Morgunblaðið - 27.10.2007, Blaðsíða 11

Morgunblaðið |11
– Uppáhaldsjólalagið?
„Ég verð að nefna tvö lög. John
Lennon-jólalagið kemur mér alltaf í
rosalegt jólaskap og mér finnst í lagi
að heyra það allan desember, og það
má jafnvel byrja fyrr. Lagið „Jól“
eftir Jórunni Viðar er svo aftur á
móti öðruvísi uppáhaldsjólalag því
mér finnst best að heyra það bara á
aðfangadag og jólunum sjálfum.“
– Hefur þú samið jólalag?
„Sprengjuhöllin samdi jólalag í
fyrra. Snorri samdi að vísu lagið en
ég samdi textann. Það heitir
„Sprengjujól“ og er nokkuð fyndið.“
– Hvað gerir lag að jólalagi?
„Það er ýmislegt. Textinn þarf
helst að vera um jólin eða frið á
jörðu eða eitthvað þessháttar. Svo
er mjög sniðugt að hafa sleðabjöllur
til að tryggja jólaáhrifin. Þrátt
fyrir þetta er til fullt af jólalögum
sem hafa hvorki jólatexta né sleða-
bjöllur. „Göngum við í kringum
einiberjarunn“ er gott dæmi um
það. Besta leiðin til að gera lag að
jólalagi er að spila það og syngja
aðeins í desember!“
– Hvaða plata er helsti stemn-
ingsgjafinn yfir hátíðirnar?
„Pabbi spilar alltaf einhverja
sænska jólaplötu með barnakórum.
Ég man ekki hvernig en þessi plata
er á einhvern hátt tengd Abba. Ann-
aðhvort er það Benny Andersson
sem semur lögin á henni eða Anni-
Frid eða einhver sem syngur eitt-
hvað á henni. Ég man aldrei hver
Abba-tengingin er. Þetta er samt að
vísu nokkuð klassísk tónlist en ekki
70’s-diskópopp eins og hjá Abba. Á
plötunni eru nokkur sænsk jólalög
sem ég söng á leikskóla þegar ég
var lítill og bjó í Svíþjóð. Ég held að
það skipti mestu máli með svona
stemningu að maður tengist lög-
unum á einhvern hátt. Það er alls
ekki víst að þessi plata komi öðru
fólki í jólaskap. Sumir komast
kannski í mesta jólaskapið við að
hlusta á Iron Maiden. Það er aldrei
að vita.“
thorri@mbl.is
Morgunblaðið/Eggert
Friðarjól Bergur Ebbi er á því að það sem gerir lag að jólalagi sé textinn
sem þarf helst að vera um jólin eða frið á jörðu.
Söng sænsk jólalög
Lög eftir eins ólíka tónlistarmenn og John
Lennon og Jórunni Viðar koma Bergi Ebba
Benediktssyni í Sprengjuhöllinni í jólaskap.
– Uppáhaldsjólalagið?
„Það mun vera „Fyrir jól“ með
Svölu og Bó. Mér finnst talkaflinn í
því svo fyndinn sem og bílflautið.“
– Hefurðu samið jólalag?
„Já ég samdi nokkur með honum
Árna mínum. Meðal annars hið syk-
ursæta en jafnframt óþekkta lag
„Krúttjól með sósu“. Svo gargaði ég
eitthvert dótarí yfir nokkur jólalög á
jólalagatalinu á XFM. Gaman er að
minnast á það að fyrsta FM Belfast-
lagið var ekki jólalag heldur jólagjöf
handa vinum okkar.“
– Hvað gerir lag að jólalagi?
„Ég held að hreindýrabjöllur
gætu gert hvaða lag sem er að jóla-
lagi. Svo sakar ekki að segja jól eða
Jesú nokkrum sinnum í viðlagi til
eða frá.“
– Hvaða plata er helsti stemnings-
gjafinn yfir hátíðirnar?
„Æ mér finnst bara skemmtileg-
ast að hlusta á Ladda og Ómar
Ragnarsson og þeirra jólagrín-
plötur.“
thorri@mbl.is
Morgunblaðið/Sverrir
Jólastemmningin Jólagrínplötur þeirra Ladda og Ómars Ragnarssonar
koma Lóu Hlín Hjálmtýsdóttur í jólastemmninguna.
Hreindýrabjöllur
gera lag að jólalagi
Lóa Hlín Hjálmtýsdóttir – FM Belfast hefur
samið jólalagið óþekkta „Krúttjól með sósu“
PANTAÐU Í SÍMA
WWW.JUMBO.IS
5546999
SAMLOKUBAKKI | TORTILLABAKKI | BLANDAÐUR BAKKI
ÞÚ GETUR PANTAÐ GIRNILEGA VEISLUBAKKA FRÁ OKKUR MEÐ LITLUM FYRIRVARA