Morgunblaðið - 27.10.2007, Blaðsíða 14

Hvað er betra á dimmum vetr-
ardögum en að hitta drauga, álfa og
tröll? Á Stokkseyri sveima slíkar
þjóðsagnaverur um í tveimur söfn-
um, Draugasetrinu og Álfa-, trölla-
og norðurljósasafninu. Söfnin eru til
húsa í Menningarhúsinu, sem var áð-
ur stærsta frystihús þorpsins en er
núna nýtt undir fjölbreytta menn-
ingarstarfsemi.
Á Draugasetrinu hlusta gestir á
draugasögur á meðan gengið er um
safnið og draugalæti leynast í
skúmaskotum. Fullorðið fólk sem
ekki er vant reimleikum getur orðið
skelfingu lostið og börnum yngri en
12 ára er ekki ráðlagt að fara í safn-
ið. Álfa-, trölla- og norðurljósasafnið
er hins vegar hannað fyrir alla fjöl-
skylduna.
Í álfaheimi gefst gestum einstakt
tækifæri til þess að sjá álfa við dag-
leg störf í umhverfi sem á engan sinn
líka. Fossar, vatn og lækur er í þessu
rými sem og náttúrulegt grjót, hólar
og hæðir. Gestir fara í stóran helli
þar sem tröllin búa. Þar er t.d. hægt
að gægjast ofan í skessupott og setj-
ast á rúm tröllskessunnar. Í stórum
sal ríkir endalaus vetur, norðurljós
dansa á veggjum og klakastykki úr
Vatnajökli skreyta rýmið.
Aðsóknin í Draugasetrið hefur
aukist ár frá ári og þjóðsöguáhugi
landsmanna og erlendra ferðamanna
fer vaxandi. Í setrinu eru sagðar
margar af okkar þekktustu sögum
eins og Djákninn á Myrká en einnig
er Kambholtsmóra frá Stokkseyri
veitt verðskulduð athygli.
Álfar, draugar og reim-
leikar á Stokkseyri
Spennandi Það er dálítið draugalegt um að litast á Draugasetrinu á
Stokkseyri og hjartað slær stundum örlítið hraðar sem er einmitt svo
spennandi og skemmtilegt á vetrardögum.
14|Morgunblaðið
Nú fer tími skreytinga í hönd,
jafnt vetrar- sem jólaskreyt-
inga. Litirnir rauður og
grænn eru sígildir fyrir jólin.
Grenið góða ilmar og af
kertaljósunum stafar birta
sem er róandi og hlý. Það er
líka um að gera að nota hug-
myndaflugið og búa til skreyt-
ingar úr því sem til er á heim-
ilinu, hvort sem þær eru
hefðbundnar eða ekki. Það er
alltaf gaman að persónulegu
handbragði og verki.
Jólaskreyt-
ingar
Dagar myrkurs kallast vetrarhátíð
Austurlands sem haldin er nú í 8.
skipti og eflist með hverju ári sem líð-
ur. Hátíðin er haldin yfir tvær helgar
frá 8.-18. nóvember. Hátíðin er að
sjálfsögðu haldin til að auðga enn
frekar blómlegt mannlífið í skamm-
deginu og lengja ferðamannatímann
á Austurlandi. Þetta er ekki eini við-
burður vetrarins því í kjölfarið fylgja
„Jól á Austurlandi“ þar sem einnig er
að finna margt skemmtilegt.
Þrátt fyrir sitt myrka nafn eru
Dagar myrkurs hátíð ljóss og gleði.
Aðalmarkmiðið er einmitt að lýsa upp
skammdegið og skemmta sér. Dag-
arnir eru í raun haldnir á öllu Austur-
landi þar sem þátttakendur eru frá
Vopnafirði, Borgarfirði eystra,
Fljótsdalshéraði, Fjarðabyggð,
Breiðdalsvík og Djúpavogi en það er
Markaðsstofa Austurlands sem held-
ur utan um viðburðina.
Kertaljós í sundlaugunum
Það er ekki hægt að segja að íbúar
Austurlands leggist í sorg og sút yfir
skammdeginu og veðrinu heldur nýta
þeir það til að búa til huggulega og
notalega stemningu út um allt Aust-
urland.
Þessar helgar eru sundlaugarnar
til dæmis með ljósin slökkt og kerta-
ljós þannig að fólk getur komið og
slappað af eftir amstur vikunnar.
Skólarnir á Austurlandi hafa alltaf
tekið þátt í hátíðinni með því að til-
einka námsefnið þessa daga hátíðinni
og er þemað hjá börnunum ljós,
skuggar, draugar, stjörnur, norður-
ljós og margt fleira tengt myrkrinu.
Á leikskólunum munu börnin koma
með ljós með sér og skoða skugga og
rannsaka myrkrið.
Einnig eru farnar kyndlagöngur og
á Mjóeyri (Eskifirði) ræður Ástareld-
urinn ríkjum. Þar er einnig „elsta“
bílabíó landsins með sýningu á hverju
ári á Dögum myrkurs.
Þá eru haldnir tónleikar, búðir hafa
opið lengur og tilboð sem tengjast
Dögum myrkurs, eldri borgarar eru
með dagskrá, skemmtistaðir eru með
sértilboð á dökkum drykkjum og svo
má lengi telja. Á Djúpavogi er haldin
svokölluð Sviðamessa sem er byggð á
gamalli hefð. Upprunalega var þetta
Allra heilaga messa en þar sem alltaf
voru borðuð svið til hátíðabrigða eftir
messuna breyttist nafnið með tím-
anum í Sviðamessu. Í dag er þetta
viðburður þar sem svið eru á borðum
með meðfylgjandi tónlistarsýningu.
Það verður sannkölluð ljósaskemmt-
un á Austurlandi þessa daga.
Myrkrið auðgar mann-
lífið á Austurlandi
Myrkradagar Það er í raun ekkert svartnætti á Austurlandi í nóvember því
þá verða ýmsir menningarviburðir og skemmtilegheit á Dögum myrkurs.