Morgunblaðið - 11.03.2008, Blaðsíða 36

■ Fim. 13. mars kl. 19.30
Páskatónleikar
Söngsveitin Fílharmónía og evrópskir einsöngvarar í fremstu röð
taka þátt í flutningi Þýskrar sálumessu eftir Johannes Brahms,
eins mesta snilldarverks kórbókmenntanna.
Hljómsveitarstjóri: Johannes Fritsch
Einsöngvarar: Dorothee Jansen og Terje Stensvold
Kór: Söngsveitin Fílharmónía
Kórstjóri: Magnús Ragnarsson
■ Lau. 15. mars kl. 17.00
Kristallinn – kammertónleikaröð í Þjóðmenningarhúsinu
Kvartett fyrir endalok tímans eftir Messiaen er eitt áhrifaríkasta
snilldarverk tuttugustu aldarinnar.
■ Lau. 29. mars kl. 14.00
Maxímús Músíkús - Tónsprótatónleikar
Músin Maxímús Músíkus villist inn á æfingu og tónleika hljóm-
sveitarinnar. Tónleikar í tilefni af útkomu samnefndrar barnabókar
Hallfríðar Ólafsdóttur flautuleikara með myndum eftir Þórarin Má
Baldursson víóluleikara.Miðasala
S. 545 2500
www.sinfonia.is
Stratocasterinn hefur
þá náttúru að menn
gera hann að sínum og spila
hann inn í sálarlífið… 43
»
reykjavíkreykjavík
NOKKUÐ hörð ritdeila hefur bloss-
að upp á milli Bubba Morthens og
Birgis Arnar Steinarssonar (Bigga í
Maus) ritstjóra tónlistartímaritsins
Monitor. Forsaga málsins er leiðari
sem birtist í fimmta tölublaði Moni-
tors nú í febrúar en Bubbi vill meina
að þar hafi Biggi verið að reyna
breyta sögu íslenskrar tónlistar frá
1980. Í leiðaranum segir m.a.:
„[Bubbi] hefur aldrei verið leiðandi
afl. Hann er eins og svampur sem
sýgur umhverfi sitt inn og mótar sig
og skoðanir sínar eftir því hvað er í
gangi hverju sinni.[…] Þegar Ísland
var í kreppu og allt var skítt stóð
Bubbi Morthens upp úr hópnum og
hélt í fána pönksins sem aðrir héldu
þó á lofti.“
Falskur tónn Bigga
Þessum orðum mótmælir Bubbi
harðlega á heimasíðu sinni og segir:
„Biggi verður að kyngja því að stað-
reyndin er sú að með Ísbjarnablús
breytti ég íslenskri tónlistarsögu
ásamt Utangarðsmönnum. Sem og
nokkrum öðrum sem fylgdu í kjöl-
farið. Frábið ég mér fleiri tilraunir
til þess að falsa söguna frá manni
sem hefur aldrei geta haldið lagi og
hefur unnið sér það til frægðar að
syngja falskast allra íslenskra tón-
listarmanna á seinni tímum. Sá
falski tónn hrakti hann frá míkrafón-
inum í það að gerast ritstjóri Moni-
tors þar sem sami falski tónninn
hljómar í skrifum hans.“
Bubbi og Biggi í hár saman
Rokkrígur Leiðari Bigga í tónlistartímaritinu Monitor varð tilefni að harð-
orðu svari Bubba Morthens á heimasíðu þess síðarnefnda.
 Bókamark-
aðnum lauk nú á
sunnudaginn en
næst flyst mark-
aðurinn til Ak-
ureyrar og verður
þar yfir páskana.
Flestir eru sam-
mála um að vel hafi tekist til í ár en
eitt sem hjálpaði til var að bóka-
rýnar Kiljunnar, Páll Baldvin Bald-
vinsson og Kolbrún Bergþórs-
dóttir, mæltu með fimm titlum
hvort í þættinum síðasta miðviku-
dag. Þegar Kolbrún sjálf mætti á
markaðinn á laugardeginum fékk
hún vart frið frá fólki sem hélt uppi
bókum og vildi að hún veitti valinu
blessun sína. Uppáhaldsbækur Kol-
brúnar seldust upp, til að mynda
Frú Bovary og Ljós í ágúst eftir
Faulkner.
Spurning um að flytja
Kolbrúnu með norður?
 Hljómsveitin
Bloodgroup kom
nýverið heim til
Íslands eftir að
hafa haldið sjö
tónleika á aðeins
níu dögum víðs
vegar um Evr-
ópu. Í Danmörku
spilaði sveitin í Árósum fyrir há-
skólanema, kvöldið eftir í Porto í
Portúgal og svo voru þrennir tón-
leikar í Lundúnum, þar af tvennir á
vegum EMI og Universal, en við-
ræður standa yfir við bæði þessi út-
gáfufyrirtæki.
Síðasta stoppið var svo í Osló á
By:Larm hátíðinni. Þar að auki er
það að frétta af sveitinni að henni
hefur verið boðið að spila á Hróars-
keldu-hátíðinni í sumar.
Blóðflokkur í útrás
Eftir Jóhann Bjarna Kolbeinsson
jbk@mbl.is
„ÞETTA var alveg geðveik tilfinning,“ segir
Stefanía Svavarsdóttir sem sigraði í söngkeppni
Samfés, samtaka félagsmiðstöðva, sem haldin
var í Laugardalshöll á laugardaginn. Alls voru
30 atriði úr félagsmiðstöðvum víðs vegar af land-
inu í keppninni.
„Ég tók líka þátt í fyrra og þá var mikið talað
um okkur þegar við vorum búin að flytja atriðið,
en svo höfnuðum við ekki í þremur efstu sæt-
unum sem voru smávegis vonbrigði. Þannig að
það var æðislegt að vinna í ár.“
Aðspurð segist söngkonan unga ekki hafa bú-
ist við að sigra. „Ég var búin að fara yfir lagalist-
ann og sjá að þetta voru allt svo flott og krefj-
andi lög sem voru í keppninni,“ segir hún.
Um 3.000 manns voru á keppninni á laug-
ardaginn, en þótt Stefanía sé aðeins 15 ára segir
hún það ekki hafa verið sérstaklega stressandi
að syngja fyrir slíkan fjölda. „Þetta var að vísu
rosalega stressandi áður en ég fór á svið, en svo
þegar ég var komin þangað hvarf það alveg. En
ég er líka frekar vön, enda í hljómsveit,“ segir
Stefanía, en umrædd sveit heitir því sérstaka
nafni Bob Gillan og strandverðirnir. „Við spilum
rosalega mikið af gömlum lögum og höfum mik-
ið verið að spila á árshátíðum og svona,“ út-
skýrir söngkonan.
Það var túlkun hennar á laginu „Fever“ sem
færði henni sigurinn, en lagið er upphaflega frá
árinu 1956 og hafa flytjendur á borð við Ma-
donnu, Elvis Presley og Bob Dylan sungið það
síðan. „Þetta er eitt af uppáhalds lögunum mín-
um og það hentar minni rödd rosalega vel. Það
er líka svolítið öðruvísi því það taka ekki allir
svona gömul lög,“ segir Stefanía sem hefur
sungið frá tíu ára aldri. Hún segir tónlistina að
vissu leyti í fjölskyldunni, þannig hafi ömmusyst-
ir hennar t.d. verið í sveitinni BG og Ingibjörg.
Aðspurð segist Stefanía stefna að því að
syngja meira í framtíðinni. „Það fylgir því nátt-
úrlega töluverð athygli að sigra í svona keppni,
auk þess sem ég fæ stúdíótíma. Það er samt ekki
alveg búið að ákveða hvað ég geri þar. En stefnir
maður ekki bara að því að meika það?“ segir hin
efnilega söngkona að lokum.
„Geðveik tilfinning“
Stefanía Svavarsdóttir sigraði í söngkeppni Samfés á laugardaginn
Morgunblaðið/Valdís Thor
Stórhuga „En stefnir maður ekki bara að því að meika það?“ segir Stefanía Svavarsdóttir sem ætlar sér stóra hluti í tónlistinni.
Í DÁLKI Flugunnar í Morgun-
blaðinu í gær birtust óafsakanleg
ummæli um Gunnar I. Birgisson,
bæjarstjóra í Kópavogi. Bæjarstjór-
inn er hér með beðinn afsökunar á
þeim. Ritstj.
Afsökunarbeiðni