Morgunblaðið - 30.08.2007, Blaðsíða 4

4 FIMMTUDAGUR 30. ÁGÚST 2007 MORGUNBLAÐIÐ
FRÉTTIR
FASTEIGNASALA
STÓRHÖFÐA 27
Sími 594 5000
Halla Unnur Helgadóttir
löggiltur fasteignasali.
HÆÐ OG AUKAÍBÚÐ!
Eignin er alls um 180 fm að gólffleti. Sérlega falleg
og mikið endurnýjuð hæð í fallegu endurnýjuðu
húsi. Glæsilegt eldhús og vandaðar innréttingar.
Auk þess fylgir séríbúð í risi. Gott herbergi í
kjallara (mögul. á góðum leigutekjum á séríbúð og
herb.) VERÐ: TILBOÐ
Nánari upplýsingar hjá sölufulltrúum Akkurat
Ásdís 898-3474 og Viggó 824-5066.
OPIÐ HÚS Í DAG
MILLI 17.00 - 18.00
BRÁVALLAGATA 12 - 101 RVK.
Eftir Gunnhildi Finnsdóttur
gunnhildur@mbl.is
TVEIR íbúar miðbæjarins, þau Árni
Einarsson og Fríða Björk Ingvars-
dóttir, gengu í gær á fund borg-
arstjóra til þess að lýsa því ófremd-
arástandi sem ríkir þar um helgar
og krefjast umbóta í þeim efnum.
Boðað verður til borgarafundar á
næstu dögum þar sem íbúar mið-
borgarinnar fá að koma sjón-
armiðum sínum á framfæri. Spjótin
beinast fyrst og fremst að veit-
ingamönnum, sem þykja hafa sýnt
nágrönnum sínum yfirgang og til-
litsleysi.
Eftir að reykingabann á veit-
ingastöðum tók gildi segir Árni að
mun meiri óþægindi fylgi nábýlinu
við barina, enda hefst fólk nú meira
við utandyra. Þá sé fólki leyft að
taka áfengi með sér út þótt það sé
ólöglegt. „Eftir því sem líður á nótt-
ina verður háreystin meiri og fólk
taumlausara. Við sem búum þarna
hringjum í lögregluna og það er
enga hjálp þaðan að fá. Lögreglan
segist ekki geta sinnt þessum útköll-
um, því starfsemin sjálf sé lögleg, þó
að hún brjóti kannski önnur lög.“
Hann segir að það verði að hafa
skýrar afleiðingar í för með sér fyr-
ir veitingamenn að brjóta reglur og
misbjóða umhverfi sínu. „Það á að
setja þeim ákveðin mörk, rétt eins
og ódælum unglingi, þá er farið eft-
ir þeim. Við erum að vona að það sé
loksins kominn lögreglustjóri sem
taki hlutverk sitt alvarlega.“
Íbúar hafa fundið fyrir því að
samráð skorti meðal stofnana borg-
arinnar og lögreglu. „Við kvörtum
við allar þessar stofnanir og alltaf
yfir því sama, en þeim tekst ekki að
vinna saman að því að leysa óþol-
andi ástand.“
Nú þykir Árna og nágrönnum
hans mælirinn orðinn fullur og
reyna nú að höfða til borgarinnar
að miðla málum milli íbúa og rekstr-
araðila. „Borgarstjóri lofaði að
boða íbúa til fundar á allra næstu
dögum. Við fáum nú tækifæri til
þess að tjá reynslu okkar og koma
sjónarmiðum okkar á framfæri.“
Í framhaldinu býst Árni við að
komið verði á fundi með fulltrúum
íbúa, verslunarmanna, veitinga-
manna, lögreglu og borgarinnar.
Þar verði farið yfir allar tillögur til
þess að miðla málum og bæta
ástandið.
Sýna ekki mannasiði
Árni hefur búið við Laugaveginn
frá því 1989. Hann segir ónæði frá
skemmtanalífinu hafa farið stigvax-
andi ár frá ári, en nú í sumar hafi
það keyrt úr hófi. „Veitingastaðir
og viðskiptavinir þeirra sýna enga
almenna mannasiði eða tillitssemi
gagnvart nágrönnum sínum,“ segir
Árni. „Fólk er dauðadrukkið, öskr-
ar, syngur og lætur öllum illum lát-
um. Allt gler sem fólk kemur hönd-
um yfir er maskað í götuna. Það er
farið alls staðar inn þar sem er
nokkurt skot og migið eða jafnvel
meira en það.“
Árni segir salernisaðstöðu á bör-
unum engan veginn anna þörfum
viðskiptavinanna. „Þeir fara þá út,
vegna þess að það er svo löng biðröð
til þess að komast á klósettin. Veit-
ingamenn álíta plássið sem fer und-
ir klósettið vera tapaða fermetra,
því það er ekki hægt að selja neitt
þar. Þarna er dæmi um breytta
hegðun og neyslu sem kallar á við-
brögð.“
Kröfur íbúanna um úrbætur bein-
ast fyrst og fremst að þeim sem
reka veitingahús og bari. Árni segir
að vandamálin fylgi þessum rekstri
og það standi því upp á veit-
ingamenn að leysa þau. „Við viljum
hafa heilbrigt og gott skemmt-
analíf, en nú er þetta bara óöld í
miðborg Reykjavíkur. Það er hægt
að leita lausna ef menn setjast niður
til að leita lausna æsingarlaust og
beita jafnt hugmyndaauðgi og aga.
Þá er hægt að gjörbreyta ástandinu
á stuttum tíma.“
Íbúar miðborgarinnar gera
kröfur til veitingamanna
Morgunblaðið/Frikki
Fundur Árni Einarsson og Fríða Björk Ingvarsdóttir funduðu með borgarstjóra í gær um ástandið í miðbænum.
Boðað verður til
borgarafundar
Í HNOTSKURN
»Lögreglan og borgaryf-irvöld funduðu með veit-
ingamönnum í síðustu viku.
Lögreglustjóri stakk þar upp
á því að sá tími sem veit-
ingastaða í miðborginni er op-
in yrði takmarkaður.
» Íbúar við Ingólfsstræti af-hentu borgaryfirvöldum
undirskriftalista á dögunum
gegn starfsemi næturklúbbs
sem hefur að þeirra sögn
margbrotið reglur. Næturlíf Íbúar miðbæjarins hafa fengið nóg af ónæði og sóðaskap sem
fylgir skemmtanalífinu um helgar.
BÓKFÆRÐAR tekjur Landspítal-
ans vegna þjónustu við ósjúkra-
tryggða sjúklinga eru það sem af er
ári tæplega 78 milljónir kr. Á sama
tímabili í fyrra, þ.e. frá janúar til júní
2006, voru þær rúmlega 67 millj. Alls
voru bókfærðar tekjur vegna þjón-
ustu við ósjúkratryggða sjúklinga
tæplega 158 millj. á síðasta ári, árið
2005 voru þær rúmlega 167 millj. og
árið 2004 ríflega 120 millj., á verðlagi
hvers árs. Þetta segir Sigrún Guð-
jónsdóttir, deildarstjóri hjá LSH.
Að sögn Sigrúnar eru bókfærðar
tekjur allir þeir reikningar sem gefn-
ir hafa verið út í viðkomandi mála-
flokki. Ekki fengust upplýsingar um
það hversu hátt hlutfall þessara bók-
færðu tekna hefði þegar verið
greiddur og hvort þegar væri búið að
afskrifa hluta þeirra. Segir Sigrún
misvel ganga að innheimta þessa
reikninga og að oft taki það allt að
tvö til þrjú ár. Ekki fengust upplýs-
ingar um fjölda ósjúkratryggðra ein-
staklinga sem fengið hafa þjónustu
hjá Landspítalanum á sl. misserum.
Að sögn Einars Rafns Haralds-
sonar, framkvæmdastjóra Heil-
brigðisstofnunar Austurlands, hefur
ósjúkratryggðu fólki sem leitar þjón-
ustu hjá stofnuninni fjölgað mjög
undanfarin ár, bæði með erlendum
verkamönnum á svæðinu og meiri
fjölda ferðamanna. Einar segir að
gengið hafi ágætlega að fá greiðsl-
urnar innheimtar og fjöldi ósjúkra-
tryggðra sjúklinga valdi ekki vand-
ræðum. Segir hann að reikningar
fólks sem ekki er með kennitölu á Ís-
landi séu allir settir á sama lykil í
bókhaldi stofnunarinnar.
Hjá heilbrigðisráðuneytinu feng-
ust þau svör að þar væri ekki safnað
saman upplýsingum um sjúkra-
kostnað ósjúkratryggðra útlend-
inga. Sá kostnaður væri innifalinn í
heildarrekstrarkostnaðartölum við-
komandi stofnunar en ekki sérlega
tilgreindur eða merktur í bókhaldi
þeirra.
Ósjúkratryggðum
sjúklingum fjölgar
Morgunblaðið/ÞÖK
AÐ MATI starfshóps á vegum
Reykjavíkurborgar þarf að bæta
við fimm nýjum salernum í mið-
borgina. Einnig þarf að merkja bet-
ur og kynna nokkur vel búin salerni
sem þar eru þegar.
Starfshópurinn var sérstaklega
settur saman til að fjalla um mál-
efni almenningssalerna í Reykjavík
og voru niðurstöður hans kynntar á
fundi umhverfisráðs Reykjavík-
urborgar í gær.
Telur hópurinn að endurbyggja
eigi Núllið í Bankastræti en karla-
klósettið þar hefur verið lokað síð-
an í september. Í Hljómskálagarð-
inum og við göngustíg í Nauthóls-
vík verði sett upp vönduð
vatnssalerni á sumrin. Einnig að við
Tryggvagötu, Laugaveg 52, Aust-
urvöll, Esjurætur og göngustíg við
Ægisíðu verði sett upp vatnssal-
erni. Þá var lagt til að sett yrði upp
salerni á Skólavörðuholti þegar sal-
erni við Frakkastíg víkur vegna
framkvæmda.
Er bent á í skýrslu starfshópsins
að samkvæmt starfsleyfisskilyrðum
er skylt að hafa salerni á sam-
göngumiðstöðvum, svo sem á
Hlemmi og í skiptistöð í Mjódd en á
hvorugum staðnum eru opin salerni
í dag.
Nú þegar eru fimm sjálfvirk sal-
erni í miðbænum: Við Frakkastíg, í
Mæðragarði, við Hlemm, við Vega-
mótastíg og við Ingólfstorg. Vöktuð
klósett eru við Vesturgötu og í
Bankastræti 0. Telur starfshóp-
urinn að bæta þurfi merkingar á
þessum salernum til að auðvelda
aðgengi. Eins þykir ljóst að hrein-
læti og gott umhverfi skipti miklu
máli en einnig að þjónusta og eft-
irlit sé framúrskarandi.
Vilja fleiri
almennings-
salerni
ÖGMUNDUR
Jónasson, þing-
maður og fulltrúi
VG í félags- og
trygginga-
málanefnd Al-
þingis, hefur
krafist þess að
nefndin verði
kölluð saman.
Eru málefni er-
lendra verka-
manna tilefni þess að Ögmundur
hefur óskað eftir fundinum. Hefur
hann sent formanni félagsmála-
nefndar bréf þar sem þess er óskað
að nefndin komi saman hið allra
fyrsta. Segir Ögmundur mikilvægt
að ræða þær brotalamir sem greini-
lega séu á eftirliti með réttarstöðu
erlendra verkamanna á Íslandi.
Óskar eftir
nefndarfundi
Ögmundur
Jónasson