Morgunblaðið - 24.01.2007, Page 33
staðurstund
Tilkynnt var í gær hvaða kvik-
myndir og hvaða listamenn eru
tilnefnd til Óskarsverðlaunanna
2007. » 34
kvikmyndir
Flóki Guðmundsson veltir fyrir
sér þeim íslenska – og að hans
mati hvimleiða – sið að gera hlé
í miðri sýningu kvikmynda. » 35
af listum
Er leikarinn Tom Cruise „alveg
eins og Jesú“ og verður hann
tilbeðinn eins og frelsari í fram-
tíðinni? » 40
fólk
Kammermúsíkklúbburinn fagn-
ar nú 50 ára starfsafmæli sínu.
Seinni helmingur afmælisársins
hófst í Bústaðakirkju. » 41
tónlist
Kvikmyndin Nótt á safninu fær
þrjár stjörnur hjá gagnrýnanda
sem segir Ben Stiller flinkan í
sínu fagi. » 43
bíódómur
|miðvikudagur|24. 1. 2007| mbl.is
Eftir Ingveldi Geirsdóttur
ingveldur@mbl.is
Föðurhlutverkið hefur ekkiþótt eftirsóttur efniviður íleikverk hingað til en núhefur Bjarni Haukur
Þórsson, sem er líklega best þekktur
fyrir Hellisbúann, sett upp leikritið
Pabbann sem verður frumsýnt í
Iðnó á morgun.
„Ég er búinn að vera í þessum
leikhúsbransa í mörg ár og man ekki
eftir neinu verki sem tekur á þennan
hátt á föðurhlutverkinu svo það
verður mjög fróðlegt að sjá hvernig
þetta fer í fólk,“ segir Bjarni Hauk-
ur, höfundur verksins og eini leikari.
„Ég hef spáð í þennan efnivið í
nokkurn tíma. Ég byggi handritið að
miklum hluta á eigin reynslu auk
þess sem ég ræddi við vini mína og
aðra karlmenn í kringum mig.“
Karlmenn á hliðarlínunni
Að hans sögn fjallar Pabbinn á
gamansaman hátt um það hvað er að
vera pabbi í nútímasamfélagi.
„Eins og ég tala um í verkinu hef-
ur hlutverk feðra breyst mjög mikið
á seinustu tuttugu árum, ég er allt
öðruvísi pabbi en pabbi minn var, áð-
ur fyrr voru karlmenn að gera aðra
hluti og ekki talið eðlilegt að þeir
sinntu börnunum mikið. Nú erum
við að fatta hvað við höfum farið á
mis við í hundruð ára, en að fá að
sinna barninu sínu og taka þátt í
uppeldinu er ein mesta gjöf lífsins,“
segir Bjarni Haukur og er á því að
staða feðra í samfélaginu dag sé
mjög góð en gæti eflaust verið betri.
Spurður hvort karlmenn séu í ein-
hvers konar kreppu vegna þessa
nýja hlutverks segir Bjarni Haukur
það vel geta verið.
„Karlmenn hafa engar fyr-
irmyndir í að sinna föðurhlutverkinu
eins og ætlast er til í dag en konan er
með mikla uppsafnaða þekkingu
sem móðir. Karlmenn eru meira á
hliðarlínunni, að spyrja hvað þeir
eigi að gera. Á sama tíma og við eig-
um að taka virkan þátt í uppeldinu
erum við kannski jafnmikið spurn-
ingarmerki og við höfum alltaf verið.
Við þurfum að leggja meira á okkur
til að setja okkur inn í málin, allar
þessar bækur og öll þessi aðstoð
sem býðst er í mörgum tilfellum
ekki miðuð að karlmönnum og þetta
allt getur skapað ákveðna kreppu.
En síðan er það líka mjög persónu-
bundið hversu mikinn þátt karlmenn
vilja taka í uppeldinu.“
Bjarni Haukur segir að það megi
alveg sjá smásamfélagsspeglun í
verkinu, smábrodd.
„Ég er að spyrja spurninga, t.d
hvað er mikilvægast í lífinu. Ég held
að karlmenn séu að fatta að það mik-
ilvægasta í lífinu er ekki að byggja
hús og metast um hver á mestu pen-
ingana heldur annað.“
Hvers vegna að eignast börn?
Bjarni Haukur sló í gegn hér á
landi fyrir nokkrum árum í verkinu
Hellisbúanum.
„Pabbinn er öðruvísi verk, ég er
ekki að setja það upp til að reyna að
toppa Hellisbúann, þá væri ég bara
geðveikur. Mig langaði bara að segja
þessa sögu.“
Eins og Hellisbúinn er Pabbinn
einleikur, þar sem Bjarni Haukur
stendur einn á sviðinu og segir sög-
una.
„Mér fannst einleiksformið rétta
leiðin til að segja þessa sögu enda
elsti frásagnarmáti sem til er.“
Leikverkið er frásögn, þar sem
pabbinn fjallar um aðdraganda þess
að hann og konan hans ákváðu að
eignast barn, um meðgönguna, fæð-
inguna, fyrstu skrefin og uppeldis-
tímabilið sem varir lengst. Allt er
séð frá sjónarhóli kalmannsins.
Ein af vangaveltunum í leikritinu
er spurningin hvers vegna við eign-
umst börn og vert er að spyrja
Bjarna að lokum hvert svarið er við
henni. „Ekki vantar fólkið, það er til
nóg af því og ef okkur vantar það þá
flytjum við það inn. En eignumst við
börn af ást eða sjálfselsku eða finnst
okkur bara svona gott að gera’ða?
Þessum spurningum svara ég í leik-
ritinu á minn hátt og fólk verður
bara að koma sér í Iðnó og fá svör-
in,“ segir Bjarni Haukur og hlær.
Leikstjóri verksins er Sigurður
Sigurjónsson en hann leikstýrði
Bjarna einnig í Hellisbúanum. Um
leikmynd sér Egill Eðvarðsson, lýs-
ing er í höndum Árna Baldvinssonar
og Þórir Úlfarsson gerir tónlistina.
Frumsýning er eins og áður segir
á morgun, fimmtudag, í Iðnó.
Frá sjónarhóli karlmannsins
Morgunblaðið/Ásdís
Pabbinn Að brjóta saman þvottinn er eitt af hlutverkum feðra nútímans sem Bjarni Haukur fjallar um í verki sínu.
Pabbinn, gamanleikur um föðurhlut-
verkið eftir Bjarna Hauk Þórsson
TÓNLISTARHÓPURINN CA-
PUT hefur um langt skeið verið í
fararbroddi hér á Íslandi hvað
varðar flutning á nýrri tónlist. Í
kvöld kl. 20 mun hópurinn flytja í
Salnum í Kópavogi tónlist eftir
þýsk/hollenska tónskáldið Gott-
fried Michael Koenig. Koenig er
eitt af fremstu tónskáldum 20. ald-
arinnar og einn af frumkvöðlum
raftónlistarinnar í Evrópu. Tón-
skáldið er jafnframt sérstakur
gestur Myrkra músíkdaga 2007 og
verður viðstaddur tónleikana í
kvöld.
Flytjendur eru þau Hildigunnur
Halldórsdóttir á fiðlu, Svava Bern-
harðsdóttir á víólu, Sigurður Hall-
dórsson á selló, Valgerður Andr-
ésdóttir á píanó, Melkorka
Ólafsdóttir og Kolbeinn Bjarnason
á flautu og Guðni Franzson á klar-
inett.
Á efnisskránni verða eftirtalin
verk: Klangfiguren II – elektróník
(1955/56), Segments 92–98 fyrir
fiðlu og selló (1983), Terminus X –
elektróník (1967), Per Flauti fyrir
tvær flautur (1997), Blätter fyrir
strengjatríó (1992), Funktion In-
digo – elektróník (1969), Int-
ermezzo (Segments 85–91) fyrir
flautur, klarinettur og píanó
(1987).
CAPUT-hópurinn var stofnaður
árið 1987 af ungum íslenskum tón-
listarmönnum í þeim tilgangi að
flytja nýja tónlist. Hópurinn hefur
frumflutt fjölda íslenskra og evr-
ópskra tónverka og haldið tónleika
í Norður-Ameríku og í 15 löndum
Evrópu. CAPUT hefur komið fram
á fjölmörgum tónlistarhátíðum í
Evrópu, í Ameríku og á Íslandi.
Má þar nefna: „Haust í Varsjá“,
Gulbenkian-hátíðina í Lissabon,
New Concert Series í Toronto,
Santa Cecilia í Róm, Wigmore
Hall í London, Holland Festival í
Amsterdam, Listahátíð í Fær-
eyjum, Listahátíð í Reykjavík og
Sumartónleika í Skálholtskirkju.
CAPUT hefur gefið út níu
hljómdiska í Danmörku, Svíþjóð,
Ítalíu, Bandaríkjunum og á Ís-
landi. Auk þess hafa hljóðritanir
hópsins komið út á sjö safndiskum.
CAPUT hlaut menning-
arverðlaun Dagblaðsins árið 1995
og hafa tónverk flutt af hópnum
margoft verið valin til kynningar á
Alþjóðlega tónskáldaþinginu í Par-
ís.
CAPUT kemur fram á Myrkum
músíkdögum í Salnum í kvöld
Morgunblaðið/Kristinn
CAPUT Kolbeinn Bjarnason flautuleikari er einn af meðlimum CAPUT-
hópsins sem spreyta sig á tónlist Gottfrieds Michaels Koenigs í kvöld.