Morgunblaðið - 07.02.2007, Blaðsíða 6

6 MIÐVIKUDAGUR 7. FEBRÚAR 2007 MORGUNBLAÐIÐ
FRÉTTIR
Í HNOTSKURN
»Sóley Tómasdóttir, borgarfulltrúi VG,vísaði m.a. í bókun bæjarstjórnar Hafn-
arfjarðar sem hvatt hefur stjórnir Orku-
veitu Reykjavíkur og Landsvirkjunar til að
sýna samfélagslega ábyrgð og draga til
baka umsókn sína um rannsóknarleyfi í
Brennisteinsfjöllum.
»Myndu fyrirtækin þá fara að fordæmiHitaveitu Suðurnesja sem að mati bæj-
arstjórnar Hafnarfjarðar hefur sýnt hóf-
semd með því að forðast að sækja eftir
rannsóknar- og virkjunarleyfum á svæðum
sem hafa náttúruverndargildi.
»Orkuveitan og Hitaveita Suðurnesjagerðu samkomulag árið 2002 um að
sækja sameiginlega um rannsóknarleyfi
vegna virkjana í Brennisteinsfjöllum.
Eftir Andra Karl
andri@mbl.is
BORGARSTJÓRN samþykkti á fundi sínum í
gærdag að vísa tillögu Samfylkingarinnar til dóm-
nefndar um heildarskipulag Vatnsmýrarinnar. Á
fundinum var einnig samþykkt að vísa tillögu
Vinstri grænna um „grænan árgang“ til umhverf-
isráðs Reykjavíkurborgar til frekari meðferðar,
auk þess sem tillögu VG um að Orkuveita Reykja-
víkur dragi til baka umsókn sína um rannsókn-
arleyfi í Brennisteinsfjöllum og Kerlingarfjöllum
var vísað til stjórnar Orkuveitunnar.
Varla er hægt að segja annað en fundur borg-
arstjórnar hafi verið á afar jákvæðum nótum
framan af. Dagur B. Eggertsson, borgarfulltrúi
Samfylkingarinnar, kynnti tillögu flokks síns um
uppbyggingu þekkingarklasa í Vatnsmýri sem
byggist á umfangsmikilli stefnumótun og vinnu
síðustu ár, m.a. samningum við Háskólann í
Reykjavík, Háskóla Íslands og Landspítala – há-
skólasjúkrahús. Í henni segir m.a:. „Í Vatnsmýri
eiga Íslendingar einstakt tækifæri til að eignast
þekkingar-, háskóla- og hátæknisamfélag á heims-
mælikvarða“ og einnig „Sameining Rannsókna-
stofnunar fiskiðnaðarins, Matvælarannsókna á
Keldnaholti og Rannsóknastofu Umhverfisstofn-
unar í hlutafélaginu Matvæla-rannsóknir er nú
þegar orðin að veruleika. Einnig er stefnt að því að
sameina Iðntæknistofnun og Rannsóknastofnun
byggingariðnaðarins í stofnun sem mun nefnast
Íslenskar tæknirannsóknir. Það eru afdráttar-
laust hagsmunir Reykjavíkurborgar og vísinda-
samfélagsins á Íslandi að þessum stofnunum og
fleirum verði fundinn staður í Vatnsmýrinni.“
Margrét Sverrisdóttir, varaborgarfulltrúi
Frjálslynda flokksins, sagðist styðja tillögu Sam-
fylkingar heilshugar og óhætt er að segja að við-
brögð annarra flokka hafi einnig verið góð. Meiri-
hlutaflokkarnir komu fram með
málsmeðferðartillögu um að vísa tillögunni til
dómnefndar um heildarskipulag Vatnsmýrarinnar
og var hún samþykkt með fimmtán samhljóða at-
kvæðum.
Þá var einnig samþykkt með fimmtán atkvæð-
um að vísa tillögu VG um „grænan árgang“ til
frekari málsmeðferðar. Svandís Svavarsdóttir,
borgarfulltrúi VG, taldi líklegt að farsælast yrði að
árgangurinn yrði um það bil 10-12 ára þegar verk-
efnið hefst til þess að nýta seinni hluta grunnskól-
ans til að festa verkefnið vel í sessi. „Árgangurinn
fái ókeypis í strætó og hvatningu til hjólreiða og
göngu, hvort sem það er í formi styrkja, nám-
skeiða eða annars,“ segir m.a. í greinargerð.
Gísli Marteinn Baldursson, formaður umhverf-
isráðs, sagðist ánægður með tillöguna og sagði
hana vel setta fram. „Til þess að breyta hugs-
unarhætti heillar borgar er gott að byrja á börn-
unum,“ sagði Gísli og tók fram að fyrir 20 árum
hefði umhverfisfræðsla í skólum verið lengra kom-
in en hún væri hér í dag, en unnið væri að því að
bæta það. Hann tók fram að ekki endilega þyrfti
að vera grænn árgangur heldur jafnvel grænn
skóli, það væri hugsanlega markvissara. Hann
gerði enga breytingartillögu en lagði til að tillög-
unni yrði vísað til umhverfisráðs.
Aðeins fór að fjúka í borgarfulltrúa þegar mál-
efni Orkuveitunnar bar á góma og var það helst
Árni Þór Sigurðsson, borgarfulltrúi VG, sem hafði
sig í frammi. Hann taldi borgarstjóra þegar hafa
einkavætt Orkuveituna í huganum og var ekki
ánægður með svör hans þegar lagt var til að rann-
sóknarleyfi vegna virkjana í Brennisteinsfjöllum
og Kerlingarfjöllum yrðu afturkölluð. Vilhjálmur
lagði til að tillagan yrði send til stjórnar Orkuveit-
unnar og var það samþykkt með þrettán atkvæð-
um en tveir sátu hjá.
Jákvæði réð ríkjum framan
af fundi borgarstjórnar
Tillögum Samfylkingarinnar og Vinstri grænna vísað til frekari málsmeðferðar
ÍS
L
E
N
S
K
A
/S
IA
.I
S
/L
B
I
36
04
4
01
/0
7
Landsbankinn hefur á að skipa um 150 sérhæfðum
starfsmönnum í fyrirtækjaþjónustu sem kappkosta
að veita viðskiptavinum framúrskarandi þjónustu
og trausta fjármálaráðgjöf.
Þannig er minni og meðalstórum fyrirtækjum gert
kleift að dafna og ná settu marki og á sama tíma
stuðlum við saman að fjölbreyttu og kraftmiklu
viðskiptalífi á Íslandi.
Landsbankinn er með víðtækasta útibúanet á landinu.
Það tryggir viðskiptavinum okkar frábæra þjónustu og
persónulega ráðgjöf sem tekur mið af þörfum hvers
og eins.
Hafðu samband í síma 410 4000 eða með tölvupósti
á fyrirtaeki@landsbanki.is og sjáðu hvað við getum
gert fyrir þig.
Minni og meðalstór fyrirtæki gegna þýðingarmiklu
hlutverki í íslensku viðskiptalífi
MATSÁÆTLUN sem kynnt er fyrir
háspennulínur frá Hellisheiði að
Straumsvík er óviðunandi með öllu
að mati Náttúruvaktarinnar. Í at-
hugasemdum samtakanna vegna til-
lögu að matsáætlun fyrir háspennu-
línurnar, sem Landsnet hf. hefur
lagt fram, segir að væri raunveru-
lega verið að fjalla um valkosti, væri
jarðlagnaleið skoðuð sem alvöru-
kostur.
„Það er hins vegar ekki gert, held-
ur leitast við að benda á neikvæðar
hliðar svo val framkvæmdaaðila líti
betur út,“ segir í athugasemdum
Náttúruvaktarinnar.
Náttúruvaktin hefur ítrekað kraf-
ist þess að jarðlagnamöguleiki sé
metinn, m.a. með hliðsjón af sjón-
mengun. „Ef það er nauðsynlegt að
velja ódýrasta kostinn sem veldur
stórfelldri sjónmengun til að halda
niðri orkuverði til stóriðjunnar verð-
ur að hækka orkuverðið,“ segir í at-
hugasemdunum.
Óviðunandi
matsáætlun
Morgunblaðið/Brynjar Gauti