Morgunblaðið - 21.05.2008, Síða 12

12 MIÐVIKUDAGUR 21. MAÍ 2008 MORGUNBLAÐIÐ
Fagradal | Þegar Ástbjörg
Lilja Erlendsdóttir var að
borða morgunverðinn
ásamt afa sínum og ömmu
í hjólhýsinu í Mýrdalnum
um helgina fengu þau
óvænta heimsókn. Allt í
einu stóð ærin Fönn ásamt
gimbrunum sínum og
jarmaði fyrir utan
gluggann. Fönn er afar
sólgin í brauð og rann á
lyktina. Auðvitað var
henni gefinn góður
skammtur af brauði sem
hún innbyrti af mikilli
ánægju. Morgunblaðið/Jónas Erlendsson
Morgunmatur í Mýrdalnum
RÁÐSTEFNA
þar sem sam-
starf skóla og
stofnana sem
annast kennara-
menntun verður
í brennidepli
hefst í dag, mið-
vikudag kl. 17.
Einnig verður
fjallað um tengsl kennaramennt-
unar og skólaþróunar frá ýmsum
sjónarhornum allt til laugardags.
Ráðstefnuna sækja þátttakendur
frá öllum Norðurlöndunum, rösk-
lega 370 manns af öllum skólastig-
um.
Kennaraháskóli Íslands stendur
fyrir ráðstefnunni nú í tilefni af
100 ára afmæli skólans. Slíkar nor-
rænar ráðstefnur hafa verið haldn-
ar annað hvert ár. Landsbankinn
er bakhjarl ráðstefnunnar og
styrkir hana veglega. Í undirbún-
ingsnefnd KHÍ fyrir ráðstefnuna
eru Kristín Jónsdóttir, formaður,
Gunnhildur Óskarsdóttir, Þórunn
Erna Jessen og Þuríður Jóhanns-
dóttir. Dagskráin er birt á vef ráð-
stefnunnar www.yourhost.is/
khi2008 Ráðstefnan er fjöltyngd og
fyrirlestrar og erindi á málstofum
ýmist á ensku eða skandinavískum
málum.
Norræn ráð-
stefna í KHÍ
STOFNUN fræðasetra Háskóla Íslands heldur ársfund
sinn í dag, miðvikudag, undir yfirskriftinni „Háskóli Ís-
lands – háskóli allra landsmanna“. Ársfundurinn verður
á Háskólatorgi og stendur frá kl. 9:30 til 15:30.
Markmið stofnunarinnar er m.a. að skapa aðstöðu til
rannsókna um allt land og starfrækir hún rannsókna- og
fræðasetur á Hornafirði, Hveragerði, Snæfellsnesi,
Sandgerði, Bolungarvík, Vestmannaeyjum, Húsavík og á Egilsstöðum.
Á ársfundinum kynna fræðimenn við setrin fjölbreyttar rannsóknir sín-
ar í stuttum erindum. Meðal þess sem sagt verður frá má nefna hleranir á
samtölum hvala, efasemdir um hreinleika íslenskrar náttúru, landsbyggð á
tímamótum og margt fleira. Þá flytur Frank Rennie, prófessor við Háskóla
hálanda og eyja í Skotlandi, erindið „Why bother about Rural“, þar sem
hann fjallar um m.a. fjölbreytta vaxtarmöguleika og lífsgæði í dreifbýli
framtíðarinnar.
Ársfundur fræðasetra
LISTFÉLAG Grafarvogssóknar
verður stofnað á morgun, fimmtu-
dag kl. 20, í Grafarvogskirkju.
Nemar úr Tónskóla Grafarvogs
leika og rithöfundarnir Ísak Harð-
arson og Vilborg Dagbjartsdóttir
flytja trúarljóð.
Uppstillingarnefnd hefur gert til-
lögu um eftirtalin í stjórn: Einar
Már Guðmundsson rithöfundur,
formaður, Arnþrúður Ösp Karls-
dóttir textílhönnuður, Aðalsteinn
Ingólfsson listfræðingur, Guðbjörg
Lind Jónsdóttir myndlistamaður og
Kristín Marja Baldursdóttir, rithöf-
undur. Í varastjórn: Pálmi Gestsson
leikari og Sigmundur Ernir Rún-
arsson ritstjóri.
Listfélag stofnað
í Grafarvoginum
ANNA Margrét Elíasdóttir garð-
yrkjufræðingur verður með leið-
sögn um lyngrósir í Grasagarði
Reykjavíkur á morgun, fimmtudag.
Leiðsögnin hefst kl. 20 við Lauga-
tungu, fyrsta hús til hægri frá aðal-
inngangi. Lyngrósir eru breyti-
legur og tegundaauðugur hópur
plantna af lyngætt. Þær eiga það
sameiginlegt að vera bæði blómrík-
ar og litskrúðugar. Farið verður í
gróðurhús þar sem sagt verður frá
uppeldi á fræplöntum.
Lyngrósir skoð-
aðar í Grasagarði
STUTT ÚR VERINU
FIMM starfsnemar halda á næst-
unni til fimm mánaða dvalar í sam-
starfslöndum Íslendinga í þróun-
arsamvinnu. Þeir voru ráðnir úr hópi
rúmlega 150 umsækjenda um stöð-
urnar. Á þessu tímabili, frá júlí til
desember, fá starfsnemarnir tæki-
færi til að kynnast starfsemi Þróun-
arsamvinnustofnunar á vettvangi.
Nemarnir sem valdir voru til starfa
að þessu sinni eru, frá vinstri á
myndinni): Þóra Bjarnadóttir, MA
nemi í þróunarfræði, sem fer til Ník-
aragva, Katrín Magnúsdóttir, MA
nemi í mannfræði, verður í Namibíu,
Guðrún Birna Jóhannsdóttir, MA
nemi í þróunarfræðum og alþjóða-
samskiptum, fer til Úganda, Ásdís
Bjarnadóttir, MSc í þróunarfræðum,
heldur til Malaví, og Nanna Rún Ás-
geirsdóttir, MA nemi í alþjóða-
samskiptum, verður í Mósambík.
Nemar til þróunarlanda
„ÞETTA hefur gengið nokkuð vel
hjá bátunum. Sá hæsti er með 140
tonn af söltuðum hrognum,“ segir
Haraldur Ingólfsson grásleppukarl
á Drangsnesi og formaður Smá-
bátafélagsins Stranda.
Fyrstu bátarnir á Ströndum hófu
grásleppuveiðar upp úr miðjum
mars. Lentu menn í brælum í mars
og fram í apríl, að sögn Haralds.
Hann segir að eintóm blíða hafi
verið að undanförnu. Haraldur
byrjaði á grásleppunni 5. apríl og
hættir næstkomandi sunnudag,
þegar fimmtíu daga tímabilinu lýk-
ur. „Við erum komin með góð níu
tonn af sulli,“ segir Haraldur.
Margir gera út á grásleppu á
Ströndum í vor og hefur þeim
fjölgað vegna hækkunar á verði af-
urðanna. „Það koma margir brott-
fluttir norður til að róa á gráslepp-
una. Maður verður að fara á
grásleppu til að fá tilfinningu fyrir
vorinu,“ segir Haraldur sem tekur
upp þráðinn þar sem frá var horfið
fyrir fimmtíu dögum og fer til línu-
veiða um leið og grásleppuvertíð-
inni lýkur.
Mest saltað á Raufarhöfn
Fram kemur á vef Landssam-
bands smábátaeigenda að í byrjun
vikunnar var búið að salta í hátt í
átta þúsund tunnur sem er þúsund
tunnum meira en síðasta vertíð gaf
af sér. Mest hefur aflast á Norður-
og Norðausturlandi en þar er ver-
tíðin nú langt komin og farið að
draga úr veiði.
Saltað hefur verið í flestar tunn-
ur á Raufarhöfn sem náð hefur
1000 tunna markinu. Einnig hefur
mikið verið saltað á Vopnafirði,
Siglufirði, Bakkafirði, Drangsnesi
og Húsavík.
Verð er misjafnt á milli staða en
hefur alls staðar hækkað mikið frá
síðasta ári. Þannig segir Haraldur
á Drangsnesi að nú sé verið að
borga 60 til 70 þúsund kónur fyrir
tunnuna sem sé nærri helmingi
meira en menn fengu á síðustu ver-
tíð.
Fær tilfinningu fyrir
vorinu á grásleppunni
Búið að salta í hátt
í átta þúsund tunn-
ur af hrognum
„VIÐ komum fólki í gírinn fyrir
sjómannadaginn, hjálpum til við að
skapa stemmninguna,“ segir Rósa
Signý Baldursdóttir sem skipulagt
hefur söngdagskrána „Óskalög
sjómanna“ fimmtudaginn fyrir sjó-
mannadaginn. Skemmtunin er nú
haldin í fjórða skiptið, að þessu
sinni í Eldborg í Svartsengi.
Efnt er til dagskrárinnar til
heiðurs íslenska sjómanninum og
fjölskyldu hans. Hljómsveitin Með-
byr flytur gömul og sígild sjó-
mannalög, að vanda. Að þessu
sinni kemur einnig fram sönghóp-
urinn Stigamenn úr Grindavík og
tekur lagið. Þá mun Mjöll Hólm
söngkona syngja með hljómsveit-
inni, meðal annars lagið „Jón er
kominn heim“ sem hún gerði
frægt árið 1971, meðal annars í
gegnum útvarpsþáttinn Óskalög
sjómanna.
Fékk strax meðbyr
Söngdagskráin fékk strax með-
byr þegar hún var fyrst haldin,
fyrir fjórum árum og því fékk
hljómsveitin sem að henni stendur
þetta heiti. „Óskalög sjómanna“
hefur verið nánast eina verkefni
hljómsveitarinnar á þessum tíma
og verða því fagnaðarfundir á
hverju ári þegar sjómannadag-
urinn nálgast. Í hljómsveitinni eru,
auk Rósu, þau Dagbjartur Will-
ardsson, Inga Björk Runólfsdóttir,
Inga Þórðardóttir, Björn Erlings-
son, Einar Friðgeir Björnsson,
Halldór Lárusson og Þröstur
Harðarson.
„Þetta var mitt hugarfóstur í
skammdeginu 2005. Ég var svo
heppin að hafa fólk í kringum mig
sem hvatti mig áfram. Svo er allt-
af betra að gera hlutina sjálfur í
stað þess að bíða eftir öðrum,“
segir Rósa um tilurð dagskrár-
innar.
Skemmtunin verður á fimmtu-
dagskvöldið í næstu viku. Forsala
aðgöngumiða verður í versluninni
Aðalbraut í Grindavík nk. mánu-
dag, kl. 20 til 21. Þá geta áhuga-
samir pantað sér mat fyrir
skemmtunina í Eldborg.
Haldin er vegleg sjómannahátíð
í Grindavík um sjómannadagshelg-
ina, Sjóarinn síkáti, sem stendur
frá föstudegi og fram á sunnudag.
Komum fólki í gírinn
fyrir sjómannadaginn
Í góðum gír Hljómsveitin Meðbyr undirbýr sig, fv. Dagbjartur, Rósa Signý,
Inga Björk, Inga, Björn, Halldór, Þröstur og Einar Friðgeir.
GRÁSLEPPUVERTÍÐIN í Stykk-
ishólmi er hafin. Bátar sigldu út
sléttan Breiðafjörðinn í gærmorgun
hver í kapp við annan og klukkan 8
máttu fyrstu netin fara í sjó.
Grásleppuvertíðin hefst mjög
seint í innarlegum Breiðafirði, þar
sem samkomulag hefur verið á milli
hagsmunaaðila um friðun á meðan
æðarfuglinn er að setjast upp í eyj-
arnar til að verpa.
Stykkishólmur hefur verið einn af
þeim stöðum sem tekið hafa á móti
hvað mestum afla í gegnum tíðina.
Meiri áhugi
Alls hafa verið gefin út leyfi til 17
báta í Hólminum til grásleppuveiða.
Flestir grásleppukarlar voru til-
búnir í slaginn í gær og biðu eftir
því að flautað væri til leiks. Í ár
stunda mun fleiri karlar veiðar en í
fyrra. Þá voru gerðir héðan út um
10 bátar. Aukinn áhugi nú stafar af
hækkandi verði á grásleppuhrogn-
um.
Karlarnir á bryggjunni voru
bjartsýnir í byrjun vertíðar. Geng-
islækkun síðustu mánuði er að skila
sér til þeirra í hærra verði. Flestir
þeirra eru komir í föst viðskipti hjá
kaupendum.
Þegar þeir voru spurðir hvort
þeim reyndist erfitt að finna stæði
fyrir netin þegar bátum fjölgaði svo,
sögðu þeir að það væri ekkert að
óttast. „Breiðafjörðurinn er stór,
eyjarnar margar og grynningar, svo
að víða er hægt að vera. En vissu-
lega eru sumir staðir betri en aðrir
og þangað förum við strax og reyn-
um að vera fyrstir,“ sögðu grá-
sleppukarlanir á bryggjunni er þeir
voru að spjalla saman og spá í spilin.
Morgunblaðið/Gunnlaugur Árnason
Spáð og spekúlerað Hrannar Pétursson hafnarvörður á spjalli við grá-
sleppukarlana Björn Ásgeirsson, Jóhann Kúld Björnsson og Þröst Auð-
unsson en þeir voru meðal fyrstu manna til að leggja netin í gærmorgun.
Við reynum að
verða fyrstir