Morgunblaðið - 11.03.2008, Blaðsíða 15

MORGUNBLAÐIÐ ÞRIÐJUDAGUR 11. MARS 2008 15
MENNING
Á GÓUGLEÐINNI, Bókmenntahá-
tíð kvenna, sem haldin var í Iðnó um
helgina, voru sex rithöfundum veitt
Fjöruverðlaunin,
sem veitt voru í
annað sinn. Dóm-
nefnd þótti rek-
inn svo vænn eftir
afstaðið jóla-
bókaflóð, að
ákveðið var að
verðlauna nokkra
höfunda að þessu
sinni.
Auður Ólafs-
dóttir hlaut verð-
launin fyrir skáldsöguna Afleggj-
arann, Elísaet Jökulsdóttir fyrir
söguna Heilræði lásasmiðsins, Sig-
urbjörg Þrastardóttir fyrir ljóða-
bókina Blysfarir, Kristín Helga
Gunnarsdóttir fyrir skáldsöguna
Draugaslóð, Ingunn Ásdísardóttir
fyrir bókina Frigg og Freyja og
Kristín Marja Baldursdóttir fyrir
skáldsögurnar Karitas án titils og
Óreiða á striga.
Í dómnefnd Fjöruverðlaunanna
sátu bókmenntafræðingarnir Þóra
Sigríður Ingólfsdóttir og Soffía Auð-
ur Birgisdóttir, auk rithöfundarins
Olgu Guðrúnar Árnadóttur.
Ritsmiðja var á Góugleðinni, und-
ir stjórn Silju Aðalsteinsdóttur, sem
las síðan afraksturinn. Margrét Lóa
Jónsdóttir las ljóð og Ólöf Arnalds
flutti eigin tónlist.
Sex fengu
verðlaun
Fjöruverðlaunin
veitt í annað sinn
Kristín Marja
Baldursdóttir
SAFNARAR,
sýningastjórar,
safnstjórar og
uppboðshaldarar
– auk unnenda
fagurra lista –
hafa flykkst til
Maastricht í Hol-
landi síðustu
daga. Evrópski
fagurlista-
markaðurinn var
opnaður fimmtudaginn var, fyrst í
stað einungis fyrir boðsgesti, sem
voru um 9.500 og hafa aldrei verið
fleiri. Áætlað er að um 76.000 gestir
mæti.
Til sýnis og sölu eru verk frá síð-
ustu öldum, merkileg húsgögn og
antík. Hvað mest athygli hefur
beinst að sjálfsmynd sem Rem-
brandt málaði árið 1632, þegar hann
var 26 ára; á verðmiðanum stendur
27,7 milljónir punda.
„Salan virðist minni í ár; fólk sem
fjárfestir í hlutabréfum lætur minna
fyrir sér fara,“ sagði einn galleristi.
Á opnunardaginn rændi þjófahóp-
ur demantahálsfesti frá 1948 sem
metin er á um 130 milljónir króna.
Rembrandt
til sölu
Sjálfsmynd
Rembrandts.
HAGÞENKIR, félag höfunda
fræðirita og kennslugagna,
stendur á miðvikudagskvöldið,
12. mars klukkan 20.00, fyrir
kynningu á fræðiritum sem til-
nefnd eru til Viðurkenningar
Hagþenkis, sem afhent verður
19. mars. Kynningin verður í
Te & kaffi, Bókabúð Máls og
menningar á Laugavegi.
Lesið verður úr Sverris
sögu, í umsjón Þorleifs Hauks-
sonar; Við brún nýs dags, eftir Þorleif Frið-
riksson; Silfur hafsins - Gull Íslands, í ritstjórn
Hreins Ragnarssonar; Byggðasögu Skagafjarðar
IV, eftir Hjalta Pálsson; og Bannfæringu og
kirkjuvaldi, eftir Láru Magnúsardóttur.
Fræði
Kynning á
tilnefndum bókum
Þorleifur
Friðriksson
SINFÓNÍUHLJÓMSVEIT
unga fólksins heldur tónleika í
Langholtskirkju í kvöld,
þriðjudag, kl. 20.00. Leikin
verða Sinfónía númer 4 eftir
Jóhannes Brahms, Sinfóníetta
eftir Þórð Magnússon og tvö
ungversk verk fyrir klarinettu
og hljómsveit eftir Leo Weiner
og Mihály Hajdu. Hljómsveitin
fær til liðs við sig Freyju
Gunnlaugsdóttur, klarinettu-
leikara, sem leikið hefur með mörgum helstu
hljómsveitum Evrópu.
Sinfóníuhljómsveit unga fólksins er skipuð 54
tónlistarnemum. Stjórnandi hljómsveitarinnar er
Gunnsteinn Ólafsson.
Tónlist
Leika verk eftir
Brahms og Þórð
Freyja
Gunnlaugsdóttir
GRÉTAR Þ. Hjaltason hefur
opnað sýningu á nýjustu mál-
verkum sínum í Listagjá Bæj-
ar- og héraðsbókasafnsins á
Selfossi. Mun sýningin standa
út marsmánuð.
Um er að ræða fjórtán
myndverk sem Grétar málaði
á liðnu ári og einnig nú í upp-
hafi ársins 2008.
Myndefnið sækir listamað-
urinn einkum til Selfoss og
nánasta umhverfis bæjarins. Myndirnar eru ým-
ist málaðar með olíulitum, olíupastel eða vatns-
litum. Grétar hefur áður haldið einkasýningar á
verkum sínum, meðal annars í Eden í Hvera-
gerði.
Myndlist
Grétar sýnir
í Listagjánni
Grétar Þ.
Hjaltason
Eftir Gunnhildi Finnsdóttur
gunnhildur@mbl.is
Í HAUST tekur Hrefna Haralds-
dóttir við starfi listræns stjórnanda
Listahátíðar í Reykjavík, en þar hef-
ur Þórunn Sigurðardóttir staðið í
brúnni frá því árið 2000. Hrefna er
flestum hnútum kunnug í undirbún-
ingi hátíðarinnar því hún hefur verið
framkvæmdastjóri hennar síðast-
liðin sjö ár. Hún er bókmenntafræð-
ingur að mennt og því liggur beint
við að spyrja hvort bókmenntirnar
fái hærri sess á hátíðinni en hingað
til? „Já, ég er ekki frá því. Það væri
gaman að hafa slík verkefni á dag-
skrá hátíðarinnar eins og reyndar
dæmi eru um í sögu hennar.“
Ekki mikil bylting
Hún segir þó ekki von á róttækum
breytingum á hátíðinni frá því sem
verið hefur. „Ég sé ekki fyrir mér
mikla byltingu. Áherslan hjá mér
verður svipuð og verið hefur. Hátíð-
in hefur markað sér ákveðna stefnu
á langri leið þannig að ég sé fyrir
mér að hátíðin verði áfram góð
blanda af innlendum og erlendum
atburðum og stórum nöfnum í bland
við nýja listamenn sem ekki hefur
sést mikið til áður. Það finnst mér
vera heppileg blanda, en alltaf þann-
ig að gæðin séu í fyrirrúmi. Mig
myndi langa að höfða til sem flestra
án þess að það þýði einhverja út-
þynningu. Hátíðin stendur mjög vel,
ég tek við góðu búi af Þórunni og
mér finnst það vera mín skylda að
halda þeirri stefnu.“
Hingað til hafa listamenn oft boð-
ið fram viðburði sem síðan hafa verið
haldnir undir fána Listahátíðar. En
finnst Hrefnu ástæða til þess að hafa
oftar frumkvæði að viðburðum?
„Hátíðin hingað til hefur staðið
fyrir mörgum mjög framsæknum
verkefnum sem hafa verið búin til
sérstaklega fyrir hana. En að sjálf-
sögðu þá þurfum við líka að flytja
inn listamenn sem eru búnir að
skapa sér nafn, en alltaf samt á
toppnum eða á leiðinni þangað. Það
finnst mér mikilvægt, að slaka ekki á
kröfum. En ég sé marga möguleika
á gríðarlega spennandi samstarfs-
verkefnum meðal innlendra lista-
stofnanna og búa til ný verkefni með
einstaklingum og stofnunum. Það
væri líka hægt að koma á samstarfi
innlendra og erlendra listamanna,
ég sé fjölmargar leiðir til þess. Ég
vonast til þess að vinna að slíkum
verkefnum,“ segir Hrefna, en vill
ekki fara frekar út í þá sálma því
undirbúningur sé enn á frumstigi.
Fjármagnið til listanna
Litlar breytingar verða á starfs-
mannahaldi með nýjum listrænum
stjórnanda. „Stjórn mun ráða nýjan
framkvæmdastjóra í minn stað með
haustinu, en mannahald verður með
svipuðu sniði. Ég held að við séum
komin niður á góða lausn í þeim efn-
um því hátíðin stendur mjög vel og
ég vil rugga bátnum sem minnst á
því sviði.“ Hrefna segist ekki munu
ráða fleira fólk til að skipuleggja
dagskrá hátíðarinnar. „Það er hlut-
verk stjórnanda listahátíðar að setja
saman og bera ábyrgð á dagskránni.
Stjórnandinn hefur svo dag-
skrárnefnd sem í sitja ráðgjafar
hans og engin breyting verður á því
fyrirkomulagi. En hin endanlega
ábyrgð er hjá stjórnandanum. Við
vinnum líka inni í ákveðnum fjár-
hagsramma og markmiðið er að sem
stærstur hluti fjármagnsins renni
aftur til listanna.“
Síðustu vikur hafa bankarnir og
önnur stórfyrirtæki dregið saman
seglin í styrkveitingum sínum til
menningarstarfs. Listahátíð í
Reykjavík er að stóru leyti fjár-
mögnuð með styrkjum einkafyr-
irtækja, en Hrefna óttast ekki um
framhaldið. „Ég er ekki farin að
skoða þau mál ofan í kjölinn, en ég
er bjartsýn á áframhaldandi sam-
starf við okkar helstu samstarfsaðila
sem hefur verið afar gott. Ég hef
enga ástæðu til annars en að ætla að
það haldi áfram.“
Ný kona í brúnni
 Bókmenntafræðingurinn Hrefna Haraldsdóttir tekur við stjórn Listahátíðar í
Reykjavík í haust  „Hátíðin stendur mjög vel, ég tek við góðu búi af Þórunni“
Morgunblaðið/RAX
Nýr stjórnandi Hrefna er ekki frá því að bókmenntirnar fái hærri sess á
Listahátíð í Reykjavík undir hennar stjórn.
Í HNOTSKURN
»Listrænn stjórnandi Listahá-tíðar er ráðinn til næstu fjög-
urra ára frá og með 1. október
2008.
»Áður en Hrefna tók við fram-kvæmdastjórn Listahátíðar
fyrir sjö árum var hún m.a. fram-
kvæmdastjóri Menningarnætur í
Reykjavík, Kaffileikhússins og
Stúdentaleikhússins.
»Hrefna kenndi íslensku íMenntaskólanum við Hamra-
hlíð og hefur einnig gert sjón-
varpsþætti um íslenska rithöf-
unda og bókmenntir.
Eftir Einar Fal Ingólfsson
efi@mbl.is
Í SÝNINGARSÖLUM Norræna
hússins opnaði um liðna helgi sýning
á textílverkum Trine Ellitsgaard,
sem er dönsk en hefur síðustu tvo
áratugi búið og starfað í hinni fögru
borg Oaxaca í Suður-Mexíkó.
„Ég held ég sæki meira til bak-
grunnsins í Danmörku en umhverf-
isins í Oaxaca,“ segir Ellitsgaard.
Verk hennar hafa vissulega norræn
einkenni, eru hrein í formum og ná-
kvæm í litanotkun, en efnisnotkun er
óvenjuleg; þarna blandast saman
hefðbundin vefnaðarefni og þurrk-
aðar garnir, fiskilínur og gerviefni.
„Oft þegar fólk sér verkin segist
það sjá að ég bý í Mexíkó. Ég hef
vissulega orðið fyrir áhrifum af því
að fylgjast með eiginmanni mínum
vinna, að sjá hvað hann er frjáls í
vinnubrögðum.“ Eiginmaðurinn er
Francesco Toledo, einn kunnasti
samtímalistamaður þjóðar sinnar.
„Meðan ég bjó í Danmörku var meiri
agi í verkunum. Nú geri ég meiri til-
raunir. Ég hafði ekki eins gaman af
tilraunum þegar ég var yngri.“
Ólíkt Norðurlöndum, þar sem er
rík hefð fyrir textíl sem list, segir
hún að í Mexíkó sé textíll nær ein-
göngu metinn af notagildinu. „Á
mörgum svæðum klæðist fólk til að
mynda ennþá hefðbundnum fötum.
Ég er hér með eitt verk sem ég
geri úr pilsum úr hrosshári sem kon-
urnar í tilteknum ættbálki klæðast
enn í dag.“
Hvað finnst gömlum kollegum í
Danmörku um verk hennar núna?
„Þeim finnst ég hafa breyst mikið.
Ég fékk að heyra það þegar ég sýndi
síðast í Kaupmannahöfn. Í Mexíkó
eru hefðbundnir vefarar mjög
áhugasamir um það sem ég er að
gera. Þeir hafa ofið á sama hátt,
kynslóð eftir kynslóð, en allt í einu
sjá þeir allt aðra nálgun. Þeim finnst
það líka forvitnilegt.“
Er nú meira í tilraunum
Morgunblaðið/Einar Falur
Tilraunir „Það er forvitnilegt að taka nytjahluti úr samhengi,“ segir
Ellitsgaard. Verkið er úr skífum sem diskar eru þvegnir með í Mexíkó.
Trine Ellitsgaard er danskur vefari sem býr í Mexíkó
♦♦♦