
og er eini flokkurinn sem hefur
sett fram raunhæfar tillögur til
sátta. Samfylkingin er leiðandi á
þessu sviði og sú skýra stefna sem
birtist í Fagra Íslandi er vegvís-
irinn sem við þurfum.
VI.
Við síðustu áramót sögðust for-
svarsmenn ríkisstjórnarinnar ætla
að ljúka endurskoðun stjórn-
arskrárinnar og endurskipuleggja
stjórnarráðið. Ekkert bólar á efnd-
um. Samfylkingin hefur sett fram
skýrar hugmyndir um stjórn-
arskrárbreytingar sem þarf að
gera til að ná fram mikilvægum
réttarbótum í þágu þjóðarinnar s.s.
þjóðareign á mikilvægum auðlind-
um og réttinum til þjóðaratkvæðis.
Þá hefur Samfylkingin lagt fram
frumvarp til laga um stjórnarráðið
sem felur í sér endurskipulagningu
og fækkun ráðuneyta.
Samhliða þessu þarf að endur-
skoða vinnubrögð Alþingis og
styrkja stöðu þess gagnvart fram-
kvæmdavaldinu. Liður í því er að
gera Alþingi kleift að setja á fót
óháðar rannsóknarnefndir til að
rannsaka mikilvæg mál og stjórn-
valdsathafnir er varða almannahag
s.s. hlerunarmálin og einkavæðing-
arferlið.
Þjóðin þarf ríkisstjórn sem beitir
sér fyrir auknu lýðræði, meira eft-
irliti með stjórnvaldsathöfnum,
skýrum leikreglum og nútímavæð-
ingu stjórnkerfisins.
VII.
Nýtt ár ber með sér vonir og
væntingar um nýja tíma. Kjós-
endur kalla á breytingar og nýjar
lausnir og Samfylkingin hefur unn-
ið heimavinnuna sína. Við höfum
lausnir á þeim vandamálum sem
blasa við. Við höfum skýra framtíð-
arsýn fyrir íslenskt samfélag. Við
erum tilbúin að leiða nýja rík-
isstjórn sem tekst á við krefjandi
verkefni af ábyrgð og stjórnfestu!
Ég óska landsmönnum öllum árs
og friðar, þakka samfylgdina á
liðnu ári og hlakka til samstarfsins
á því ári sem nú fer í hönd.
ríkisstjórnin með ráðherra Sjálf-
stæðisflokksins í broddi fylkingar
víkur sér undan að gera.
Áherslur VG og ný stjórn
Vinstrihreyfingin – grænt fram-
boð vill bjóða þjóðinni upp á skýra
kosti í íslenskum stjórnmálum. Við
viljum að þjóðin eigi kost á hrein-
um umskiptum í stjórn landsins ef
svo ber undir. Það er eðlilegast og
lýðræðislegast að gera með því að
stjórnarandstaðan stilli saman
strengi og bjóði upp á sjálfa sig
sem trúverðugan valkost gegn nú-
verandi stjórnarsamstarfi og
stjórnarflokkum, takist að fella
stjórnina og skapa þannig skilyrði
til hreinna umskipta.
Við Vinstri græn viljum grund-
vallarstefnubreytingar á fjölmörg-
um mikilvægum málasviðum. Við
teljum að íslenska þjóðin sé lánsöm
og að við höfum í höndum stórkost-
lega möguleika til að þróa farsælt
og friðsælt lýðræðis- og velmeg-
unarsamfélag á Íslandi. Einnig
menningarsamfélag sem hlúir að
þjóðararfinum og axlar ábyrgð
gagnvart skyldum sínum við landið.
Við viljum standa undir þeirri
ábyrgð sem lögmálið um sjálfbæra
þróun og sjálfbæra framvindu sam-
félagsins leggur hverri kynslóð á
herðar. Það er ríkisstjórn Íslands
ekki að gera um þessar mundir.
Hún er þvert á móti að ganga á
verðmæti framtíðarinnar, bæði
landkostina og stuðlar einnig að
eyðslu um efni fram sem þýðir að
hækkandi erlendur skuldareikn-
ingur þjóðarinnar lendir á þeim
sem við taka.
Það er athyglisverð staðreynd að
þeir menn sem bera ábyrgð á
lengstum hluta stjórnarsamstarfs
Sjálfstæðisflokks og Framsóknar-
flokks eru nú báðir horfnir úr
stjórnmálum. Hvorki Davíð Odds-
son né Halldór Ásgrímsson mun
standa reikningsskap gerða sinna í
næstu kosningum. Flokkar þeirra
gera það hins vegar, sömu flokkar
með sömu stefnu og sama mann-
skap að þeim sjálfum undan-
skildum. Við þá fer uppgjörið fram.
Það hefur orðið hlutskipti
Vinstrihreyfingarinnar – græns
framboðs að andæfa stjórnarstefn-
unni og veita henni aðhald umfram
aðra flokka. Það helgast af því að
við erum flokkurinn til vinstri í ís-
lenskum stjórnmálum og eini um-
hverfisverndarflokkurinn, græni
flokkurinn. Okkar áherslur um fé-
lagslegt réttlæti, umhverfisvernd,
kvenfrelsi og mannúðlega utanríkis-
og friðarstefnu eru hinir andstæðu
pólar við hægri- og nýfrjálshygg-
juáherslur ríkisstjórnarinnar. Það
er því einfalt hvað þeir sem virki-
lega vilja sýna ríkisstjórninni rauða
spjaldið eiga að gera næsta vor:
Þeir eiga að kjósa Vinstrihreyf-
inguna – grænt framboð. Við höfum
meðbyr, til okkar streymir fjöldi
nýrra liðsmanna, ekki síst ungt
fólk, og gleðilegt er að fjölmargar
konur munu skipa framvarðarsveit
okkar og efstu sæti á framboðs-
listum í næstu kosningum. Við er-
um flokkur allra aldurshópa, við er-
um flokkur allra stétta, við erum
flokkur alls vinnandi fólks, við er-
um flokkur einyrkja og lítilla og
meðalstórra fyrirtækja, flokkur
þeirra sem vilja móta samábyrgt
velferðar- og menningarsamfélag í
landinu. Við erum flokkur sem talar
fyrir yfirvegun í umræðu um fólk af
erlendum uppruna og við viljum að
það geti aðlagast og orðið fullgildir
þátttakendur í samfélaginu og gefið
af sér til þess. Við vörum við um-
ræðu sem elur á andúð og for-
dómum. Jafnréttissinnað velferð-
arsamfélag á að taka til allra án
tillits til uppruna, rétt eins og kyn-
ferðis, litarháttar o.s.frv.
Fyrir hönd Vinstrihreyfing-
arinnar – græns framboðs þakka ég
landsmönnum fyrir samfylgdina á
árinu. Ég þakka góðan stuðning í
sveitarstjórnarkosningunum sl. vor
og þann hljómgrunn sem okkar
áherslur njóta. Við Vinstri græn
horfum bjartsýn fram á veginn.
Gleðilegt nýtt ár! Skógarhlíð 18 • sími 595 1000 • www.heimsferdir.is
Frá kr. 44.990
Netverð á mann, m.v. 2 fullorðna og 2 börn
saman í íbúð m/1 svefnherbergi í 3 vikur,
stökktu tilboð.
Frá kr. 54.990
Netverð á mann, m.v. 2 fullorðna saman í
íbúð m/1 svefnherbergi í 3 vikur,
stökktu tilboð.
Frá kr. 49.990
Oasis Royal.
Netverð á mann, m.v. 2 fullorðna og 2 börn
saman í íbúð m/1 svefnherbergi í 3 vikur.
Frá kr. 59.990
Oasis Royal.
Netverð á mann, m.v. 2 fullorðna saman í
íbúð m/1 svefnherbergi í 3 vikur.
Frá kr. 54.990
Oasis Tamarindo
Netverð á mann, m.v. 2 fullorðna og 2 börn
saman í íbúð m/1 svefnherbergi í 3 vikur.
Frá kr. 64.990
Oasis Tamarindo
Netverð á mann, m.v. 2 fullorðna saman í
íbúð m/1 svefnherbergi í 3 vikur.
Munið Mastercard
ferðaávísunina
Bjóðum nú síðustu sætin til nýjasta áfangastaðar Heimsferða,
Fuerteventura, sem svo sannarlega hefur slegið í gegn hjá
Íslendingum. Njóttu lífsins á þessum vinsæla áfangastað og slakaðu
rækilega á eftir jólastressið. Bjóðum m.a. frábært stökktu tilboð (þú
bókar sæti og 4 dögum fyrir brottför færðu að vita hvar þú gistir) auk
tilboða á íbúðagistingu í Corralejo á Oasis Royal og Oasis Tamarindo.
Ath. takmarkaður fjöldi íbúða í boði á þessu frábæra verði.
Fuerteventura
9. janúar
frá kr. 44.900
Síðustu sætin - frábær tilboð
Þriggja vikna ferð - ótrúlegt verð
Glæsileg gisting í boði
Þ
egar horft er fram um veg
nú við áramót og upphaf
kosningaárs, er eðlilegt
að minna á nokkra mála-
flokka sem við í Frjáls-
lynda flokknum teljum að skipti þjóð-
ina verulegu máli.
Innflytjendur
Erlendu fólki hefur fjölgar ört á
Íslandi undanfarin misseri. Frjáls-
lyndi flokkurinn vill að fólki af er-
lendu bergi brotið, sem flyst hingað
til lands, verði gert kleift að finna sér
hlutverk og aðlagast íslensku sam-
félagi. Innflytjendum verði sýnd full
virðing og tryggð mannréttindi.
Málefni erlendra ríkisborgara á Ís-
landi eru nú í ólestri. Fólk býr í at-
vinnuhúsnæði, skráning og eftirlit er
gloppótt. Brotið er á réttindum fólks,
íslenskukennsla er af skornum
skammti o.s.frv. Mikið innstreymi er
af fólki hingað og aldrei meira en síð-
ustu mánuði. Erlendir starfsmenn
nálgast nú óðfluga 20.000. Það eru
um 13% af íslensku vinnuafli. Við
upplifum nú aðstæður sem aldrei
hafa komið upp áður þar sem mikill
fjöldi erlends fólks mun keppa við Ís-
lendinga um vinnu.
Stjórnvöld áttu að bregðast betur
við þeim miklu þjóðfélagslegu áskor-
unum sem felast í stórauknu streymi
erlends vinnuafls hingað sem varð
þegar frjáls för launafólks frá nýjum
aðildarríkjum ESB varð að lögum 1.
maí sl. Frjálst flæði erlends vinnuafls
á vinnumarkaðinn getur leitt til
lækkunar launa. Fylgjast þarf með
fjölgun starfsmanna á vegum starfs-
mannaleiga. Stéttarfélög fái heim-
ildir til að fara í fyrirtæki og krefjast
þess að fá að sjá launaseðla, vinnu-
skýrslur og önnur gögn sem varða
erlenda starfsmenn svo ekki sé brot-
inn á þeim réttur. Fjöldi erlendra
starfsmanna er ekki tilkynntur til
Vinnumálastofnunar eins og lög gera
ráð fyrir. Herða á eftirlit með at-
vinnurekendum og óskráðum starfs-
mönnum, kjörum þeirra og búsetu.
Staða þess starfsfólks sem þegar
er komið til landsins verði könnuð,
fjölskylduhagir og áform þeirra um
framtíðarbúsetu á Íslandi. Þannig
má spá fyrir um t.d. fjölgun skóla-
barna, þörf á kennslu í íslensku og
annarri aðlögun.
Mikilvægt er að virkja innlent
vinnuafl frekar og nýta betur þann
mannauð sem fyrir er í landinu.
Breyta þarf skerðingarreglum og
skattkerfi sem bitna nú harðast á
eldri borgurum og öryrkjum sem og
á lágtekjufólki.
Eftirlit og takmörkun væri einfald-
ari ef Ísland hefði nýtt sér fyrirvara
sem mögulegur var vorið 2006. Við
viljum reyna að takmarka á ný frjálst
flæði launafólks frá nýjum ríkjum
EES og tryggja þá hagsmuni bæði
þeirra útlendinga sem hingað vilja
koma og þeirra sem eru hér fyrir.
Ekki er verið að tala um að loka land-
inu eða reka fólk á brott, heldur ein-
göngu lögð áhersla á að sökum
smæðar þjóðarinnar er það okkur Ís-
lendingum nauðsynlegt að stýra sjálf
flæði erlendra nýbúa til landsins.
Stétt með stétt
Í áratugi hafa launþegar, samtök
þeirra og stjórnmálaflokkar haft uppi
áherslur um velferðarþjóðfélag í
bestu merkingu þess. Hér ættu allir
að geta lifað af við þau kjör og rétt-
indi sem okkur væru tryggð. Lág-
markslaun á vinnumarkaði og lág-
marksbætur Tryggingastofnunar
ríkisins (T.R.) til eldri borgara og ör-
yrkja ásamt lífeyrissjóðakerfinu eða
atvinnuleysisbótasjóði ættu að
tryggja framfærslu til mannsæmandi
lífs. Sem forystumaður stéttarfélags
og Landssambands yfirmanna
(F.F.S.Í.) og sem formaður Frjáls-
lynda flokksins og alþingismaður hef
ég haft þá skoðun að tryggja öllum
þau kjör að geta lifað af án fátæktar
eða vöntunar nauðþurfta. Að hjúkrun
fólks, öldrunarþjónusta og önnur
vistunarúrræði stæðu öllum til boða.
Hverri starfstétt ber skylda að
starfa með öðrum starfstéttum þessa
þjóðfélags, að tryggja þau lágmarks-
kjör og velferðarþjónustu sem gerð
var grein fyrir hér á undan. Frjáls-
lyndi flokkurinn hefur þá stefnu að
lágmarkskjör (laun eða bætur T.R.)
eigi að duga til þess að lifa mann-
sæmandi lífi og tryggja velferð.
Bætur almannatrygginga fylgi al-
mennri launavísitölu og nægi til
framfærslu.
Skerðing tryggingagreiðslna verði
lækkuð og afnumin með öllu á tekjur
og lífeyrisgreiðslur undir 50 þúsund
krónum á mánuði.
Guðjón Arnar Kristjánsson
formaður Frjálslynda flokksins
Við áramót: Innflytjendur
– velferð – skattar
Morgunblaðið/Golli
Innflytjendamál Ekki er verið að tala um að loka landinu eða reka fólk á
brott, heldur eingögnu lögð áhersla á að sökum smæðar þjóðarinnar er það
okkur Íslendingum nauðsynlegt að stýra sjálf flæði erlendra nýbúa til
landsins, segir Guðjón Arnar Kristjánsson.