Morgunblaðið - 16.10.2007, Blaðsíða 27

MORGUNBLAÐIÐ ÞRIÐJUDAGUR 16. OKTÓBER 2007 27
Kæri bróðir
Nú skiljast leiðir um sinn, þinni
hetjulegu baráttu lokið. Þú barðist
fram á síðasta dag en enginn fékk
ráðið við þennan erfiða sjúkdóm.
Einn laugardag þegar ég hringdi í
þig þá varst þú á leiðinni norður í
réttir og fórst þangað á hörkunni
frekar en mætti. Þú sagðist vera
svolítið slappur en ætlaðir alls ekki
að missa af réttunum, þú kæmist
ekki á hestbak þetta árið en það
yrði bara næst, kannski kemst þú á
hestbak á þeim stað sem við förum
öll á í lokin.
Ég veit og trúi að þér líði nú bet-
ur og þínum þjáningum sé lokið.
Það er erfitt að horfa á eftir ástvini
í blóma lífsins en enginn ræður sín-
um næturstað. Nú ertu kominn til
hans pabba og hann hefur tekið vel
á móti þér.
Guð gefi mömmu, Mandý, Drífu,
Atla og fjölskyldu þinni styrk til að
takast á við sorgina.
Hve oft er mannsins ævibraut
sem eyðimörkin stranga,
en sigruð verður sérhver þraut,
þótt sýnist illa ganga.
Því hvar og hvert þú fer
er herrann Guð hjá þér.
Hve vel er staddur sérhver sá,
er sínum Guði er staddur hjá.
Far þú í friði, kæri bróðir.
Helga og fjölskylda.
Aldrei þegar ég segi bless,
sjáumst síðar, dettur mér í hug að
það verði síðasta kveðjan, en nú
ertu farinn. Þetta hélt ég að ég
þyrfti ekki að segja við þig, kæri
vinur, en þetta verður samt hlut-
skipti mitt að kveðja bæði tengda-
pabba og núna þig.
Þú varst alltaf góður vinur minn
alveg frá því ég kom inn í þessa
fjölskyldu og erum við búnir að
bralla margt saman.
Þegar ég lít til baka er margs að
minnast eins og þegar þú varst bíl-
stjóri hjá SS í gamla daga ásamt
Volter frænda og voru stundum
dældir hér og þar eftir daginn því
ötulir voruð þið og vinnusamir
mjög. Ég á góðar minningar frá
sjómennsku okkar Bjössa frá Þor-
lákshöfn og oft þurfti ég að leita
ykkur Volter uppi þegar fara átti
til skips, en alltaf fór það vel. Þeg-
ar fara átti í bæinn, á bíó eða eitt-
hvað, og veðrið var svona og svona
datt þér aldrei í hug að hætta við,
nei, gamli Volksvagninn minn var
látinn finna fyrir því hver væri ráð-
andi og skaflar hér og þar voru
ekki hindrun, heldur ögrun.
Þú áttir farsælan starfstíma,
núna seinast hjá Járnbendingu, og
er ég viss um að þar er þín sárt
saknað af félögunum. Ég átti von á
og var farinn að undirbúa komu
þína hingað á Stokkseyri, því það
var þinn draumur að fara að hægja
á vinnu og hafa það rólegra með
Mandý þinni hérna í friðinum, en
ekki entist þér ævin til þess.
Sigga systir sendir með þér
smáglaðning úr fjörunni ykkar og
vona ég að hann komi sér vel.
Jæja, elsku vinur, vertu sæll að
sinni, og Día og Mandý, Drífa og
Atli, ég vona að þið finnið styrk frá
okkur á þessari erfiðu stundu.
Hef þessar fátæklegu línur ekki
fleiri en minningin um góðan dreng
og vin mun lifa um ókomna tíma.
Þinn mágur og góði vinur,
Birgir Jensson,
Stokkseyri.
Það er sárt að kveðja góðan vin
og félaga sem fellur frá í blóma
lífsins.
Fregnin um að hann væri látinn
kom eins og reiðarslag, þó að við
vissum af veikindum hans datt okk-
ur ekki í hug að þetta mundi enda
svona.
Það er ekki nema tæpir sex mán-
uðir síðan hann hringdi í okkur og
sagði okkur frá veikindum sínum.
En hann hafði sannarlega styrk og
skapfestu til að axla þessar þungu
byrðar, hann var jákvæður og
bjartsýnn, og með plön um hvað
hann ætlaði að gera þegar hann
hefði sigrað veikindin.
Fyrstu kynni okkar voru þegar
Bjössi var smiður hjá okkur og á
hann ótalin smiðshögg í húsi okkar.
Svo æxluðust hlutirnir þannig að
hann varð vinur okkar og veiði-
félagi Palla. Eru ótaldar veiðiferð-
irnar sem þeir fóru í saman, í þeim
kom eitt og annað uppá sem seint
gleymist, of var glatt á hjalla þegar
þær voru rifjaðar upp, hér við eld-
húsborðið. Hann var líka búinn að
skipuleggja næstu veiðiferð, hann
ætlaði sko ekki að missa af henni.
Við eigum líka minningar frá úti-
legum okkar, og öðrum skemmti-
legum samverustundum. Það var
alltaf gaman að hitta Bjössa, hann
var skemmtilegur og góður maður
og hafði ákveðnar skoðanir á öllu
og lét þær óspart í ljós, en hann
hafði líka mikinn áhuga skoðunum
annarra og því sem aðrir voru að
gera, en það er ekki mörgum gefið.
Kæri Bjössi, takk fyrir allar þær
samverustundir sem við höfum átt
með þér í gegnum árin.
Elsku Drífa, Atli og Mandý, og
aðrir aðstandendur, við sendum
ykkur okkar innilegustu samúðar-
kveðjur.
Auður og Páll.
Mig langar til að minnast Bjössa
vinar míns í nokkrum orðum.
Við kynntumst 1993 við breyt-
ingar á Hótel Borg og höfum átt
mikið og gott samstarf síðan.
Bjössi var hamhleypa til vinnu og
ekki smámunasamur um eigin
heilsu. Bjössi var orðheppinn með
afbrigðum og átti nafn yfir allt
milli himins og jarðar. Ekki var
Bjössi uppnæmur fyrir titlum eða
stöðu manna, til að öðlast virðingu
hans þurfti að vinna fyrir henni
enda gerði hann kröfur til sjálfs sín
og stundum um of.
Það er undarleg tilfinning að
eiga ekki von á símtali frá Bjössa
þess efnis hvort ég sé til í að henda
parketti á eina íbúð um helgina eða
skipta um eins og eitt þak.
Ég votta Mandý, börnunum og
öllum ættingjum innilega samúð og
kveð vin minn Bjössa með trega.
Þórður Einarsson.
svo margt sem um hug minn fer.
Þó þú sért horfinn úr heimi,
ég hitti þig ekki um hríð.
Þín minning er ljós sem lifir
og lýsir um ókomna tíð.
(Þórunn Sigurðardóttir)
Hvíl þú í friði.
Þín
Drífa Sjöfn.
Elsku frænka mín.
Það dró fyrir sólu í hjarta mínu
þennan sólbjarta sunnudag fyrir
rúmri viku þegar síminn hringdi og
Halla mín sagði grátandi, mamma er
dáin.
Það er svo gott að geta brosað í
gegnum tárin þegar að maður hefur
trúna á Jesú, ég veit að þú ert komin
í dýrðina til hans, frjáls og glöð, með
elsku börnunum þínum og ástvinum.
Þú varst og verður alltaf yndisleg
manneskja Anna mín, heilsteypt og
heiðarleg fram í fingurgóma, föst
fyrir og þrjósk eins og ættin en alltaf
stutt í húmorinn.
Já við áttum margar góðar stundir
saman elskan mín, við vorum mjög
nánar og það var svo notalegt að
hafa þig í staðinn fyrir mömmu þeg-
ar hún dó.
Þú hafðir svo góða nærveru og það
var svo notalegt að koma til þín í
hlýjuna.
Alltaf var reitt fram hlaðborð af
öllu því besta sem til var, já þú varst
sannkallaður höfðingi, gjafmild og
rausnarleg.
En lífið getur verið miskunnar-
laust og grimmt, já það tók mikinn
toll af þér frænka mín.
Þú misstir Gunnu þína eins og
hálfs árs við hræðilegar aðstæður,
síðan Pétur litla 8 ára, það tók mikið
á þig, svo síðast þennan yndislega
dreng hann Hrein, langt fyrir aldur
fram.
Þetta er allt of mikið á eina konu
lagt en þú varst ótrúlega dugleg
Anna mín og trúin á Jesú bjargaði
þér frá því að brotna.
Það var líka hræðilegt fyrir þig að
bera þennan skugga sem vofði alltaf
yfir og helltist yfir þig annað slagið
frá því að þú varst ung stúlka en það
birti alltaf til á milli og þú gast notið
þess að vera með þeim sem þér þótti
vænt um.
Við brölluðum margt saman
frænkurnar, það var yndislegt að
fara með þér á tónleika, óperu og í
leikhús, þú elskaðir fallega tónlist,
þetta lyfti þér mikið og uppörvaði
þig.
Ég man hvað þú ljómaðir Anna
mín þegar að við fórum á minning-
artónleika í Áskirkju í sumar.
Þú varst svo falleg og fín á þessum
síðustu tónleikum okkar saman.
Guð gaf þér margar góðar gjafir
Anna mín, hann gaf þér átta yndisleg
og heilbrigð börn, hann gaf þér þá
yndislegustu mömmu sem hægt er
að hugsa sér.
Hún amma Peta var sannkallaður
engill, hún var hjá þér í mestu erf-
iðleikunum og hjálpaði þér í gegnum
allt.
Frá henni höfum við allt þetta
góða, við krakkarnir hennar Dísu og
svo þínir krakkar sem eru mjög vel
af Guði gerðir.
Þú elskaðir þau öll mikið, Hákon,
frumburðurinn þinn, átti alltaf sér-
stakan sess í hjarta þínu, þau áttu öll
sinn sérstaka sess.
Ég veit að þú varst mjög stolt af
Höllu þinni, einu dóttur þinni, hún er
yndisleg dóttir og hjálpaði þér mikið.
Svo var hann Ingi þinn aldeilis
betri en enginn í gegnum veikindin
þín, hann gat verið mikið hjá þér og
það var alveg ómetanlegt.
Anna mín, ég bið Jesú að hugga
börnin þín og barnabörnin, Halla
bróður þinn, Þóru og aðra ástvini,
taka utan um þau, þurrka tárin og
fylla þau af kærleika.
Elsku frænka, ég kveð þig með
miklum söknuði og þakklæti fyrir
allt, já líka með gleði í hjarta yfir því
að þú hefur eignast gott og eilíft líf í
paradís.
Sjáumst á himnum.
Þín elskandi
Konný.
Elsku amma mín, ég trúi varla enn
að þú sért farin, mér finnst það alveg
rosalega sárt.
Ég kom til þín fyrir hálfum mán-
uði með börnin mín og varst þú svo
yndisleg við okkur og töluðum við
um að núna ætluðum við að koma
miklu oftar til þín og vera í meira
sambandi.
Sama kvöld hringdir þú til þess að
segja mér hvað þér hefði þótti vænt
um að fá okkur í heimsókn og sjá
börnin mín.
Þú hringdir reglulega til mín eftir
heimsóknina, síðast hringdir þú í
mig þrem dögum áður en þú fórst, þá
hringdir þú til að athuga hvernig
mér liði og til þess að segja mér að ég
yrði að taka það rólega þennan
stutta tíma sem ég á eftir af minni
meðgöngu.
Elsku amma mín, mér þykir svo
óskaplega vænt um þennan tíma sem
við áttum saman upp á síðkastið, sá
tími er mér ómetanlegur og knúsið
frá þér var svo þétt og gott, því
gleymi ég aldrei, ég er svo þakklát
fyrir það.
Birta Dís, dóttir mín, talar enn um
hvað það var gaman að fara í heim-
sókn til ömmu Önnu og hvað pönnu-
kökurnar sem þú bakaðir voru rosa-
lega góðar.
Elsku amma, ég verð líka að minn-
ast þess, hvað við hlógum mikið þeg-
ar þú sagðir okkur frá því þegar þú
komst í kirkjuna í sumar þegar við
Lárus Einar giftum okkur. Þú sagðir
okkur frá því að þú hefðir drifið þig
út eftir athöfnina til að óska okkur til
hamingju og náðir þú manni, sem þú
hélst að væri Lárus, og kysstir þú
hann og óskaðir til hamingju með
daginn. En því miður, þá var þetta
einhver annar maður, og hlógum við
rosalega mikið að þessu.
Elsku amma, mér þykir rosalega
vænt um þig, ég veit að þú ert á góð-
um stað núna og að við hittumst
seinna og þá munum við eiga fleiri
góðar stundir saman.
Hvíl þú í friði, elsku amma.
Þín
Anna Margrét Sigurðardóttir.
Legsteinar og fylgihlutir
MOSAIK Hamarshöfða 4 110 Rvk
sími 587 1960 www.mosaik.is
• Mikið úrval
• Yfir 40 ára reynsla
• Sendum myndalista
✝
Ástkær móðir okkar, tengdamóðir og amma,
INGA STRAUMLAND,
lést sunnudaginn 14. október á Hjúkrunarheimilinu
Sunnuhlíð í Kópavogi.
Hún verður jarðsungin frá Garðakirkju, Garðaholti
á Áftanesi, föstudaginn 19. október kl. 15.00.
Svala Sigurleifsdóttir,
Bjarney J. Sigurleifsdóttir, Vilmundur Þorsteinsson,
Kristín S. Sigurleifsdóttir, Kristján Sveinbjörnsson,
og barnabörn.
✝
Ástkær eiginkona mín, móðir okkar og tengda-
móðir,
ÞÓRUNN ELÍASDÓTTIR,
Herjólfsgötu 36,
áður Lækjarkinn 14
í Hafnarfirði,
lést á líknardeild Landspítalans þann 14. október.
Yngvi Rafn Baldvinsson,
Friðrik E. Yngvason, Theodóra Gunnarsdóttir,
Björgvin Yngvason, Birna Hermannsdóttir,
Stefán Yngvason, Nína Leósdóttir,
Yngvi Rafn Yngvason, Alís Inga Freygarðsdóttir,
og fjölskyldur.
✝
Okkar ástkæri
SIGURÐUR MAGNÚS MAGNÚSSON,
Esjubraut 39,
Akranesi,
andaðist á heimili sínu miðvikudaginn 10. október.
Útförin fer fram frá Akraneskirkju föstudaginn
19. október kl. 14.00.
Björnfríður Guðmundsdóttir,
Magnús Hólm Sigurðsson,
Ásta Ósk Sigurðardóttir, Jóel Bæring Jónsson,
Selma Sigurðardóttir, Þorvaldur Sveinsson,
og afabörn.
✝
Elskulegur bróðir okkar, mágur og frændi,
BORGÞÓR GÚSTAVSSON,
Hringbraut 121,
Reykjavík,
lést á gjörgæsludeild Landspítalans í Fossvogi
sunnudaginn 7. október. Hann verður jarðsunginn
frá Digraneskirkju fimmtudaginn 18. október
kl. 15.00.
Ólafía M. Gústavsdóttir, Sigurður Eyjólfsson,
Páll G. Gústavsson, Iðunn Árnadóttir,
Kristinn J. B. Gústavsson, Ragna H. Jóhannesdóttir,
Hallgrímur P. Gústavsson,
Gústav R. Gústavsson, Rannveig Pálsdóttir,
Ágúst E. Gústavsson, Sigríður Á. Guðmundsdóttir
og frændsystkini.
✝
Ástkær sambýlismaður minn,
MAGNÚS JÓNSSON,
Sunnubraut 23,
Búðardal,
verður jarðsunginn frá Snóksdalskirkju fimmtu-
daginn 18. október kl. 14.00.
Fyrir hönd aðstandenda,
Kristín Inga Kristjánsdóttir.