Morgunblaðið - 27.10.2007, Blaðsíða 12

12|Morgunblaðið
Eftir Eddu Jóhannsdóttur
eddajoh@mbl.is
Menningarmiðstöðin Edinborg og
kaffihúsið þar var opnað á sjó-
mannadaginn á þessu ári. Guð-
munda H. Birgisdóttir forstöðukona
hússins segir alltaf hafa verið mark-
mið þeirra sem stóðu að uppbygg-
ingu menningarmiðstöðvarinnar að
sjá til þess að veitingarekstur yrði
einnig í húsinu.
„Stjórn hússins leitaði eftir kost-
unaraðilum, samhliða tilboði í
stærsta áfangann á endurbyggingu
hússins, en Edinborgarhúsið er
staðsett eins og best verður á kosið í
miðbæ Ísafjarðar og er eitt af þrem-
ur menningarhúsum Ísafjarð-
arbæjar,“ segir Guðmunda. „Skilyrt
var að reksturinn yrði í náinni sam-
vinnu við starfsemi hússins, sem er
alhliða ferðaþjónusta og menningar-
starfsemi í víðasta skilningi, svo sem
tónleikar, leik- og myndlistarsýn-
ingar og fyrirlestrar svo eitthvað sé
nefnt.“
Einnig er í húsinu starfræktur
listaskóli með fjölda fólks á öllum
aldri og húsið er hannað fyrir stærri
sem og smærri ráðstefnur.
Aðspurð hvernig jólaundirbún-
ingnum er háttað í ár í Edinborg-
arhúsinu segir Guðmunda að það
verði með ýmsum hætti. „Við verð-
um með heitt súkkulaði og smákök-
ur á aðventunni og svo verður að
sjálfsögðu jólahlaðborð.“
Hún segir jólahlaðborðið verða
einu sinni í viku og þá með tónlist
sem tilheyrir kvöldmáltíðum og
stemmningu. „Fólk kemur oft langt
að en það fer þó að sjálfsögðu eftir
uppákomum, en aðal hússins er okk-
ar frábæri saltfiskur og íslenska
kjötsúpa.“
Á jólahlaðborðinu verða hefð-
bundnir réttir í bland við nýjungar,
en eitthvað sem er sérstaklega vest-
firskt?
„Já,“ segir Guðmunda hlæjandi,
„veðrið og einstaklega skemmtilegt
fólk.“
– Og hvenær hefst svo jóla-
stemmningin?
„Ekki degi seinna en 1. desem-
ber.“
Heitt súkkulaði og smákökur
Það er rífandi stemmning í Edinborgarhúsinu á Ísafirði í des-
ember, vestfirskt veður, jólahlaðborð og skemmtilegt fólk
Jóna Símonía, sem er sagn-fræðingur og vinnur semskjalavörður á Skjalasafninuá Ísafirði, sagði að ekki væri
laust við að tilhlökkun lægi í loftinu
vegna tímans framundan. Hún stað-
hæfði einnig að engin hætta væri á
að nokkrum manni myndi leiðast í
Ísafjarðarbæ þegar liði að aðvent-
unni enda sjaldan jafn mikið fram-
boð af uppákomum og í vetur.
Einn af þeim viðburðum sem eru
fyrir löngu orðnir fastir liðir í jóla-
undirbúningi Ísfirðinga er Torgsala
Tónlistarfélagsins en líklega eru um
20 ár frá því að hún var haldin í
fyrsta sinn. Í upphafi var hún haldin
til að safna fyrir nýbyggingu handa
Tónlistarskólanum en þrátt fyrir að
þær áætlanir hafi verið lagðar á hill-
una stendur félagið alltaf fyrir Torg-
sölu. Síðastliðin ár hefur verið kveikt
á jólatrénu sama dag – svo það er
samfellt fjör á Silfurtorgi allan dag-
inn.
Á Torgsölunni er fyrst og fremst
verið að selja laufabrauð og ýmiss
konar bakstur, sultur og konfekt, að
sjálfsögðu allt handgert, en líka jóla-
kort Tónlistarfélagsins og grenikr-
ansa. Þá er hægt að kaupa sér heitt
súkkulaði eða glögg til að ylja sér á
og gæða sér á heitum lummum.
Þetta er í raun upphafið að jóla-
stemningunni á Ísafirði. Ljúffengt
laufabrauðið er bakað af félags- mönnum Tónlistarfélagsins og
heyrst hefur að það sé ávallt líf og
fjör við þann bakstur!
Happdrætti Línunnar
Svo er það Línan – en í fjölda ára
hafa Slysavarnakonur í bænum
haldið úti happdrætti þar sem vinn-
ingarnir er föndur sem konurnar
hafa unnið yfir veturinn. Nafnið er
þannig til komið að bæjarbúar
kaupa eina línu í stílabók – rita þar
nafn og símanúmer; síðan eru lín-
urnar rifnar úr bókinni og nöfn
hinna heppnu dregin út. Þetta er
nokkuð gamall siður.
Vinningunum sem hægt er að
hreppa í Línuhappdrættinu er alltaf
stillt út í búðarglugga á meðan á söl-
unni stendur, svona til að auka á
spennuna, og eru þeir svo keyrðir til
vinningshafanna þegar drætti er
lokið. Hjá mörgum Ísfirðingum er
þetta ómissandi hluti af aðventunni
og hafa sjómenn löngum verið einna
stórtækastir í línu-kaupum.
Jólahlaðborð, smurbrauð
og öllari
Eins og margir aðrir landsmenn
hafa fjölmargir Ísfirðingar það fyrir
sið að fara á jólahlaðborð eða halda
jafnvel slíkar matarveislur heima
hjá sér. Einna vinsælast er að fara á
jólahlaðborðið sem er árlegur við-
burður á veitingastaðnum Við Poll-
inn. Hann er á Hótel Ísafirði og hef-
ur árum saman verið í
jólahlaðborðabransanum. Sauma-
klúbbar bæjarins taka sig gjarnan
saman og mæta á jólahlaðborð eða
eru jafnvel með ,,jule-frokost“ í
heimahúsum. Við Pollinn býður líka
upp á danskt „smørrebrød“ en ýmsir
hafa tileinkað sér þann sið að fá sér
brauð og öllara á þessum árstíma.
Vert er að minnast einnig á veitinga-
staðina Fernandos og Kaffi Ed-
inborg sem halda í heiðri sanna jóla-
stemningu í mat og drykk.
Kertaljós, kyrrðarstund
og friðarganga
Aðventukvöld eru haldin í öllum
kirkjum og eru ævinlega mjög vel
sótt. Á Ísafirði eru það kirkjukórinn
og Sunnukórinn sem standa að að-
ventukvöldi. Kammerkór Vestfjarða
stendur svo fyrir kyrrðarstund í Ísa-
fjarðarkirkju skömmu fyrir jól en þá
er rökkrið lýst upp með fögrum söng
og kertaljósum.
Ekki má svo gleyma jóla-
tónleikum tónlistarskólanna sem eru
haldnir í öllum þéttbýlisplássunum í
kringum Ísafjörð.
Undanfarin ár hefur verið frið-
arganga á Ísafirði á Þorláksmessu
og svo hefur Slysavarnafélagið verið
með skötuveislu. Margir Ísfirðingar
nýta sér þá veislu þar sem þeim
fjölgar víst sem ekki fá að sjóða
skötuna sína heima við. Það eru
sumsé ekki allir bæjarbúar sammála
um að skötulyktin sé jólalykt!
En vissulega eru þær margar
skötuveislurnar sem haldnar eru í
heimahúsum á Ísafirði.
hauksdottir@hotmail.com
Miðbæjarstemmning Það er stemning í miðbænum þegar jólin nálgast. Jólaveinar Hinir einu sönnu íslensku jólasveinar búa áreiðanlega í vest-
firsku fjöllunum en láta að sjálfsögðu sjá sig á réttum tíma.
Jólastemn-
ingin nálgast
Ísafjörð
Torgsala Ein af mörgum skemmtilegum jólahefðum Ísfirðinga er
Torgsala tónlistarfélagsins.
Á Ísafirði er fólk með sól í hjarta og farið að huga
að jólunum þótt myrkrið grúfi yfir fjöllunum.
Hrund Hauksdóttir hafði sambandi við Jónu Sím-
oníu Bjarnadóttur á Ísafirði til að forvitnast um
hvernig jólaundirbúningi bæjarbúa væri háttað.
Jólahlaðborð Vestfirðingar fjölmenna að sjálfsögðu á jólahlaðborð
eins og aðrir landsmenn. Þessi mynd er frá jólahlaðborðinu í Faktors-
húsinu í Hæstakaupstað.
»Hjá mörgum Ísfirð-
ingum er Línuhapp-
drættið ómissandi hluti
af aðventunni og hafa
sjómenn löngum verið
einna stórtækastir í
línukaupum.
Hótel Hvolsvöllur
Villibráðahlaðborð
Jólahlaðborð
Gisting
Fundir / ráðstefnur
Einstaklingar,
hópar og fyrirtæki
leitið tilboða
Sími 487 8050 | Símabréf 487 8058
hotelhvolsvollur@simnet.is
www.hotelhvolsvollur.is
Hótel Hvolsvöllur
Betra val
M
bl
9
24
37
8