Morgunblaðið - 02.01.2008, Blaðsíða 23
MORGUNBLAÐIÐ MIÐVIKUDAGUR 2. JANÚAR 2008 23
LANDIÐ
Í MÝVATNSSVEIT var vindasamt um áramótin líkt og annars staðar. Á
gamlársdag var einhver allra harðasti stormur sem hefur lengi orðið í sveit-
inni. Nokkurt tjón varð í veðrinu, einkum á fjárhúsþaki hjá Eyþóri Péturs-
syni í Baldursheimi en þar fauk bárujárn af svo sem fimmtungi þaks eftir að
rúða brotnaði áveðurs. Í húsum eru um 200 fjár og nokkrir nautgripir.
Björgunarsveitin Stefán kom bónda til aðstoðar.
Á Helluvaði fauk þakjárn af hlöðu hjá Ingólfi bónda. Björgunarsveit úr
Reykjadal kom þar til aðstoðar þar sem þetta var á sama tíma sem Stef-
ánungar voru í Baldursheimi. Í Víðihlíð varð tjón á gróðurhúsi Kristínar
Sverrisdóttur. Víða urðu smáskemmdir af völdum veðursins.
Vindasöm áramót
í Mývatnssveit
Lagfært Eyþór Pétursson bóndi handlangar timbur til smiða að störfum
við lagfæringar á fjárhúsþakinu á bænum Baldursheimi í Mývatnssveit.
ÞAK fauk af fjárhúsi í Syðrivík í Vopnafirði á gamlárskvöld en vindhraðinn var yfir 50 m/s þegar mest gekk á. Bóndinn
var að vitja um féð og var inni í húsunum þegar þakið fór en hann sakaði ekki. Einnig flettist þak af fjárhúsi og hlöðu á
Rauðhólum og dreifðist yfir tún og móa en engan sakaði. Einnig fór partur af útihúsum á Refstað. Björgunarsveitin
Vopni fór í um 25 útköll á gamlárskvöld en þakplötur, garðhús, sólpallar, fiskikör og ýmsir lausamunir höfðu verið á
ferðinni um þorpið. Eins og áður sagði fór vindur upp í 51 m í hviðum og fylgdi talsverð úrkoma en 20 manns frá Vopna
voru að störfum við erfiðar aðstæður.
Veður gekk niður um miðnætti en svo mættu björgunarsveitarmenn á nýársmorgun til að tína saman þakplötur
sem ekki réðst við í rokinu á gamlárskvöld í Syðrivík og Rauðhólum.
Þak fauk af fjárhúsi
VEL var mætt til áramótabrennu á Húsavík á gamlárskvöld. Það var sunn-
an sperringur, um 10 metrar á sekúndu en úrkomulaust þegar kveikt var í
brennunni.
Vindur stóð þó af byggð. Uppistaðan í brennunni var 50 tonna eik-
arbátur og logaði hann glatt enda búinn að standa á þurru landi í rúm
fimm ár. Útskriftarnemar úr FSH tendruðu eldinn í brennunni og Kiwanis-
klúbburinn Skjálfandi sá um flugeldasýningu.
Margir sóttu áramóta-
brennu á Húsavík
Ljósmynd/Hafþór Hreiðarsson
Ljósmynd/Jón Sigurðarson
Fok Illviðrið varð til þess að þak fjárhússins fauk og unnið var að því í gærdag að lagfæra það.
ÁRAMÓTIN eru í uppáhaldi hjá
mörgu barninu enda gaman að
fylgjast með litríkum flugeldum
þjóta upp í loftið.
Það átti við um börnin á Seyðis-
firði sem létu skotgleði hinna full-
orðnu ekki framhjá sér fara á gaml-
árskvöld. Sum héldu á
stjörnuljósum og nutu þess að fylgj-
ast með skærum ljósunum og
kveðja með þeim gamla árið og
bjóða það nýja velkomið.
Ljósmynd/Einar Bragi Bragason
Birta Flugeldar lýsa upp vetrarmyrkið um áramótin.
Ungir
glöddust