Morgunblaðið - 26.03.2008, Blaðsíða 28

28 MIÐVIKUDAGUR 26. MARS 2008 MORGUNBLAÐIÐ
MINNINGAR
✝ Björgvin AntonJónsson fæddist
í Hafnarfirði hinn
11. ágúst 1921.
Hann lést á Hjúkr-
unarheimilinu Sól-
vangi í Hafnarfirði
hinn 14. mars síð-
astliðinn. Foreldrar
hans voru Jón Jóns-
son, kenndur við
Skollagróf, f. 12.
ágúst 1879, d. 26.
okt. 1936 og Guð-
finna Margrét Ein-
arsdóttir, f. í Hauks-
húsum á Álftanesi 10. nóv. 1888, d.
5. ágúst 1982. Þau bjuggu í Hafn-
arfirði. Systkini Björgvins eru:
Halldóra, f. 1. 11. 1909, d. 1999,
Aðalheiður Einarína, f. 23. 8. 1911,
d. 1994, Guðrún, f. 30. 11. 1912,
Ágúst Ottó, f. 28. 6. 1914, d. 1987,
Svanhvít Jónína, f. 29. 10. 1915, d.
2005, Friðrikka Margrét, f. 26. 7.
1918, d. 1990, Sigrún Sumarrós, f.
24. 4. 1920, d. 2006, Jón, f. 1922, d.
1923, Jón Ragnar, f. 16. 8. 1923, d.
1977. 3) Jón Már, f. 1. 7. 1950,
kvæntur Guðrúnu Jónsdóttur.
Börn þeirra eru Heiða Björk, f. 13.
2. 1972, Elva Rut, f. 6. 1. 1979, Ás-
dís Ella, f. 6. 8. 1982, Katrín Diljá,
f. 12. 9. 1984 og Björgvin Már, f.
14. 4. 1993. 4) Guðmundur, f. 10. 1.
1955, kvæntur Stefönu Björk
Gylfadóttur. Börn þeirra eru Gylfi
Þór, f. 29. 8. 1977, Rakel Edda, f.
3. 7. 1983, Haukur Týr, f. 6. 6.
1986, og Ester Eir, f. 13. 8. 1989. 5)
Sigríður Guðný, f. 20. 11. 1958,
gift Randver Randverssyni. Börn
þeirra eru Randver Kári, f. 11. 6.
1981, og Íris Anna, f. 21. 4. 1983.
Björgvin ólst upp í stórum
systkinahópi við Öldugötu í Hafn-
arfirði. Hann stundaði togarasjó-
mennsku frá Hafnarfirði á stríðs-
árunum og fram yfir miðja sl. öld.
Þá tóku við ýmis störf í landi,
lengst af hjá Jóni Gíslasyni, þá
byggingarvinna og loks störf hjá
Ísal í Straumsvík þar til hann lét af
störfum sökum heilsubrests all-
nokkuð um aldur fram. Björgvin
og Rakel reistu sér hús við Hörðu-
velli 4 í Hafnarfirði og bjuggu þar
frá 1945 þar til þau fluttu að Sól-
vangsvegi 1 en síðustu 3 árin
dvaldi Björgvin á Sólvangi.
Björgvin verður jarðsunginn frá
Fríkirkjunni í Hafnarfirði í dag og
hefst athöfnin klukkan 13.
2005, Þórunn Val-
gerður, f. 6. 9. 1925,
Aðalsteinn, f. 2. 10.
1928, og Sigursteinn
Heiðar, f. 18. 8. 1931.
Björgvin kvæntist
22. apríl 1944 Rakel
Guðmundsdóttur, f.
20. 6. 1922. For-
eldrar hennar voru
Sigurlína Magn-
úsdóttir og Guð-
mundur Elíasson,
ættuð frá Örlygshöfn
og Rauðasandi. Börn
Björgvins og Rakelar
eru: 1) Aldís, f. 30. 6. 1942, d. 1989.
Fyrri maður Gunnar Karlsson.
Börn þeirra eru Hjördís Rakel, f.
1. 10. 1960, og Björgvin, f. 16. 9.
1962. Seinni maður Aldísar var
Sigurður H. Sigurbjörnsson, lát-
inn. Sonur þeirra er Sigurður
Freyr, f. 9. 4. 1973. 2) Sigurlína, f.
19. 1. 1944, gift Ögmundi Karvel-
ssyni. Börn þeirra eru Ómar Þór,
f. 22. 5. 1975, Rakel Björk, f. 4. 1.
1977, og Róbert Svanur, f. 21. 12.
Það er ótrúlegt til þess að hugsa að
elsku pabbi sé farinn frá okkur. Síð-
ustu dagar hans voru honum erfiðir
og aðdáunarvert hve staðráðinn hann
var að sigrast á veikindum sínum.
Hann var ekki tilbúinn til að kveðja,
það sáum við svo glöggt. En kraftinn
þvarr smátt og smátt og leið að ævi-
lokum, hann kvaddi okkur föstudag-
inn 14. mars sl. eftir hetjulega bar-
áttu.
Pabbi var sérlega skemmtileg per-
sóna sem heillaði fólk við fyrstu
kynni. Hlýjan og góðmennskan skein
af honum og kátínan var aldrei langt
undan. Kímnigáfa hans var sérstök
og vakti athygli hvar sem hann kom
og laðaði að sér fólk. Það var ekki
hægt annað en að laðast að honum,
með brosið sitt fallega og glettnina í
augum.
Lífið var ekki alltaf dans á rósum
hjá pabba. Tvö alvarleg áföll riðu yfir
með stuttu millibili er hann var í
blóma lífs síns. Með mikilli þraut-
seigju og baráttuvilja náði hann ótrú-
legum bata og gat notið lífsins áfram í
faðmi fjölskyldunnar.
Garðurinn við húsið þeirra mömmu
við Hörðuvelli var hans líf og yndi.
Þær eru í þúsundum taldar stundirn-
ar sem hann varði við að snyrta og
fegra og bar garðurinn þess glöggt
merki. Næstu nágrannar höfðu á orði
að hann Venni hlyti að rækta falleg-
ustu kartöflurnar í bænum, slík var
natnin við kartöflugrösin. Slíkur var
áhuginn og eljusemin við garðrækt-
ina að kvöldmaturinn var oft á tíðum
löngu orðinn kaldur á borðum þegar
pabbi loksins skilaði sér inn úr garð-
inum. Veiðiskapur var eitt af hans að-
al-áhugamálum og voru þær ófáar
veiðiferðirnar sem farnar voru með
honum í Kleifarvatnið á okkar yngri
árum. Sú minnistæðasta er sú þegar
önnur okkar fékk fyrsta fiskinn sinn.
Þegar landa átti fiskinum slapp hann
af önglinum en náðist að handsama
hann við vatnsbakkann inná milli
steinanna. Kölluðum við til pabba að
við skyldum bara halda honum í kafi
á milli steinanna þar til hann myndi
drukkna. Þá hló pabbi dátt. Oft var
þessi veiðiferð rifjuð upp og alltaf hló
pabbi jafn dátt að vitleysunni í okkur
að halda að við gætum drekkt fisk-
inum.
Pabbi var náttúruunnandi og naut
þess að ferðast og skoða sig um. Sá
tími sem hann og mamma nutu með
Aldísi systur og Sigga mági á Björg-
um var honum ómetanlegur. Þar fékk
pabbi sko að veiða í Fljótinu. Naut
fagurs umhverfis og sveitasælunnar.
Sá alltof stutti tími sem við fengum
með þeim hér á jörð var pabba og
fjölskyldunni dýrmætur en þau létust
bæði í blóma lífsins og taka þau nú á
móti pabba.
Við þökkum þér, elsku pabbi, fyrir
allt, minningar um ljúfan og ástríkan
föður geymum við í hjörtum okkar.
Þínar dætur,
Sigurlína og Sigríður Guðný.
Þegar við á yngri árum heimsótt-
um ömmu og afa á Hörðuvelli 4 var
ávallt tekið vel á móti manni og oftar
en ekki með lófataki. Því afi hafði sér-
lega létta lund.
Við eyddum ófáum stundum hjá
afa og ömmu, sérstaklega á sumrin
og oft heilu dögunum. Þá vorum við
hjartanlega velkomin í konungsríki
afa sem var garðurinn hans. Þar undi
hann sér best bæði við leik og störf
því garðurinn hans afa gat verið fót-
boltavöllur, sólarströnd, andagarður,
kartöflugarður, rabarbaragarður,
sundlaugagarður og allt það sem
ímyndunaraflið bauð upp á. En um-
fram allt var þetta garðurinn hans afa
sem hann ræktaði og sinnti af mikl-
um áhuga og alúð. Það var undan-
tekning ef hann var ekki að dútla í
garðinum þegar mann bar að.
Margs er að minnast þegar við
hugsum til afa. Hann eyddi mörgum
stundum í fótbolta úti í garði þar sem
hann kynnti okkur sem ungum börn-
um fyrir knattspyrnunni. Eftir að
glæstum knattspyrnuferli afa Venna
lauk fann hann okkur önnur verkefni,
svo sem að aðstoða hann við slátt og
mála grindverkið. Okkur þótti það
sérlega skemmtilegt, því þar var um
ábyrgðarmikið verk að ræða. Hann
gaf sér alltaf góðan tíma í allt það sem
sneri að verklegum framkvæmdum
og kynnti okkur fyrir vönduðum
vinnubrögðum.
Í okkar augum var afi Venni sterk-
asti maður í heimi. Meira að segja svo
sterkur að við trúðum því að hann
gæti lyft jörðinni með einu handtaki.
Enda var hann sterkbyggður maður
og þrátt fyrir líkamlega erfiðleika þá
kenndi hann sér aldrei nokkurs
meins.
Einn dagur með afa er okkur sér-
lega minnisstæður. Afi var þá einn
heima með okkur og var komið að
kaffitíma. Ætlaði afi þá að bjóða okk-
ur upp á appelsín að drekka og dró
fram flöskuna úr ísskápnum. Við
krakkarnir vorum í hrókasamræðum
við eldhúsborðið þegar afi spyr okkur
hvort ekki þurfi að hrista þetta áður
en flaskan sé opnuð. Hiklaust svör-
uðum við spurningunni játandi og afi
hóf þá að hrista flöskuna vel og lengi.
Eftir duglegan hristing var tappinn
tekinn af flöskunni og það skipti eng-
um togum að innihaldið sprautaðist
um allt eldhús og yfir okkur öll. Og
var þá mikið hlegið og trúlega hló afi
mest. Því það var aldrei langt í grínið
og hláturinn hjá afa Venna. Oft urð-
um við vitni að því þegar hann veltist
um af hlátri yfir sögum gestanna sem
bönkuðu upp á á Hörðuvöllum 4.
Elsku afi, við þökkum þér fyrir all-
ar góðu stundirnar sem við áttum
saman. Þú varst ekki bara afi okkar
heldur einnig okkar besti vinur og fé-
lagi.
Randver Kári og Íris Anna
Randversbörn.
Afi Venni var okkur afar kær. Við
systkinin nutum þess sérstaklega, á
yngri árum að koma til Íslands, koma
á Hörðuvellina til afa þar sem hann
tók fagnandi á móti okkur með sínu
breiða og fallega brosi. Það var alltaf
gott að vera nálægt honum. Þeir sem
voru svo lánsamir að kynnast afa,
glettni hans og léttu hjarta nutu sín í
návist hans og brosblikið í augunum
mun lifa í minningu okkar.
Við eigum okkar bestu og
skemmtilegustu minningar um afa
þegar hann sinnti garðinum þeirra
ömmu. Myndin í hugum okkar af
honum, hallandi sér upp að grind-
verkinu og veifandi til okkar þar sem
við lékum okkur í næsta nágrenni,
mun ávallt fylgja okkur.
Við elskum þig afi, það er gott að
vita að þú ert kominn á betri stað eft-
ir erfið veikindi og við munum hittast
þar síðar. Guð blessi þig, afi Venni.
Ómar, Rakel og Róbert.
Björgvin Anton
Jónsson
✝
Elsku móðir mín, tengdamóðir, amma og
langamma,
GUÐBJÖRG VALDEMARSDÓTTIR,
lést á dvalarheimilinu Hlíð, Akureyri, fimmtudaginn
20. mars.
Jarðarförin auglýst síðar.
Valdemar Valdemarsson,
Helga Ingólfsdóttir
og fjölskylda.
✝
Elskuleg móðir okkar,
SIGRÍÐUR SIGURÐARDÓTTIR
frá Merkigili, Skagafirði,
Heiðarbrún 69,
Hveragerði,
lést föstudaginn 21. mars.
Snorri Egilson, Þórunn Ragnarsdóttir,
Elín Egilson, Guðmundur Torfason,
Brynhildur Egilson.
✝
Ástkær sonur okkar, faðir, bróðir og unnusti,
ÓLAFUR SÍMON AÐALSTEINSSON,
Hátúni 6,
Álftanesi,
sem lést af slysförum föstudaginn 21. mars, verður
jarðsunginn frá Bessastaðakirkju föstudaginn
28. mars kl. 15.00.
Aðalsteinn Símonarson, Guðný Ólafsdóttir,
Kári Freyr Ólafsson,
Tryggvi Þór Aðalsteinsson,
Pétur Ingi Aðalsteinsson,
Heiða Sigrún Guðmundsdóttir.
✝
Systir mín,
ERLA ÁGÚSTSDÓTTIR
fv. flugfreyja,
Grænuhlíð 12,
lést á hjúkrunarheimilinu Skógarbæ fimmtudaginn
20. mars.
Útför hennar auglýst síðar.
Fyrir hönd aðstandenda,
Jóhann Ágústsson.
✝
Ástkær eiginmaður minn, faðir, tengdafaðir,
afi og langafi,
ÁSGEIR KRISTINSSON
frá Höfða,
Stórasvæði 4,
Grenivík,
lést á Landspítala við Fossvog fimmtudaginn
20. mars. Útförin verður auglýst síðar.
Elísa Friðrika Ingólfsdóttir,
Heimir Ásgeirsson, Ólöf Bryndís Hjartardóttir,
Ingólfur Kristinn Ásgeirsson, Álfheiður Karlsdóttir,
afa- og langafabörn.
✝
Elskuleg móðir mín, tengdamóðir og amma,
LILJA VILMUNDARDÓTTIR,
Aflagranda 40,
Reykjavík,
lést á Landspítala Landakoti að morgni þriðju-
dagsins 25. mars.
Útförin auglýst síðar.
Einar Þór Jónsson, Vilborg Ólafsdóttir
og barnabörn.
✝
Ástkær móðir okkar, tengdamóðir, amma og lang-
amma,
HULDA KRISTINSDÓTTIR,
Skarðshlíð 6d,
Akureyri,
andaðist miðvikudaginn 19. mars á Fjórðungs-
sjúkrahúsinu á Akureyri.
Jarðsungið verður frá Akureyrarkirkju föstudaginn
4. apríl kl. 13.30.
Kristinn Ásgeirsson, Þórunn Ingólfsdóttir,
Aðalheiður Björk Ásgeirsdóttir, Jóhann Hauksson,
Harpa Dögg Kristinsdóttir, Eiríkur Stefán Ásgeirsson,
Elvar Örn Kristinsson, Tina Paic,
Ásgeir Jóhannsson,
Jóhann Ari Jóhannsson, Anna Sæunn Ólafsdóttir,
Ásgeir Bjarni Eiríksson.