Morgunblaðið - 02.01.2008, Blaðsíða 8

8 MIÐVIKUDAGUR 2. JANÚAR 2008 MORGUNBLAÐIÐ
FRÉTTIR
NÝJA árinu var fagnað bæði til sjós
og lands í gær. Í Nauthólsvík fór um
miðjan dag fram hið árlega nýárs-
sund sjósundgarpa. Að þessu sinni
tóku um sextíu manns þátt, sem er
algjör met því aldrei áður hafa jafn
margir tekið þátt í sundinu.
Meðal þátttakenda í ár var Eyjólf-
ur Jónsson, sem tekið hefur þátt í
þessu sundi alls fimm sinnum þrátt
fyrir ungan aldur, því hann er ekki
nema sautján ára. Afi hans og al-
nafni var þekktur fyrir afrek sín í
sjósundi og einnig faðir hans Jón
Otti Gíslason sem var einn af frum-
kvöðlum þessa nýárssunds.
Ekki reyndist á höfuðborg-
arsvæðinu unnt að hafa áramóta-
brennurnar þetta árið á gamlársdag
sökum vonskuveðurs og var þeim
víðast hvar frestað um sólarhring. Í
gær funduðu svo fulltrúar lögreglu,
slökkviliðs og björgunarsveita og
mátu það sem svo að óhætt væri að
kveikja í bálköstunum að kvöldi ný-
ársdags. Vafalítið hefur sú ákvörðun
kætt marga, jafnt unga sem aldna,
sem lögðu leið sína að brennum.
Morgunblaðið/Jón Svavarsson
Metfjöldi Nýárssund sjósundgarpa fór að venju fram í Nauthólsvík. Um sextíu manns tóku þátt að þessu sinni, þar af tíu konur. Mikilvægt þykir að vera vel búinn í sjósund á borð við þetta.
Fagnað
til sjós
og lands
Morgunblaðið/Kristinn
Eldhaf Mikill fjöldi fólks lagði leið sína að Rauðavatni til þess að fylgjast með brennunni þar, en hún var ein af fjórum stóru brennunum í Reykjavík.
Morgunblaðið/Jón Svavarsson
Kátar Stjörnuljós eru ómissandi hluti af áramótabrennum. Meðal gesta á nýársbrennu í Kópa-
vogi voru þær Hulda Pálsdóttir og Lilja Dögg Gísladóttir sem brostu sínu blíðasta í kuldanum.
Morgunblaðið/Kristinn
Bjart ljós Hlífðargleraugun voru ekki langt undan hjá þessum ungmennum þar sem þau
nutu stjörnuljósanna og eldglæringanna við Rauðavatn í Reykjavík í gærkvöldi.