Morgunblaðið - 11.03.2008, Blaðsíða 17

MORGUNBLAÐIÐ ÞRIÐJUDAGUR 11. MARS 2008 17
SUÐURNES
Þingeyjarsveit | Sveitarstjórn
Þingeyjarsveitar hefur ákveðið að
leggja tillögu um sameiningu við
Aðaldælahrepp í almenna atkvæða-
greiðslu hreppsbúa. Atkvæða-
greiðslan fer fram fyrir 10. maí
næstkomandi.
Fyrir skömmu urðu meirihluta-
skipti í sveitarstjórn Þingeyjar-
sveitar vegna afstöðu til aðferða við
sameiningu við Aðaldælahrepp.
Meirihluti íbúa Þingeyjarsveitar
samþykkti sameiningu í haust
ásamt íbúum Aðaldælahrepps en
íbúar þriðja sveitarfélagsins,
Skútustaðahrepps, höfnuðu. Nýr
meirihluti stefndi að samþykkt til-
lögu sameiningarnefndar um sam-
einingu sveitarfélaganna tveggja án
nýrra sameiningarkosninga. Tillaga
um það hefur legið fyrir sveit-
arstjórn og einnig tillaga minni-
hlutans um að ekki verði sameinað
án nýrra kosninga. Þá hafa verið
lagðir fram listar með undir-
skriftum 238 íbúa þar sem þess er
óskað að ekki verði gengið til sam-
einingar án undangenginnar at-
kvæðagreiðslu.
Vonast eftir betri sátt
Á aukafundi sem haldinn var í
sveitarstjórn Þingeyjarsveitar í
gær greiddu sex af sjö fulltrúum
atkvæði með tillögu oddvita um
skipan samstarfsnefndar Aðaldæla-
hrepps og Þingeyjarsveitar með
það að markmiði að sveitarfélögin
verði sameinuð. Kosið verði um
sameiningu eigi síðar en 10. maí.
Erlingur Teitsson, oddviti Þing-
eyjarsveitar, segir að tilgangurinn
með þessari samþykkt sé að ná
betri sátt í sveitarfélaginu um mál-
ið.
Ný atkvæða-
greiðsla um
sameiningu
Eftir Sigfús Má Þorsteinsson
Hornafjörður | Áhersla var lögð á
nýsköpun í atvinnumálum og um-
hverfisvæna framtíðarsýn á Austur-
þingi Framtíðarlandsins. Stefnt var
saman hugmyndaríku og kraftmiklu
fólki úr atvinnulífinu og menningar-
geiranum og þeim sem koma að ný-
sköpun.
Framtíðarlandið og Nýheimar
efndu til Austurþings í Nýheimum á
Höfn í Hornafirði sl. laugardag.
Þingið var hið þriðja í röð lands-
hlutaþinga sem Framtíðarlandið
stendur fyrir í vetur. Vesturþing var
haldið í nóvember í fyrra og Reykja-
nesþing nú í febrúar sl.
Hagleikssmiðja á Hornafirði
Þeir Ari Þorsteinsson, fram-
kvæmdastjóri Frumunnar, og Þor-
varður Árnason, forstöðumaður Há-
skólasetursins, kynntu meðal annars
verkefnin Economuseum Northern
Europe og NEED, Northern Envir-
onment Education Development, en
þessi verkefni hafa fengið fjárhags-
legan stuðning upp á rúmar 50 millj-
ónir frá Norðurslóðaáætlun Evrópu.
Ari og Þorvarður leiða verkefnin fyr-
ir Íslands hönd.
Það er Fruman í Nýheimum sem
leiðir Economuseum Northern
Eurpoe en Þekkingarnet Austur-
lands er samstarfsaðili í verkefninu.
Verkefnið er samstarfsverkefni
nokkurra landa.
Að sögn Ara Þorsteinssonar er
markmið verkefnisins að hagnýta
sér reynslu og þekkingu sem skapast
hefur í árangursríku sambærilegu
verkefni frá Kanada. Economus-
eum-verkefnið sameinar menningu,
handverk og ferðamennsku til að
mynda grundvöll fyrir handverks-
fólk sem notar að stærstum hluta
aldagamlar aðferðir til að skapa ný
störf. Verkefnið nýtist við þróun við-
skiptahugmynda og sýningahald,
einnig kennslu og þjálfun ungs fólks.
„Við höfum kallað það hagleiks-
smiðju á íslensku,“ segir Ari Þor-
steinsson framkvæmdastjóri Frum-
unnar.
Fræðandi ferðaþjónusta
Hitt verkefnið, NEED, er sam-
starfsverkefni Íslands, Finnlands,
Noregs og Íslands og eru íslenskir
þátttakendur fyrir utan Rannsókna-
setur Háskóla Íslands í Nýheimum,
Háskólasetrið Húsavík, Þjóðgarður-
inn Jökulsárgljúfrum, Þróunarstofa
Austurlands, Kirkjubæjarstofa,
Þjóðgarðurinn Skaftafelli og sveitar-
félögin Hornafjörður, Skaftárhrepp-
ur, Fljótsdalshérað og Norðurþing.
Umsjón með verkefninu hefur Há-
skólasetrið á Höfn.
Fram kom hjá Þorvarði Árnasyni
að eitt meginmarkmið verkefnisins
væri að bæta og auka umhverfis-
kennslu og nýsköpun á sviði fræð-
andi ferðaþjónustu í samstarfi við
tengda aðila með áherslu á jarð-
fræðisögu, mótun lands og umhverf-
ismál. „Með slíkri miðlun er leitast
við að hafa áhrif á viðhorf ferða-
manna til umhverfis og sjálfbærrar
nýtingar,“ segir Þorvarður Árnason
forstöðumaður Háskólaseturs á
Höfn.
Fyrirlesarar voru ýmist heima-
menn eða utanaðkomandi sem allir
áttu sameiginlegt að láta sig framtíð
landsbyggðarinnar varða, þ.m.t. at-
vinnumál, menntun og almenn lífs-
gæði. Þá fluttu fjórir gestafyrirles-
arar erindi og tengist hvert þeirra
einni af fjórum meginstoðum Ný-
heima, þ.e. nýsköpun, menntun,
menningu eða rannsóknum. Einnig
var rætt um þróun Nýheima í nán-
ustu framtíð og möguleika á útrás
Nýheimahugmyndarinnar til ann-
arra sambærilegra samfélaga á
landsbyggðinni og um þekkingar-
miðstöðvar eins og Nýheima sem
boðbera nýrrar hugsunar í byggða-
málum. Þinginu lauk svo með hring-
borðsumræðum í lok dags þar sem
álitsgjafar úr ólíkum áttum gerðu
grein fyrir því sem þeim þótti mark-
verðast á þinginu.
Þinghaldarar voru sáttir við að-
sóknina og sögðu að menn færu af
því fullir af hugmyndum um eflingu
þekkingar og nýrrar hugsunar í
byggðamálum.
Nýheimar eru boðberar nýrrar
hugsunar í byggðamálum
Ljósmynd/Sigfús Már Þorsteinsson
Austurþing Rætt var um nýjar leiðir í byggðamálum og kynnt tvö Evrópu-
verkefni sem stjórnað er frá Hornafirði á Austurþingi Framtíðarlandsins.
Evrópuverkefni
kynnt á Austur-
þingi á Hornafirði
Nýheimar Margvísleg starfsemi fer
fram í húsnæði Nýheima.
LANDIÐ
Eftir Svanhildi Eiríksdóttur
Reykjanesbær | „Ég sagði einum
kennara mínum frá því að ég hefði
lært að syngja og þannig fréttist að
ég gæti sungið. Eftir það var ég
hvattur til að taka þátt í Hljóðnem-
anum,“ sagði Emanuele Pugi,
skiptinemi frá Ítalíu, sem hefur bú-
ið í Reykjanesbæ í vetur og stund-
ar nám í Fjölbrautaskóla Suður-
nesja (FS). Hann sigraði á
dögunum í Hljóðnemanum,
söngvakeppni FS, í félagi við vin
sinn Davíð Má Gunnarsson.
Davíð er nú að vinna íslenskan
texta við sigurlagið þeirra, „Total
eclipse of the heart“, fyrir úrslita-
kvöld í Söngvakeppni framhalds-
skóla sem fram fer á Akureyri 12.
apríl næstkomandi. Emanuele, eða
Manu eins og hann er alltaf kall-
aður, tekur auk þess þátt í sýningu
Vox Arena, „Sjénsinn“, og syngur
með kirkjukór Ytri-Njarðvíkur-
kirkju.
Tók tíma að eignast vini
Þegar Ítalinn Emanuele Pugi
kom til Íslands síðastliðið haust
sem skiptinemi var hann ákveðinn í
að eignast íslenska vini. Það gekk
hins vegar ekki snurðulaust. Manu
segi Íslendinga ekki vera mjög
opna en trausta þegar inn er kom-
ið. „Það tók tíma að eignast vini og
ég var mjög leiður fyrst. Það er
hluti af upplifuninni sem skipti-
nemi að kynnast fólki og læra af
því, ekki bara læra tungumálið.
Núna á ég marga vini bæði stráka
og stelpur og vil alltaf vera með
þeim. Mér líkar vel hvað Íslend-
ingar eru hreinir og beinir og hvað
vinátta þeirra er sönn. Heima á
Ítalíu er fólk miklu opnara en vin-
áttan er ekki eins traust og hér,“
sagði Manu í samtali við blaða-
mann.
Honum hefur tekist ágætlega
upp við að læra tungumálið en eins
og svo mörgum finnst honum ís-
lenskan erfið.
Klassískt söngnám í 10 ár
Ísland var ekki fyrsta val Manu
þegar hann sótti um að komast sem
skiptinemi erlendis. Hann setti
Kanada í fyrsta sæti, Ísland í ann-
að. Og það sem meira var, hugur
hans beindist að höfuðborginni.
Kanada var í huga Manu ímynd
hins frábrugðna en hann segist í
dag vera mjög glaður yfir því að
hafa lent hér, þótt veðrið hafi ekki
alveg verið að hans skapi, of mikill
snjór, of mikil rigning og of kalt.
„Útlendingar hugsa bara um
Reykjavík þegar þeir hugsa um Ís-
land og þannig var það líka hjá
mér. Ég er hins vegar mjög sáttur
að hafa endað hér í Reykjanesbæ.
Þetta er svo passlega stór bær,
maður nær að kynnast samfélag-
inu og fólkinu betur og hér eru
fleiri tækifæri.“
Tækifærin hefur Manu nýtt vel.
Eftir að hafa lært söng á Ítalíu í 10
ár hefur hann góðan grunn.
Kirkjukór Ytri-Njarðvíkurkirkju
hefur í vetur notið krafta hans og
þar hefur Manu einnig fengið leið-
sögn í söng. Poppið tók hins vegar
völdin í byrjun árs þegar spurðist
út í FS að drengurinn gæti sungið
og hann hvattur til að taka þátt í
söngvakeppni skólans, Hljóðnem-
anum. Hann segist vissulega hafa
stefnt að sigri þó að hann hafi ekk-
ert endilega verið viss um að vinna.
Hann segir marga keppendur hafa
verið góða.
Og eftir 10 ára klassískt söng-
nám er Manu að hugsa um að snúa
sér að poppinu. „Já, ég er búinn að
læra klassískan söng en langar að
læra popp þegar ég kem aftur heim
til Ítalíu. Ég ætla líka að fara að
æfa mig aftur á píanó sem ég gerði
í 2 ár þegar ég var yngri, en hætti.
Ég veit að mamma vill að ég haldi
áfram í klassíska náminu en mig
langar í poppið,“ sagði Manu sem
býr í Reggio Emilia ásamt mömmu
og ömmu. Bærinn er lítill á ítalskan
mælikvarða, aðeins á stærð við
Reykjavík en umhverfið allt annað.
„Mér líkar svo vel víðáttan og út-
sýnið á Íslandi. Heima sé ég bara
byggingar,“ sagði Manu að lokum,
nokkuð viss um að hann eigi eftir
að koma aftur til Íslands, þó ekki
fyrr en eftir a.m.k. tvö ár þar sem
við taki strembið nám og undirbún-
ingur undir háskólanám þegar
hann snýr aftur heim til Ítalíu í
júnílok.
Skiptineminn Emanuele Pugi hefur notið dvalarinnar í Reykjanesbæ í vetur
„Hér eru fleiri tækifæri“
Morgunblaðið/Svanhildur Eiríksdóttir
Virkur í félagslífi Emanuele Pugi, skiptinemi frá Ítalíu, býr í Reykja-
nesbæ í vetur og stundar nám við Fjölbrautaskóla Suðurnesja.
Í HNOTSKURN
»Emanuele Pugi hefur veriðí klassísku söngnámi frá 7
ára aldri. Nú langar hann að
skipta yfir í poppið.
»Emanuele mun keppa fyrirhönd Fjölbrautaskóla Suð-
urnesja í Söngvakeppni fram-
haldsskólanna í apríl ásamt
Davíð Má Gunnarssyni.
Reykjanesbær | Framkvæmdir eru að
hefjast við nýja búningsklefa og áhalda-
hús við knattspyrnuvöll Keflavíkur.
Meirihluti bæjarráðs heimilaði Eign-
arhaldsfélaginu Fasteign að hefja fram-
kvæmdir við búningsklefana við Sunnu-
brautarvöll. Framkvæmdin kostar um
66 milljónir kr. Fulltrúar minnihlutans í
bæjarráði greiddu atkvæði á móti og
létu bóka að þeir vildu að bærinn myndi
sjálfur láta byggja slíkt mannvirki.
Fram kom það álit þeirra að Reykjanes-
bær væri að skuldbinda sig til að greiða
að minnsta kosti 450 þúsund kr. á mán-
uði í leigu fyrir þessa 270 fermetra
eign.
Að sögn Stefáns Bjarkasonar, fram-
kvæmdastjóra íþrótta- og tómastunda-
sviðs Reykjanesbæjar, er bygging nýrra
búningsklefa nauðsynleg til að völlurinn
fullnægi kröfum Knattspyrnusambands
Íslands um aðskilnað leikmanna og
dómara frá áhorfendum. Þá er núver-
andi áhaldahús orðið ónýtt. Stefnt er að
því að nýju búningsklefarnir verði tekn-
ir í notkun áður en keppnistímabil
Keflavíkur hefst í vor.
Heimila byggingu
nýs vallarhúss
Sandgerði | Andri Már Elvarsson, hnefa-
leikamaður hjá Hnefaleikafélagi Reykja-
ness, hefur verið kjörinn íþróttamaður
ársins 2007 í Sandgerði að því er fram
kemur á fréttavef Sandgerðinga, 245.is.
Hann var á dögunum einnig valinn hnefa-
leikamaður Reykjanesbæjar.
Að þessu sinni bárust þrjár tilnefningar
til íþróttamanns ársins í Sandgerði og
komu þær frá knattspyrnudeild Reynis,
íþróttaráði Sandgerðisbæjar og Golf-
klúbbi Sandgerðis. Aron Reynisson var til-
nefndur fyrir knattspyrnu, Andri Már Elv-
arsson fyrir hnefaleika og Magnús
Ríkharðsson fyrir golf. Óskar Gunn-
arsson, forseti bæjarstjórnar, afhenti
íþróttafólkinu viðurkenningar.
Viðurkenningar
í tveimur bæjum