Morgunblaðið - 21.05.2008, Page 21

MORGUNBLAÐIÐ MIÐVIKUDAGUR 21. MAÍ 2008 21
 Hversu algeng er einhverfa?
 Hverjir eru helstu flokkar einhverfurófsins?
 Valda bólusetningar einhverfu?
 Er einhverfa í genunum?
 Hvers vegna vill barnið mitt ekki horfast í augu við mig?
 Hvernig get ég hjálpað ættingjum mínum að meðtaka greininguna?
 Skilar lyfjagjöf árangri fyrir börn með einhverfu?
 Hvernig útskýri ég einhverfu fyrir systkinum barnsins míns?
 Hvernig beiti ég barnið mitt viðeigandi aga?
 Hvað þarf að hafa í huga þegar barnið leikur sér með öðrum börnum?
Spurningar úr bókinni
Pétur Stefánsson velti því fyrirsér hvort hann væri orðinn af-
brýðisamur út í „hundspottið“ sem
hann gaf konunni.
Grær og dafnar gremjustund,
gengur fátt að vonum;
eiginkonan eignaðist hund
og er að strjúka honum.
Bjarni Stefán Konráðsson sendi
Pétri uppörvunarorð:
Illa hundandskotinn lætur
og engar á frúin sér bætur.
En prófaðu bara
Pétur að fara
niður á fjóra fætur.
Þá Hreiðar Karlsson:
Í þá stöðu er raun að rata,
raun að vita heyra og sjá.
Meðan konan klappar Snata
karlinn fær að horfa á.
Og Hálfdan Ármann Björnsson:
Ástandið er ekkert grín,
en ótækt að þið jagist.
Settu upp hundshaus, heillin mín,
þá held ég þetta lagist!
Loks Benedikt Jónsson:
Geðvonskan lekur af greppi,
gremja úr augunum skín.
„Mér finnst þú sætari seppi,“
segir því angurvær hlín.
pebl@mbl.is
VÍSNAHORN
Af afbrýðissemi,
eiginkonu og hundi
ilvægt að kennarar fái leiðsögn um
einhverfu og Eiríkur telur Bókina
um einhverfu geta gefið þeim góða
innsýn inn í heim þessarar þroska-
hömlunar.
Eitt skref í einu
Nú þegar hafa allir félagsmenn
Umsjónarfélags einhverfra fengið
Bókina um einhverfu að gjöf, en í
framtíðinni mun félagið gefa öllum
foreldrum nýgreindra barna á ein-
hverfurófinu bókina til að hjálpa
þeim fyrstu sporin. „Því víðar sem
bókin fer og því fleiri sem glugga í
hana, þeim mun meiri verður skiln-
ingurinn og því betra verður við-
horfið gagnvart einstaklingum með
einhverfu.“
„Síðasta spurning bókarinnar er
jafnvel sú ánægjulegasta,“ lýsir Ei-
ríkur. „Hún er sú hvort barnið geti
átt ánægjulega og innihaldsríka
ævi? Svarið er náttúrulega já – en
með sömu takmörkunum og gilda
um öll önnur börn. Barnið mun
hefja sína eigin vegferð og stefna
inn í framtíðina með einu skrefi í
einu. Þessi bók ætti að geta hjálpað
mjög mörgum við að styðja börn
með einhverfu í þeirri vegferð.“
valaosk@gmail.com
Á ferðalagi Í heimsókn hjá góðum kunningja í Flórída. Eiríkur Þorláks-
son, Alma Eiríksdóttir og Shrek.
Umsjónarfélag einhverfra heldur
reglulega fræðslufundi allan vet-
urinn. Einnig starfa ýmsir um-
ræðuhópar hjá félaginu, bæði fyrir
einstaklinga á einhverfurófinu
sem og foreldra barna með ein-
hverfu.
www.einhverfa.is
UM það bil þrír fjórðu þeirra sem eiga við geðræn
vandamál að stríða, eru orðnir peningalausir í lok
hverrar viku og þar af leiðandi margir jafnvel mat-
arlitlir. Frá þessu er sagt á vefmiðli BBC og vitnað
til rannsóknar sem gerð var á vegum breska góð-
gerðarfélagsins The Charity Mind.
Mikill meirihluti þeirra sem tóku þátt í rannsókn-
inni, eða 91%, sögðu að skuldastaðan hefði slæm
áhrif á heilsu þeirra. Staðreyndin er sú að þeir sem
eiga við geðræn vandamál að stríða eru þrefalt lík-
legri til að lenda í peningavandræðum en aðrir.
Tveir þriðju þeirra sem rannsóknin náði yfir, höfðu
ekki viljað segja lánardrottnum sínum frá geðrænum
erfiðleikum sínum. Í þeim tilvikum sem fólk hafði lát-
ið vita af veikindum sínum, hafði mikill meirihluti
þeirra samt sem áður orðið fyrir þeirri reynslu að
bankar og aðrir lánardrottnar hefðu gengið hart á
eftir skuldunum, sem svo aftur hafði slæm áhrif á
hina veiku.
Bankar ekki heilbrigðisstofnanir
Góðgerðarfélagið vill að bankar taki meira tillit til
aðstæðna þeirra sem eiga við geðræn vandamál að
stríða. Fulltrúar bankanna segjast hafa sérshæft
starfsfólk til að hjálpa geðfötluðum með sín fjármál.
Bankarnir taka hins vegar jafnframt fram að þeir séu
ekki heilbrigðisstofnanir og geti ekki staðið í því að
greina sjúkdóma viðskiptavina sinna. Þar sem geð-
ræn vandamál geti stundum farið mjög leynt sé ekki
gott að ráða við málin ef viðkomandi lætur ekki vita
af sínum vanda. Bankarnir segja að þegar vitað sé að
viðskiptavinir þeirra séu ekki færir um að sjá um sín
fjármál fái þeir sérstaka aðstoð til þess.
Þeir sem eiga við geðræn vandamál að stríða, eiga
margir hverjir erfiðara en aðrir með að höndla sín
peningamál og því er full ástæða til að skoða þessi
mál betur. Auk þess geta miklar fjárhagsáhyggjur
leitt til depurðar og jafnvel örvæntingar hjá þeim
sem eru veikir fyrir. Því er áríðandi að bankar og
aðrir lánadrottnar hafi sérhæft starfsfólk til að að-
stoða fólk með slíkan vanda. Eins er þörf á að heil-
brigðisstarfsfólk ráðleggi sjúklingum sínum í þessum
málum og hvetji þá til að láta bankana vita um vanda
sinn. Allir þurfa að leggjast á eitt.
Auraleysið fylgifiskur
geðsjúkdóma
Reuters
Peningar Þeir sem eiga við geðræn vandamál að stríða
eiga oft erfiðara með að höndla fjármálin en aðrir.
Óðinn í höfn
Aðalfundur
Hollvinasamtök varðskipsins Óðins boða til aðalfundar fimmtudaginn 22.
maí nk. kl. 17.00 í Víkinni – sjóminjasafninu í Reykjavík, Grandagarði 8.
Fundarefni: Venjuleg aðalfundarstörf.
Hollvinir Óðins eru hvattir til að mæta og aðrir sem vilja stuðla að varðveislu
þessa sögufræga skips.
Varðskipið Óðinn tók þátt í fjölda björgunarleiðangra við Íslandsstrendur og í
þorskastríðunum þegar landhelgin var færð út í 50 mílur og síðar 200 mílur.
Óðinn er því sögulegt tákn um sigur lítillar eyþjóðar yfir heimsveldi Breta.
Varðskipið Óðinn er safngripur sem vert
er að varðveita sem merkan hluta af sögu okkar!
Stjórn Hollvinasamtaka varðskipsins Óðins.