Morgunblaðið - 27.10.2007, Blaðsíða 20

20|Morgunblaðið
Aðventan heldur utan ummann með rökkrinu sínuog kertaljósunum. „Jule-hygge“ er greypt í mig,
það er danski hlutinn í mér,“ segir
þessi mikli matgæðingur.
Helga setti saman fyrir lesendur
Morgunblaðsins matseðil sem er
dæmigerður fyrir það sem hún
myndi bjóða upp á í aðventuboði.
Hún segist hafa valið fyrst og fremst
það sem henni þyki gott. „Mér þykja
súpur stórkostlegar, en þær eru van-
metnar. Ég býð upp á þær því þær
eru hollar, þeim fylgir lítil fyrirhöfn
og maður borgar lítið fyrir góðan
mat. Auk þess þykir öllum súpur
góðar. Súpa með góðu brauði og ein-
hverju sætu á eftir að verða stórkost-
lega máltíð.“
Breytir uppskriftum
til hins hollara
Sem sætindi segist Helga hafa val-
ið hjónabandsæluna sérstaklega til
að sýna fram á hversu auðvelt er að
breyta köku sem maður hefur bakað
kannski áratugum saman í mun holl-
ari köku, án þess að bragðið breytist
neitt. Seinni uppskriftin er örlítið
stærri, en hægt er að breyta upp-
skriftum í alveg sömu hlutföllum.
Helga bendir á að uppskriftinni að
Graskersbrauðinu sé einnig búið að
breyta. „Í henni er spelthveiti í stað-
inn fyrir hvítt hveiti, engin mjólk,
vínsteinslyftiduft í stað sóda og lyfti-
dufts, og hrásykur í stað venjulegs
sykurs. Þetta er hægt að gera við
flest allar uppskriftir.“ Helga leggur
einnig til að fólk sleppi harðri fitu í
bakstri. „Það er algjör óþarfi að nota
smjörlíki eins og í gamla daga þegar
ekkert annað fékkst. Það er miklu
betra að nota olíur eins og sólblóma-
olíu og þess vegna ólífuolíu, og svo
stundum hreina og góða íslenska
smjörið okkar.“
Náttúrulega sætuefnið Xylitol
Í hjónabandssælunni er notað
sætuefnið xylitol, sem Helgu finnst
mjög merkilegt efni, en það er alger-
lega náttúrulegt. Það er að finna í
trefjum ýmissa jurta, eins og birki,
hindberjum, plómum og maís, og það
er mjög dýrt í vinnslu, sem er helsta
ástæðan fyrir því hvers vegna það er
ekki notað í fjöldaframleiddar mat-
vörur. Helga segir að það sé alltaf
hægt að nota xylitol í staðinn fyrir
sykur. Hún nefnir sem dæmi að mað-
ur utan úr bæ hafi sent henni upp-
skrift að marens, þar sem xylitol sé
notað í staðinn fyrir sykur, en upp-
skriftina má nálgast á heimasíðu
Manns lifandi: www.maðurlifandi.is.
„Þessi maður notar xylitol í allt, líka
rabarbarasultuna sína,“ segir Helga.
„Sumir nota xylitolið í jafnmiklu
magni og sykurinn, en mér finnst það
svo dísætt að ég nota alltaf aðeins
minna xylitol eins og sést í uppskrift-
inni að hjónbandssælunni.“
Drykkur sem hjálpar
meltingu og nýrum
Í graskersbrauðið notar Helga
graskerstegundina „butternut“ sem í
útliti er lík ljósgulri peru. „Þessi teg-
und er sérstaklega mjúk og góð. Þeg-
ar ég baka þetta brauð, baka ég alltaf
auka grasker og nota það seinna í
graskerssúpu.“ Annars finnst Helgu
Íslendingar ekki alveg búnir að upp-
götva graskerin, sem hún segir að
séu stútfull af vítamínum og frábær í
súpur og bakstur. „Það er líka rosa-
lega gott að baka grasker í ofni með
smávegis af olíu, salti og sojasósu.
Þetta má borða bæði með meðlæti og
sem grænmetisrétt.“
Helga stingur upp á að fólk fái sér
lífrænt rauðvín með súpunni. „Margt
fólk sem fær heiftarleg óþols-
viðbrögð við rauðvínsdrykkju getur
flest drukkið lífræna rauðvínið eins
og ekkert sé. Þá fær vínviðurinn að
eflast af sjálfsdáðum án þess að
nokkur önnur efni komi við sögu. Það
eru alltaf að bætast við tegundir í
Ríkinu sem er mikið gleðiefni og
skemmtileg viðbót við úrvalið.“
Varðandi fordrykkinn er hug-
myndin að nota fullt af ferskri myntu
eins og Tyrkirnir gera. Helga segir
að það sé mjög mikilvægt að vanda
valið þegar kemur að trönuberjasaf-
anum og sæta hann svo með agave-
sírópinu því safinn sé frekar beiskur.
„Þetta er upplagður jóladrykkur því
hann er vatnslosandi og róar mag-
ann. Eftir allt átið er gott að fá drykk
sem er góður fyrir meltinguna og
nýrun,“ segir Helga að lokum og
býður fólki að gjöra svo vel.
Fordrykkur fyrir alla aldurshópa
½ flaska trönuberjasafi
fersk myntulauf
soðið vatn
agave-síróp eða xylitol
Setjið sjóðandi vatnið á fersk
myntulauf og látið standa og taka í
sig. Blandið saman í könnu, ½ flösku
af trönuberjasafa og myntuteinu.
Það er afar gott að sæta það aðeins
með Agave-sírópi eða xylitol og
skreyta svo glasið með myntu.
Þakkargjörðarhátíðarsúpa
fyrir 4-6 manns
4 stk sætar kartöflur afhýddar og
skornar í litla bita
1 kg gulrætur, skornar í munnbita
2-3 msk grænmetiskraftur, án allra
Holl og jólaleg huggulegheit
Morgunblaðið/Frikki
Lífræn Helga Mogensen er meistarakokkur og notar ávallt lífrænt hráefni. Þakkargjörðarhátíðarsúpan er matarmikil og góð með graskersbrauðinu.
Helga Mogensen mat-
hönnuður á Manni lif-
andi sagði Hildi Lofts-
dóttur að sér fyndist
aðventan yndislegur
tími og upplagður til
þess að draga vini og
vandamenn saman,
ekki síst til þess að
bæta upp fyrir sum-
artímann þegar enginn
hafði tíma til að hittast.
Salir fyrir öll tækifæri
brúðkaup • fermingar • fundi • ráðstefnur • afmæli • árshátíðir • þorrablót • jólahlaðborð
Veislur - fundir - ráðstefnur
Veislusalurinn Rúgbrauðsgerðin ehf
Borgartúni 6 • 105 Reykjavík • Sími 517 6545
www.rugbraudsgerdin.is
E
N
N
E
M
M
/
S
ÍA
/
N
M
18
0
8
7
EKKI SNÚA BAKI
VIÐ VANDANUM
Drekkurðu oft eða mikið í einu?
Á virkum dögum sem helgum?
Alein/n sem í félagsskap? Ef svo er, þá
er kominn tími til að snúa við blaðinu.