Morgunblaðið - 27.10.2007, Blaðsíða 6

6|Morgunblaðið
Jólin 2005 tók Védís Hervör aðsér að syngja við jólahlað-borð á Þingvöllum og segirþað hafa verið dásamlegt, að
ekki sé meira sagt.
„Það var hreint dásamlegt. Ég og
gamall skólafélagi minn, píanóleik-
arinn Valdimar Kristjónsson, keyrð-
um í öllum veðrum á Hótel Valhöll á
Þingvöllum hvert föstudags- og
laugardagskvöld í desembermánuði.
Við vorum með um 45 lög á dag-
skránni og tókum aðeins tíu mínútna
hlé á hverju kvöldi að mig minnir.
Það var okkar eigið val en það er
greinilegt að við tókum þetta út með
sældinni því að margir söngvarar
súpa hveljur þegar ég segi þeim frá
þessu.“
Hlaðborðskvöldin voru oft löng
hjá Védísi og Valdimar því þau hófu
dagskrána meðan fólk var enn að
dusta af sér snjóinn.
„Við töldum beint í lögin og spil-
uðum þar til yfir lauk. Fólk hafði þá
lokið við eftirréttinn og var sumt
komið vel í glas. Svo voru þau svo
yndisleg á Hótel Valhöll að leyfa
okkur að gæða okkur á hlaðborðinu
eftir langt kvöld og þau vildu allt
fyrir okkur gera.“
Ekki bara „jólasveinninn minn“
Védís segist aðspurð hafa sett
saman svo mikinn lagalista til þess
að verða ekki leið á þessu. „Inn á
milli jólalaganna vorum við með Evu
Cassidy, Bítlana og gamla íslenska
slagara sem ekki tengdust jólunum
og jafnvel lög eftir mig sjálfa. Þetta
var mjög mikilvægt, held ég, og
einnig fyrir fólkið sjálft, að komast
aðeins út úr jólabrjálæðinu og hlusta
á eitthvað annað en „jólasveinninn
minn, káti karlinn minn …“
Hún segist sjálf vilja rólega tónlist
undir borðum þegar hún fer á jóla-
hlaðborð, gjarna með djössuðu ívafi.
„Maturinn er að sjálfsögðu mik-
ilvægur en ef félagsskapurinn er
ekki kærkominn þá er tilgangurinn
enginn. Það er yndislegt að eiga
notalega kvöldstund með ástvinum,
háma í sig kræsingar og vera af-
slappaður. Jólahlaðborð er orðið að
skemmtilegri hefð á Íslandi og er
mjög mikilvæg að mínu mati. Fólk
þarf hvíld frá amstri dagsins og það
er svo ljúft að geta dregið sig aðeins
í hlé frá auglýsingaherferðunum
sem dynja á manni, gleymt verklist-
anum sem hangir á ísskápnum og
samviskubitinu yfir ofkaupum.“
Boðskapurinn á ekki að
kafna í húmbúkki
Védís segist vera andvíg jólum
sem byrja í nóvember. „Jólin eru
heilagur tími með fallegan boðskap
sem er skotið í kaf með kaupæði og
húmbúkki. 1. desember er góður
dagur til að koma sér í jólagírinn og
það gildir líka um jólalögin í útvarp-
inu. Hins vegar er óhjákvæmilegt að
koma sér í gírinn heima við sem tón-
listarmaður ef maður sér fram á
jólahlaðborð og slíka gleði áður en
desembermánuður byrjar. Það er
bara kvöð tónlistarmannsins og sæla
í senn.“
Védís er svo mikil jólastelpa að
hún byrjar að hlakka til í febrúar
þótt hún taki ekki fram jólaplöt-
urnar. „Fólk er miklu skemmtilegra
á jólatímabilinu, það verður tilfinn-
ingaríkara og þakklátara. Ég und-
irbý jólin þannig að ég geri verk-,
gjafa- og jólakortalista þegar þau
fara að nálgast. Er kannski búin að
sauma út í eitthvað fallegt fyrir nána
vini og er að dunda mér við það á
kvöldin eða breyti út af laginu og
geri eitthvað annað það árið. Það er
allur gangur á því. Fjölskylda mín
hefur það fyrir hefð að spjalla saman
um árið sem er að líða, líta yfir far-
inn veg og setja niður ýmis markmið
fyrir næsta ár. Ekkert stórbrotið,
bara litlir skemmtilegir hlutir sem
gefa lífinu gildi.“
Ný sólóplata – hlý og ljúf tónlist
Védís hefur haft nóg að gera á
þessu ári en hún hefur unnið hörðum
höndum að sólóplötunni sinni „A
beautiful life – recovery project“
sem er að finna á tonlist.is og í helstu
hljómplötubúðum á Íslandi.
„Hana vann ég bæði hér heima og
í London og því hefur verið svolítið
flakk á mér framan af ári. Platan er
mjög hlý, hún stjórnast svolítið af
samspili nælongítarstrengja og pí-
anósins sem er mitt helsta hljóðfæri.
Undirliggjandi er slagverk Sig-
tryggs Baldurssonar en sá mæti
maður er þeim hæfileikum gæddur
að geta sett „groove“ í hvað sem er.
Sumir líkja tónlist minni við tónlist
Indiu Arie í bland við Cardigans en
ég hef litla skoðun á því. Hún er bara
það sem hún er og ég á erfitt með að
líkja henni við nokkuð annað. Fólk
getur kíkt á heimasíðuna mína
www.vedismusic.com og heyrt þar
brot úr plötunni, lesið fréttir og
skoðað myndir af upptökuferlinu.“
Í mannfræði í Háskólanum
Nú er Védís einnig sest á skóla-
bekk og er í mannfræði við HÍ. „Mér
finnst það ótrúlega skemmtilegt og
hef reynt að skipuleggja mig þannig
að allt gangi upp. Hingað til hefur
þetta styrkt hvort annað, tónlistin
mannfræðina og mannfræðin tón-
listina. Ég er sífellt að semja lög og
lifi og hrærist í músíkinni. Það eru
forréttindi að geta unnið við þetta og
ég styrkist með hverju ári sem líð-
ur.“
- En hvert skyldi vera uppáhalds-
jólalag Védísar?
„Uppáhaldsjólalagið er „Christ-
mas Song“ með Frank Sinatra.
„Chestnuts roasting on an open
fire …“ Mér verður svo hlýtt þegar
ég heyri það.“
eddajoh@mbl.is
„Kvöð og sæla tónlistarmannsins í senn“
Morgunblaðið/Frikki
Sóló Védís Hervör ætlar að syngja meira af eigin lögum fyrir jólin í ár en jólalögum enda að gefa út sólóplötu. Hún er samt mikil jólastelpa sem hefur
gaman af undirbúningnum og saumar jafnvel stundum út í eitthvað fallegt fyrir nána vini.
Morgunblaðið/Golli
Fjölbreytt Védís Hervör söng fleiri lög en bara um jólasveina á jólhlaðborðinu á
Hótel Valhöll í fyrra en hvorki fleiri né færri en 45 lög voru á dagskránni.
Védís Hervör Árna-
dóttir er Íslendingum
að góðu kunn fyrir
söng sinn. Edda Jó-
hannsdóttir hleraði eft-
ir lífsreynslusögum af
söng undir jólahlað-
borðum hjá Védísi og
komst að því að hún
hefur lent í ýmsum
skemmtilegum uppá-
komum.
» Fólk þarf hvíldfrá amstri
dagsins og það er
svo ljúft að geta
aðeins dregið sig í
hlé frá auglýs-
ingaherferðunum
sem dynja á
manni, gleymt
verklistanum sem
hangir á ísskápn-
um og samvisku-
bitinu yfir ofkaup-
um.