Morgunblaðið - 16.10.2007, Qupperneq 8

8 ÞRIÐJUDAGUR 16. OKTÓBER 2007 MORGUNBLAÐIÐ
FRÉTTIR
FORSVARSMENN Vopnafjarð-
arhrepps, Borgarfjarðarhrepps,
Seyðisfjarðarkaupstaðar, Breið-
dalshrepps og Djúpavogshrepps
fjölluðu á fundi sínum föstudaginn
12. október sl. um vandamál þess-
ara byggðarlaga. Eftirfarandi
ályktun var samþykkt:
„Lagt er til að strax verði skipað
í sérstaka verkefnastjórn um
byggðaáætlun byggðarlaga á Aust-
urlandi sem standa utan áhrifa-
svæðis álversframkvæmda. Í verk-
efnastjórninni eigi sæti fulltrúar
ríkisvaldsins, fulltrúar hlutaðeig-
andi sveitarfélaga og fulltrúar at-
vinnulífsins. Frumkvæði að því að
koma verkefnisstjórninni á lagg-
irnar verði á höndum byggða-
málaráðherra og starfið kostað af
opinberu fjármagni. Hlutverk verk-
efnisstjórnar verði að vinna tillögur
um hvernig stuðla megi að upp-
byggingu atvinnuveganna í fram-
angreindum byggðarlögum. Brýnt
er að þessari vinnu verði flýtt eins
og frekast er kostur.“
Jaðarbyggð Seyðfirðingar og fleiri
Austfirðingar hafa áhyggjur.
Ræða vanda
jaðarbyggða
NÝSKIPAÐ flugráð kom saman til fundar í samgöngu-
ráðuneytinu í síðustu viku í fyrsta sinn undir forsæti for-
mannsins, sr. Gunnlaugs S. Stefánssonar, sem Kristján
L. Möller samgönguráðherra skipaði á dögunum. Séra
Gunnlaugur er sóknarprestur í Heydölum í Breiðdal en
hann var á árum áður alþingismaður fyrir Alþýðuflokk-
inn. Auk formannsins nýja sitja nú í flugráði: Margrét
Kristín Helgadóttir og Gísli Baldur Garðarsson hrl., sem
skipuð eru án tilnefningar og er Gísli Baldur jafnframt
varaformaður ráðsins. Árni Gunnarsson, framkvæmda-
stjóri Flugfélags Íslands, og Jens Bjarnason, fram-
kvæmdastjóri hjá Icelandair, skipaðir samkvæmt til-
nefningu Samtaka atvinnulífsins og Helgi Hilmarsson, skipaður samkvæmt
tilnefningu Samtaka ferðaþjónustunnar.
Hlutverk flugráðs er að vera samgönguráðherra og flugmálastjórn til
ráðuneytis um flugmál.
Sr. Gunnlaugur stýrir flugráði
Sr. Gunnlaugur S.
Stefánsson
GSM-sendir var nýlega tekinn í
gagnið í Flatey á Breiðafirði.
Sendirinn í Flatey bætir síma-
sambandið á um 75 km kafla á þjóð-
veginum á þessum slóðum.
Auk þess tryggir sendirinn sam-
band í Flatey og víðar á Breiðafirð-
inum.
Á næsta ári verður bætt við
þremur sendum á Vestfjarðavegi
og verður gsm-samband þá komið á
allri leiðinni milli Gilsfjarðar og
Kleifaheiðar.
Nýr GSM-sendir
TEKJUR bæjarsjóðs Seltjarnarness
2007 hækka um tæplega 75 millj-
ónir frá fyrri áætlun en rekstrar-
gjöld um ríflega 29 milljónir. Hagn-
aður aðalsjóðs nemur því um 270
milljónum króna en hagnaður sam-
stæðu rúmar 196 milljónir. Engin
lán voru tekin til framkvæmda á
árinu en hartnær áratugur er frá
því Seltjarnarnesbær sló síðast lán
fyrir framkvæmdum. Bæjarsjóður
ávaxtar um 1.100 milljónir króna á
innlánsreikningum viðskiptabanka
sinna og nýtir vaxtatekjur til fram-
kvæmda.
Góð fjárhagsstaða
TILBOÐSFRESTUR vegna lóða
sunnan Sléttuvegar í Fossvogi
rennur út á föstudag.
Ágúst Jónsson, skrifstofustjóri
framkvæmdasviðs, gerir ráð fyrir
annríki í þjónustuveri sviðsins á
föstudag. Síðast í svipuðu lóðaút-
boði var húsinu lokað kl. 16.15, en
það tók síðan tvær klukkustundir
að afgreiða alla bjóðendur. Ágúst
hvetur fólk til að vera snemma á
ferðinni til að forðast biðraðir.
Tilboð verða opnuð samdægurs.
Búist við annríki
Eftir Víði Sigurðsson
vs@mbl.is
ÞAÐ ríkti mikil gleði í Kópavogs-
skóla í gærmorgun þegar 12 ára
nemandi þar, Jóhann Fannar
Kristjánsson, var mættur á ný eft-
ir vel heppnaða ferð til Kína. Jó-
hann Fannar sýndi skólafélögum
sínum tvenn gullverðlaun sem
hann vann í fimleikakeppninni á
Special Olympics, íþróttaleikunum
sem lauk í Sjanghæ fyrir helgina,
en hann kom heim með íslenska
keppnishópnum á laugardaginn.
Jóhann Fannar var einn af
nítján Íslendingum sem unnu til
gullverðlauna í Sjanghæ en hann
var yngstur af 32 íslenskum þátt-
takendum á leikunum. Þeir voru á
aldrinum 12 til 46 ára og kepptu í
fimleikum, sundi, frjálsíþróttum,
keilu, botsía, borðtennis, lyftingum
og golfi en alls var keppt í 21 grein
á leikunum.
„Jóhann var beðinn um að koma
með verðlaunapeningana í skólann
og það var vel tekið á móti honum.
Hann fékk líka að fara í bekkina
hjá yngri systkinum sínum og sýna
þá þar og sínum bekk gaf hann
bangsa sem þátttakendur á leik-
unum fengu. Krakkarnir voru for-
vitnir og spenntir að fylgjast með
Jóhanni, þegar þau fréttu að hann
ætti að keppa á Special Olympics,
vildu fá að vita jafnóðum hvernig
honum gengi, og þau kunnu svo
sannarlega að samgleðjast hon-
um,“ sagði Kristján S.F. Jónsson,
faðir Jóhanns, við Morgunblaðið,
en sonur hans er með Downs-
heilkenni og stundar nám að hluta
til með jafnöldrum sínum í Kópa-
vogsskóla.
Fór á fílasýningu og keypti
Liverpool-búning
Jóhann Fannar sagði að ferðin
til Kína hefði verið mjög skemmti-
leg. „Það var erfitt að keppa en
mjög gaman að vinna. Svo sáum
við margt, fórum á fílasýningu og
sáum fílana spila fótbolta og körfu-
bolta, og líka í sirkus. Svo fór ég í
búð með Ella [Erlendi Kristjáns-
syni þjálfara] og keypti Liverpool-
búning með Fernando Torres, því
ég held sko með Liverpool og æfði
einu sinni fótbolta,“ sagði Jóhann,
sem lærði meira að segja nokkur
orð í kínversku í ferðinni og bauð
undirrituðum góðan daginn á
þessu framandi tungumáli.
Jóhann hefur æft fimleika hjá
Gerplu í fjögur ár og í Sjanghæ
sigraði hann í gólfæfingum og á
hesti, og varð fimmti í stökki.
Hann æfir tvisvar í viku, tvo tíma
í senn, og faðir hans segir að
íþróttaiðkunin hafi hjálpað honum
mikið.
Heilsuhraustari og sterkari
„Hún hefur gríðarlegt gildi.
Hjá börnum með Downs-heilkenni
er vöðvaspennan mjög lág og
hækkar talsvert við það að æfa
fimleika, þó að hún verði aldrei
eins og hjá þeim okkar sem eigum
að teljast heilbrigð. Íþróttaiðk-
unin styrkir ofnæmiskerfi hans og
allan líkamann og Jóhann hefur
verið miklu heilsuhraustari eftir
að hann byrjaði í fimleikunum.
Hann er miklu sjaldnar veikur,
sjaldnar kvefaður og hefur styrkst
á allan hátt og úthald hans stór-
batnað.“
Ekkert banginn að kveðja
klukkan hálffimm að nóttu
„Við foreldrar hans fáum seint
fullþakkað starfið hjá Gerplu, sem
er eina íþróttafélagið sem við vit-
um um sem tekur fötluð börn að
sér og sinnir þeim. Eins er allt
starf hjá Íþróttasambandi fatlaðra
til mikillar fyrirmyndar og geysi-
lega mikilvægt.
Við vonum að Jóhann verði sem
lengst í fimleikunum, hann er mjög
áhugasamur og hlakkar alltaf til að
fara á æfingu, tekur vel á, og er al-
veg úrvinda og er fljótur í háttinn
á kvöldin eftir tveggja tíma æfing-
ar.
Síðan eru leikar eins og Special
Olympics gríðarlegt ævintýri en
um leið mikil umbun fyrir þau sem
eru svo heppin að fá að fara. Þau
þroskast og kynnast heiminum,
auk þess sem félagsskapurinn er
frábær.
Þetta var geysileg upplifun fyrir
Jóhann, sem var í fimmtán daga að
heiman, lengur en nokkru sinni
fyrr á ævinni, en hann var klár í
slaginn frá fyrstu stundu og var
ekkert banginn að kveðja okkur
klukkan hálffimm að nóttu til að
fara til Kína,“ sagði Kristján S.F.
Jónsson.
„Íþróttaiðkunin hefur
hjálpað honum mikið“
Morgunblaðið/Ómar
Stoltur Jóhann Fannar Kristjánsson með verðlaunapeningana tvo, ásamt
litlu systur, Evu Alexöndru, og föður þeirra, Kristjáni S.F. Jónssyni.
Jóhann Fannar kom með tvö gull frá Kína
Í HNOTSKURN
»Á mótum Special Olymp-ics-samtakanna er þroska-
heftum og seinfærum ein-
staklingum boðið upp á keppni
í íþróttum. Allir keppa gegn
sínum jafningjum og allir eiga
sömu möguleika á verðlaun-
um.
» Íslensku keppendurnir áSpecial Olympics voru 32
talsins. Þar af unnu 27 til verð-
launa á mótinu, nítján þeirra
til gullverðlauna, og samtals
féllu 57 verðlaun, gull, silfur
og brons, Íslendingunum í
skaut.
BÆJARSTJÓRN Álftaness hefur samþykkt að láta
auglýsa breytingar á aðalskipulagi vegna fyrirhugaðrar
uppbyggingar miðbæjarkjarna. Tillaga þess efnis var
samþykkt á bæjarstjórnarfundi fyrir helgi með atkvæð-
um fulltrúa Á-listans. Fulltrúar D-listans greiddu at-
kvæði á móti og gerðu athugasemdir við tiltekna efn-
isþætti og vinnubrögð við afgreiðslu málsins.
Unnið hefur verið að deiliskipulagi miðbæjarsvæðis á
Álftanesi út frá hugmyndum Gassa um grænan miðbæ.
Á bæjarstjórnarfundinum voru lagðar fram tillögur
arkitekts að breytingum á aðalskipulagi 2005-2024 sem
því tengjast. Meirihluti bæjarstjórnar felldi tillögu
D-listans um frekari athuganir á málinu og samþykkti
að senda aðalskipulagstillöguna til Skipulagsstofnunar
til athugunar og auglýsa hana í kjölfarið.
„Óviðunandi vinnubrögð“
Guðmundur G. Gunnarsson, oddviti minnihlutans,
segir meirihlutann hafa „þrýst í gegn tillögu um breyt-
ingar á aðalskipulagi, sem munu valda mikilli ólgu á nes-
inu“. Í bókun D-lista á fundinum kemur fram að sama
morgun og umræddur bæjarstjórnarfundur fór fram
hafi verið „fyrsti fundur með arkitekt um heildarmynd
tillögunnar og því í fyrsta sinn möguleiki til þess að
skoða mismunandi áherslur og láta reyna á að sátt væri
möguleg. Það undarlega gerist að bæjarstjóri knýr á um
afgreiðslu tillögu að verulegum breytingum á aðalskipu-
lagi Álftaness. Þetta er ótrúlegt, einkum í ljósi þess að á
þessum fundi bæjarstjórnar átti að fara fram fyrsta efn-
islega umræðan um nýja tillögu að skipulagi. […] Þessi
vinnubrögð eru með öllu óviðunandi.“
Sigurður Magnússon bæjarstjóri segir að afstaða
sjálfstæðismanna komi á óvart. Þeir hafi verið sam-
þykkir því ferli sem unnið hafi verið eftir. Í bókun Á-list-
ans kemur fram sú skoðun að breytingarnar hafi fengið
vandlega umræðu og meðferð í skipulags- og bygging-
arnefnd. Segir Sigurður að þær breytingar á aðalskipu-
laginu séu nauðsynlegar samhliða deiliskipulagi miðbæj-
arsvæðisins. Þá segir hann að fulltrúar D-listans hafi
kosið að búa til ágreining nú á endasprettinum en telur
sjálfur að tillagan sé vönduð og að íbúarnir séu ánægðir
með hana.
Samþykkt að auglýsa
breytingu á aðalskipulagi
Fulltrúar D-listans segja meirihlutann þrýsta í gegn breytingum
ALÞÝÐUSAMBANDIÐ hefur
ítrekað lýst yfir vilja til að endur-
skoða samkomulag við Samtök
verslunar og þjónustu (SVÞ) um
verklagsreglur við verðkannanir,
enda lægi fyrir hvaða efnislegar
breytingar SVÞ vilji gera á verk-
lagsreglunum, segir í yfirlýsingu
frá ASÍ sem Morgunblaðinu hefur
borist, en fram hefur komið að SVÞ
hafi sagt sig frá undirrituðu sam-
komulagi þar að lútandi árið 2005.
Ennfremur segir að engar til-
lögur hafi komið frá SVÞ hér að
lútandi, en SVÞ hafi velt upp óljós-
um hugmyndum sem fælu í raun í
sér að ASÍ legði af verðlagseftirlit
og á það hefði Alþýðusambandið
ekki geta fallist.
Hafa kvittað fyrir
Síðan segir: „Þegar gerður er
verðsamanburður milli verslana
er mikilvægt að vandað sé til
verðkannana og tryggt sé að
framkvæmdin sé sú sama í öllum
verslunum. ASÍ hefur því fram til
þessa dags gert allar sínar kann-
anir sem snúa að verðsamanburði
milli verslana samkvæmt þeim
verklagsreglum sem ASÍ og SVÞ
bjuggu til í sameiningu. Fulltrúar
einstakra verslana hafa á þessum
tíma aðstoðað við gerð kannana í
samræmi við þessar verklags-
reglur og kvittað fyrir að rétt
hafi verið staðið að skráningu
verðs.“
Morgunblaðið/G. Rúnar
Verklagsreglur ASÍ segir mikilvægt að vanda til verðkannana.
ASÍ tilbúið til endurskoðunar