Morgunblaðið - 11.03.2008, Blaðsíða 2

2 ÞRIÐJUDAGUR 11. MARS 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann
Björnsson, fréttastjóri, bjb@mbl.is Daglegt líf Anna Sigríður Einarsdóttir, annaei@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi,
gudlaug@mbl.is Minningar minning@mbl.is, Stefán Ólafsson, Arnór Ragnarsson Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Sigurlaug Jakobsdóttir, dagskra@mbl.is mbl.is netfrett@mbl.is Guðmundur
Sv. Hermannsson fréttastjóri gummi@mbl.is
SUMIR er stundum dálítið seinir að taka niður jóla-
ljósin. Hjá mörgum er þetta trassaskapur en einnig
taka sumir meðvitaða ákvörðun um að leyfa ljósunum
að vera á sínum stað þó að jólahátíðin sé löngu liðin.
Flestir eru þó sammála um að þegar kemur fram á vor-
ið er frekar einkennilegt að horfa á jólaljós. Í gær voru
starfsmenn Orkuveitu Reykjavíkur að taka niður jóla-
ljós á Austurvelli.
Morgunblaðið/Golli
Jólaljósin á Austurvelli að víkja
Starfsmenn Orkuveitunnar ljúka frágangi eftir jólin
MJÓLKA ehf. og Auðhumla svf.
hafa komist að samkomulagi um að
Auðhumla muni héðan í frá annast
söfnun mjólkur frá mjólk-
urframleiðendum beggja félag-
anna. Að undanförnu hafa umtals-
verðar hækkanir orðið á eldsneyti,
aðföngum og öðrum rekstrar-
þáttum sem eru mjög íþyngjandi
fyrir starfsemina, að því er segir í
fréttatilkynningu.
„Með þessari sameiginlegu
ákvörðun njóta bæði félögin ávinn-
ings af betri nýtingu flutningstækja
og lægri rekstrarkostnaðar við að
koma mjólk frá mjólkurframleið-
endum til vinnslustöðva. Mjólk-
ursamsalan ehf. mun annast fram-
kvæmd og rekstur mjólkursöfnun-
ar.“
Samkomulagið nær einungis til
söfnunar á mjólk frá framleið-
endum, en fyrirtækin ætla að keppa
um aðra þætti í starfseminni.
Ætla að
nota sömu
mjólkurbílana
LÖGREGLAN á Vestfjörðum hand-
tók í gærmorgun skipstjóra á dag-
róðrabáti vegna gruns um ölvun en
báturinn var þá nýlagstur að
bryggju eftir stuttan róður á miðin.
Tveir voru í áhöfn bátsins. Fátítt er
að skipstjórnendur séu handteknir
vegna gruns um ölvun.
Skipstjórnendur mega ekki
neyta áfengis við störf
Að sjálfsögðu er bannað að sigla
undir áhrifum áfengis, bæði með
ákvæðum í siglingalögum og áfeng-
islögum. Í 238. grein siglingalaga
segir að enginn megi stjórna eða
reyna að stjórna skipi, stjórna skipa-
ferðum eða veita öryggisþjónustu
vegna skipaferða ef hann er undir
áhrifum áfengis. Mörkin eru dregin
við 0,5 prómill vínanda í blóði en sé
magnið svo mikið eða meira telst við-
komandi óhæfur skipstjórnandi.
Þessi ákvæði eiga við um stjórnend-
ur sérhvers fljótandi fars, óháð
lengd eða knúningsmáta.
Grunaður
um ölvun
við skip-
stjórn
LÖGREGLA fann tvö skotvopn,
fíkniefni og önnur vopn í tveimur
húsleitum í gærmorgun. Fjórir
voru handteknir vegna málsins en
þess fimmta var leitað.
Húsleitirnar voru gerðar af rann-
sóknardeild lögreglunnar á höf-
uðborgarsvæðinu, hundadeild sama
embættis og sérsveit ríkislög-
reglustjóra. Skotvopnunum sem
fundust hafði verið stolið úr heima-
húsi í Hafnarfirði á föstudag.
Fundu vopn og
handtóku fjóra
DRENGURINN
sem fékk heila-
blæðingu á fim-
leikaæfingu hjá
Gerplu í Kópa-
vogi í síðustu
viku lést á Land-
spítalanum á
sunnudag. Hann
hét Jakob Örn
Sigurðarson,
fæddur 21. júní
1997, til heimilis að Dynsölum 10 í
Kópavogi.
Jakob Örn var að klifra í kaðli
ásamt félögum sínum þegar hann
veiktist skyndilega og rann niður
kaðalinn. Hann lenti á tvöfaldri
dýnu og fékk því ekki mikið högg.
Félagar hans kölluðu strax eftir
hjálp og fékk hann fyrstu aðhlynn-
ingu hjá sjúkraflutningamanni og
sjúkraþjálfara sem voru á staðnum
við þjálfun.
Minningarstund, sem séra Guð-
mundur Karl Brynjarsson annast,
verður haldin í Digraneskirkju
klukkan 20 í kvöld, þriðjudags-
kvöld.
Lést úr
heilablæðingu
Jakob Örn
Sigurðarson
HANNES Hlífar Stefánsson er efst-
ur ásamt kínverska stórmeist-
aranum Wang Hao á Alþjóðlega
Reykjavíkurmótinu í skák. Hannes
sigraði ísraelska stórmeistarann
Victor Mikhalevski í gær og hefur
því hlotið 6,5 vinninga ásamt Wang
Hao. Björn Þorfinnsson sigraði
lettneska stórmeistarann Nor-
munds Miezis en með frammistöðu
sinni hefur Björn náð sínum þriðja
áfanga að alþjóðlegum meistaratitli
og hefur þegar farið yfir 2.400
skákstig.
Skákmótinu lýkur í dag, 11.
mars.
Hannes og
Hao efstir
ÞRIGGJA daga könnunarleiðangri
yfir Íslandi og Grænlandshafi, sem
hefur það að markmiði að mæla
vinda og veður, lýkur í dag. Að sögn
Haraldar Ólafssonar, prófessors í
veðurfræði við HÍ, sem stýrir verk-
efninu, er hér um að ræða rannsókn
sem unnin er í samvinnu við Veð-
urstofu Íslands, Norska rannsókn-
arráðið, Þýsku lofthjúpsrann-
sóknamiðstöðina og evrópskan
rannsóknarsjóð, er fjármagnar leið-
angurinn sem kostar 20 millj. kr.
Fengin var til landsins lítil hrað-
fleyg Falcon-þota, sú eina sinnar
tegundar í heiminum sem útbúin er
leysigeislatæki sem mælt getur vind
í töluvert mikilli fjarlægð frá þot-
unni. „Tækið sendir geisla niður að
yfirborði jarðar og geislinn nemur
smáagnir í loftinu en hægt er að
reikna vindstyrkinn út frá hreyfingu
þessara agna,“ segir Haraldur. Í
fyrradag var flogið yfir Grænlands-
hafi, í gær yfir Hofsjökul, Langjökul
og vestanverðan Vatnajökul og í dag
stendur til að fljúga yfir Snæfells-
nesi, Breiðafirði og Norðurlandi.
Að sögn Haraldar vakir sér-
staklega fyrir rannsakendum að
mæla staðbundna vindstrengi og
skjól í tengslum við fjöll hérlendis.
Spurður hvernig könnunarstaðirnir
hafi verið valdir segir Haraldur það
stýrast af veðurspá, þ.e. hvar ein-
hverja vinda hafi verið að finna. Að-
spurður segist Haraldur ekki geta
neitað því að ágætt hefði verið að fá
hvassari vinda rétt á meðan rann-
sóknin færi fram. „En þessi hægi
vindur sem nú ríkir er raunar líka
áhugaverður, því við þær aðstæður
myndast oft vindstrengir sem skera
sig með meira áberandi hætti frá
veðurlaginu almennt á landinu.“
Spurður um markmið rannsókn-
arinnar segir Haraldur vonir manna
standa til að hægt verði að fá út úr
þessu betri tæki til þess að spá veðri,
bæði staðbundið en ekki síður til að
spá lengra fram í tímann. „Ef okkur
tekst að sýna fram á að straumarnir
hérna við Ísland skipti sköpum fyrir
ofsaveður yfir Bretlandi, sem er
mjög líklegt að komi í ljós, þá er al-
veg ljóst að til þess að hægt sé að
spá nákvæmlega um þróun veð-
urfars á meginlandi Evrópu þarf að
spá jafn vel fyrir Íslandi,“ segir Har-
aldur og bendir á að það myndi þýða
að Ísland og Grænland yrðu tekin
með inn í reikninetin sem stóru veð-
urstofurnar í Evrópu nota til að spá
100 ár fram í tímann sem svo aftur
myndi þýða að betri veðurfarsspár
myndu fást fyrir Ísland.
Rannsóknarflug Haraldur Ólafsson, Andreas Wiegele og Axel Amedik.
Líkur á að straumar yfir Íslandi
skipti sköpum fyrir ofsaveður
Ljósmynd/Christian Mallaun
Eftir Guðna Einarsson
gudni@mbl.is
FYRSTU aðgerðir ríkisstjórnarinn-
ar í húsnæðismálum, sem boðaðar
voru í tengslum við nýgerða kjara-
samninga, fylgja fljótlega í kjölfar
þess að samningarnir verða sam-
þykktir, að sögn Jóhönnu Sigurð-
ardóttur félagsmálaráðherra. Þegar
er hafinn undirbúningur að aukn-
ingu húsaleigubóta og kvaðst Jó-
hanna vona að samkomulag næðist
mjög fljótlega milli ríkis og sveitar-
félaga um kostnaðarskiptingu
þeirra í milli vegna húsaleigubót-
anna.
Nú eru tæplega þrjú þúsund
manns á biðlistum eftir leiguíbúð-
um. Mjög á að fjölga lánsvilyrðum
með niðurgreidd-
um vöxtum til fé-
lagslegra leigu-
íbúða og verða
þau 750 á næsta
ári og jafnmörg á
ári næstu þrjú
árin þar á eftir,
eða alls þrjú þús-
und leiguíbúðir.
„Með upp-
byggingu á 750
leiguíbúðum á ári vona ég að okkur
takist að ganga verulega á þessa
biðlista,“ sagði Jóhanna. Hún sagði
húsnæðissparnaðarreikninga krefj-
ast talsvert mikils undirbúnings í
samvinnu fjármálaráðuneytis og fé-
lagsmálaráðuneytis og liggur tíma-
setning þeirra ekki ljós fyrir nú. Þá
er unnið í fjármálaráðuneytinu að
undirbúningi niðurfellingar stimpil-
gjalda vegna kaupa á fyrstu íbúð.
„Þetta er allt í undirbúningi og
það mun ekki standa á okkur þegar
niðurstöður atkvæðagreiðslna sem
fram fara vegna kjarasamninga
liggja fyrir,“ sagði Jóhanna.
Mikilvægt er að tímasetja rétt að-
gerðir fyrir þá sem eru að kaupa
sína fyrstu íbúð, að mati Jóhönnu.
Hún sagði að staðan á fjármála-
mörkuðum nú og mjög hátt vaxta-
stig væru ekki kjöraðstæður fyrir
fólk sem ætlaði að festa kaup á sinni
fyrstu íbúð. Sagði Jóhanna að skoða
yrði aðgerðir fyrir fyrstuíbúðakaup-
endur með það í huga að þær kæmu
bæði þeim og fjármálamarkaðnum í
heild sem best.
Aðgerðir í húsnæðismálum bíða
samþykktar kjarasamninga
Jóhanna
Sigurðardóttir
Í HNOTSKURN
»Í yfirlýsingu ríkisstjórn-arinnar frá 18. febrúar sl. í
tengslum við kjarasamninga var
m.a. kveðið á um aðgerðir í hús-
næðismálum.
»Hámark húsaleigubóta verð-ur hækkað sem og sérstakar
húsaleigubætur. Samanlagt geta
þær orðið 70.000 kr. Þá verður
félagslegum leiguíbúðum fjölg-
að.
»Eignaskerðingarmörk vaxta-bóta verða hækkuð um 35%
og gert ráð fyrir að stimpilgjöld
vegna lána til kaupa á fyrstu
fasteign falli niður.