Morgunblaðið - 27.10.2007, Blaðsíða 8

8|Morgunblaðið
Þeir sem þrá notalegheit og þægi-
lega jólastemningu ættu að leggja
leið sína í Norræna húsið í desem-
bermánuði en þar verður boðið upp
á fjölbreytta norræna jóladagskrá
fyrir unga jafnt sem aldna.
„Markmið okkar er að bjóða upp á
notalega stemningu hérna yfir að-
ventuna, án áreitis,“ segir Ragnheið-
ur Harvey, dagskrárfulltrúi Nor-
ræna hússins. Það verður vissulega
jólalegt í húsinu í Vatnsmýrinni en
frá og með fyrsta desember verður
boðið upp á svokallað lifandi jóla-
dagatal sem hefst á hverjum degi
fram að jólum klukkan 12.34. Ýmsir
nafnkunnir listamenn taka þátt í
verkefninu og þykir víst að uppá-
komurnar verði heldur óvæntar.
Jólahlaðborð og markaður
Fyrstu þrjár helgar desember-
mánaðar verða sérstaklega við-
burðaríkar í Norræna húsinu og
verður þá t.d. boðið upp á sérstaka
dagskrá fyrir börn á bókasafninu
þar sem lesin verða norræn jólaæv-
intýri sem þýdd hafa verið á íslensku
og sungin verða jólalög. Þá munu
einnig barnakórar líta í heimsókn og
syngja fyrir gesti.
Fjölmargir íslenskir hönnuðir og
handverksmenn ætla að selja sér-
hannaða muni, fatnað og aðrar vörur
á jólamarkaði í sýningarsölum í
kjallaranum og þar má eflaust finna
ýmsa sniðuga og fallega muni til að
gefa í jólagjafir.
Í hádeginu um helgar verður svo
boðið upp á norrænt jólahlaðborð en
það er danski matreiðslumaðurinn
Mads Holm sem ætlar að bjóða gest-
um hússins upp á girnilegar jóla-
kræsingar. Það væri þar af leiðandi
vel til fundið að setjast þar að snæð-
ingi í hádeginu og að því loknu njóta
dagskrárinnar í húsinu.
Norræn jólastemning í
Vatnsmýrinni
Morgunblaðið/Þorkell
Eftirvænting Börnin bíða með eftirvæntingu eftir því sem gerist í Nor-
ræna húsinu en þar er margt spennandi að gerast fram að jólum.
Eftir Fríðu Björnsdóttur
fridavob@islandia.is
Jólamarkaðirnir í Þýskalandi eru hreintævintýri og sá sem sækir slíkanmarkað heim getur ekki annað enkomist í sannkallað jólaskap. Töluvert
hefur verið um að fólk bregði undir sig betri
fætinum þegar jólin nálgast og skreppi til
Frankfurt eða Berlínar í þeim tilgangi að
leita uppi skemmtilega markaði, Weihnachts
Markt eða Christkindl Markt, eins og þeir
eru kallaðir.
Þegar til þessara áfangastaða íslensku
flugfélaganna er komið er ekkert einfaldara
en að taka lest eða fara í bílaleigubíl til nær-
liggjandi borga eða þorpa til þess að sjá líka
hvað þar er í boði, t.d. er ekki löng leið með
lest frá Frankfurt til Heidelberg, hins alda-
gamla háskólabæjar. Heidelberg er jafn-
skemmtilegur bær á veturna og um jólin og
hann er á sumrin þegar tré og garðar eru í
sumarskrúða og þar er fallegur jólamark-
aður.
Alls konar handverk í boði
Venjulega hefjast markaðirnir mánuði fyrir
jól en þeir eru settir upp á öllum helstu torg-
um í borgum og bæjum Þýskalands. Þangað
koma handverksmenn, sælgætis- og kökusal-
ar, kertagerðarfólk, hannyrðakonur, veit-
ingamenn og fjölmargir aðrir og setja upp
tjöldin sín og bjóða gestum upp á allt það
besta sem minnir á jólin og sitt hvað fleira að
auki.
Aðalmarkaðurinn í Frankfurt er á Römer-
berg, fyrir framan gamla Ráðhúsið og hann
teygir sig þaðan út í frá á alla vegu. Fátt er
skemmtilegra en að rölta milli sölutjaldanna
og skoða það sem þarna fæst. Mikið ber á
alls konar handverki og menn koma meira að
segja með útskurðarvélar og skera eða saga
út listaverk sem hægt er að kaupa jafnóðum
og þau eru tilbúin. Einn slíkur bauð blaða-
manni að kaupa undurfagurt verk, fjárhúsið í
Betlehem með jötunni, Jesúbarninu, Maríu
mey og Jósep, dýrlingunum og öllum bú-
smala. Þessi listamaður var með ótalmargt
annað og erfitt var að standast freistinguna
og kaupa ekki svo mikið að hætta væri á yf-
irvigt í fluginu heim.
Súkkulaði og Glühwein ylja
Í nóvemberlok og í desember getur verið
svolítið ónotalegt utan dyra á þessum slóðum,
en jólaglöggið, Glühwein þeirra Þjóðverja,
yljar fólki um hjartaræturnar og jafnvel víð-
ar. Sama er að segja um heitt súkkulaði með
rjómaslettu út á. Þjóðverjar eru hagsýnir og
láta fólk borga fyrir könnuna sem súkkulaðið
er drukkið úr, eina evru, minnir mig, en hún
er endurgreidd þegar kannan hefur verið
tæmd. Hins vegar er þetta skemmtileg leið til
þess að eignast einfaldan, ódýran og um leið
nytsaman grip til minningar um heimsóknina
á markaðinn. Kannan er jólalega skreytt og
ber merki markaðarins í Frankfurt.
Í Berlín eru margir og glæsilegir markaðir,
m.a. á Potsdamer Platz. Þar eins og annars
staðar er margt að sjá. Einnig eru markaðir
á Kurfürstendamm, einni aðalverslunargötu
borgarinnar og miklu víðar og alls staðar rík-
ir jólastemning. Jólatónlist er leikin og ilm-
urinn af jólaglöggi, piparkökum og jafnvel
frábærum þýskum pylsum og öðrum bragð-
miklum og ilmandi mat fyllir loftið. Þegar
fólk hefur gætt sér að kræsingunum eða
keypt þær til þess að taka með heim, má ekki
láta undir höfuð leggjast að fara í tjöldin þar
sem jólakökurnar og marsípanið eru seld.
Marsípan er í hávegum haft í Þýskalandi og
litlir jólalegir marsípangrísir, rúllutertur úr
marsípani og ótalmargt annað spennandi er
freisting sem rétt er að leyfa sér að falla fyr-
ir.
Undraland jóla-
markaðanna í
Þýskalandi
Jólaljós Jólamarkaður á Kurfurstendam í Berlín þar sem jólaljósin skína.
»Mikið ber á alls konar hand-
verki og menn koma meira
að segja með útskurðarvélar
og skera eða saga út listaverk
sem hægt er að kaupa jafn-
óðum og þau eru tilbúin.
Kökustund Feðgin deila kökuskammti á
jólamarkaðinum í Frankfurt. Í baksýn er
þýskur herra með könnu af heitu súkkulaði.
JÓLAHLAÐBORÐ 2007
Mun að venju bjóða upp á
glæsilegt hlaðborð,sett saman af
matreiðslumeisturum hússins,
þar sem allir geta fundið ljúfmeti
við sitt hæfi.
Hljómsveitin Klassík leikur
fyrir matargesti.
Tilvalið fyrir starfsmannahópa,
vinahópa eða einstaklinga.
Upplýsingar og borðapantanir:
Básinn / Ingólfsskáli
Efstalandi Ölfusi
Sími: 483 4160
Fax: 483 4099
E-mail: basinn@islandia.is
Heimasíða: www.basinn.is
Með kveðju. Básinn / Ingólfsskáli
IngólfsfjallBásinn / Ingólfsskáli
Hveragerði
Selfoss
BÁSINN
INGÓLFSSKÁLI